18/08/2026
شباب أولاد جباره
السلام عليكم ورحمة اللّٰه وبركاته
الشباب اللي سبااق دايما بالخير .
وندائي هنا للمغتربين اللي انا واحد منهم
ملاحظين فالفتره الاخيره كم المناشدات لحالات قد ايه محتاجين مساعده وكمان مشاكل في بلدنا محتاجه دعم .
فيها أيه لو نعمل مبادره زي البلاد اللي جنبنا ونعمل صندوق ب20 ريال كل شهر تمن وجبه او علبة سجاير .. المبلغ ده يتحول شهريا علي حساب حد يكون مؤتمن علي مصالح البلد .تخيل لو افترضنا ان في 200 واحد مغترب يعني حوالي 4000 ريال فالشهر يعني 50 الف ريال فالسنه مايعادل 600 الف جنيه هيحلو مشاكل قد ايه . تخيل كل الي حولينا متوفر ليهم كل حاجه وده من تفهمهم مع بعض...ياجماعة الخير بالصندوق ده تقدر توفر اي حاجه محتجها البلد وكمان ظبطوا خدمات البلد ..احنا الي سكتين مستنين نئاب ييجي يعمل هوه مترشح لي نفسه مش لينا وتاني انا بناشد الولاد جباره بلكامل اللي انا منها .والله ما بذايد علي حد .بس بصراحه انا مش عاجبني موضوع اننا نلم علشان كل مشكله او مساعده ليه ميكنش في مبلغ متوفر دايما ونكون في غنا عن السؤال ..وجزاكم اللّٰه خيرا وأسف للإطاله
