Swe Hlaing Oo-YTU

Directions Website

Swe Hlaing Oo-YTU "Basic knowledge for Civil Engineer
တိုတိုထွာထွာ အခြေခံမြို့ပြအင်ဂျင်နီယာပညာ"
By PE (Construction), MEngC.
(2)

ဆောက်လုပ်​​ရေးလုပ်ငန်းနှင့် ပွဲတင် ပွဲ​ပေးခြင်း ဓ​လေ့ရိုးရာ​ အစဥ်အလာခေါ်မလား၊ ယုံကြည်မှု​ခေါ်မလား...​တောရှင်း၊ ​မြေတူး၊ ...
18/10/2026

ဆောက်လုပ်​​ရေးလုပ်ငန်းနှင့် ပွဲတင် ပွဲ​ပေးခြင်း ဓ​လေ့

ရိုးရာ​ အစဥ်အလာခေါ်မလား၊ ယုံကြည်မှု​ခေါ်မလား...
​တောရှင်း၊ ​မြေတူး၊ ပန္နက်ရိုက်၊တိုင်ထူ၊ ဆလက်​လောင်း စသဖြင့် လုပ်ငန်း​ဆောင်ရွက်မှု​တွေမှာ အုန်းပွဲ၊ ငှက်​ပျောပွဲ တင်ကြတယ်...
အချို့က ယုံယုံကြည်ကြည် လုပ်ကြတယ်...အချို့က အစဥ်အလာအရ လုပ်ကြတယ်...
​ဘေးကင်းဖို့ရယ်၊ လုပ်ငန်း​ချောမွေ့ ​အောင်မြင်ဖို့ရယ် ရည်ရွယ်ပြီးလုပ်ကြတာဖြစ်တယ်...
ယုံတာမယုံတာ၊ ပွဲက အစွမ်းထက်တာ မထက်တာတပိုင်း​ပေါ့...ဒီလို ပွဲတင်ပွဲ​ပေးလိုက်ခြင်းအားဖြင့် လုပ်ငန်းခွင်ကသူ​တွေ၊ လုပ်သား​တွေအတွက် စိတ်ပိုင်းဆိုင်ရာ လုံခြုံမှု​တော့ ရရှိ​​စေတယ်လို့ မြင်တယ်...

ကိုယ်​တွေ့ကြုံဖူးခဲ့တာ​လေးတခု​ပြောပြချင်ပါတယ်...ကြာ​တော့ကြာပါပြီ...

​ပေါင်းလောင်းချောင်းဖျားတ​နေရာ

​ရေအားလျှပ်စစ်စီမံကိန်းတခုရဲ့ အကြိုအင်ယာလုပ်ငန်းများ​ဆောင်ရွက်ကြစဥ်...

​ချောင်း​ဘေး​ တောင်နှစ်ခုကြားကလျှို​နေရာကို ​မြေပြန့်ရ​အောင် စက်​တွေနဲ့ထိုးပြီး ဝန်ထမ်းလိုင်းခန်း​လေး​တွေ ​ဆောက်ကြတယ်...တပြိုင်တည်း ​ချောင်းအထက်ဘက်က အ​တော်မြင့်/မတ်တဲ့ ​တောင်ကုန်းထိပ်မှာ ရှင်းလင်းဆောင်နဲ့ ဧည့်ရိပ်သာ ​ဆောက်ဖို့ ဖြစ်လာတယ်...

​တောင်က မတ်​တော့ ခြုံတိုးပြီး ​ခြေကျင်တက်ဖို့ မလွယ်​ဘူး... ဘက်ဟိုးဆရာရဲ့ ထိုင်ခုံ​နောက်မှ ကျုံ့ကျုံ့​လေးကပ်ထိုင် လိုက်ပြီး တ​ကြောင်းထိုးရှင်းရင်းတက်ရတယ်...

ဒီလိုနဲ့ ​တောင်ထိပ်ကို ဘက်ဟိုး ၂စီး ဘူဒိုဇာ ၁စီးနဲ့ ​တောရှင်း ​မြေဖြတ် လုပ်ငန်းစကြတယ်...

လိုချင်တဲ့ ​မြေအကျယ်ရဖို့ ​ပေကြိုးဆွဲ တိုင်းတာကြပြီး ​နောက်​နေ့မှာ လုပ်ငန်းတွန်းလုပ်ဖို့ စီစဥ်ကြတာ​ပေါ့...

အလုပ်စတဲ့​​နေ့​​ရောက်​တော့ ဇာတ်လမ်း စပါပြီ...
Hydraulic pipe ​ပေါက်လို့တဲ့ ချိန်းကျလို့တဲ့...စက်ပျက်ပြန်ပြီတဲ့...စက် ၃စီးဟာ တ​စီးတလှည့်စီ ပျက်လိုက်ပြင်လိုက်က​နေ ၃စီးစလုံး ပျက်ပါ​လေ​ရော...တပတ်​လောက်သာကြာသွားတယ်...အလုပ်က မတွင် စက်သမား​တွေက ငြီးတွား...စက်​တွေ ​အရင်က ကြံ့ခိုင်မှုကောင်းပါရဲ့နဲ့ ဘယ်လိုဖြစ်​နေမှန်းမသိဘူး​ပေါ့...

ဒီလိုနဲ့ စီမံကိန်းနားက ကရင်ရွာက လူကြီး​တွေ ဆိုက်ထဲလာလည်ရင်း စကားစပ်မိကြ..စက်​တွေပျက်တဲ့အ​ကြောင်း​ပြော​တော့ "ဆရာတို့ ပွဲမတင်ဘူးလား" တဲ့...
မလုပ်ဖြစ်ပါဘူးဆို​တော့ လုပ်ဖို့တိုက်တွန်းတာနဲ့ သူတို့ဆီက နားလည်တဲ့ "နတ်ဆရာ" ​ခေါ်မလား ...ပင့်လာပြီး အုန်းပွဲငှက်​ပျောပွဲနဲ့ အခြားရိုးရာပစ္စည်း​လေးတွေနဲ ပွဲထိုးဆု​တောင်းလိုက်ကြတယ်...ကရင်နတ်​ရော ဗမာနတ်​ရော စုံလို့​ပေါ့...

​နောက်ရက် စက်အပိုပစ္စည်း​တွေ​ရောက်လာပြီး လဲလှယ်ပြင်ဆင်လို့ လုပ်ငန်းပြန်စကြတယ်...
ထူးခြားတာက အဲအချိန်ကစလို့ စက်​တွေ မပျက်​တော့ဘဲ ​မြေဖြတ်၊ ​မြေဖို့ တာ​တွေ ပြီး​အောင်​ဆောင်ရွက်နိုင်ခဲ့ပါတယ်...ယုံရအခက် မယုံရအခက်ပါပဲ...

မိတ်​ဆွေတို့​​ရော "ပွဲ" အ​တွေ့အကြုံ​တွေရှိကြလား😊

(ပုံက​တော့ သူများ​တွေ​တင်ထားတဲ့ပွဲ​တွေနဲ့ ခပ်တည်တည်တွဲရိုက်ထားတာ😊)

17/10/2026

Sheet pile installation...
Rectangular corner joint is important to protect the leakage of soil/water while Excavation of sub-structure...

QS Engineer ​တွေ၊ Site Engineer ​တွေ နဲ့ Project Cost Management ကို စိတ်ဝင်စားသူ​တွေအတွက် PMBOK အ​ခြေခံ Cost Management...
16/10/2026

QS Engineer ​တွေ၊ Site Engineer ​တွေ နဲ့ Project Cost Management ကို စိတ်ဝင်စားသူ​တွေအတွက် PMBOK အ​ခြေခံ Cost Management နဲ့သက်ဆိုင်တဲ့ အ​ခြေခံအ​ကြောင်းအရာ​လေး​တွေ၊ ပိုစ့်​လေး​တွေ စုစည်းထားပါတယ်...

1. အင်ဂျင်နီယာများသိထားရမယ့် Cost Management အ​ကြောင်း
https://www.facebook.com/share/p/1CWQdpfUhv/

2. Project မစခင် ကုန်ကျစရိတ်ကို ဘယ်လို ခန့်မှန်းမလဲ? – Cost Estimating နည်းလမ်း (၄) မျိုး
https://www.facebook.com/share/p/1DQQHYeqiU/

3. Bottom-Up Estimating & BOQ ( QS Engineer တွေအတွက် အဓိကလုပ်ငန်းစဥ်)
https://www.facebook.com/share/p/19j4B6Dn5D/

4. Project Budget နှင့် S-Curve အ​ကြောင်း
https://www.facebook.com/share/p/1Qw186921p/

5. Project Budget ထဲက အရေးကြီးတဲ့ အရံရန်ပုံငွေများ (Contingency Reserve vs Management Reserve)
https://www.facebook.com/share/p/1YvYmnVivW/

6. တည်​ဆောက်​ရေးလုပ်နေစဥ် (Work in Progress) မှာ ကုန်ကျစရိတ်ထိန်းချုပ်ခြင်း(Project Financial Control)
https://www.facebook.com/share/p/1B6AwwWcCX/

7. Project ရဲ့ ကျန်းမာ​ရေးအ​ခြေအ​နေ စစ်ဆေးနိုင်တဲ့ Earned Value Management (EVM)
https://www.facebook.com/share/p/1ED1yjVk4Q/

8. Project ရဲ့ Cost နဲ့ Schedule Performance ကို တိုင်းတာခြင်း ( CV, SV, CPI, SPI)
https://www.facebook.com/share/p/19t9vynK8e/

9. Project ပြီးချိန်ကျရင် ပိုက်ဆံ ဘယ်လောက်ကုန်မလဲ ကြိုတင်ခန့်မှန်းခြင်း (EAC, ETC & TCPI)
https://www.facebook.com/share/p/1EyJRJdTBm/

10. Vendor Bid Analysis & Site Cost Control Summary
https://www.facebook.com/share/p/1C4gHPCv3n/



​ဆွေလှိုင်ဦး (မြို့ပြ ၂၀၀၄)

Vendor Bid Analysis & Site Cost Control Summary ဈေးအနိမ့်ဆုံးကို ရွေးချယ်ရုံနဲ့ Cost Control အောင်မြင်ပြီလား?ဆောက်လုပ်ရ...
15/10/2026

Vendor Bid Analysis & Site Cost Control Summary

ဈေးအနိမ့်ဆုံးကို ရွေးချယ်ရုံနဲ့ Cost Control အောင်မြင်ပြီလား?

ဆောက်လုပ်ရေးလုပ်ငန်းခွင်မှာ Sub-contractor တွေ၊ Material Supplier တွေဆီက ဈေးနှုန်းတောင်းခံတဲ့အခါ ဈေးအနိမ့်ဆုံးကို ရွေးချယ်လိုက်ရုံနဲ့ ကုန်ကျစရိတ်ကို ထိန်းချုပ်နိုင်ပြီလို့ ပြောလို့ရပါသလား။

တကယ်တော့ ဈေးနိမ့်ပေမဲ့ လုပ်ငန်း Scope မပြည့်စုံတာ၊ အရည်အသွေးမမီတာ၊ သတ်မှတ်ချိန်အတွင်း ပစ္စည်းမပေးနိုင်တာတွေကြောင့် နောက်ဆုံးမှာ ပိုမိုကုန်ကျသွားနိုင်ပါတယ်။

ဒါကြောင့် Site Engineer, Project Engineer (PE) နဲ့ Quantity Surveyor (QS) တွေအနေနဲ့ Vendor Bid Analysis ကို စနစ်တကျ လုပ်ဆောင်ဖို့ လိုအပ်ပါတယ်။

ဒီ Post ကတော့ PMBOK 5th Edition ရဲ့ Project Cost Management Series (၁၀) ပိုင်းတွဲ ရဲ့ နောက်ဆုံးအပိုင်း ဖြစ်ပါတယ်။

Vendor Bid Analysis ဆိုတာ ဘာလဲ?

Vendor Bid Analysis ဆိုတာ Sub-contractor တွေနဲ့ Material Supplier တွေဆီက ရရှိလာတဲ့ Quotation တွေကို Scope, Cost, Quality နဲ့ Delivery အစရှိတဲ့ အချက်တွေအပေါ် မူတည်ပြီး နှိုင်းယှဉ်သုံးသပ်ကာ အသင့်တော်ဆုံး Bid ကို ရွေးချယ်တဲ့ လုပ်ငန်းစဉ် ဖြစ်ပါတယ်။

ဈေးအနိမ့်ဆုံး Bid ဟာ အကောင်းဆုံး Bid ဖြစ်ချင်မှ ဖြစ်ပါလိမ့်မယ်။

Quotation တွေကို စစ်ဆေးတဲ့အခါ အောက်ပါအချက် (၄) ချက်ကို သတိပြုသင့်ပါတယ်။

1. Scope Completeness – လုပ်ငန်းနယ်ပယ် ပြည့်စုံမှု

ဈေးနှုန်းနိမ့်နေတဲ့ Quotation တစ်ခုမှာ လုပ်ငန်းအချို့ ချန်လှပ်ထားတာ ရှိမရှိ စစ်ဆေးပါ။

ဥပမာ - Concrete Pouring ပါဝင်ပေမဲ့ Curing, Finishing ဒါမှမဟုတ် သက်ဆိုင်ရာလုပ်ငန်းခွင်အတွက် လိုအပ်တဲ့ အလုပ်သမားခတွေ မပါဝင်တာမျိုး ဖြစ်နိုင်ပါတယ်။

2. Independent Cost Estimate – ကိုယ်ပိုင်ခန့်မှန်းကုန်ကျစရိတ်နဲ့ နှိုင်းယှဉ်ခြင်း

QS က ကြိုတင်တွက်ချက်ထားတဲ့ Cost Estimate နဲ့ Vendor ရဲ့ Quotation ကို နှိုင်းယှဉ်ပါ။

ဈေးနှုန်းကွာခြားချက် များနေရင် အကြောင်းရင်းကို ရှာဖွေသင့်ပါတယ်။ ဈေးနိမ့်တာဟာ ကုန်ကျစရိတ်သက်သာလို့လား၊ Scope ချန်ထားလို့လား၊ ဒါမှမဟုတ် ဈေးနှုန်းမှားယွင်းတွက်ချက်ထားလို့လား ဆိုတာ စစ်ဆေးဖို့ လိုပါတယ်။

3. Hidden Costs – အခြားကုန်ကျစရိတ်များ

Quotation ထဲမှာ အောက်ပါကုန်ကျစရိတ်တွေ ပါဝင်ပြီးပြီလား စစ်ဆေးပါ။

Transportation – သယ်ယူပို့ဆောင်ခ
Loading & Unloading – ကုန်တင်ကုန်ချခ
Taxes & Duties – အခွန်အခများ
Wastage – ပစ္စည်းအလေအလွင့်
လုပ်ငန်းအလိုက် လိုအပ်နိုင်တဲ့ Installation, Testing နဲ့ အခြားဆက်စပ်စရိတ်များ

ဈေးနှုန်းနှိုင်းယှဉ်တဲ့အခါ Scope နဲ့ Cost Basis တူညီအောင် စစ်ဆေးပြီးမှ နှိုင်းယှဉ်သင့်ပါတယ်။ (Apple to Apple လို့​ခေါ်ကြတယ်)

4. Vendor Track Record – ယခင်လုပ်ငန်းစွမ်းဆောင်ရည်

ဈေးနှုန်းကောင်းရုံနဲ့ မဆုံးဖြတ်သင့်ပါဘူး။

Vendor ရဲ့ ယခင်လုပ်ငန်းအတွေ့အကြုံ၊ ပစ္စည်းအရည်အသွေး၊ Delivery Performance၊ လုပ်ငန်းပြီးစီးနိုင်မှုနဲ့ ငွေကြေးဆိုင်ရာ ယုံကြည်စိတ်ချရမှုတွေကိုပါ ထည့်သွင်းစဉ်းစားရပါမယ်။

အဓိကက ဈေးအနိမ့်ဆုံးကို ရွေးချယ်ဖို့ မဟုတ်ဘဲ လိုအပ်တဲ့ Scope, Quality နဲ့ Delivery ကို သင့်တော်တဲ့ ကုန်ကျစရိတ်နဲ့ ရရှိဖို့ ဖြစ်ပါတယ်။

Project Cost Management Series (၁၀) ပိုင်း အနှစ်ချုပ်

ဒီ Series တစ်လျှောက်မှာ Project Cost Management ရဲ့ အဓိကအကြောင်းအရာတွေကို အပိုင်းလိုက် လေ့လာခဲ့ကြပါတယ်။

Post 1–3: Estimating

Analogous, Parametric နဲ့ Bottom-Up Estimating နည်းလမ်းတွေကို အသုံးပြုပြီး BOQ နဲ့ Cost Estimate တွက်ချက်ခြင်း။

Post 4–5: Budgeting & Reserves

Cost Baseline နဲ့ S-Curve တည်ဆောက်ခြင်း၊ Contingency Reserve နဲ့ Management Reserve တို့ကို သင့်လျော်စွာ စီမံခြင်း။

Post 6–7: Cost Control & EVM

Actual Cost (AC) တစ်ခုတည်းကိုသာ ကြည့်ခြင်းမဟုတ်ဘဲ Planned Value (PV), Earned Value (EV) နဲ့ Actual Cost (AC) တို့ကို တွဲဖက်သုံးသပ်ပြီး Project Performance ကို တိုင်းတာခြင်း။

Post 8–9: Performance Analysis & Forecasting

CPI, SPI စတဲ့ Indicator တွေကို အသုံးပြုပြီး Project ရဲ့ အခြေအနေကို သုံးသပ်ခြင်း၊ Estimate at Completion (EAC) နဲ့ Estimate to Complete (ETC) တို့ကို တွက်ချက်ကာ ရှေ့ဆက်ကုန်ကျနိုင်မယ့် စရိတ်ကို ကြိုတင်ခန့်မှန်းခြင်း။

Post 10: Procurement & Bid Analysis

Vendor Quotation တွေကို စနစ်တကျ နှိုင်းယှဉ်သုံးသပ်ပြီး Scope, Quality, Delivery နဲ့ Cost တို့ကို မျှတစွာ ထိန်းချုပ်ခြင်း။ (ယခင်ပိုစ့်​တွေ​ပေါင်းပြီး ဆက်တင်​ပေးပါမယ်)

Project Cost Management ဆိုတာ ကုန်ကျစရိတ်ကို လျှော့ချရုံသက်သက် မဟုတ်ပါဘူး။

Project တစ်ခုရဲ့ ရည်မှန်းချက်ဖြစ်တဲ့ On Time, Within Budget and Required Quality ကို ပြည့်မီအောင် စီမံခန့်ခွဲနိုင်ဖို့ ဖြစ်ပါတယ်။

အင်ဂျင်နီယာတစ်ယောက်ရဲ့ တန်ဖိုးဟာ Technical Knowledge နဲ့ Design Skill တွေပြည့်စုံရုံသာမဟုတ်ပါဘဲ လုပ်ငန်းခွင်မှာ အချိန်၊ ကုန်ကျစရိတ်နဲ့ အရည်အသွေးတို့ကို မျှတစွာ ထိန်းကျောင်းနိုင်ခြင်းကလည်း အရေးကြီးတဲ့ skill တစ်ခု ဖြစ်ပါတယ်။

Cost Saving ဆိုတာ ဈေးအနိမ့်ဆုံးကို ရွေးချယ်ခြင်း မဟုတ်ပါဘူး။ သတ်မှတ်ထားတဲ့ အရည်အသွေးနဲ့ လုပ်ငန်းရလဒ်ကို အကောင်းဆုံးတန်ဖိုး (Best Value) နဲ့ ရရှိအောင် စီမံနိုင်ခြင်း ဖြစ်ပါတယ်။

PMBOK 5th Edition ကို အခြေခံထားတဲ့ Project Cost Management Series (၁၀) ပိုင်းတွဲကို ဒီနေရာမှာ အဆုံးသတ်လိုက်ပါရ​စေ။

​ဆွေလှိုင်ဦး (မြို့ပြ ၂၀၀၄)

လုပ်ငန်းခွင်မှာ ရာထူးတွေ ကွာခြားနိုင်ပေမဲ့ အင်ဂျင်နီယာအချင်းချင်း လေးစားမှုရှိဖို့ အရေးကြီးပါတယ်...ဆောက်လုပ်ရေးလုပ်ငန်းခ...
14/10/2026

လုပ်ငန်းခွင်မှာ ရာထူးတွေ ကွာခြားနိုင်ပေမဲ့ အင်ဂျင်နီယာအချင်းချင်း လေးစားမှုရှိဖို့ အရေးကြီးပါတယ်...

ဆောက်လုပ်ရေးလုပ်ငန်းခွင်မှာ Client, Consultant, Main Contractor (Maincon) နဲ့ Subcontractor (Subcon) ဆိုပြီး အဖွဲ့အစည်းအမျိုးမျိုးက အင်ဂျင်နီယာတွေ အတူတကွ အလုပ်လုပ်ကြရတယ်။

လုပ်ငန်းတာဝန်အရ Client/ Consultant ဘက်က အင်ဂျင်နီယာမှာ ဆုံးဖြတ်ပိုင်ခွင့်နဲ့ လုပ်ပိုင်ခွင့် ပိုများနေနိုင်ပေမဲ့ အဲဒါဟာ အခြားအဖွဲ့အစည်းက အင်ဂျင်နီယာတွေကို အထင်သေးဖို့၊ နှိမ်ပြောဖို့၊ မောက်မာဖို့ အကြောင်းပြချက်တော့ မဟုတ်ပါဘူး။

အလုပ်အကိုင်နဲ့ ရာထူးဆိုတာ အချိန်နဲ့အမျှ ပြောင်းလဲနိုင်ပါတယ်။ ဒီနေ့ Client/ Consultant သို့မဟုတ် Main Contractor company မှာ အလုပ်လုပ်နေသူဟာ နောင်တစ်ချိန်မှာ Subcon ဘက်ကို ရောက်သွားနိုင်သလို၊ ဒီနေ့ ကိုယ်နဲ့အတူ လုပ်ငန်းခွင်မှာ လက်တွဲလုပ်ကိုင်နေသူကလည်း အနာဂတ်မှာ ကိုယ့်ထက် ပိုမြင့်တဲ့နေရာကို ရောက်ရှိသွားနိုင်ပါတယ်။

ဒါကြောင့် လုပ်ငန်းတာဝန်အရ လိုအပ်သလို ပြတ်ပြတ်သားသား ပြောဆိုတာ၊ အမှားတွေကို ထောက်ပြတာဟာ မှန်ကန်ပေမဲ့ လူတစ်ယောက်ရဲ့ ဂုဏ်သိက္ခာကို ထိခိုက်စေတဲ့ အပြောအဆိုနဲ့ အပြုအမူတွေကိုတော့ ရှောင်ကြဉ်သင့်ပါတယ်။

တာဝန်အရ ပြတ်သားခြင်းနဲ့ လူတစ်ယောက်အပေါ် နှိမ်ချခြင်း/မောက်မာခြင်းဟာ မတူပါဘူး။

လုပ်ငန်းခွင်မှာ အချင်းချင်း လေးစားမှုရှိခြင်းဟာ အလုပ်အဆင်ပြေစေရုံသာမက အနာဂတ်မှာလည်း ကောင်းမွန်တဲ့ ပရော်ဖက်ရှင်နယ်ဆက်ဆံရေးကို တည်ဆောက်ပေးနိုင်ပါတယ်။

နောက်ဆုံးမှာ ရာထူးထက် ကိုယ့်ရဲ့အရည်အချင်း၊ အပြုအမူနဲ့ လူတွေအပေါ် ဆက်ဆံပုံက ပိုပြီး တန်ဖိုးရှိပါတယ်။

အင်ဂျင်နီယာကောင်းတစ်ယောက်ဆိုတာ လုပ်ငန်းကို ကျွမ်းကျင်စွာ ကိုင်တွယ်နိုင်သူဖြစ်သလို လူအချင်းချင်းလည်း လေးစားတတ်သူ ဖြစ်သင့်ပါတယ်။

(မိမိကိုယ်ကိုယ် သတိ​ပေးခြင်းပါ...)

​​ဆွေလှိုင်ဦး (မြို့ပြ ၂၀၀၄)

Solar ​တွေ တပ်ဆင်ဖို့ YCDC ရဲ့ ရုံးတွင်းအမိန့်စာရုံးတွင်းအမိန့်စာဆို​ပေမယ့် အ​ဆောက်အအုံ​ဆောက်လုပ်ခွင့်တင်ပြ​လျောက်ထားသူ​...
13/10/2026

Solar ​တွေ တပ်ဆင်ဖို့ YCDC ရဲ့ ရုံးတွင်းအမိန့်စာ

ရုံးတွင်းအမိန့်စာဆို​ပေမယ့် အ​ဆောက်အအုံ​ဆောက်လုပ်ခွင့်တင်ပြ​လျောက်ထားသူ​တွေ သိဖို့လိုအပ်လို့ ပြင်ပကို မျှ​ဝေလိုက်တာ ထင်ပါတယ်...ကျ​နော်လည်း ​တွေ့မိတာ​လေး ထပ်ဆင့် မျှ​ဝေလိုက်တာပါ...

အဓိကအချက်​တွေက​တော့

​( က ) ဓာတ်လှေကားပါဝင်သော အဆောက်အအုံများတွင် ဓာတ်လှေကားနှင့် Emergency Lighting အသုံးပြုရန်အတွက် လုံလောက်သော Solar System ထည့်သွင်းရန်။
( ခ ) စီးပွားသုံးအဆောက်အအုံများတွင် YESC လျှပ်စစ်မီးနှင့် မျှ၍ သုံးစွဲနိုင်ရေး Solar System ထည့်သွင်းဆောင်ရွက်ရန်။

Solar နဲ့ ဆက်စပ်ပစ္စည်း​တွေ ​စျေးနှုန်းကြီးမြင့်ပြီး ပစ္စည်းပြတ်လပ်​နေတယ်လို့ ကြား​နေရချိန်မှာ ထွက်​ပေါ်လာတဲ့ စည်းမျဥ်းဖြစ်ပါတယ်...

ရည်ရွယ်ချက်​ကောင်း​ပေမယ့် လက်​တွေ့​ဖော်​ဆောင်မှုအတွက် ပစ္စည်း​​စျေးနှုန်းတည်ငြိမ်ပြီး လုံလုံ​လောက်​လောက်ဝယ်ယူရရှိဖို့လည်း လိုအပ်မှာဖြစ်ပါတယ်...

Local Rebar (ပြည်တွင်းထုတ် သံချောင်းလုံး) တွေ အရည်အသွေးကောင်းမွန်စေဖို့ဆိုလျှင်... Repost:၁။ Induction Furnace (IF)ပြည်တ...
12/10/2026

Local Rebar (ပြည်တွင်းထုတ် သံချောင်းလုံး) တွေ အရည်အသွေးကောင်းမွန်စေဖို့ဆိုလျှင်...

Repost:

၁။ Induction Furnace (IF)

ပြည်တွင်းသံရည်ကျိုလုပ်ငန်းအများစုမှာ IF ကို အသုံးပြုကြပါတယ်။ ရင်းနှီးမြှုပ်နှံမှုနဲ့ လည်ပတ်မှုအရ အားသာချက်တွေရှိပေမယ့် IF မှာ oxidation refining လုပ်ဆောင်နိုင်စွမ်း အကန့်အသတ်ရှိတာကြောင့် အသုံးပြုတဲ့ Metal Scrap တွေရဲ့ အရည်အသွေးနဲ့ သန့်ရှင်းမှုက အရေးကြီးပါတယ်။

၂။ Chemical Composition Control

သံရည်ပူထဲမှာ Carbon (C), Manganese (Mn), Silicon (Si), Phosphorus (P), Sulfur (S) စတဲ့ ဓာတ်တွေ ပါဝင်မှုကို စစ်ဆေးထိန်းချုပ်ဖို့ လိုပါတယ်။ လိုအပ်တဲ့ Chemical Composition နဲ့ Mechanical Properties မရရှိခြင်းဟာ Rebar Quality ကို ထိခိုက်စေနိုင်ပါတယ်။

၃။ Continuous Casting Machine (CCM)

သံရည်ပူကနေ Billet ပြုလုပ်ရာမှာ CCM ကို အသုံးပြုခြင်းက ထုတ်လုပ်မှုကို ပိုမိုတည်ငြိမ်စေပြီး အရည်အသွေးထိန်းချုပ်မှုကို အထောက်အကူပြုပါတယ်။ Ingot Casting နည်းလမ်းနဲ့ နှိုင်းယှဉ်ရင် ထုတ်လုပ်မှုထိရောက်မှုနဲ့ Yield ပိုင်းမှာလည်း အားသာချက်ရှိနိုင်ပါတယ်။ ဒါပေမဲ့ CCM ရှိရုံနဲ့ အရည်အသွေးကောင်းမယ်လို့ မဆိုနိုင်ဘဲ Casting Process ကိုပါ ကောင်းမွန်စွာ ထိန်းချုပ်ဖို့လည်း လိုပါတယ်။

ပြည်တွင်းထုတ် Rebar တွေ အရည်အသွေးမြှင့်တင်ဖို့ လိုအပ်ချက်များ

၁။ သန့်ရှင်းပြီး သင့်တော်တဲ့ Chemical Composition ရရှိနိုင်မယ့် Metal Scrap တွေကို ရွေးချယ်အသုံးပြုဖို့။

၂။ IF လုပ်ငန်းစဉ်ကို အဆင့်မြှင့်တင်ပြီး လိုအပ်ချက်အလိုက် EAF (Electric Arc Furnace) နဲ့ သင့်တော်တဲ့ Refining Technology တွေကို စဉ်းစားဖို့။

၃။ Chemical Composition နဲ့ Mechanical Properties စစ်ဆေးနိုင်တဲ့ Laboratory တွေ တည်ထောင်ဖို့။ သင့်တော်တဲ့ Portable Spectrometer တွေကိုလည်း အသုံးပြုနိုင်ပေမယ့် သံရည်ပူ၊ Solid Metal နဲ့ Finished Rebar တို့အတွက် သင့်တော်တဲ့ စမ်းသပ်နည်းကို ရွေးချယ်ဖို့ လိုပါတယ်။

၄။ CCM နဲ့ Rolling Process တွေကို အဆင့်မြှင့်တင်ဖို့။

၅။ နိုင်ငံတော်အဆင့် ဓာတ်ခွဲခန်းတွေကနေ လွတ်လပ်စွာ စမ်းသပ်စစ်ဆေးခြင်းနဲ့ အရည်အသွေးအတည်ပြုခြင်းတွေ ဆောင်ရွက်ဖို့။

မြန်မာနိုင်ငံမှာ သံချောင်းလုံးနဲ့ ပတ်သက်တဲ့ Standard ကတော့ MM ASTM A615/A615M ဖြစ်ပါတယ်။ ASTM ကို ကိုးကားထားတဲ့ Myanmar Standard ဖြစ်တာကြောင့် သက်ဆိုင်ရာ Standard ရဲ့ လိုအပ်ချက်တွေကို တိတိကျကျ လိုက်နာဖို့ အရေးကြီးပါတယ်။

ပြည်တွင်းထုတ်ဖြစ်လို့ အရည်အသွေးနိမ့်တယ်လို့ မသတ်မှတ်သင့်သလို၊ ပြည်ပထုတ်ဖြစ်လို့ အရည်အသွေးကောင်းတယ်လို့လည်း မယူဆသင့်ပါဘူး။ အရေးကြီးဆုံးက သတ်မှတ်ထားတဲ့ Standard နဲ့အညီ ထုတ်လုပ်နိုင်ခြင်း၊ စမ်းသပ်အတည်ပြုနိုင်ခြင်းနဲ့ အရည်အသွေးတည်ငြိမ်ခြင်းတို့ ဖြစ်ပါတယ်။

MEngC Seminar(28-6-2025) မှာ ကြားသိခဲ့ရတဲ့ Local Rebar Quality မြှင့်တင်ရေးဆိုင်ရာ နည်းပညာအချက်အလက်တွေကို ဗဟုသုတအဖြစ် ပြန်လည်မျှဝေလိုက်ပါတယ်။

ဖြည့်စွက်ချက်

ပြည်တွင်းထုတ်သံကို အရည်အ​သွေးမြှင့်တင်ဖို့နဲ့ ပိုမိုသုံးစွဲကြဖို့ တွန်းအား​ပေးတာလည်း ကြားမိတယ်...သံရည်ကျိုစက်​တွေရဲ့ လျှပ်စစ်မီးလိုအပ်ချက်မြင့်မား​​ပေမယ့် လျှပ်စစ်ရရှိနိုင်မှု ​လျော့နည်းခြင်း၊ စက်သုံးဆီ​စျေးမြင့်မားခြင်း၊ လိုအပ်တဲ့ စက်ပစ္စည်း​တွေအဆင့်မြှင့်တင်ဖို့ ကုန်စည်တင်သွင်းခွင့်မူဝါဒတင်းကျပ််မှု​တွေနဲ့ အခြား​သော အ​ကြောင်းတရား​တွေ​ကြောင့် ဘယ်​လောက်ထိ လက်​တွေ့လုပ်​ဆောင်နိုင်ကြမလဲဆိုတာ စိတ်ဝင်စားစရာပါ...

ဆွေလှိုင်ဦး (မြို့ပြ ၂၀၀၄)

11/10/2026

Modified structure covered the old pagoda...
​ဝေဘူလ​တောင်

11/10/2026

မိတ္ထီလာကန်

10/10/2026

ကန်ဖြတ် ရထားလမ်းတံတား
(မိတ္ထီလာ-ပုဂံ ရထားလမ်း)

Address

Yangon
11421

Website

,

Alerts

Be the first to know and let us send you an email when Swe Hlaing Oo-YTU posts news and promotions. Your email address will not be used for any other purpose, and you can unsubscribe at any time.

Shortcuts

Share