Mario Farrugia

29/10/2026

29/10/2026

Dak li ġara lil Jason Silvio, is-Sindku ta’ Raħal Ġdid, li kontrih inħareġ mandat ta’ sekwestru mill-iżviluppatur Johann Montfort, huwa l-aktar każ riċenti ta’ intimidazzjoni vendikattiva min-naħa tal-iżviluppaturi fil-konfront ta’ dawk li jiddefendu d-drittijiet tar-residenti, l-ambjent u l-kwalità tal-ħajja tagħna.

❗Is-Sindku ta’ Raħal Ġdid spiċċa bil-kontijiet bankarji tiegħu ffriżati wara li l-Kunsill Lokali ta’ Raħal Ġdid appella deċiżjoni tal-Awtorità tal-Ippjanar li approvat żvilupp ta’ blokka appartamenti b’diversi sulari fiż-Żona ta’ Konservazzjoni Urbana (UCA) tal-lokalità.

Jeħtieġ li jiġi enfasizzat li l-appelli fil-qasam tal-ippjanar, bħal dak imressaq mill-Kunsill Lokali ta’ Raħal Ġdid, huma dritt stabbilit bil-liġi, u ħadd m’għandu jiġi ppenalizzat talli jeżerċita d-drittijiet legali tiegħu. Għaldaqstant, dan il-mandat ta’ sekwestru, ippreżentat mill-iżviluppatur, huwa manuvra proċedurali li daqt se jkollha tiġi rtirata.

⚠️ Madankollu, il-fatt li l-iżviluppatur irrikorra għal tattika ta’ intimidazzjoni daqshekk sfaċċata jibgħat messaġġ tat-tkexkix lil dawk kollha li jippruvaw jissieltu kontra proġetti ta’ żvilupp li jagħmlu l-ħsara, u kontra l-approvazzjoni tagħhom minn awtoritajiet servili bħall-Awtorità tal-Ippjanar. Nemmnu li l-Gvern għandu jwaqqaf dan l-abbuż tal-mandati tas-sekwestru.

Filwaqt li jesprimu s-solidarjetà tagħhom mas-Sindku ta’ Raħal Ġdid, l-għaqdiet mhux governattivi jħeġġu lil kulħadd biex nirreżistu dan il-bullying mill-iżviluppaturi u nkomplu niddefendu l-kwalità tal-ħajja u l-ambjent. Aħna lesti li niġġieldu spalla ma’ spalla ma’ dawk kollha li l-iżviluppaturi jippruvaw jintimidaw biex iġegħluhom ibaxxu rashom għar-rieda tagħhom.

Il-bullying mill-iżviluppaturi mhux se jaħdem ✊

BirdLife Malta | Din l-Art Helwa | FAA Flimkien għal Ambjent Aħjar | Friends of the Earth Malta | Moviment Graffitti | Nature Trust - FEE Malta | Ramblers Malta | Wirt Għawdex

Read in English in the comments

29/10/2026

Il-jum it-tajjeb.
F’Settembru tal-1949 żgħażagħ Albaniżi telqu mill-Port il-Kbir fuq dgħajsa tas-sajd jisimha ‘Stormie Seas’ biex jidħlu baxx baxx l-Albanija ħdejn Vlora. Wara, ajruplani bdew jitilqu minn Malta u jtiru fuq l-Albanija u jitfgħu fuljetti ta’ propaganda kontra l-gvern.

Is-servizz sigriet Amerikan, is-CIA, u dak Britanniku l-MI6, kienu rreklutaw żgħażagħ Albaniżi u ġabuhom Malta f’Lulju 1949 biex iħarrġuhom fil-Forti ta’ Binġemma biex jagħmlu operazzjonijiet sigrieti fl-Albanija kontra l-gvern.

Il-grupp ta’ żgħażagħ kien imlaqqam ‘Pixies’ mill-MI6, ħlejjaq żgħar imqarbin li jagħmlu affarijiet li mhux suppost u ma jinqabdux. F’Forti Binġemma ġew imħarrġa mijiet ta’ żgħażagħ Albaniżi, fi gruppi żgħar biex ma jagħtux fil-għajn.

Il-gvern Malti ma ġiex infurmat

Ingħataw xahrejn taħriġ qawwi fiżiku u psikoloġiku kif jużaw l-armi, jagħmlu l-bombi u jwettqu sabutaġġ industrijali fl-Albanija. Għallmuhom jikkomunikaw bir-radju, bil-Morse Code u kif jispjunaw f’pajjiżhom. Għallmuhom ukoll jaqraw il-mapep u kif jidħlu bid-dgħajjes fl-Albanija baxx baxx.

Malta kienet kolonja Britannika dak iż-żmien u l-gvern Malti ma ġiex infurmat li Malta kienet qed tintuża’ biex ir-Renju Unit u l-Istati Uniti jsiru jafu x’inhu għaddej fl-Albanija li kellha tmexxija Komunista u x’jistgħu jagħmlu biex ifixklu l-gvern, idawru lill-Albaniżi kontra l-gvern tagħhom u jaraw jistgħux iwaqqgħuh.

L-MI6 sejjaħ il-programm ‘Operation Valuable’ waqt li s-CIA sejjaħlu ‘Project BGFriend’. F’Malta ingħataw taħriġ mijiet ta’ żgħażagħ Albaniżi li ħafna minnhom spiċċaw maqtula. Żgħażagħ oħra tħarrġu l-Ġermanja fl-istess programm kontra l-gvern Albaniż.

Ġew imħarrġa 500 aġent u 2,000 għal azzjonijiet militari. Bejn l-1949 u l-1954 l-operazzjonijiet li saru fallew kollha. Inqatlu b’kollox 961 bejn aġenti u ġellieda militari Albaniżi. L-oħrajn ittieħdu priġunieri u spiċċaw il-ħabs fit-tul.

L-operazzjonijiet fallew

Malli l-ewwel żgħażagħ telqu minn Malta niżlu fix-xatt tal-Albanija, tlieta ġew maqtula mis-suldati Albaniżi u ieħor għeb. Għall-ewwel intqal li l-operazzjonijiet fallew għax kixifhom l-ispjun famuż Kim Philby meta għadda d-dettalji lis-servizz sigriet KGB f’Moska u min-naħa tagħhom kienu nfurmaw lill-gvern Albaniż.

Is-CIA u l-MI6 kienu għażlu l-Albanija bħala l-ewwel pajjiż fejn għamlu operazzjoni wara t-Tieni Gwerra Dinjija għax ħasbu li l-gvern Komunista kien se jaqa’ malajr għax kien hemm ħafna firdiet fih. Ħasbu wkoll li l-Unjoni Sovjetika ma kinetx se tidħol fi gwerra biex taqbeż għall-Albanija għax kienet ‘il bogħod mill-fruntiera tal-blokk Sovjetiku.

F’ ‘Rich Harvest of Bitter Fruit: MI6-CIA Covert Action in Communist Albania’ (Icon Books - 2026), Stephen Long jgħid li l-operazzjonijiet kienu ppjanati ħażin u mingħajr ma kienu jafu sew ir-realtà Albaniża u għamlu ħafna żbalji. Sadattant il-Maltin ma kinux jafu li arthom qed tintuża’ f’operazzjonijiet mis-servizz sigriet Britanniku u dak Amerikan biex iwaqqgħu l-gvern tal-Albanija.
Saħħa u sliem.

Żgħażagħ Albaniżi jingħataw taħriġ f’Malta u fil-Ġermanja mis-CIA u l-MI6

29/10/2026

29/10/2026

29/10/2026