03/02/2023
سلاام
قبل كم يوم مرينا بنقاش لطيف بينتقد في شركة زاع صيتها في الفترة الاخيرة بتشتغل فحص العربات قبل الشراء يعني الناس البتمشي ليهم لمن تجي تشتري عربية بتسوقهم معاك او بتجيب ليهم العربية (بديل السمسار) طيب مبدئيا الحاجة دي ممتازة شديد ودا الصح بس للاسف زينا زي الناس الباقين اتفجأنا انو الناس دي شغالة شختك بختك في كتير من معايير التقييم وانو في حاجات معينة محتاجة اجهزة معينة عشان تتقاس وفي حاجات ما بتتقاس بنفس الطريقة واشتكو منهم كتير من الناس في انو عملوا كميات من عمليات التققيم الماحقيقة اتضرر منها المشتري اولا والبائع في مرات ..
عموما او جيت تفحص عربية قبل تشتريها اعمل الاتي:
* ناس السوق مهم بالنسبة ليهم انو ما يكون في حادث ومايكون في بهية ..
* ليك انت لي نفسك اتاكد من المكنة
* افحص القير وسوق العربية اتأكد انو ماف دقة او صعوبة في الغيار.
* اطلع بالعربية واتاكد اذا ماف كركبة ولا في.
* افحص السوائل في العربية مياه راديتر زيت فرامل زيت مكنة وما الى ذلك.
* الصالون الداخلي ما مشكلة لو وسخان بنضف بس شئ سئ انو يكون مكسر ومدمر.
*اللساتك لانو حتكلفك حدود المتين الف تزيد او تنقص حسب نوع العربية.
*الفرامل انوار التحذير في الطبلون مخلفات العادم وحتى العزم والتسارع.
مهم شديد لو ما حاتعرف تفحص الحاجات دي تسوق معاك متخصص
#الميكانيكي
