Leirvik

04/06/2026

Leirvik 80 år | Aluminium – eit vegval som forma framtida

På slutten av 1980-talet tok Leirvik eit avgjerande val:
satsinga på aluminium.

Det store gjennombrotet kom med Snorre-prosjektet i 1988, der Leirvik bygde verdas første bustadkvarter i aluminium. Det var eit dristig steg – utan ferdig kompetanse, men med vilje til å lære og utvikle seg.

Dette la grunnlaget for ei heilt ny retning.

Samtidig voks verksemda. Anlegget i Aslaksvik vart utvida, kapasiteten auka, og Leirvik gjekk frå å vere ein produsent til å bli ein spesialisert leverandør av avanserte offshoreløysingar.

Kompetansen på aluminium fekk også bruk utanfor offshore.
I 1995 leverte Leirvik Forsmo bru i Nordland – den første køyrebrua i aluminium i Noreg. Eit pionerprosjekt som viste nye moglegheiter for materialet.

Men vegen vidare var ikkje utan utfordringar.

Utover 90-talet vart konkurransen hardare og marknaden endra seg. Dette kravde omstilling – med større fokus på kompetanse, engineering og effektiv prosjektgjennomføring.

Under leiing av Harald Karlsson (frå 1994) heldt verksemda kursen, og bygde vidare på det som no var blitt kjernekompetansen:
bustadmodular i aluminium.

Dette vart fundamentet for vidare vekst – og for rolla Leirvik har i dag.

I neste historieinnlegg: frå spesialist til totalleverandør.

29/05/2026

Fotballtrøyefredag ⚽️

I dag har Leirvik-tilsette henta fram fotballtrøyene for å vise støtte til Barnekreftforeningen og alle barn og familiar som er ramma av kreft.

Fotballtrøyefredag blir arrangert for å støtte barn og unge med kreft, bidra til viktig forsking og gi støtte til familiar som står i ein tøff kvardag.

Takk til alle som bidreg i kampen 🎗️

Vil du vere med og støtte saka?
Vipps valfritt beløp til 4422

28/05/2026

Leirvik 80 år | Eit tilbakeblikk frå 1986

Korleis såg Leirvik ut midt i oljeeventyret?

I 1986 var NRK på besøk i Aslaksvik – og laga eit portrett av verksemda som dei kalla:
“Leirvik verft - ein askeladd i olje-Noreg”

Filmen gir eit unikt innblikk i:
– arbeidskvardagen i verkstaden
– folka bak leveransane
– metodane som vart brukt
– og ei verksemd i rask utvikling

Her ser me overgangen frå:
småbåtar og stålarbeid → til bygging av avanserte bustadmodular til oljeindustrien

Leirvik blir skildra som ei moderne mekanisk verksemd – som leverer “hotell i luksusklasse” til Nordsjøen.

I filmen møter me også dåverande administrerande direktør Per O. Bjelland som gir eit godt bilete av ambisjonane og utviklinga på den tida.

Dette er ikkje berre historie –
det er røtene til det Leirvik er i dag.

🎬 Sjå filmen her:

Småskipsverftet på Stord har blitt hotelleverandør. Ved Ole-Jacob Kvinnsland.

21/05/2026

Leirvik 80 år | Offshoregjennombrotet - frå stål til nye moglegheiter

Me er no komne til slutten av 1960-talet og starten på 1970-talet – ei tid der Leirvik tek steget inn i noko heilt nytt.

Mot slutten av 60-talet fekk Leirvik ein avgjerande moglegheit gjennom samarbeid med Stord Verft. Etter store utfordringar hos ein utanlandsk leverandør, vart Leirvik trekt inn som underleverandør på bygging av tankseksjonar.

Dette skulle vise seg å bli eit vendepunkt.

Frå 1970 til 1975 arbeidde verksemda nærast fullt med seksjonsbygging, og leverte store stålkonstruksjonar i høgt tempo.

For å møte etterspurnaden vart anlegget i Aslaksvik vidareutvikla:
– nye produksjonsområde
– større kranar
– utvida kapasitet

Leirvik gjekk frå skipsbygging til tung industriproduksjon – og bygde opp kompetanse, kapasitet og gjennomføringsevne.

Då denne perioden tok slutt midt på 1970-talet, stod verksemda ved eit vegskilje.
Valet vart offshore.

Eit av dei første prosjekta var bustadkvarteret til Beryl A, men det var med Statfjord A (1974–1977) at Leirvik for alvor tok steget inn i olje- og gassindustrien.
Her byrja verksemda å utvikle det som skulle bli spesialiteten:
bustadmodular – det som seinare vart kalla offshorehotell.

Overgangen frå tradisjonelle stålkonstruksjonar til avanserte bustadløysingar markerte starten på ei heilt ny retning.

Frå «stålhus» til komplekse offshoreinstallasjonar.
Dette var ikkje berre eit nytt produkt – det var starten på ein ny industri for Leirvik.

I neste historieinnlegg: eit modig val – aluminium.

14/05/2026

Leirvik 80 år | Frå verkstad til industribedrift

Me er komne til 1950- og 1960-talet – åra der grunnlaget for dagens Leirvik verkeleg blir lagt.

Etter oppstarten i Evjo voks aktiviteten raskt, og behovet for meir plass melde seg. I 1955 kjøpte Leirvik eit større område i Aslaksvik, og i 1956 stod anlegget klart. Her fekk verksemda tilgang til både kai, verkstadområde og betre produksjonsforhold.

Dette vart eit avgjerande steg.
Aslaksvik er framleis hjartet i Leirvik den dag i dag.

Med betre fasilitetar kunne verksemda ta på seg større oppdrag. Gjennom slutten av 1950-talet og inn i 1960-talet gjekk Leirvik frå reparasjon og mindre arbeid til meir omfattande konstruksjonar og skipsbygging.

Viktige milepælar kom på rekkje:
– skrogbygging for større fartøy
– leveransar til Stord Verft, mellom anna MF «Huglo» (1961)
– kontrakten på shelterdekkaren «Rugg» (1963)

Sentrale personar som Odd P. Bjelland, Bjørn Karlsson og Birger J. Eldøy stod i spissen for utviklinga – med tett oppfølging av både folk og prosjekt.
Eit nytt viktig steg kom i 1965, då Leirvik kjøpte verftsområdet på Seglneset for 175.000 kroner. Dette gav ei tydeleg arbeidsdeling:
skrog vart bygde i Aslaksvik – og utrusta på Seglneset.

Frå enkle kår i Evjo hadde Leirvik no blitt ei verksemd med struktur, kapasitet og ambisjonar.

Grunnlaget var lagt for vidare vekst – og for dei nye moglegheitene som snart skulle kome.

I neste historieinnlegg: steget inn i offshore.

08/05/2026

Eit heilt spesielt løft i Bergen 🙌

Marinebroen har no ankomme Marineholmen etter transport frå Stord – og er løfta på plass midt i Bergen.

Brua blir Noregs lengste gang- og sykkelbru i aluminium og skal knyte byen tettare saman langs sjøpromenaden ved Puddefjorden.

Store delar av aluminiumet som er nytta i konstruksjonen kjem frå resirkulerte kjelder. Det gjer Marinebroen til eit prosjekt som peikar framover – både innan materialbruk, innovasjon og meir berekraftige løysingar for framtidas infrastruktur.

For oss i Leirvik AS er dette meir enn eit prosjekt.
Det er eit stykke industrihistorie – og eit prosjekt som viser kva som er mogleg når kompetanse, samarbeid og innovasjon møtest.

Å sjå konstruksjonen forlate Stord og finne sin plass midt i Bergen markerer ein viktig milepæl for alle involverte.

Takk til alle involverte for god samarbeid!
Byggherre: GC Rieber Eiendom
Vår kunde: Consto Anlegg Vest
Prosjektering: Multiconsult Bergen

07/05/2026

I år feirar me 80 år med industrihistorie, utvikling og menneske som har vore med å forme verksemda vår.

Dette er historia om fagkunnskap, samarbeid og vilje til å tenkje nytt.

Leirvik 80 år | Slik begynte det

Den 13. september 1946 etablerte Odd P. Bjelland Leirvik Sveis – i ei tid prega av mangel på både materiale og utstyr etter krigen.

Verksemda starta i ein nedlagt hermetikkfabrikk i «Evjo», det som i dag er kjent som Sjøhuset i Leirvik sentrum. Her var forholda enkle. Skrivebordet på kontoret til Bjelland var ei dør lagt på bukkar, og utstyret var det som var tilgjengeleg. Men ambisjonane var større enn rammene.

Med seg fekk Bjelland viktige medarbeidarar som Bjørn Karlsson og Birger J. Eldøy, og saman bygde dei opp eit lite, men sterkt fagmiljø.

Tidleg viste Leirvik evne til å tenkje nytt. Allereie på slutten av 1940-talet byrja dei å utvikle og byggje snurpedoryar i stål – eit meir robust alternativ til dei tradisjonelle trebåtane som ofte vart øydelagde under fiske.

Det som starta forsiktig, tok raskt av. Rundt 1950 gjekk produksjonen kraftig opp, og på det meste vart det levert opp mot 300 doryar – også til marknader langt utanfor Noreg.

I periodar gjekk det så raskt at ein snakka om “sjøsetting annakvar dag”. Dette gav ikkje berre arbeid – det gav også kapital og tru på vidare vekst.
Frå enkle kår i Evjo vaks det fram ei verksemd prega av innovasjon, pågangsmot og fagleg stoltheit.

Følg med vidare – i neste histoireinnlegg tek me steget inn i vekst åra og utviklinga mot industribedrift.

28/04/2026

Leirvik 80 år – strålande dag på Lundarstøl! ☀️

Som del av 80-årsjubileet til Leirvik AS samla me søndag 26.04 rundt 80 tilsette med familiar til ein fin dag på Lundarstøl – sol, smil og god stemning heile vegen 💛

På programmet stod alt frå grilling og klatring til hengekøyer, rebusløp – og båtløp i elva.

Dette er eitt av fleire sosiale tiltak i jubileumsåret – og ein viktig del av det å bygge fellesskap på tvers av avdelingar.

Ein stor takk til komiteen og alle medhjelparar som gjorde dagen mogleg.
Takk til som var med og blant anna sørgde for kaffi og saft, for eit kjekt rebusløp
Og takk til som stod for trygge og spennande klatreopplevingar 🌲

Tusen takk til alle som deltok – de gjorde dagen komplett! 💛

23/04/2026

Levetidsforlenging handlar også om det som ikkje er synleg

Når ein snakkar om levetidsforlenging offshore i boligmodular, tenkjer mange på nytt inventar, oppgraderte kjøkken, oppgradering av sanitære forhold, betring av arbeidsforhold eller fornying av overflater. Men like viktig er dei tekniske systema som sikrar systemintegritet, tryggleik og stabil drift i kvardagen.

Under ein offshore-inspeksjon vart vi bedne av Equinor om å vurdere å erstatte varmtvassberedarane i bustadkvartera på Heidrun. Dei eksisterande einingane var for store til å fjernast, og nye kunne ikkje bringast inn.

Gjennom ein gjennomførbarheits- og metodestudie presenterer me ei alternativ løysing. Resultatet vart fleire mindre beredarar, betre utnytting av rommet og demontering av dei gamle inne i rommet.

Løysinga gav oppgraderte system, betre tilkomst og HMS – gjennomført utan nedetid på vatn eller hendingar.

Leirvik AS har brei erfaring frå tidlegfase, utvikling og bygging av bustad- og energimodular offshore. Denne kompetansen er viktig i levetidsforlengingsprosjekt, der gjennomførbarheit, materialhandtering og modulbaserte løysingar – kombinert med EPC-kapasitet – gir trygge og effektive løysingar.

21/04/2026

- Me må sikre kontinuitet for den kompetansen me har bygd opp gjennom gjennom fleire tiår, til å skape nye moglegheiter. Det var eit av bodskapa frå vår CEO, Øyvind Harald Eskeland, då han i går deltok i panelsamtalen «Leverandørindustriens neste kapittel» under NHO Vestland Årskonferanse på Stord.

Saman med Kjetel Digre (CEO i Aker Solutions) og Harald Solberg (adm. dir. i NHO) vart det sett ord på utfordringar – og moglegheiter – som treff vestlandsindustrien direkte:
Korleis skal me ta steget vidare når rammevilkåra endrar seg – og nye marknader veks fram?

For Leirvik AS handlar dette om meir enn omstilling. Det handlar om å vidareutvikle kompetansen vår og bruke den i nye segment, som havbruk og nye energiløysingar. Me er avhengige av gode rammevilkår.

– Me har eit sterkt utgangspunkt. No gjeld det å vere framoverlente og gripe moglegheitene som kjem, seier Eskeland.

Takk til NHO Vestland for ein viktig møteplass for diskusjon, retning og samarbeid.

Foto: Kjetil Fyllingen