02/10/2026
مشروع جديد خلّاني نرجع نفكّر في جملة نسمعوها برشة:
«تونس مش تولي كي دبي»…
ايه علاش لا؟ ❤️🇹🇳
موش بالكلام… بالفعل.
وقت اللي المهندسين يتحدّاو رواحهم، وكل واحد يحطّ من خبرتو وفكرتو وبصمتو، تنجم تخرج تحفة فنية وهندسية كيما هاذي في مدينة كيف زرمدين.
تونس بلاد دافية، محلاها، والأحلى من بلادنا ناسها وكفاءاتها.
ناس تنجم تبدع، تصمّم، تنفّذ وتعمل مشاريع تشرّف… كان نعطيوها الفرصة ونآمنوا بقدراتها.
والفضاء اللي تشوفوه في الصور؟
لا هو مول، لا هو نزل… هو سوق.
ولا كما نقولو بالتونسي: Marché 😄
أما سوق بتصميم مختلف، بروح جديدة، وبلمسة معمارية تعطي قيمة للمكان وتخلّي حتى الفضاءات اليومية تنجم تكون جميلة ومميّزة.
وأنا شخصياً نفتخر إني كنت جزء من هذا المشروع، ونشكر من القلب كل إنسان ساهم في إنجازه: مهندسين، مصممين، فنيين، حرفيين، أصحاب المشروع وكل من تعب ووضع بصمتو فيه.
تونس تنجم… وزيد تنجم تبدع. 🇹🇳❤️
المهم نآمنوا بكفاءاتنا، ونخلّيو الإبداع ياخذ بلاصتو.
