18/03/2021
‼️ مؤشر الحرارة مش بيزيد في الشتاء و العربية بتفضل باردة , عادي يا عم طبيعي الجو برد
لأ مش عادي طبعا ، دي مصيبة 🤯
لو ماشي على طريق مفتوح و المؤشر نزل عن 90 و لو شارطة واحدة
كدة الترموستات مفتوح و معلق / أو الترموستات ملغي
حلو يا عم عشان نبرد عالموتور و يبقى مستريح
طبعا دة غير صحيح🛑
على كدة عربيات أوروبا اللي بتمشي في درجات حرارة تحت الصفر .. كانو عملولها عداد حرارة موتور بالسالب 😄
🔴وظيفة الترموستات :
حبس المياه داخل الموتور حتى يتمكن من الوصول الى درجة الحرارة المثالية (90)
عندما تبدأ درجة الحرارة في الزيادة عن (90) يفتح الترموستات دورة التبريد و يسمح بدخول المياه الباردة القادمة من الردياتير لتبريد الموتور , بعد التبريد يغلق الترموستات الدورة و يحبس المياه مرة أخرى.
☀️ في الصيف بطبيعة الجو يكون الترموستات مفتوح معظم الوقت و يغلق لفترات قصيرة
في الشتاء بطبيعة الجو يكون الترموستات مغلق معظم الوقت و يفتح لفترات قصيرة
في الحالتين وظيفته انو يحافظ على درجة الحرارة المثالية , لا تزيد عن 90 في الصيف و لا تقل عن 90 في الشتاء
(مش بالظبط ، المجال أوسع من كدة شوية بس نقول 90 مجازيا للتوضيح)
مثلا مواتير من 87 لحد 97 ، و مواتير من 82 لحد 90 و غيرها من 87 لحد 92 .. و هكذا
مع العلم ان المؤشر على 90 مش معناها 90 بالظبط ، هي معمولة كدة عشان ماتلخبطكش
إنما في الواقع لو فتحت قراءة Digital من الكنترول مباشرة بالجهاز .. هاتلاقي المؤشر ثابت 90 لو الحرارة الفعلية بين 78 و 108
أييييييوة
يعني لو المؤشر بدأ يتحرك قدامك فوق 90 معناها الحرارة الفعلية بدأت تعدي 108
و لو المؤشر بدأ يتحرك قدامك تحت 90 معناها الحرارة الفعلية نزلت عن 78
أعطال الترموستات:
مفتوح و معلق - دورة التبريد مفتوحة باستمرار و العربية تفضل باردة
مقفول و معلق - دورة التبريد مقفولة و العربية تسخن زيادة
يتأخر في الفتح , أو يتأخر في القفل
الحل البلدي انه يتشال و يتلغي
ساعتها دورة التبريد مفتوحة على طول , و الموتور بقى تحت رحمة الهواء , دخول هواء بارد الى الردياتير يؤدي الى تبريد زيادة عن اللزوم في الموتور و عدم قدرته على الوصول الى درجة حرارة 90 التي تعتبر المثالية لتشغيل الموتور بأعلى كفاءة و تقل الكفاءة اذا قلت درجة حرارته ، و دة بيقصر من عمر الموتور ، لأن دخول مياه باردة زيادة عن اللزوم لأجزاء الموتور و هي سخنة .. بيدمرها بالتصوير البطيء
يزيد استهلاك البنزين اذا كان الموتور بارد لأن الكنترول لا يبدأ في مراقبة ضخ البنزين و خروج العادم و ترشيد الاستهلاك إلا عندما تكون درجة الحرارة مثالية (90)
قبل الوصول الى 90 يفترض الكنترول انك في بداية المشوار و لسة بتسخن و محتاج اعلى ضخ للبنزين
الخلاصة : الترموستات مهم جدا و لازم تتأكد إنه شغال مظبوط و بيؤدي وظيفته بأعلى كفاءة
و عشان تضمن دة .. لازم يكون أصلي Volkswagen
لأن خامة المعدن المسئول عن إستشعار درجة الحرارة الدقيقة و الفتح و القفل ، خامة مهمة جدا
و معظم الأنواع التانية الإقتصادية اللي في السوق مش بتقدر تحقق دة بدقة ، و النتيجة إن ناس بتغير بالأنواع دي أو إستيراد شقيان مثلا .. و يلاقو نفس العيب أو أقل شوية .. بس لازال موجود ، و يفتكرو إن خلاص دة كدة الوضع الطبيعي في الشتاء
★★★★★ · Car repair and maintenance · Sameh Emad St
