01/07/2026
🏡 အိမ်မှာ မလုပ်သင့်တဲ့ အိမ်နိမိတ် (၂၀) ချက်
"အိမ်ကောင်းမှ ကံကောင်းမယ်" ဆိုတဲ့ စကားဟာ ရှေးလူကြီးတွေ အကြောင်းမဲ့ ပြောခဲ့တာ မဟုတ်ပါဘူး။
ဖုန်းရွှေပညာ၊ ဗေဒင်ပညာနဲ့ ရှေးရိုးရာ အယူအဆတွေမှာ အိမ်တစ်လုံးရဲ့ စွမ်းအင် (Energy) က အိမ်နေသူတွေရဲ့ စီးပွားရေး၊ ကျန်းမာရေး၊ အိမ်ထောင်ရေးနဲ့ ကံကြမ္မာအပေါ် သက်ရောက်မှုရှိတယ်လို့ ယုံကြည်ကြပါတယ်။
ယုံကြည်သည်ဖြစ်စေ၊ မယုံကြည်သည်ဖြစ်စေ... အိမ်တစ်လုံး သန့်ရှင်းသပ်ရပ်ပြီး စွမ်းအင်ကောင်းမွန်နေလျှင် အမြဲအကျိုးရှိပါတယ်။
ဒါကြောင့် အောက်ပါအချက်များကို ရှောင်ရှားနိုင်လျှင် အိမ်တွင်းစွမ်းအင်ကောင်းများ တိုးပွားပြီး အေးချမ်းသာယာမှုများ ရရှိနိုင်တယ်လို့ ဆိုကြပါတယ်။
(၁) အိမ်ထဲတွင် ထီးမလှန်းပါနှင့်။
အိမ်စောင့်နတ်၏ စွမ်းအင်ကို ပိတ်ဆို့စေပြီး အိမ်တွင်းအေးချမ်းမှု လျော့နည်းတတ်သည်ဟု ယုံကြည်ကြသည်။
(၂) နာရီကွဲ၊ နာရီပျက်များ မချိတ်ထားပါနှင့်။
ရပ်တန့်နေသော နာရီသည် ဘဝတိုးတက်မှု ရပ်တန့်ခြင်းကို ကိုယ်စားပြုသည်ဟု ယူဆကြပြီး ရုတ်တရက် မြည်လာပါက မကောင်းသောနိမိတ်ဟု ဆိုကြသည်။
(၃) အိမ်တစ်အိမ်တည်းတွင် ဘုရားခန်း နှစ်နေရာ မထားပါနှင့်။
တစ်အိမ်တည်းတွင် ဘုရားခန်း နှစ်နေရာ ခွဲထားခြင်းသည် အိမ်တွင်းရေး သဟဇာတ မဖြစ်ခြင်းနှင့် သားသမီးများ ကံညံ့ခြင်းများကို ဖြစ်စေတတ်သည်။
(၄) ဘုရားပန်း သို့မဟုတ် ပန်းအိုးတွင် ပန်းအဖြူနှင့် ပန်းအနီကို တွဲမထိုးပါနှင့်။
စွမ်းအင်နှစ်မျိုး တိုက်ခိုက်သည့်သဘော ဖြစ်စေပြီး မတော်တဆထိခိုက်မှုများ ဖြစ်နိုင်သည်ဟု ယုံကြည်ကြသည်။
(၅) နံရံတစ်ခုလုံးကို အစိမ်းရောင်သာ လွှမ်းမိုးအောင် မသုတ်ပါနှင့်။
အလွန်အကျွံ အစိမ်းရောင်သည် မညီမျှသော စွမ်းအင်ကို ဖြစ်စေသည်ဟု ဖုန်းရွှေအယူအဆတွင် ဖော်ပြထားသည်။
(၆) ပုဆိန်၊ ပေါက်တူး၊ ဓားကြီးများကို အိမ်အတွင်း မမြင်သာသောနေရာတွင်သာ သိမ်းဆည်းပါ။
အမြဲမြင်နေရလျှင် ခိုက်ရန်၊ စိတ်တိုဒေါသများ ဖြစ်လွယ်သည်ဟု ယုံကြည်ကြသည်။
(၇) အပျက်အစီးရှိသော ကုလားထိုင်နှင့် ပရိဘောဂများ မထားပါနှင့်။
အိမ်၏စွမ်းအင်ကို အားနည်းစေပြီး မကောင်းသောအငွေ့အသက်များ စုဝေးနိုင်သည်ဟု ဆိုကြသည်။
(၈) ဆူးပါသော အပင်များကို အိမ်အတွင်း မစိုက်ပါနှင့်။
ငွေကြေး၊ အလုပ်အကိုင်နှင့် လူမှုဆက်ဆံရေးတွင် အတားအဆီးများ ဖြစ်တတ်သည်ဟု ယုံကြည်ကြသည်။
(၉) အိပ်ရာကို နံနက်တိုင်း သပ်သပ်ရပ်ရပ် သိမ်းဆည်းပါ။
ရှုပ်ထွေးနေသော အိပ်ရာသည် စိတ်ရှုပ်ထွေးမှုနှင့် အိပ်မပျော်ခြင်းတို့ကို ဖြစ်စေနိုင်သည်ဟု ဆိုကြသည်။
(၁၀) တိရစ္ဆာန်အရေခွံ၊ အရိုး၊ ဦးခေါင်းများဖြင့် အလှမဆင်ပါနှင့်။
အိမ်၏ကောင်းသော စွမ်းအင်ကို လျော့နည်းစေသည်ဟု ယုံကြည်ကြသည်။
(၁၁) အိမ်ရှေ့မျက်နှာစာတွင် ထဘီ၊ ဂါဝန်၊ စကတ်များ မလှန်းပါနှင့်။
အိမ်ရှေ့မျက်နှာစာသည် အိမ်၏ မျက်နှာစာ (Face) ဖြစ်သည်။ ထို့ကြောင့် ထဘီ၊ ဂါဝန်၊ စကတ်ကဲ့သို့သော အဝတ်အစားများကို အိမ်ရှေ့၌ မလှန်းပါနှင့်။ ထို့ပြင် အိမ်ရှေ့တွင် ထဘီရင်ရှား ရေချိုးခြင်းကိုလည်း ရှောင်ကြဉ်ရပါမည်။
(၁၂) အိမ်ရှေ့တွင် အသားစိမ်း၊ငါးစိမ်း များအား သတ်ဖြတ်၊ခုတ်ထစ်၊ဆေးကြောခြင်းများ မပြုလုပ်ရပါ။
အိမ်စောင့်နတ်လည်း မကြိုက်သလို၊မကောင်းဆိုးဝါး နှင့် နာနာဘာဝ များအား ဖိတ်ခေါ်သလို ဖြစ်တတ်ပါသည်။
(၁၃) ဖိနပ်စင်နှင့် ထမင်းစားခန်း
ဖိနပ်စင်ကို အိမ်၏ ခေါင်းရင်းဘက်တွင် မထားပါနှင့်။
ထမင်းစားခန်းကို ဧည့်ခန်းနှင့် ရောထွေးမနေစေဘဲ သီးသန့်နေရာ သတ်မှတ်ထားခြင်းက မိသားစုကျန်းမာရေးနှင့် စည်းလုံးမှုကို ပိုမိုအားကောင်းစေပါသည်။ ထမင်းကို ဒူးနံ့၍စားခြင်း၊ TV ကြည့်၍ စားခြင်း၊ သီချင်းနားထောင်၍ စားခြင်း၊ မရိုမသေ စားခြင်းများသည် နတ်ကောင်း၊နတ်မြတ်များအပြင် မိမိ ကိုယ်စောင့်နတ်ကပါ အလွန်တရာ ရွံရှာသော အပြစ် ဖြစ်ပါသည်။
(၁၄) ပန်းချီကား အပဲ့၊ မပြည့်စုံ၊ မပြီးဆုံးသေးသော ပုံများ မထားပါနှင့်။
ဘဝတွင် အလုပ်များ မပြီးမြောက်ခြင်း၊ အတားအဆီးများကို ဆွဲဆောင်နိုင်သည်ဟု ဆိုကြသည်။
(၁၅) လှေကားနှင့် တက်လမ်းများ
အမြင့်တက်ရန် လှေကားများသည် အမြဲတမ်း ခိုင်ခံ့ပြီး စိတ်ချရသော အနေအထား ဖြစ်ရပါမည်။ ပြုတ်ကျနိုင်သည့် အနေအထား သို့မဟုတ် အကာအကွယ်အားနည်းသော လှေကားများသည် လုပ်ငန်းဆောင်တာများတွင် နှောင့်နှေးခြင်းနှင့် မဝံ့မရဲဖြစ်ခြင်းကို ဖြစ်စေတတ်သည်။
(၁၆) အိပ်ရာဘေးတွင် ဆေးဝါးများ အမြဲမထားပါနှင့်။
နာမကျန်းစွမ်းအင်ကို ဖိတ်ခေါ်သကဲ့သို့ ဖြစ်စေသည်ဟု ဆိုကြသည်။
(၁၇)အိပ်ရာပေါ်မှ လှမ်းကြည့်လျှင် မိမိကိုယ်ကို ပြန်မြင်နေရသော မှန်များကို ရှောင်ကြဉ်ပါ။
အိပ်ခန်းထဲတွင် မှန်တင်ခုံ ထားရှိပါက အိပ်ရာနှင့် လွတ်အောင် သို့မဟုတ် မှန်ကို အုပ်ထားနိုင်အောင် စီစဉ်ပါ။
(၁၈) ငွေကြေးနှင့် စီးပွားရေး
ပိုက်ဆံအိတ်: ပိုက်ဆံအိတ်ကို အလွတ်မထားပါနှင့်။ ပိုက်ဆံအိတ် တစ်လုံးစီတိုင်းတွင် ငွေအနည်းငယ်စီ အမြဲထားရှိခြင်းက ငွေကြေးစီးဆင်းမှုကို ကောင်းမွန်စေပါသည်။
ရေစီးရေလာ: အိမ်တွင်း ရေပိုက်များ၊ ရေစီးရေလာများကို ပိတ်ဆို့မှုမရှိအောင် ဂရုစိုက်ပါ။ ရေစီးရေလာ ကောင်းမွန်ခြင်းသည် ဝင်ငွေ၊ ထွက်ငွေ ကောင်းမွန်ခြင်း၏ သင်္ကေတ ဖြစ်ပါသည်။
(၁၉) အသုံးမပြုသော အိုး၊ ခွက်၊ ပန်းကန်များကို အချိန်ကြာစွာ မသိမ်းဆည်းထားပါနှင့်။ ပန်းကန်၊ဇွန်း၊ခွက်ယောက်များကို အလှသိမ်းဆည်းခြင်းသည် မှားယွင်းသောအယူအဆ ဖြစ်သည်။ ထို့ကြောင့် စားစရာ ထည့်စားရသော ဇွန်း၊ ခက်ရင်း၊ ပန်းကန် ခွက်ယောက်များအား နေ့စဉ် အသုံးမပြုဘဲ၊ နှစ်ကာလရှည် သိမ်းဆည်းထားခြင်းသည် မလိုအပ်သော စွမ်းအင်များ စုပုံလာစေသည်ဟု ဖုန်းရွှေအယူအဆတွင် ဆိုကြသည်။
(၂၀) အိမ်အတွင်း အလင်းရောင်နှင့် လေဝင်လေထွက် ကောင်းမွန်စေပါ။
ပြတင်းပေါက်များအား အသေပိတ်မထားပါနှင့်။ နေအိမ်၏ ပြတင်းပေါက်များသည် စွမ်းအင်ဝင်ပေါက်များ ဖြစ်သည်။ ပြတင်းပေါက်များကို အမြဲပိတ်ထားခြင်းသည် အိမ်တွင်းရှိ စွမ်းအင်များကို ရပ်တန့်စေပြီး လေထုကို ပုပ်သိုးစေကာ အိမ်သားများ၏ ကျန်းမာရေးနှင့် စိတ်ကြည်လင်မှုကို ထိခိုက်စေနိုင်သည်။ မနက်ခင်းတိုင်း ပြတင်းပေါက်များကို ဖွင့်လှစ်ပေးခြင်းဖြင့် သန့်ရှင်းလတ်ဆတ်သော နံနက်ခင်းစွမ်းအင် (Positive Qi) ကို အိမ်တွင်းသို့ ဖိတ်ခေါ်နိုင်ပြီး၊ ညဘက်တွင် ပြန်လည်ပိတ်သိမ်းခြင်းဖြင့် မိမိတို့၏ ကံကြမ္မာနှင့် စွမ်းအင်ကို အိမ်တွင်း၌ပင် လုံခြုံစွာ ထိန်းသိမ်းထားနိုင်မည် ဖြစ်သည်။
#စွမ်းအင်ကောင်းမွန်သော အိမ်ဖြစ်ပြီး၊ စီးပွား လာဘ်လာဘများ တိုးပွား၊ကြီးပွားကြပါစေ...🙏
