تعليم اللغة التركية

06/11/2025

25/10/2025

🌳 اليوم الوطني للشجرة 🌳

في يوم تتجدد فيه الحياة، وتزهر فيه الأرض بالعطاء، تجدد 🇮🇹 التزامها تجاه بيئتنا ووطننا الحبيب، من خلال دعم الحملة الوطنية لغرس مليون شجرة، التي أطلقها فؤاد معلى رئيس جمعية الجزائر الخضراء و وزير الفلاحة و الصيد البحري 💙

قال رسول الله ﷺ:
"ما من مسلم يغرس غرسًا أو يزرع زرعًا فيأكل منه طير أو إنسان أو بهيمة إلا كان له به صدقة." 🌱

نغرس اليوم حبًا في الأرض، وإيمانًا بالمستقبل، وعهدًا للأجيال القادمة بأن الجزائر ستبقى خضراء بإذن الله 🇩🇿🌿


#أرينا 🇮🇹

12/07/2025

#رسائلكــــــــم📩
تعيشو انا خرجت مع خطيبي ليوم باش نشرو خاتم تع خطوبة. قالي نتلقاو في بازار كما كان الحال سنيتو تم حتى شفتو جاب معاه ختو تقرا فسيام. سلمت عليهم. قبل منسقسيه.
قاتلي ماما هي لي قاتلي روح مع خوك نعرفو ميسلكش راسو لي يجي يحشيلو.. لاعلينا. مشينا شوي شرالي شمبوان وجال دوش. لي يجو ملسقين زوج قرع بسكوتش تع برومو 2. وممبعد لحقت 12.قالي قعدي نتي وختي هنا راني جاي خلانا تحت شجرة. وراح زاد شوي. حتى جا جاب معاه كشير. وباطا فرماج، وقرعة ڤازوز جامي تلاقيت بالاسم هذاك. قالنا نتغداو برا تحت شمس خير من بيتزريا غاشي. ممبعد فتح الخبزو بدا يطلص فيه فرماج بصبعو و يلحس صباعيه. انا فشلت. . و ماشي زوالي باش تقولو بلاك مسكين معندوش. والله زوالي ينحيها من لحمو و يفطرك بطبع ويشريلك خاتم كي ناس يقيمك. يخلص 8 ملاين فشهر.والله العظيم ماشي بيا الماكلة.بصح حسيت مقيمنيش. حبيت نبطل. كي قلت ليما قاتلي اتزوجي عادي هذا هو زواج الصبر وتعيشي على خبز والما وتسكتي. والحمدالحمدلله فدارنا عايشين فالعز منعرف علاه قاتلي هكا. كفاه تبانلكم 😞. في عمري 22 اطوني رايكوم خسر فيا جاجة مشوية

09/07/2025

تتذكرو الطفلة "ريتـاج" لي فقدوها ذويها سنة 2020 وأُشيع خبرها في قنوات التلفاز وكبرى الصفحات!؟

"ريتاج بن حوى" طفلة مولات 5 سنوات كانت مع عائلتها في شاطئ بمدينة مستغانم (تنحدر من يلل ولاية غليزان)، وفقدت أو أختطفت من بين عائلتها وكان ذلك في أوت 2020 .. ومن ذاك الوقت الطفلة ماظهرش عليها أي خبر رغم الجهود لي قامو بيها الدرك والشرطة ورغم وجود شهود أدعو بلي شافو إمرأة تختطفها، أي من 5 سنين ماظهر عليها حتى خبر لحد الآن

العائلة تاعها كانت كل مرة تتجدد جراحهم وتتفتح بسبة الاشاعات والاخبار عن إيجادها ورؤيتها حية (لي كانت كلها أخبار مغلوطة وكاذبة)، وتتجدد آمالهم كي تجيهم اتصالات من الدرك تبلغهم بوجود طفلة شبيهة وتخلاص ذيك الآمال بلحظات يأس للأسف كي تظهر غيرها ..

في 2023 ظهر في قناة تلفزية خبر وانتشر بقوة وكان مفاده بأن الطفلة وُجدت في مدينة سطيف وبلي حاليًا راهي بين أحضان عائلتها، بصح للأسف الطفلة لي لقاوها كانت مجرد شبيهة وفاقدة نصف ذاكرتها وكي دارو التحاليل كانت سلبية وغير متوافقة (مشي هي) بصح للأسف كان خبر إيجادها انتشر وتعاود تبارطاجا وهو خبر غالط وكان السبب في ذلك هو عدم إحترافية ومهنية القناة التلفزية لي علنت الخبر متسرعة وبدون تحري (نشرو خبر إيجادها قبل ماتخرج نتيجة التحليل)، وهنا صرات المصيبة؛ الصفحات لي كانت تنشر عليها حبسو النشر خاطرش وصلهم خبر غالط بلي لقاوها والشعب فرح وتناسى القضية (القناة ساهمت في اختفائها اكثر بدون قصد للأسف) وبقاو عائلتها يبحثو وحدهم بمجهودات شخصية ويتبعو أطراف الخيوط ..

على أي حال؛ الأب تاعها طاح عليه حزن كبير على ابنته وبسبب حزن دام 5 سنوات مرض مرض شديد خلاه يتعطل عن عمله ولقمة عيشه، حكمو مرض عفانا الله وإياكم في عينه وتسبب بفقدان نصف بصره، وبسبة حالته المادية البسيطة ماكانش قادر على العلاج ولا من يدله على ذلك ومالقاش أي دعم أو مساعدة، والمرض تاعو كان يحتاج عملية في عيادة متخصصة بأمراض العيون، يعني ابتلاء ما وراءه ابتلاء، وتوقع انت حالته وحالة عائلته وهو السند لي ترتكز عليه العائلة وتنتظر منه الخبز كل مساء!

مالا تخيّل انت بلي إنسان كهذا مبتلي ولي فيه يكفيه، يجو ناس لتحت بيته ويسرقو رزقه الوحيد وكل ما يملك، سيارته! يسرقولو السيارة لي هي لقمة عيشه ويستعملها في التنقل للعلاج وكذا للاستخبار عن ابنته وغير ذلك! هي السيارة لي تعب وخدم باش يجيبها رغم الظروف المحيطة به وابتلاءاته!

الإنسان هذا معروف في المنطقة بسبة حالته وبالتالي سيارته معروفة في المنطقة كذلك، يجو ناس يسرقو سيارة هاذ الإنسان بالذات!

والمصيبة هي أنو السيارة كانت فيها كل التحاليل الطبية والاوراق لي يحتاجها للعملية .. وأوراق خاصة، كل شيء اختفى!

المنشور تاعنا هذا ماهوش باش نحكو حكايته وفقط، وماناش معتادين على هاذ النوع من المنشورات .. المنشور يستهدف العصابة لعلى وعسى عضو من اعضاءها يشوف الحكاية هاذي ويحن قلبه بعد القراءة ويعرف واش دار ويسلم سيارة الانسان هذا خاطرش لي فيه يكفيه ودخل اليوم للمشفى وحالتو حالة .. يبكي على ابنته ولا على مرضه واوراقه المفقودة ولا على سيارته!، مع العلم عائلته راهي تتعهد بعدم تقديم شكوى اذا ترك لهم السيارة

⚠️ طلبنا منكم هو مشاركة المنشور، يمكن يوصل لصاحبه، ولا للي يعرفه، ولا يمكن شخص ما شاف السيارة صدفة ويبلغ، ولا حتى ممكن نحيّو بذلك قضية ريتاج، ونعاونو عائلة مازالها صابرة وتستنى بصيص أمل، سواء في رجوع ريتاج، ولا السيارة على الأقل.

صور الطفلة "ريتـاج" وكذا السيارة وعلاماتها ورقمها مرفقة.

29/06/2025

اياك والسخرية إنها المواهب
أأزعجكم هدوؤه لأنكم لم تعتادوا إلا على الصخب الفارغ؟
أأربككم تفوّقه لأنه لم يطلب الضوء، بل صنعه بهدوء؟
أتظنون أن الرجولة تُلخص في ارتفاع الصوت؟ ومتى كان العقل والخلق لا يُحسبان؟
ما الذي يؤهلكم أصلًا لتوزيع النصائح، وأنتم تفتقرون لأبسط قواعد الأدب؟
أتؤلمكم كرامته لأنه لم يُنزل نفسه للرد؟ أم أن الحقيقة تؤذيكم: الكبار لا ينشغلون بما تحت أقدامهم؟
تعرفون ما يؤلمكم في أعماقكم؟ أنه لم يصنع ضجيجًا، لم يشتبك، لم يتنازل…
بل ارتقى بصمت، وترككم تُصارعون الفراغ