AKSH M&E Engineering Co., Ltd.

AKSH M&E Engineering Co., Ltd. We are giving engineering services especially Electrical and Mechanical services.

ယနေ့ ( Survey )သွားကြည့်ဖြစ်တာလေး....
03/05/2026

ယနေ့ ( Survey )
သွားကြည့်ဖြစ်တာလေး....

ရေအားလျှပ်စစ်ဆိုတာ....
26/04/2026

ရေအားလျှပ်စစ်ဆိုတာ....

ပဲခူးစက်မှုဇုံ ကော်စေ့ စက်ရုံ စိတ်ဝင်စားရင်တော့ ခေါ်လိုက်ပေါ့
26/04/2026

ပဲခူးစက်မှုဇုံ ကော်စေ့ စက်ရုံ စိတ်ဝင်စားရင်တော့ ခေါ်လိုက်ပေါ့

လုပ်ခဲ့သမျှ..…လုပ်ခဲ့တာလေးတွေ .....
19/07/2025

လုပ်ခဲ့သမျှ..…လုပ်ခဲ့တာလေးတွေ .....

🌧️ မိုးအုပ်ရင် ဆိုလာပြားတွေ အလုပ်လုပ်သေးလား။ ⚡ သိထားသင့်တဲ့ အချက်အလက်များ!မြန်မာနိုင်ငံလို မိုးများတဲ့ ရာသီဥတုရှိတဲ့နေရာ...
19/07/2025

🌧️ မိုးအုပ်ရင် ဆိုလာပြားတွေ အလုပ်လုပ်သေးလား။ ⚡ သိထားသင့်တဲ့ အချက်အလက်များ!
မြန်မာနိုင်ငံလို မိုးများတဲ့ ရာသီဥတုရှိတဲ့နေရာမျိုးမှာ ဆိုလာပြားတပ်ဆင်ဖို့ စဉ်းစားနေတဲ့သူတိုင်း မေးလေ့ရှိတဲ့ မေးခွန်းတစ်ခုကတော့ "မိုးအုပ်နေရင် ဆိုလာပြားတွေက အားဝင်ပါ့မလား?" ဆိုတာပါပဲ။ ဒီနေ့ ဒီမေးခွန်းအတွက် ရှင်းလင်းတဲ့ အဖြေနဲ့ ဗဟုသုတတချို့ကို မျှဝေပေးချင်ပါတယ်။

💡 တိုတိုပြောရရင် - မိုးအုပ်နေချိန်မှာလည်း ဆိုလာပြားတွေ အလုပ်လုပ်ပါတယ်။
ဒါပေမယ့် ဘယ်လိုအလုပ်လုပ်လဲဆိုတာက အရေးကြီးပါတယ်။
ဘာလို့ မိုးအုပ်ချိန်မှာ အလုပ်လုပ်သေးတာလဲ?
ဆိုလာပြားတွေဟာ တိုက်ရိုက်နေရောင်ခြည်ကိုမှီခိုနေရတာ မဟုတ်ပါဘူး။ တကယ်တမ်းကျတော့ မြင်နိုင်တဲ့အလင်း (visible light) ကို စုပ်ယူပြီး လျှပ်စစ်ထုတ်လုပ်တာပါ။ မိုးအုပ်နေချိန်၊ တိမ်ဖုံးနေချိန်တွေမှာလည်း နေရောင်ခြည်က တိမ်တွေထဲကနေ ဖြတ်သန်းပြီး ကမ္ဘာမြေမျက်နှာပြင်ကို ရောက်ရှိနေဆဲပါ။ ဒါကို ပျံ့နှံ့နေတဲ့နေရောင်ခြည် (diffused sunlight) လို့ ခေါ်ပါတယ်။
ဒီပျံ့နှံ့နေတဲ့ နေရောင်ခြည်ကို ဆိုလာပြားတွေက ဖမ်းယူပြီး လျှပ်စစ်အဖြစ် ပြောင်းလဲပေးနိုင်ပါတယ်။

ဘယ်လောက်ထိ ထုတ်လုပ်နိုင်လဲ?
* နေသာတဲ့နေ့: ဆိုလာပြားတွေက သူတို့ရဲ့ စွမ်းရည်အပြည့်အဝနီးပါး ထုတ်လုပ်နိုင်ပါတယ်။

* တိမ်နည်းနည်းဖုံးတဲ့နေ့ (အလင်းရောင်များနေသေးရင်): နေသာတဲ့နေ့ရဲ့ စွမ်းရည် ၅၀% ကနေ ၇၀% လောက်အထိ ထုတ်လုပ်နိုင်ပါသေးတယ်။

* မိုးအုံ့၊ တိမ်ထူတဲ့နေ့ (အလင်းရောင်နည်းနေရင်): ဒီလိုနေ့မျိုးမှာတော့ ထုတ်လုပ်မှုက သိသိသာသာ လျော့ကျသွားပြီး စွမ်းရည်ရဲ့ ၁၀% ကနေ ၂၅% လောက်အထိပဲ ထုတ်လုပ်နိုင်တော့တာမျိုး ဖြစ်နိုင်ပါတယ်။
ဆိုတော့... မိုးများတဲ့ မြန်မာပြည်အတွက် ဆိုလာက သင့်တော်ရဲ့လား?
လုံးဝသင့်တော်ပါတယ်။ အခုခေတ် ဆိုလာစနစ်တွေမှာ အားသာချက်တွေ အများကြီးရှိပါတယ်။

* ဘက်ထရီစနစ် (Battery Storage): နေ့ဘက် အားကောင်းကောင်းဝင်ချိန်မှာ ဘက်ထရီထဲကို လျှပ်စစ်တွေ သိုလှောင်ထားပြီး ညဘက် ဒါမှမဟုတ် မိုးအုပ်တဲ့နေ့တွေမှာ ပြန်ထုတ်သုံးနိုင်ပါတယ်။

* On-Grid စနစ်: အကယ်လို့ သင်က မြို့ပြဒေသမှာနေပြီး လျှပ်စစ်မီးလိုင်းနဲ့ ချိတ်ဆက်ထားမယ်ဆိုရင် ဆိုလာကနေ လျှပ်စစ်ပိုလျှံရင် မီးလိုင်းထဲ ပြန်သွင်းပေးပြီး လိုအပ်ရင် မီးလိုင်းကနေ ပြန်ယူသုံးနိုင်တဲ့စနစ် (Net Metering) မျိုးနဲ့ပါ အသုံးပြုနိုင်ပါတယ်။

* နည်းပညာ တိုးတက်လာမှု: ဆိုလာပြားတွေရဲ့ စွမ်းဆောင်ရည်တွေဟာ အရင်ကထက် အများကြီး ပိုကောင်းလာပါတယ်။ အလင်းရောင် နည်းနည်းလေးနဲ့လည်း အလုပ်လုပ်နိုင်စွမ်း ပိုမြင့်လာပါတယ်။
မှတ်သားစရာ အချက်များ

* ဆိုလာပြား အမျိုးအစား: Mono-crystalline အမျိုးအစား ဆိုလာပြားတွေက အလင်းရောင်နည်းတဲ့ အချိန်မျိုးမှာ ပိုမိုကောင်းမွန်စွာ စွမ်းဆောင်ရည်ရှိတတ်ပါတယ်။

* စနစ်တပ်ဆင်ပုံ: ကျွမ်းကျင်တဲ့ ပညာရှင်တွေနဲ့ စနစ်တကျ တပ်ဆင်ဖို့က အရေးကြီးပါတယ်။ သင့်အိမ်ရဲ့ နေရောင်ခြည်ရရှိမှု အခြေအနေနဲ့ လိုအပ်တဲ့ လျှပ်စစ်ပမာဏကို တွက်ချက်ပြီး အသင့်တော်ဆုံး စနစ်ကို ရွေးချယ်နိုင်ပါတယ်။
ဒါကြောင့် မိုးအုပ်တာက ဆိုလာပြားတွေအတွက် အားနည်းချက်တစ်ခုဖြစ်နိုင်ပေမယ့် လုံးဝအလုပ်မလုပ်ဘူးရယ်လို့ မဟုတ်ပါဘူး။ စနစ်တကျ စီမံခန့်ခွဲထားတဲ့ ဆိုလာစနစ်တစ်ခုဟာ မိုးရာသီမှာတောင် သင့်ကို လျှပ်စစ်မီး ရရှိအောင် ကူညီပေးနိုင်ပါတယ်။

ဒီ post လေးက ဆိုလာစနစ်အကြောင်း ပိုနားလည်အောင် ကူညီပေးနိုင်မယ်လို့ မျှော်လင့်ပါတယ်။ တခြား သိချင်တာတွေရှိရင်လည်း မေးမြန်းနိုင်ပါတယ်! 👇
#ဆိုလာ #ဆိုလာစနစ် #နေရောင်ခြည်စွမ်းအင် #စွမ်းအင် #လျှပ်စစ်မီး #ဗဟုသုတ

Thar Yar Gone CondoRenovation.
26/03/2025

Thar Yar Gone Condo
Renovation.

01/03/2025

Whithout Effort, No Sucess.

လုပ်ချင်တော့လည်း လုပ်ပေးမှာပေါ့
22/08/2024

လုပ်ချင်တော့လည်း လုပ်ပေးမှာပေါ့

22/08/2024

Battery အကြောင်း တစေ့တစ်စောင်း

Bolt & Net Size
27/07/2024

Bolt & Net Size

ဝါဆိုလဟူသည်🙏🙏🙏မြန်မာပြက္ခဒိန်၏ စတုတ္ထမြောက်လ🔵ဝါဆိုသည် မြန်မာပြက္ခဒိန်၏စတုတ္ထလ ဖြစ်သည်။ ယခင်အမည်မှာ နွယ်တာဖြစ်သည်။ ဝါဆိုလ...
19/07/2024

ဝါဆိုလဟူသည်🙏🙏🙏

မြန်မာပြက္ခဒိန်၏ စတုတ္ထမြောက်လ🔵

ဝါဆိုသည် မြန်မာပြက္ခဒိန်၏စတုတ္ထလ ဖြစ်သည်။ ယခင်အမည်မှာ နွယ်တာဖြစ်သည်။ ဝါဆိုလတွင် ရက် ၃၀ ရှိသည်။ ရက်စုံသောလ ဖြစ်သည်။ ဝါထပ်သောနှစ်တွင် ပထမဝါဆို နှင့် ဒုတိယဝါဆို ဟူ၍ နှစ်မျိုးရှိသည်။ ဝါဆိုလပြည့်ကျော် ၁၅-ရက်သည် မိုးရာသီ၌ အကျုံးဝင်သည်။ ဝါဆိုလတွင် မိုးများသည်းထန်စွာ ရွာသွန်းသဖြင့် လယ်ကွင်းပြင်တစ်ခုလုံး ရေတွေဖွေးနေသည်။ ထို့ကြောင့် "ဝါဆိုဝါခေါင် ရေဖောင်ဖောင်"ဟု ဆိုကြသည်။
ဝါဆိုလ ဟူသောအမည်၌ ရှေးနှင့်နှောင်းပညာရှင်တို့ဝိဝါဒကွဲပြားခြင်းမရှိချေ။ ဝါဆိုသည်မှာ ပါဠိ ဝါသမှတိုက်ရိုက်လာသောစကား ဖြစ်၍ ဝါဟူသည်မှာ နေခြင်းဟုအဓိပ္ပာယ် ရသည်။ ဆို ဟူသည်မှာ ရွတ်ဆိုခြင်း အနက်ရသည်။ မိုးတွင်းသုံးလအတွင်း ရဟန်းတော်များ ကျောင်း၌နေပါမည်ဟု အဆိုပြုသော လကို ဝါဆိုလဟုခေါ်သည်။ ကျောက်စာအဦးပိုင်းတွင် ဝါဆိုလကို နွယ်တာဟူ၍လည်းကောင်း၊ မြွယ်တာဟူ၍လည်းကောင်း ရေးသည်။ နှောင်းပိုင်းတွင် နွယ်တာဟူ၍လည်းကောင်း၊ နွေတာဟူ၍ လည်းကောင်း ရေးလာကြသည်။ သို့သော် နွယ်တာသည်သာလျှင် အရင်းခံဖြစ်သည်။ နွယ်ကားလယ်ယာမိုးမြေကိုဟောသည်။ တာ ကား တိုင်းတာခြင်းပင်ဖြစ်သည်။ လယ်ယာမြေတို့ကို တိုင်းတာသောလဟူလေသည်။
နွယ်တာ (ဝါဆို) အမည်ရှိသည့်စတုတ္ထလသည် ဇွန်-ဇူလိုင်တွင် ကျရောက်သည်။ 'နွယ်' သည် “မြေ” ကို ရည်ညွှန်းပြီး 'တာ' က “ထွန်ယက်စိုက်ပျိုးသည့် မြေကို လိုသလောက် တိုင်းတာသည်”ဟု အဓိပ္ပာယ်ရသောကြောင့် ယခုလသည် ကောက်ပင် စိုက်ပျိုးမည့် မြေကို အကွက်ငယ်များအဖြစ် တိုင်းကာမြေကွက်များအား ကန်သင်းတင်သည့်လဖြစ်ကြောင်း ပေါ်လွင်ပါသည်။ ထိုမြေကွက်အတွင်း ကောက်စိုက်ရသည်။ အခုအခါ ဝါဆိုဟု ပြောင်းလဲခေါ်ရခြင်းမှာ ယခုလကမှ အစပြုပြီး ရဟန်းသံဃာတို့အနေဖြင့် မိမိ သီတင်းသုံးမြဲ ကျောင်းသင်္ခမ်းကို ခွဲခွာ၍ အခြားအရပ်တစ်ပါးသို့ မသွားရဟု စတင် ကန့်သတ်သည့်ကာလ ဖြစ်ခြင်းကြောင့်ဖြစ်သည်။ ယခုလ၏ အထိမ်းအမှတ် ပန်းမှာ မြတ်လေးပန်း (Pomea coccinea) ဖြစ်သည်။ ပုန်းညက်ပန်း၊ မုလေးပန်း၊ မိကျောင်းပန်းတို့ ပွင့်ကြသည်။
�မြန်မာ တစ်ဆယ့်နှစ်လတွင် စတုတ္တလဖြစ်သော ဝါဆိုလ သည် မိုးဥတုတွင်ပါဝင်သည်။ ဝါထပ်သည့်နှစ်များတွင် ဝါဆိုလကို နှစ်လ ပြုကာ ပထမဝါဆို၊ ဒုတိယဝါဆို ဟူ၍ဝါထပ်၏။
ဝါဆိုလကို ပုဂံခေတ်ထိုး ကျောက်စာတို့၌ နွယ်တာ၊ မြွယ်တာ ဟူ၍ရေးသားသည်။ တစ်ခါတစ်ရံ နွယ်တာ၊ နွေတာဟူ၍လည်းရေးသား၏။ ထိုနွယ်တာ၊ နွေတာတို့၏အနက်ကို ဝေါဟာရ လီနတ္တဒီပနီတွင် နွေတာမှ ရွေ့လျောပြီး နွယ်တာဖြစ်လာကာ နွေသည် နွေဥတုရာသီဟောသည်။ တာ သည် ပါဠိဘာသာ အတီတပုဒ်ပျက်၊ အတိတ်ဟောသော်လည်းကောင်း၊ အန္တာပုဒ်ပျက် အဆုံးအဖျား ဟောသော်လည်းကောင်းဖြစ်သည်။ ဝါဆိုလ ပြည့်တွင် နွေဥတုရာသီကုန်ဆုံး၍ အတိတ်ဖြစ်လာသောကြောင့် အဆုံးအဖျား အပိုင်းအခြားရောက်သည်ဖြစ်၍ နွေတာလဟုခေါ်သည် စသည်ဖြင့် ဖော်ပြထား၏။

ဝါ~~~~

ဝါဆိုဟူသောစကားတွင် ဝါသည် ပါဠိဘာသာ နေခြင်းဟော ဝါသပုဒ် ဖြစ်သည်ဆိုသည်။ မြန်မာဘာသာ ရွတ်ခြင်း၊ ဟောခြင်း ဟော သည်။ ဝါဆိုဟူသည် မှာရဟန်းတော်တို့သည် မိုးသုံးလအတွင်း အခြား တစ်ပါးသို့ အကြောင်းမဲ့မသွားရဘဲ မိမိတို့၏ ကျောင်းအရံအတွင်း၌ နေခြင်း ဖြစ်လေသည်။
�ဤသို့ရဟန်းတို့ ဝါဆိုသည်ကိုစွဲ၍ ဝါဆိုလ ဟုခေါ်သည်။ ဝါဆိုလကို ဗေဒင်အခေါ်အားဖြင့် ကရကဋ်ရာသီခေါ်သည်။ ထို ရာသီတွင် ပြုပ္ပာသန်နှင့် လမင်းတို့ယှဉ်ပြိုင်ကာ မွန်းတည့်၏။ ဖုသျှ နက္ခတ်နှင့် နေမင်းတို့ ယှဉ်ပြိုင်လေသည်။ ရာသီရုပ်မှာ ပုစွန်လုံးဖြစ်၏။ ရာသီပန်းမှာ ပုန်းညက်ပန်း၊ မြတ်လေးပန်းတည်း။ ဤကိုရည်၍ ဦးယာက· ပျံ့မွှေးဝတ်ဆံ၊ ရိုးတံမြရွက်၊ ပုန်းညက်ရွှေလှော်၊ မွှေးပေါင်းဖျော် ၍၊ တောင်တော်မြင့်ဖျား၊ မြင့်မိုခါးက၊ ပတ္တမြားဗိမာန်၊ ပြုပ္ပာသန်နှင့်၊ ယုဂန္ဓိုရ်မှ၊ လှည့်သွားကြသော်၊ နောက်ကမကွာ၊ ဗျိုင်းတာရာဝယ်၊ ညီညာ ခံသ၊ ရောင်ထွန်းပလျက်၊ ဖုသျှနက္ခတ်၊ ဖန်နေနတ်နှင့်၊ လှည့်ပတ်ညီစွာ၊ သွားသောခါတွင်၊ မမြင်ဘဝါး၊ အသုဉ်းညား၍၊ ပန်းများလှိုင်ကြူ၊ မဉ္စူ ရွှေခက်၊ ပုန်းညက်ကြိုင်သော် ဟူ၍ ဆယ့်နှစ်ရာသီဘွဲ့ လူးတား၌ရေးစပ် ထား၏။
ဝါဆိုလတွင် ရှေ့မြန်မာမင်းများ ရှိစဉ်အခါက ပဉ္စင်းတော်ခံပွဲများ ကျင်းပမြဲဖြစ်၏။ ယင်းသို့ မြန်မာမင်းတို့ ပဉ္စင်းတော်ခံပွဲကျင်းပသည်ကို ရည်၍ ဦးအောင်ကြီးက အင်းဝမြို့ဘွဲ့ ဆယ်နှစ်ရာသီလူးတား ဝါဆိုလဘွဲ့ တွင်· သာစွလေ၊ မှိုင်းဝေညိုမျှ၊ ကောင်းကင်ဝဝယ်၊ လနှင့်အာသဠ်၊ ပြည့်ဝရန်လျက်၊ ယဉ်ထန်ရေရှူး၊ မိုးလေဦးနှင့်၊ ကြိုင်မြူးဧမြက်၊ ပုန်းညက် သရဖီ၊ ပွင့်ချင်းညီ၍၊ ရာသီလှည့်ပတ်၊ ကရကဋ်ဟူ၊ နတ်လည်းစက်လို၊ လဝါဆိုကား မြင့်မိုမာဃ၊ ဒေဝိန္ဒသို့၊ မင်မျာ့သခင်၊ဆင်စီရင်၍၊ ထမ်းစင် ယာဉ်သာ၊ ရွှေချက်ကာလျက်၊ ရတနာပေါင်းဖျင်၊ စီရင်ခင်းကျင်း၊ သိကြား မင်းသို့၊ တင့်ခြင်းဆောင်ရွက်၊ စံစေလျက်တည့်၊ ဘဝဂ်ထိန့်ကျော်၊ ပဉ္စင်း တော်ကို၊ ရွှေလှော်မွမ်းရုံ၊ ရွှေစည်းခုံဝယ်၊ သုံဘုံဝဋ်မှ၊ လွတ်စေရသား ဂေါတမမုနိ၊ သီရိကြိမ်ကြိမ်၊ မြတ်သည့်သိမ်သို့၊ ငြိမ်ဆိမ်လည်းဝင်၊ သိက္ခာ တင်သည်၊ ပဉ္စင်းတော်မြတ်ရဟန်းတည့်လေး ဟူ၍ ဘွဲ့ဆိုခဲ့၏။ ရွှေဗျိုင်းတာရာ ထွန်းပသည့် ဝါဆိုလတွင် နံနက်စက်နာရီ ၅ နာရီ ၂၉ မိနစ်တွင် နေထွက်၍ ညနေ စက်နာရီ ၆ နာရီ ၄၃ မိနစ်တွင် နေဝင်သည်။ မြန်မာနာရီအားဖြင့် နေ့ ၃၆ နာရီ၊ ည ၂၄ နာရီရှိသည်။ ဤကိုရည်၍ ဦးယာက ဆယ့်နှစ်ရာသီဘွဲ့ လူးတားဝါဆိုလဘွဲ့တွင်· သည်ရာသီတွင်၊ နာရီနေ့ကို၊ သုံးဆယ်ဆိုရှင့်၊ စွန်းပိုခြောက်ခု၊ ကြွင်းစုနာရီ၊ ညဉ့်သို့စီသော၊ မညီအရေး၊ နှစ်ဆယ့်လေးတည့် ဟူ၍ စပ်ဆိုခဲ့၏။
ဝါဆိုလတွင် အင်္ဂါနှင့် ရာဟုခေါ်သော ဗုဒ္ဓဟူးနေ့ မွန်းလွဲပိုင်းမှာ ပြဿဒါးရက်များဖြစ်၍ တနင်္ဂနွေနေ့နှင့် ဗုဒ္ဓဟူးနေ့များမှာ ရက်ရာဇာများဖြစ် သည်။ ဝါဆိုလတွင် ရက်စုံကွယ်သောကြောင့် ရက်ပေါင်း ၃ဝ ရှိသည်။ ဝါဆိုလတွင် ရဟန်းတော်များသည် အခြားတစ်ပါးသို့ အကြောင်းမဲ့မသွားဘဲ ဝါကပ်ဝါဆိုမြဲဖြစ်၏။

၁၃၈၆-ခုနှစ်၊ ဝါဆိုလဆန်း(၁၄)ရက်၊သောကြာနေ့။

Address

Build-142/201, Aung Chanthar Street, Han Thar Yeik Mon (5)ward. Kamayut Township
Yangon
11041

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Telephone

+959770660989

Website

Alerts

Be the first to know and let us send you an email when AKSH M&E Engineering Co., Ltd. posts news and promotions. Your email address will not be used for any other purpose, and you can unsubscribe at any time.

Contact The Business

Send a message to AKSH M&E Engineering Co., Ltd.:

Shortcuts

Share

Category