Eng. Lanja Sarko

16/04/2026

هیوادارم سودتان لێ وەرگرتبێت 🌹

15/04/2026

چۆنن ،
یەکێک لە گەورەترین هۆکارەکانی دروست بوونی شێ و رطوبة لە سەقف و دیوار ئەگەڕێتەوە بۆ بەکارهێنانی مەوادی پاککەرەوەی قورس و نەگونجاوە کە ئەبێتە هۆی هەڵوەشاندەوە و لێکردنەوەی شەربەتاوی جۆینتەکانی کاشی ئەرزی ، هەروەها هەندێک مەوادی پاککەرەوە هەیە زیان ئەگەیەنێت بە خلاطەکان و ئەیسوتێنێت ..
بە ووریایەوە مەوادی پاککەرەوە هەڵبژێرن .

لەنجە سەرکۆ احمد
ئەندازیاری ڕاوێژکار

13/04/2026

🔸️ وێبیناری بێ بەرامبەر 🔸️
وێبیناری ئەمجارەمان دەربارەی کۆمەڵێک بابەتی گرنگە کە لەسەر پڕۆژەکان ڕووبەڕووت ئەبنەوە و باسی ئەوە ئەکەین چۆن لەو کاتانەدا مامەڵە بکەین و کێشەکان چارەسەر بکەین .
🔹️ بە شێوەیەکی گشتی بابەتەکان بریتین لە :
- ئەو ئاڵەنگاریانەی لەسەر پڕۆژە ڕووبەڕووت ئەبنەوە .
- ئەو هەڵە باوانەی ڕەنگە لەسەر پڕۆژە ئەنجامیان بدەیت .
- ئەو لێهاتووییانەی کە پێویستە بیزانیت بۆ کارکردنی سەر پڕۆژە
- دروست کردنێکی پردێک بۆ پێکەوە گرێدانی خوێندنی ئەکادیمی زانکۆ و ئیش و کاری سەر پڕۆژە کە بە دڵنیاییەوە لە زانکۆ دەرفەتی فێربوونی ئەو بابەتانەت بۆ نەڕەخساوە

🔹️ ئەم وێبینارە گونجاوە بۆ :
- ئەندازیارانی تازە دەرچوو
- ئەو ئەندازیارانەی هێشتا ئەزموونی کاری سەر پڕۆژەیان نییە
- خوێندکارانی کۆتا قۆناغەکانی کۆلێجی ئەندازیاری بۆ سەرجەم بەشەکان
- خوێندکارانی پەیمانگاکانی کە پەیوەندیدارن بە کارە ئەندازیارییەکان
- هەر بەڕێزێک کە ئارەزوومەندە بەشداربێت

🔹️ هەمووان دەتوانن بەشداربن 🌹 ، إن شاءالله پێش دەستپێکردنی وێبینارەکە لینکی بەشداری کردن لە ستۆری و چەناڵی تێلێگرام دادەنێین ( لینکی چەناڵی تێلێگرام لە بایۆ دانراوە و دەتوانن جۆین ببن )
وێبینارەکە بێ بەرامبەرە و بە شێوەی ئۆنلاین لە ڕێی گوگڵ مییت دەخوێندرێت .
بەروار : ١٦-٤-٢٠٢٦ ، ڕۆژی پێنج شەممە
کاتژمێر : ٨:٣٠ ی شەو

🔹️ئەم پۆستە بنێرە بۆ هاوڕێکانت با هەمووان سودمەند بن

11/04/2026

چۆنن ،
دوای تەواوکردنی خوێندنێکی پڕ ماندووبوون و تاقەت پڕوکێنی زانکۆ ؛ زۆرێک لە ئەندازیارەکان بە خۆبەخشیش دەرفەتی کارکردنیان نییە و بواریان پێ نادرێت تەنانەت ئەزمونێکیش فێرببن !
بۆچی ماندووبوونی ئەندازیار هێندە بێ نرخ کراوە ؟
بۆچی کار گەیشتووەتە ئەوەی ڕۆژانەی وەستا و کرێکار هەندێک جار چوار هێندەی ئەندازیارە !
ئایا بیستوتانە کرێکارێک بڵێت ئەچم بە خۆبەخشی لە پڕۆژەیەکا ئیش ئەکەم بەشکم دوایی وەرمبگرن و بە ڕۆژانەیەکی کەمیش بێت هەر قبوڵمە ؟
هیچ وەستا و کرێکارێکتان بینیوە دوای کاتژمێرەکانی کارکردن لە پڕۆژەیا بمێنێتەوە و بە بێ بەرامبەر ئیش بکات ؟
زۆرێک لە ئەندازیارەکان تەنانەت لە کاتژمێرەکانی پشووەکانی خۆشیاندا لە ماڵەوە هەر ئیش ئەکەن و هێشتا زۆرێک لە بەڵێندەرەکان و خاوەن کارەکان هەر لێیان ڕازی نین و هەڕەشەی دەرکردنیان لێ ئەکەن !

پیشەی ئەندازیاری هاوشێوەی هەر کارێکی تر سەنگ و قورسایی خۆی هەیە ؛ تکایە با ئەو باڵانسی هێز و ڕێزە لار نەبێت .

لەنجە سەرکۆ احمد
ئەندازیاری ڕاوێژکار

10/04/2026

چۆنن ،
ئەمڕۆ باسی بابەتێک دەکەین ڕەنگە بە ڕواڵەت هەمووان قسەیان لەسەر کردبێت ؛ بەڵام ئایا بە شێوە کردەییەکە چی کراوە بۆ بەرەو پێش بردنی بابەتەکە ؟
ئێمەی ئەندازیار یەکێک لە گرنگترین ئەرکەکانمان ئەوەیە کار ئاسانی بکەین بۆ بەکارهێنەرانی هەموو ئەو پڕۆژە ئەندازیاریانەی کە نەخشەسازی بۆ ئەنجام دەدەین ، یەکێک لەو خاڵە گرنگانە بریتییە لە ڕەخساندنی کەشێکی ئارام و گونجاو بۆ ئەو ئازیزانەی کە خاوەن پێداویستی تایبەتن ، دەستەواژەی خاوەن پێداویستی تایبەت لە ڕووە ئەندازیارییەکەوە وەک ( نابیناکان ، کەم ئەندامەکان ، کەسە بەتەمەنەکان ، ئەو کەسانەی بە هۆکاری هەر ڕووداوێک بێت توانای جوڵەی هەندێک ئەندامی جەستەیان نییە ، ئەو کەسانەی نەشتەرگەری ئەنجام ئەدەن ، بە شێوەیەکی گشتی واتا هەر کەسێک گرفتی جوڵەی هەبێت ) .
لێرەدا پرسیارێک دێتە پێشەوە ؛ ئایا دیزاینی خانوو و شوقەکان لەسەر ئەو بنەمایە دەکرێن ؟ بۆ نمونە ئایا لەکاتی دیزاین کردنی پڕۆژەکانی نیشتەجێ بوون بیر لەوە دەکرێتەوە کە ژمارەیەک لە دانیشتوانی ئەو پڕۆژانە خاوەن پێداویستی تایبەتن لەو جۆرەی ئاماژەمان پێدان ؟
🔸️ بە شێوەیەکی گشتی ئەو خاڵانەی گرنگە تیشکیان بخرێتە سەر لە کاتی دیزاین کردنی پڕۆژەیەکی نیشتەجێ بوون بریتیین لە :
1. بوونی ڕامپ بە سلۆپی ستاندارد بۆ هەموو ئەو شوێنانەی جیاوازی لیڤڵ هەیە .
2. بەکارهێنانی کاشی دژە خلیسکان لە هەموو ئەو ڕووبەرانەی ئەگەر خلیسکانی هەیە .
3. بوونی بەرزکەرەوە ( مصعد ) بە پێوانەی گونجاو کە کەسێک بە عەربانەوە بتوانێت بەکاری بهێنێت .
4. پانی دەرگاکان نابێت لە 90 سم کەمتربن .
5. پانی ڕاڕەوەکان نابێت لە 1.5 مەتر کەمتر بن بۆ ئەوەی ئاستەنگ دروست نەبێت لە کاتی سوڕانەوەی عەرەبانە .
6. لە سێتی مشتمەلات پێویستە ڕووبەری شوێنی شاوەر گونجاو بێت بۆ کەسێکی خاوەن پێداویستی تایبەت کە با ئاسانی بەکاری بهێنێت و هەندێک جار پێویستییان بە هاوکاری کەسێکی تریش دەبێت واتا ڕووبەرەکە گونجاو بێت بۆ دوو کەس .
7. پارک و ڕێڕەوەکانی ناو پڕۆژەکان گونجاو بن بۆ هاتوچۆی ئەو بەڕێزانە و ئاستەنگ نەبێت لە بەردەمیان .
8. شوێنی پارکی ئۆتۆمبیلییان بۆ جیا بکرێتەوە و هیوادارم کەسە ساغەکان نەچن لە شوێنی ئەو بەڕێزانە ئۆتۆمبیلەکانیان دابنێن !

ووردەکاری تر زۆرە و تەلارسازەکان زۆر بە ووردی زانیاری تەواویان لایە لەسەر ئەو بابەتە و بەو هیوایەی بۆ لەمەودوا زیاتر گرنگی بەو بابەتە بدرێت ، هێز و توانای نەخشەسازی و دیزاین زۆر لەوە زیاترە کە لە دووتوێی چەند هێڵێکی دیوار و شوێنی دەرگا و پەنجەرە بچوکیان بکەینەوە .

لەنجە سەرکۆ احمد
ئەندازیاری ڕاوێژکار

04/04/2026

چۆنن ،
ئەوەی لە ڤیدیۆکەدا دیارە ژێر زەمینی بینایەکە یان لەوانەیە وەک خەزانی ئاو دروست کرابێت کە هێشتا لە قۆناغە سەرەتاییەکانی کارکردندایە ، بەهۆی لافاو و بەرزبوونەوەی ئاستی ئاوی ژێر زەوی و بەهۆکاری ئەوەی لەو حاڵەتەدا بڕی ( Hydrostatic uplift pressure ) ی خاکەکە زیاترە لە کێشی سترەکچەرەکە ( چونکە هێشتا تەواو نەبووە ) ، سترەکچەرەکە بەرز دەبێتەوە و لە شوێنی خۆی ئەجوڵێت .
لە هەر پڕۆژەیەک ئەگەر ڕوودانی ئەو حاڵەتە هەبێت ؛ ئەبێت زۆر سەرنج بخرێتە سەر ئەوەی ئەو ئاوە بە بەردەوامی دەربکرێت و دووربخرێتەوە لە پێگەی پڕۆژە تا ئەو کاتەی هەیکەلی بیناکە تەواودەبێت یان لانی کەم کێشی بیناکە یەکسان یان بڕێک زیاتر دەبێت لەگەڵ بڕی ( Hydrostatic Uplift Pressure ) ی خاکەکە ، چونکە ئەگەر ئەو ئاوە بەو شێوەیە بەردەوام بێت ئەوا بناغەکە بەو شێوەیەی ڤیدیۆکە بەرز دەکاتەوە و هاوشێوەی بەلەم چۆن سەر ئاو دەکەوێت .

لەنجە سەرکۆ احمد
ئەندازیاری ڕاوێژکار

03/04/2026

هەموومان لە پڕۆسەی فێربوونی بەردەوامداین ..

01/04/2026

چۆنن ،
زۆر جار خەڵک لە کاتی کڕینی خانوو و شوقەی تەواوکراو یان هەر جۆرێک لە موڵکی بازرگانی ؛ بەهۆی سەرنج خستنە سەر دیکۆراتی جوان و ڕووپۆشە مۆدێرنەکانی دیوار ناچنە ووردەکاری ئەوەی ئایا پشت ئەو ڕووپۆشە جوانە چی هەیە ؟!
هەندێک جار پشت ئەو ڕووپۆشە جوانانە دیوارێکی پڕ لە درز و تەقیوی هەیە ، یان شێ و رطوبەی زۆر و دیواری پڕ لە کەڕوو ..
هەندێک جار بۆیاخێک ئەکرێت بۆ شاردنەوەی یان ڕووپۆش ئەکرێت بە کاغەزی دیوار و پلاستیک و تەختە و هتد..
جاری وا هەیە بیناکە تووشی حاڵەتی سوتان بووە و گەچەکە کەڵکی نەماوە بەڵام بە بۆیاخ ئەشاردرێتەوە ، هەندێک جار کێشە لە سیستمی ئاو و ئاوەڕۆ هەیە بەڵام چارەسەرێکی کاتی بۆ ئەکرێت ..
وە کێشە گەورەکە ئەوەیە کە کێشە لە نیشتن و جوڵەی بناغەی بینا هەبێت ( ئەگەر بناغەی شیشداری بۆ کرابێت ! چونکە هەندێک بینا هەن تەنانەت بناغەشیان بۆ ناکرێت ) .

ناڵێین هەموو بیناکان بەو جۆرەن ، بەڵکو تەنها مەبەستمان ئەوەیە وردتر سەرنج بدەن و مافی خۆتانە ..

لەبەر ئەوە هەر کاتێک چویت بۆ کڕینی موڵکێکی تەواوکراو تکایە شارەزایەک لەگەڵ خۆت ببە بۆ هەڵسەنگاندنی بیناکە با توشی هیچ کێشەیەک نەبیت لە داهاتوودا ، پشکنینێکی وورد بۆ هەموو بەشەکانی بیناکە بکە و دڵنیابەرەوە لە کواڵیتی کەرەستەکان و شێوازی جێ بە جێ کردنی بڕگەکان .

ئەگەر ڕووبەڕووی کێشەی لەو جۆرە بویت لە کۆمێنت بۆمان باس بکە .

لەنجە سەرکۆ احمد
ئەندازیاری شارستانی

21/03/2026

چۆنن ،
لە کاتی گەیشتنی شیشی تەسلیح بۆ پێگەی پڕۆژە ، تۆ وەکو ئەندازیاری پێگە چێکی ئەم خاڵانەی لای خوارەوە بکەرەوە :

1. ئەگەر خۆت شیشەکەت داواکردووە ئەوا دڵنیابەرەوە لەوەی داوای چیت کردووە لە لایەنی دابینکاری شیش ، واتا شیشی تیرە چەندت داوا کردووە و بە چ بڕێک داوات کردووە و لە چ کۆمپانیایەک داوات کردووە ، ئەگەر داواکردنەکە لە ڕێی بەڵێندەر یاخود هاوپیشەیەکی خۆت بووە لە هەمان پڕۆژە ئەوا زانیارییەکانی لە سەرەوە ئاماژەم پێ داون لێیان وەربگرە و لەسەر ئەو بنەمایە چێکی خۆت بکەرەوە بۆ ئەوەی هەڵە تێگەیشتن ڕوونەدات .
2. چێکی تیرەی شیشی داواکراو بکەرەوە ، واتا دڵنیابەرەوە لەوەی شیشەکان بەو تیرەیە هاتوون کە تۆ داوات کردوون بۆ نمونە شیشی تیرە ( 10 ملم ، 12 ملم ، 16 ملم ، هتد .. ) وە دەتوانی ڤێرنیە بەکاربهێنیت بۆ دڵنیابوونەوەی زیاتر لە تیرەکان .
3. دڵنیابەرەوە لەوەی شیشەکان بەو بڕە هاتوون کە تۆ داوات کردوون ، واتا چەند طن شیش یاخود چەند تاڵ شیشت داواکردووە ، ربطەکان بژمێرە و بزانە ژمارەکە تەواوە ؟ ئینجا لەسەر بنەمای تیرەی شیشەکە دەتوانیت چێکی ئەوەش بکەیتەوە ئایا هەر ربطەیەک شیش بڕی تەواو لە تاڵە شیشەکانی تیایە ؟ ( ئەگەر ئەو چێکە نازانن لە کۆمێنت یان نامەی تایبەت پێم بڵێن و ان شاءالله بۆتان ئەکەم بە پۆستێکی تر یان لە چەناڵی تێلێگرام قسەی لەسەر ئەکەین ) .
4. درێژی هەر تاڵێک شیش ئەبێت 12 مەتر بێت بە پێی ستانداردی کارگەکانی بەرهەمهێنی شیش ، ئەگەر ویستت چێکی درێژی شیشەکە بکەیتەوە بە مەترەیەک ئەتوانی ئەو چێکە بکەیت .
5. دڵنیابەرەوە لەوەی شیشەکان ژەنگاوی نین ، ڕۆن و زەیت و چەوری پێوە نییە ، بۆیاخ و قوڕ و تۆزی پێوە نییە .
6. دڵنیابەرەوە لەوەی شیشەکان ڕێکن واتا خواری و چەمانەوەی تیانییە .
7. ئەگەر بتەوێ زیاتر دڵنیابیتەوە لە کواڵیتی شیشەکە دەتوانیت چەند نمونەیەکی لێ ببەیت بۆ تاقیگەی پشکنینی کەرەستە بیناسازییەکان .

ئەم بابەتە گرنگە بۆ ئەندازیارە تازە دەرچووەکان ، بۆیان بنێرن با توشی هەڵە نەبن لە کاتی وەرگرتنی شیش لە پێگەی پڕۆژە ، چونکە بڕگەی شیش نرخی گرانە و هەموو هەڵەیەک کاریگەری دەبێت لەسەر تێچوو هەروەها کواڵیتی .

لەنجە سەرکۆ احمد
ئەندازیاری ڕاوێژکار

19/03/2026

❤️❤️❤️

17/03/2026