Kobelco Excavator Myanmar

27/05/2026

"မင်္ဂလာရှိသော အစ်ဒုလ်အဿွဟာ အခါသမယတွင် မိဘပြည်သူများနှင့်တကွ အစ္စလာမ်ဘာသာဝင်မိတ်ဆွေများအားလုံး ကိုယ်စိတ်နှစ်ဖြာ ကျန်းမာချမ်းသာကြပါစေကြောင်း ဆုမွန်ကောင်းတောင်းအပ်ပါသည်။ ယနေ့နေ့ထူးနေ့မြတ်မှစ၍ ဘေးအန္တရာယ်အပေါင်းမှ ကင်းဝေးကာ စိတ်အေးချမ်းသာမှု၊ အောင်မြင်မှုများနှင့် ပြည့်စုံနိုင်ကြပါစေကြောင်း Kobelco Excavator Myanmar မိသားစုမှ ဆုမွန်ကောင်းတောင်းအပ်ပါသည်။"
🌙 Eid Mubarak! 🌙

06/05/2026

🏗️လုပ်ငန်းခွင်က ယန္တရားကြီးများ

စက်ယန္တရားတစ်စီးရဲ့ အင်အားဟာ လုပ်ငန်းခွင်တစ်ခုရဲ့ အဓိက အသက်သွေးကြောပဲ ဖြစ်ပါတယ်။
အခုပုံလေးတွေကတော့ ရှမ်းပြည်နယ်တောင်ပိုင်းမှာ မှာ တာဝန်ထမ်းဆောင်နေတဲ့
Kobelco Excavatorကြီးတွေရဲ့ ပုံရိပ်တွေပဲဖြစ်ပါတယ်။ ⚙️💎

ဆီစားနှုန်း သက်သာခြင်း၊ အကြမ်းခံခြင်းနဲ့ စွမ်းဆောင်ရည် မြင့်မားခြင်းတို့ကြောင့် လုပ်ငန်းရှင်တိုင်းရဲ့ စိတ်ကြိုက်ရွေးချယ်မှုဖြစ်နေတဲ့ KOBELCO…💪






maintenance

01/05/2026

"အပြည်ပြည်ဆိုင်ရာအလုပ်သမားနေ့အား ဂုဏ်ပြုအပ်ပါသည်"

စက်ယန္တရားတွေ ဘယ်လောက်ပဲ ကောင်းမွန်နေပါစေ၊ စက်တွေကို အသက်ဝင်အောင် မောင်းနှင်နေတာကတော့ ကျွမ်းကျင်တဲ့ လူသားတွေပဲ ဖြစ်ပါတယ်။ မေလ (၁) ရက်နေ့ဆိုတာ ကမ္ဘာတစ်ဝန်းက အလုပ်သမားထုရဲ့ စွမ်းအားကို ဂုဏ်ပြုတဲ့နေ့ပါ။
ဖုန်မှုန့်တွေ၊ ဆူညံသံတွေနဲ့ ကြမ်းတမ်းတဲ့ ပတ်ဝန်းကျင်ကြားမှာ တည်ဆောက်ရေးအတွက် တစ်ဖက်တစ်လမ်းက ပါဝင်နေကြတဲ့ စက်မောင်းနှင်သူများ ၊ အင်ဂျင်နီယာများနှင့် နည်းပညာရှင်အားလုံး၊ နေပူမရှောင် မိုးရွာမရှောင် အလုပ်ကို တာဝန်ကျေအောင်လုပ်ကိုင်ပေးကြတဲ့ လုပ်သားများအားလုံးကို လေးစားစွာ ဂုဏ်ပြုအပ်ပါတယ်။အလုပ်သမားဝန်ထမ်းများအားလုံးရဲ့ ကြံ့ခိုင်တဲ့ အားကြောင့်သာ လုပ်ငန်းတစ်ခုရဲ့ တိုးတက်မှုတွေဟာ မရပ်မနား ရှေ့ဆက်နိုင်တာပါ။ ဒီနေ့မှာ အပင်ပန်းခံခဲ့သမျှအတွက် ဂုဏ်ယူရင်း မိသားစုနဲ့အတူ အေးချမ်းတဲ့ မေနေ့လေး ဖြစ်ပါစေလို့ ဆုတောင်းပေးလိုက်ပါတယ်။

29/04/2026

"ထူးမြတ်ခြင်းလေးဖြာနှင့် ပြည့်စုံသော ကဆုန်လပြည့် ဗုဒ္ဂနေ့"

ယနေ့ဟာ မြတ်ဗုဒ္ဓရဲ့ ဘဝမှတ်တိုင် (၄) ခုဖြစ်တဲ့ "ဗျာဒိတ်၊ ဖွား၊ ပွင့်၊ စံ" တို့ တစ်ရက်တည်းမှာ ဆုံစည်းခဲ့တဲ့ နေ့ထူးမြတ်ဖြစ်သလို၊ ကျွန်မတို့ မြန်မာလူမျိုးတို့ရဲ့ ရိုးရာယဉ်ကျေးမှုနဲ့ ဘာသာရေးအနှစ်သာရတွေ အလှပဆုံး ပေါင်းစပ်နေတဲ့ နေ့တစ်နေ့လည်း ဖြစ်ပါတယ်။
ဗောဓိညောင်ပင်ကို ရေစင်သွန်းလောင်းရင်း ဗုဒ္ဓမြတ်စွာကို ရည်မှန်းပူဇော်ကြသလို၊ တစ်ဖက်မှာလည်း ကုသိုလ်ဒါနအတွေ ပိုမိုခိုင်မာစေဖို့အတွက် ဥပုသ်သီလ ဆောက်တည်ခြင်း၊ စတုဒိသာကျွေးမွေး လှူဒါန်းခြင်း စတဲ့ မွန်မြတ်တဲ့ အလေ့အထတွေနဲ့ ကဆုန်လပြည့်နေ့ကို အဓိပ္ပာယ်ရှိရှိ ဖြတ်သန်းလေ့ရှိကြပါတယ်။ဤကဲ့သို့ မိမိတို့ တတ်နိုင်တဲ့ဘက်ကနေ စုပေါင်းအားနဲ့ လှူဒါန်းကြတဲ့ စတုဒိသာအလှူတွေဟာလည်း နွေအပူကို ကုသိုလ်အေးရိပ်နဲ့ အန်တုလိုက်တဲ့ မြန်မာ့ရိုးရာ အလှတရားတစ်ခုပါပဲ။
ညီမတို့Kobelco Excavator မိသားစုမှလည်း Customer များအားလုံး အေးမြချမ်းသာပြီး အောင်မြင်ပျော်ရွှင်တဲ့ ဘဝကိုပိုင်ဆိုင်နိုင်ကြပါစေလို့ ဆုမွန်ကောင်းတောင်းအပ်ပါတယ်ရှင်။

12/04/2026

Kobelco နှင့် တူယှဉ်နွှဲပျော်... ရိုးရာအတာသင်္ကြန်ပွဲတော် 💦

မိန်ရာသီမှ မိဿရာသီသို့ ကူးပြောင်းခြင်းကို အစွဲပြုကာ "သင်္ကြန်" ဟု ခေါ်ဆိုသည့်အတိုင်း တန်ခူးလေနှင့်အတူ ပါလာသော မိုးဖွဲလေးများရဲ့ လှုံ့ဆော်မှုကြောင့် ဖူးပွင့်လာရသော ရွှေဝါရောင် ပိတောက်ရနံ့များကလည်း နှစ်သစ်ကို ကြိုဆိုနေကြပါပြီ။
မုန့်လုံးရေပေါ် ချိုချိုတွေ၊ သင်္ကြန်ထမင်း ဖြူဖြူတို့နှင့်အတူ ငယ်စဉ်ကတည်းက ကြားနေကျ ဆရာမြို့မငြိမ်း၏ "တူးပို့... တူးပို့" သီချင်းသံစဉ်များကို ခံစားရင်း Kobelco Excavator Myanmar မိသားစုနှင့်အတူ သင်္ကြန်ပွဲတော်ကို နွေးထွေးစွာ ကြိုဆိုလိုက်ရပါသည်ရှင်။
မြန်မာနှစ်သစ်အခါသမယမှာ လုပ်ငန်းရှင်လူကြီးမင်းတို့၏ လုပ်ငန်းများ အောင်မြင်ဖြစ်ထွန်းပြီး စီးပွားလာဘ်လာဘများ ဒီရေအလား တိုးတက်ပါစေကြောင်း Kobelco Excavator Myanmar မိသားစုမှ ဆုမွန်ကောင်း တောင်းလိုက်ရပါသည်ရှင်။

02/04/2026

MK Lubricants

31/03/2026

MK Filter

🤝လုပ်ငန်းရှင်မိတ်ဆွေကြီးတို့ရဲ့ Kobelco Excavatorတွေအတွက် အဖော်မွန်အသစ်🤝

မိတ်ဆွေတို့ရဲ့လုပ်ငန်းခွင်တွေမှာအပြည့်ဝဆုံးစွမ်းဆောင်ရည်တွေကိုပေးစွမ်းနေတဲ့ Kobelco Excavatorတွေအတွက် Filterရွေးချယ်မှုဟာ အရေးကြီးဆုံးအပိုင်းထဲမှာပါဝင်ပါတယ်။ Filterရွေးချယ်မှုမှားယွင်းသွားမယ်ဆိုရင် အင်ဂျင်သက်တမ်းကိုတိုစေပြီး ပြုပြင်စရိတ်တွေလည်းပိုမိုကုန်ကျနိုင်ပါတယ်။

ထိုကဲ့သို့သော အခက်အခဲတွေမဖြစ်ရအောင် မြန်မာကိုင်ဒိုကုမ္ပဏီကနေပြီး Kobelco စက်တွေအတွက် ကိုယ်ပိုင်အမှတ်တံဆိပ်ဖြစ်တဲ့ “MK” အရည်အသွေးမြင့် Filterတွေကို တင်သွင်းဖြန့်ချီပေးနေပြီပဲ ဖြစ်ပါတယ်ရှင်။

‘MK” အမှတ်တံဆိပ် Filterတွေဟာဆိုရင်
✅ မူလ Genuine parts များရဲ့ ကောင်းမွန်တဲ့ အရည်အသွေးအတိုင်း ထုတ်လုပ်ထားခြင်း၊
✅ Kobelco စက်တွေရဲ့အရည်အသွေးကို အပြည့်အဝထိန်းသိမ်းပေးနိုင်ခြင်း အပြင်
✅ ဆီမှာပါလာနိုင်တဲ့ အမှုန်အမွှားတွေကိုပါ အထိရောက်ဆုံးစစ်ထုတ်ပေးနိုင်တဲ့အတွက် အင်ဂျင်ကို အပြည့်အဝကာကွယ်ပေးနိုင်ပါတယ်။

မြန်မာကိုင်ဒိုကုမ္ပဏီလီမိတက်၊ ရုံးခွဲအသီးသီးမှာ ကိုယ်ပိုင် အမှတ်တံဆိပ်ဖြစ်တဲ့ “ MK” အမှတ်တံဆိပ် အရည်အသွေးမြင့် Filter များကို ဝယ်ယူရရှိနိုင်ပြီပဲ ဖြစ်ပါတယ်ရှင်။👇

(1)Fuel Filter(7μm)
(2)Fuel Filter(4μm)
(3)Fuel Filter(2μm)
(4)Fuel Filter
(5)Engine Oil Filter

အသေးစိတ်သိရှိလိုပါက Myanmar Kaido ရဲ့ pageနဲ့ ဖုန်းနံပါတ်တွေမှ တစ်ဆင့်လည်း ဆက်သွယ်ဝယ်ယူနိုင်ပါတယ်ရှင်။

02/03/2026

🌕 စုပေါင်းအားဖြင့် တည်ဆောက်ကာ၊ ကုသိုလ်ယူစို့ တပေါင်းမှာ

မြန်မာပြက္ခဒိန်ရဲ့ နောက်ဆုံးလဖြစ်တဲ့ တပေါင်းလရဲ့ လပြည့်ဝန်းကြီးအောက်က သဲသောင်ပြင်ပေါ်မှာ လူကြီး၊ လူငယ် ၊ ကလေးတွေ စည်းစည်းလုံးလုံးနဲ့ သဲပုံစေတီ တည်ပြီးကုသိုလ်ယူကြလေ့ရှိတာဟာ
မြန်မာ့ရိုးရာ ၁၂လရာသီပွဲတော်တွေထဲက တစ်ခုပဲဖြစ်ပါတယ်။
“တပေါင်းလ သဲပုံစေတီပွဲ” လို့ ငယ်ငယ်က ဆိုခဲ့ကြသလိုပဲ ဖြူလွှလွှသဲပွင့်တွေကို စေတီတစ်ဆူဖြစ်လာတဲ့အထိ တည်ဆောက်ဖို့ဆိုတာ တစ်ဦးတစ်ယောက်တည်းလုပ်လို့ရတာမျိုးမဟုတ်ပဲ အများစုပေါင်းပြီး ကုသိုလ်ပြုရတဲ့ စည်းလုံးခြင်းပြယုဂ်တစ်ခုပဲ ဖြစ်ပါတယ်။
သဲကျုံးသူကကျုံး၊ ပုံသူကပုံနဲ့ တက်ညီလက်ညီ ပုံဖော်ကြတဲ့ ဒီရိုးရာပွဲတော်လေးက ကျွန်တော်တို့ရဲ့ ဖြူစင်တဲ့ သဒ္ဓါတရားကို ပိုပြီး ပေါ်လွင်စေပါတယ်။
သဲပုံစေတီလေးရုပ်လုံးပေါ်လာချိန်မှာ ပန်း၊ ရေချမ်း၊ ဆီမီးကပ်လှူကာ မြတ်စွာဘုရားကိုပူဇော်ကြတဲ့ တပေါင်းလပြည့်ညရဲ့ သဲပုံစေတီပွဲတော်မှာ တိုင်းရင်းသားညီအစ်ကို၊ မောင်နှမများအားလုံး ကုသိုလ်တရားများကို ပွားများအားထုတ်နိုင်ကြပါစေလို့ Kobelco Excavator Myanmar မိသားစုက ဆုတောင်းမေတ္တာ ပို့သလိုက်ရပါတယ်ရှင်။

#သဲပုံစေတီပွဲ # တပေါင်းလပြည့်

02/03/2026

"တောင်သူလယ်သမားနေ့မှသည် စိုက်ပျိုးသမျှ အောင်မြင်ဖြစ်ထွန်းပါစေ။"

ယနေ့ မတ်လ ၂ ရက်နေ့တွင် ကျရောက်သည့် “တောင်သူလယ်သမားနေ့ “မှာ ကျေးဇူးရှင်တောင်သူဦးကြီးများအားလုံး လုပ်ငန်းဆောင်တာများ အဆင်ပြေချောမွေ့ကြပါစေ။ ပင်ပန်းခဲ့သမျှ အရာအားလုံးအတွက် ထိုက်တန်သော အောင်မြင်မှုများရရှိပြီး ကိုယ်ရောစိတ်ပါ အေးချမ်းသာယာပါစေကြောင်း Kobelco Myanmar မိသားစုမှ လေးစားစွာ ဂုဏ်ပြုဆုမွန်ကောင်းတောင်းအပ်ပါသည်။

#တောင်သူလယ်သမားနေ့

23/02/2026

Memory🧡🧡