15/04/2026
الناس الكل شافت آش صار في مطعم " Le Parisien " في بومهل . ان شاء الله ربي يعوض عليه ، و الحمد الله ما فماش خسائر بشرية ، في المال ولا في الأبدان .
اما زادة الواقعة هاذي ان شاءالله تكون درس لفئة معينة من الناس ، الي تصرف فلوسها على البهرج و يستخسر باش يحمي البهرج الي عاملو .
على سيبل المثال يشري كرهبة و يخسر عليها sallon و tapie و fumé و ضوء led . و كيف تقلو خوذ extincteur متاع كيلو ، خليه في الكرهبة ما تعرفش على الدنيا ، يقلك شنعمل بيه و غالي ( تسكرة متاع ماتش كرة اغلى منه ) . تاكسيست يتسلف دبوزة باش يعدي visite technique و ما يشريهاش .
حتى المطاعم و salon de the الدبوزة تلقاه حتى كان شاريها ، يبدى مخبيها في بلاصة ما تتراش ، خايف على الديكور ، و كي يصير حريق حتى العامل الموجود غادي ما يراهاش الطفاية ، و ملي يكون ينجم يطفي الخريق اول ما يندلع ، تاكل بعضها و تولي الطفاية وحدها ما تكفيش .
الى متى هذه العقلية ؟ الى هذه الدرجة الاستهتار بسلامة الممتلكات و الارواح .
ان شاء الله يكون الميساج وصل ، و هذا موش من باب الدعاية ، اشري منين تحب ، الفايدة تكون محمي .
