25/06/2025
اخي المواطن :
أخي التاجر :
جزء بسسسسيط جدا من معانات الشعب المقهووووور
بتتذكر لما كانت الجمارك يدخلوا لعندك 50 عنصر وكانك سارق المركزي ويفضوا محلك ويغرموك 700 مليون وبعدها يعملولك محكمة وتقلهم امركم
بتتذكر لما كان فرع الخطيب وغيرو ياخذك وماحدا يعرف عنك شي وماتطلع لتحط من ٥٠ الف دولار ومافوق وانت تشعر بقمة الانتماء الوطني
بتتذكر لما كان شرطي المرور يقلك صف عاليمين وهات الاوراق ومايمشيك لتحط ال 5000 ليره فترجع عسيارتك وانت عم تغني وترابك الغالي يا سوريا
بتتذكر اخي التاجر المستورد ( يلي عامل حالك مزعوج اليوم ) أنك كنت تدفع عالحاوية يلي جايبها من الصين مصاريف ( نثرية ) وحواجز 1000 دولار وتقول يا اخي دولة عندها مصاريف
بتتذكر لما كان المعلم يمر لعندك عالمحل ويقلك شو عم تبيع ياحبيب تقله ولو يامعلم المحل كله على حسابك يقوم يقلك حطلي عشر قطع وتقله امركم مولانا مافي شي من واجبك
بتتذكر لما كنت توقف عالحاجز ساعة لأن العسكري معكر مزاجه وماحابب يمرر حدا وترجع تمشي بعد الساعة يلي وقفتها وانت عم تغني سوريا ياحبيبتي
بتتذكر لما كان ابنك بالاحتياط يخدم شي ١٠ سنين وكل شهر يعطيه المعلوم للمعلم وانت مبتسم
بتتذكر لما كنت عزيزي التاجر يلي معك سكري وقلب حاطط كيس أدوية بالبيت منشان إذا فجأة انحبست يلحقوك أهلك بكيس الدواء عالفرع ويدفع ابنك 500 الف ليفوت الدواء لعندك وانت تشعر بالسعادة
بتتذكر لما انحبست ستة أشهر بفرع الأمن بعدين قالولك تشابه اسماء فقلتلهم حقكم الطبيعي جل من لا يخطيء
بتتذكر لما كان المعلم ينزلك من سيارتك لأن عاجبته ويقلك بدنا ياها مهمة خاصة ابقى راجع الفرع بعد شهر وخدها وتقله امرك وتنزل وأنت ممنون كونك أصبحت شريك في حل الأزمة
بتتذكر ياحبيبي لما تكون نايم واهل بيتك جنبك وتلاقي الأمن نازل على بيتك وفوق راسك بلا احم أو دستور وتقلهم امركم، أصلاً كلنا أخوة بالدين
بتتذكر لما النظام يفلت الشبيحته والمرتزقة طيلة ال١٤ سنة وينخطف الواحد من نص البلد ويطلبوا فدية وتطلع تدفعها متل الحباب ومايرجع المخطوف وتقول يلي اله عمر مابتقتله شده
بتتذكر لما كان الأمن يداهم شي حاره ويفتح رصاص ويموت ابن جارك وفوقها ييوقع ابوه على انه من فعل ذلك عصابات ارهابية و شافهم وهنن عم يقوصوه وتنزل تشهد معه وتقله طول بالك الحمدلله عندك غيره
بتتذكر كيف انهدت بيتك بالطيران والبراميل وكأن الارهابيبن جونكر وما بموت الا بالبراميل
فكانوا اجحش جيش عبر التاريخ
حبيبي المواطن يلي صار احساسك فجأة مرهف وصرت تشتكي عالطالعة والنازلة فتح عينك
ياريت تستحي على دمك. وتترك الناس تشتغل لنشوف شو راح يصلحوا بيلي تخرب خلال 54 سنة....
منقولة
