https://www.facebook.com/534052113128761/

Oda e Inxhinierëve të Republikë së Kosovës

Home
Kosovo
Pristina
Oda e Inxhinierëve të Republikë së Kosovës

Të informoj inxhinierët dhe gjithë të interesuarve tjerë lidhur me aktivitetet e Odës së Inxhinierëve

23/10/2026

NJOFTIM PËR ANËTARËT E OIRK-së

Njohja e pikëve kredituese për Edukimin e Vazhdueshëm Profesional (EVP)

Oda e Inxhinierëve të Republikës së Kosovës (OIRK) njofton anëtarët e saj se, përveç aktiviteteve të organizuara nga Oda sipas programit vjetor, mund të njihen pikë kredituese EVP edhe për pjesëmarrje në trajnime, konferenca shkencore, seminare dhe aktivitete të tjera profesionale të organizuara nga institucione të tjera, brenda dhe jashtë vendit.

Inxhinierët e licencuar mund të zgjedhin lirshëm aktivitetet profesionale që dëshirojnë të ndjekin, në përputhje me interesat dhe fushën e tyre të licencimit.

Për njohjen e pikëve kredituese, anëtarët mund të paraqesin kërkesë pranë OIRK-së, duke bashkëngjitur certifikatën e pjesëmarrjes dhe programin e aktivitetit. Temat e ndjekura duhet të jenë në përputhje me fushën profesionale për të cilën inxhinieri është i licencuar. Kërkesat shqyrtohen nga Bordi Drejtues, i cili vendos për njohjen e pikëve në përputhje me Rregulloren për Edukimin e Vazhdueshëm Profesional.

Në kuadër të bashkëpunimit për zhvillimin profesional, OIRK aktualisht ka marrëveshje dhe memorandume bashkëpunimi me këto institucione:

Universiteti i Prishtinës “Hasan Prishtina” – Fakulteti i Inxhinierisë së Ndërtimit;

Universiteti i Prishtinës “Hasan Prishtina” – Fakulteti i Inxhinierisë Mekanike;

Universiteti “Isa Boletini” në Mitrovicë – Fakulteti i Inxhinierisë Mekanike dhe Kompjuterike;

Kolegji UBT, përfshirë Fakultetin e Inxhinierisë Ndërtimore dhe Infrastrukturës dhe Fakultetin e Inxhinierisë së Energjisë;

Oda e Arkitektëve dhe Inxhinierëve të Autorizuar të Maqedonisë së Veriut.

OIRK mbetet e hapur për bashkëpunim dhe lidhjen e marrëveshjeve edhe me institucione të tjera të akredituara dhe organizata profesionale, duke siguruar trajtim të barabartë dhe pa favorizuar asnjë ofrues të aktiviteteve profesionale.

Oda e Inxhinierëve të Republikës së Kosovës (OIRK)

19/10/2026

Kryetari i Odës së Inxhinierëve të Republikës së Kosovës (OIRK), Arsim Rapuca, i shoqëruar nga dy anëtarë të Bordit Drejtues, zhvilloi sot një takim me Ministren e Mjedisit dhe Planifikimit Hapësinor, znj. Fitore Pacolli, dhe një pjesë të kabinetit të saj.

Në takim u diskutua për fuqizimin e rolit të inxhinierëve, mbikëqyrjen e detyrueshme profesionale, respektimin e licencave dhe kompetencave, sigurinë në vendpunishte, si dhe reformën e Ligjit për Ndërtim dhe përfshirjen e OIRK-së në proceset legjislative.

U trajtuan gjithashtu respektimi i procedurave ligjore në investimet publike, standardizimi i dokumentacionit projektues, zhvillimi i vazhdueshëm profesional dhe harmonizimi me standardet evropiane.

Theks i veçantë iu kushtua forcimit të bashkëpunimit ndërinstitucional për zbatimin e plotë të legjislacionit, respektimin e standardeve profesionale dhe zbatimin e procedurave disiplinore ndaj inxhinierëve të licencuar që shkelin ligjin dhe rregullat e profesionit.

Siguria publike, përgjegjësia profesionale dhe cilësia në ndërtim mbeten prioritete të OIRK-së.

16/10/2026

OIRK pjesëmarrëse në ceremoninë përmbyllëse të Pakos së Mbështetjes për Energjinë në Kosovë 🇽🇰🇪🇺

Oda e Inxhinierëve e Republikës së Kosovës (OIRK) mori pjesë në ceremoninë përmbyllëse të Pakos së Mbështetjes për Energjinë, të financuar nga Bashkimi Evropian dhe të organizuar nga Fondi i Kosovës për Efiçiencë të Energjisë (FKEE).

Në këtë ngjarje, në prani të përfaqësuesve të institucioneve vendore, Bashkimit Evropian dhe partnerëve ndërkombëtarë, u prezantuan rezultatet dhe ndikimi i investimeve në efiçiencën energjetike në Kosovë.

OIRK thekson rolin thelbësor të inxhinierëve në projektimin, zbatimin dhe mbikëqyrjen e këtyre investimeve, duke vlerësuar rëndësinë e ekspertizës profesionale dhe zbatimit të standardeve inxhinierike për një zhvillim energjetik të qëndrueshëm.

15/10/2026

OIRK pjesëmarrëse në Simpoziumin Ndërkombëtar “Vizioni Hapësinor i Kosovës 2050”

Sot, më 15 tetor 2026, Oda e Inxhinierëve e Republikës së Kosovës (OIRK) mori pjesë në Simpoziumin Ndërkombëtar “Vizioni Hapësinor i Kosovës 2050”, të organizuar nga Ministria e Mjedisit dhe Planifikimit Hapësinor, me mbështetjen e partnerëve ndërkombëtarë.

OIRK vlerëson rëndësinë e këtij procesi dhe thekson se planifikimi hapësinor kërkon një qasje ndërdisiplinore, ku krahas arkitektëve dhe urbanistëve, rol thelbësor kanë edhe inxhinierët e fushave të ndryshme.

Përfshirja e ekspertizës inxhinierike është e domosdoshme që vizioni për zhvillimin e Kosovës të mbështetet në analiza teknike, vlerësim të rreziqeve dhe zgjidhje të sigurta e të qëndrueshme.

OIRK mbetet e përkushtuar të kontribuojë aktivisht, përmes ekspertizës së anëtarëve të saj, në hartimin dhe zbatimin e politikave dhe planeve që ndikojnë në zhvillimin hapësinor dhe infrastrukturor të Kosovës.

29/09/2026

🌍 Mundësi të reja për inxhinierët e Kosovës përmes Marrëveshjes Kosovë–EFTA

Kryetari i Odës së Inxhinierëve të Republikës së Kosovës (OIRK) mori pjesë në sesionin informues të organizuar nga Ministria e Industrisë, Ndërmarrësisë, Tregtisë dhe Inovacionit, kushtuar hyrjes në fuqi të Marrëveshjes së Tregtisë së Lirë Kosovë–EFTA, që përfshin Zvicrën, Norvegjinë, Islandën dhe Lihtenshtajnin.

Për OIRK-në, rëndësi të veçantë ka fakti se marrëveshja nuk kufizohet vetëm në tregtinë e mallrave, por hap mundësi edhe për tregtinë e shërbimeve profesionale dhe inxhinierike.

Me interes të veçantë për inxhinierët e Kosovës është korniza për njohjen e kualifikimeve profesionale, përvojës, licencave dhe certifikimeve, duke krijuar bazë për avancimin e njohjes së licencave profesionale dhe për qasje më të gjerë në tregjet e vendeve të EFTA-s.

Kjo marrëveshje mund të hapë rrugë të reja për bashkëpunim profesional, ofrim të shërbimeve inxhinierike dhe integrim më të madh në tregjet ndërkombëtare.

OIRK do ta përcjellë nga afër zbatimin e marrëveshjes dhe mundësitë konkrete që ajo krijon për anëtarësinë e saj.

Falënderojmë Ministrinë e Industrisë, Ndërmarrësisë, Tregtisë dhe Inovacionit për ftesën dhe organizimin e këtij sesioni informues.

25/09/2026

OIRK priti në takim përfaqësues të Autoritetit të Konkurrencës të Republikës së Kosovës

Sot, Oda e Inxhinierëve të Republikës së Kosovës (OIRK) priti në takim përfaqësues të Autoritetit të Konkurrencës të Republikës së Kosovës, me të cilët u diskutua Projekt-Rezoluta e OIRK-së për kategorizimin e ndërtimeve, çmimet mesatare referente në ndërtim dhe çmimet minimale referente të shërbimeve arkitektonike dhe inxhinierike.

Rezoluta synon krijimin e një baze profesionale, transparente dhe të krahasueshme për vlerësimin dhe planifikimin e kostove, duke ruajtur karakterin orientues të çmimeve dhe konkurrencën e lirë në treg.

Gjatë takimit u dakordua për vazhdimin dhe avancimin e bashkëpunimit ndërinstitucional, si dhe për formalizimin e tij përmes një Memorandumi Bashkëpunimi. Në këtë drejtim, së shpejti pritet të organizohet edhe një takim me Drejtorin e Përgjithshëm të Autoritetit të Konkurrencës të Republikës së Kosovës.

21/09/2026

NJOFTIM PËR ANËTARËSINË

Të nderuar anëtarë,

Duke marrë parasysh interesimin tuaj për aktivitetet e Edukimit të Vazhdueshëm Profesional (EVP) të planifikuara për fazën e dytë të këtij viti, ju njoftojmë se aktivitetet e sezonit vjeshtor, të parapara të fillojnë nga fundi i muajit shtator, shtyhen përkohësisht deri në njoftimin e radhës, për shkak të pamundësisë aktuale financiare për organizimin dhe realizimin e tyre.

Sipas Nenit 41 dhe Nenit 42 të Ligjit Nr. 08/L-012 për Odat e Arkitektëve dhe Inxhinierëve në Fushën e Ndërtimit, gjatë periudhës së përkohshme trevjeçare Ministria e mbështet financiarisht Odën në formë të grantit. Në të njëjtën kohë, të hyrat vetanake të Odës nga anëtarësia, licencimi dhe shërbimet tjera deponohen në nënllogarinë e hapur nga Thesari dhe ruhen deri në kalimin e Odës në pavarësi të plotë financiare, sipas procedurave të përcaktuara me ligj.

Meqenëse Memorandumi për grantin e vitit 2026 ndërmjet OIRK-së dhe MMPH-së ende nuk është nënshkruar, OIRK është e detyruar që përkohësisht të rishikojë kalendarin e aktiviteteve të planifikuara të EVP-së. Menjëherë pas përfundimit të procedurave të financimit, anëtarësia do të njoftohet me kohë për datat e reja dhe vazhdimin e programit.

Ju falënderojmë për mirëkuptimin dhe interesimin e vazhdueshëm.

07/09/2026

OIRK pjesë e procesit të rishikimit të Normave Teknike të Planifikimit Hapësinor

Oda e Inxhinierëve e Republikës së Kosovës, përmes Kryetarit Arsim Rapuca, mori pjesë në punëtorinë për rishikimin e Udhëzimit Administrativ MMPH-Nr. 08/2017 për Normat Teknike të Planifikimit Hapësinor, organizuar nga Ministria e Mjedisit dhe Planifikimit Hapësinor me mbështetjen e GIZ Kosova.

Gjatë diskutimit, OIRK ngriti çështjen e përcaktimit më të qartë të analizave inxhinierike të detyrueshme gjatë hartimit të planeve, përfshirë analizat e terrenit, ujërave nëntokësore, rrëshqitjeve, përmbytjeve dhe rreziqeve të tjera, si dhe përfshirjen e profesionistëve të licencuar të fushave përkatëse.

Sipas ekspertëve të angazhuar në proces, këto kërkesa do të specifikohen më hollësisht në dokumentin plotësues, ndërsa për përmbajtjen e tij do të merren edhe opinionet dhe kontributet e grupeve punuese profesionale.

OIRK do të vazhdojë të kontribuojë që, aty ku inxhinieria është e domosdoshme, analizat dhe kërkesat teknike të jenë pjesë e qartë dhe e integruar e dokumenteve të planifikimit hapësinor.

04/09/2026

Sot, delegacioni i Odës së Inxhinierëve të Republikës së Kosovës, i prirë nga Kryetari i Odës, zhvilloi takim me përfaqësuesit e MCA Kosovo, ku u diskutua lidhur me zbatimin e projektit të ruajtjes së energjisë (BESS) në Kosovë.

Në fokus të takimit ishte veçanërisht licencimi i inxhinierëve vendorë dhe të huaj të angazhuar në projekt, përfshirë procedurat për njohjen e licencave profesionale të lëshuara jashtë Republikës së Kosovës.

U diskutuan gjithashtu modalitetet praktike të angazhimit profesional, duke ritheksuar se të drejtën për ushtrimin e profesionit të inxhinierit në fushën e ndërtimit e kanë inxhinierët me licencë të vlefshme. Në këtë kuadër, edhe dokumentacioni profesional që bart përgjegjësi inxhinierike duhet të trajtohet dhe nënshkruhet nga inxhinierë të licencuar, në përputhje me fushën dhe kategorinë përkatëse të licencës.

OIRK shprehu gatishmërinë për bashkëpunim me MCA Kosovo dhe kontraktorët e saj, me qëllim që angazhimi profesional i inxhinierëve në projekt të jetë në përputhje me kërkesat ligjore dhe profesionale në Republikën e Kosovës.

🤝 Bashkëpunim institucional për standarde profesionale dhe zbatim të ligjit.

07/08/2026

🏗️ PROFESIONALIZËM, PËRGJEGJËSI DHE SIGURI NË NDËRTIM

OIRK 🤝 OARK | Njoftim i përbashkët

Oda e Inxhinierëve të Republikës së Kosovës dhe Oda e Arkitektëve të Republikës së Kosovës, në kuadër të bashkëpunimit institucional dhe përgjegjësisë së përbashkët për avancimin e standardeve profesionale, rikujtojnë rëndësinë e respektimit të kompetencave që burojnë nga licenca profesionale.

Ushtrimi i profesionit brenda kompetencave përkatëse nuk është vetëm obligim profesional dhe ligjor, por edhe përgjegjësi ndaj sigurisë në ndërtim, interesit publik dhe integritetit të profesionit.

📌 Licenca profesionale është e drejtë për ushtrimin e profesionit, por mbi të gjitha është përgjegjësi.

Ftojmë të gjithë profesionistët e licencuar, institucionet, investitorët dhe palët e përfshira në fushën e ndërtimit që ta lexojnë me kujdes njoftimin e përbashkët të bashkëngjitur.

OIRK × OARK
Së bashku për profesionalizëm, përgjegjësi dhe ndërtim më të sigurt.

Address

Rr. Venet Bajrami. Lam 1, BL-C/1
Pristina
10000

Website

facebook.com

Alerts

Be the first to know and let us send you an email when Oda e Inxhinierëve të Republikë së Kosovës posts news and promotions. Your email address will not be used for any other purpose, and you can unsubscribe at any time.