03/04/2026
Së bashku me Kryetarin e Komunës së Gjilanit, Alban Hyseni, si dhe përfaqësues të institucioneve dhe partnerëve, zhvilluam një vizitë në terren për të parë nga afër ecurinë e punimeve në objektin e ri të Shkollës së Mesme të Mjekësisë “Dr. Asllan Elezi”.
Në këtë vizitë ishin të pranishëm edhe Drejtori i Arsimit, Jeton Rexhepi, Drejtori për Zhvillim Ekonomik, Haki Huruglica, si dhe partnerët nga Islamic Relief Kosova.
DEA Group Sh.P.K. është e angazhuar në projektimin dhe mbikëqyrjen e këtij projekti, i cili po zhvillohet me ritëm të mirë dhe me standarde të larta realizimi.
Ky investim në infrastrukturën arsimore përfaqëson një hap të rëndësishëm drejt përmirësimit të kushteve për edukimin dhe përgatitjen e profesionistëve të ardhshëm në fushën e shëndetësisë.