Khant Construction Group

12/05/2026

ကွန်ကရစ်ဆိုတာ ကျွန်တော်တို့ အဆောက်အအုံတွေရဲ့ အမာခံ အသားအရည်ပဲဗျ၊ ဒါပေမဲ့ သူ့မှာ အားနည်းချက်တစ်ခုက အရမ်းကြွပ်ဆတ်တာပဲ၊ အဲဒီတော့ အလေးချိန်ဝန် (Load) တွေ အရမ်းများလာရင် ဒါမှမဟုတ် ရာသီဥတုကြောင့် ကျုံ့တာဆန့်တာတွေ ဖြစ်လာရင် အက်ကြောင်း (Cracks) တွေ စဖြစ်လာတော့တာပဲ၊ အဲဒီလို အားနည်းချက်ကို ဖြည့်ဆည်းဖို့အတွက် Steel Fiber Reinforced Concrete (SFRC) ဆိုတာ ပေါ်လာတာပေါ့၊ အရပ်စကားနဲ့ ပြောရရင်တော့ ကွန်ကရစ်ထဲကို သံချောင်းအကြီးကြီးတွေတင် မဟုတ်ဘဲ သံမျှင်လေးတွေ၊ သံအပ်လေးတွေလိုမျိုး Steel Fibers လေးတွေကိုပါ အချိုးကျ ထည့်ပြီး ဖျော်ထားတာဗျ၊ ဒါဟာ ကွန်ကရစ်ကို ရိုးရိုးအဆင့်ကနေ "စူပါကွန်ကရစ်" အဆင့်ရောက်အောင် မြှင့်တင်ပေးလိုက်သလိုပါပဲ။

ဒီသံမျှင်လေးတွေက ကွန်ကရစ်သားထဲမှာ နေရာအနှံ့ ပျံ့နှံ့နေတာဆိုတော့ အဏုကြည့်မှန်ပြောင်းနဲ့ ကြည့်ရင် သံမျှင်လေးတွေက ကွန်ကရစ်သားကို ဘက်ပေါင်းစုံကနေ ကျစ်ကျစ်ပါအောင် ချိတ်တွဲထားသလိုမျိုးပေါ့၊ အဲဒီတော့ ဘာထူးခြားသွားလဲဆိုရင် အက်ကြောင်းလေးတွေ စဖြစ်လာတာနဲ့ ဒီသံမျှင်လေးတွေက အက်ကြောင်းရဲ့ ဟိုဘက်ဒီဘက်ကို တံတားထိုးသလိုမျိုး ဆွဲထားပေးလိုက်တာဗျ၊ ဒါကို ကျွန်တော်တို့က Crack Bridging လို့ ခေါ်တယ်၊ အက်ကြောင်းက ထပ်မပြန့်တော့ဘူး၊ ကွန်ကရစ်က ပိုပြီး ခိုင်ခံ့လာသလို၊ ထုရိုက်မိတာ (Impact) တွေ၊ ပွန်းပဲ့တာ (Abrasion) တွေကိုလည်း သာမန်ကွန်ကရစ်ထက် အများကြီး ပိုခံနိုင်ရည် ရှိသွားတာပေါ့။

ကျွန်တော်တို့ လုပ်ငန်းခွင်မှာ လက်တွေ့ကျကျ တွက်ကြည့်ရင်လည်း SFRC က တကယ့်ကို အကျိုးရှိတယ်ဗျ၊ အထူးသဖြင့် စက်ရုံကြမ်းပြင်တွေ၊ ကားပါကင်တွေ၊ ဒါမှမဟုတ် လမ်းခင်းတဲ့နေရာတွေမှာ BRC သံဇကာ (Mesh) တွေ တစ်လွှာချင်း လိုက်ဖြန့်ရ၊ ချည်ရတဲ့ အလုပ်က တော်တော်လေး အချိန်ကုန်သလို လူပင်ပန်းတယ်လေ၊ SFRC ကို သုံးလိုက်ရင်တော့ အဲဒီအဆင့်တွေကို လျှော့ချလိုက်လို့ရတယ်၊ ကွန်ကရစ်ကား (Mixer Truck) ထဲကို သတ်မှတ်ထားတဲ့ Steel Fiber ပမာဏ ထည့်ဖျော်ပြီးတာနဲ့ တစ်ခါတည်း လောင်းချလိုက်ရုံပဲ၊ အချိန်လည်း ကုန်သက်သာတယ်၊ အလုပ်သမားစရိတ်လည်း လျော့သွားသလို အလုပ်ကလည်း တော်တော်လေး တွင်တယ်ဗျာ၊ အလုပ်ရှင်တွေအတွက်လည်း အချိန်မီပြီးစီးတော့ စိတ်ကျေနပ်မှု ရစေတာပေါ့။

ဒါ့အပြင် SFRC ရဲ့ အကောင်းဆုံးအချက်က ကြာရှည်ခံမှု (Durability) ပါပဲ၊ သံမျှင်လေးတွေက ကွန်ကရစ်ထဲမှာ နှံ့နေတော့ အပြင်ကနေ ရေစိမ့်ဝင်တာ၊ သံချေးတက်တာမျိုးတွေက ရိုးရိုးသံချောင်းလောင်းတာထက် ပိုပြီး ထိန်းချုပ်ရလွယ်ကူတယ်၊ အဆောက်အအုံရဲ့ သက်တမ်းကိုလည်း ပိုရှည်စေတယ်လေ၊ အခုနောက်ပိုင်း တိုးတက်လာတဲ့ နည်းပညာတွေအရ ဒီ SFRC က ဆောက်လုပ်ရေးလောကအတွက် တကယ့်ကို အားကိုးရတဲ့ လက်နက်တစ်ခု ဖြစ်လာတာပါ၊ ပစ္စည်းကောင်းကို စနစ်တကျ သုံးတတ်မယ်ဆိုရင် ကျွန်တော်တို့ တည်ဆောက်တဲ့ အဆောက်အအုံတွေက ပိုပြီး စိတ်ချရသလို၊ အနာဂတ်မှာ ပြုပြင်ထိန်းသိမ်းရတဲ့ စရိတ်တွေလည်း အများကြီး လျော့နည်းသွားမှာ အသေအချာပါပဲဗျာ။

11/05/2026

၂ထပ်အိမ်လေး🥰🥰🥰 Roof Slab

Land Area (မြေအကျယ်) : 18`×40`
Price Range(စျေးနှုန်း) : RCနှင့်ဆိုရင် သိန်း1800

Steel Structure နဲ့ဆိုရင် သိန်း1600
Master Room ၂ခန်း
Single Room ၂ခန်း

🤩အိမ်အတွင်းထဲမှာပါဝင်မယ့် Facilities တွေကတော့
🔹🔹🔹🔹🔹🔹🔹🔹🔹🔹🔹🔹🔹🔹🔹
1️⃣ အိမ်အဝင်တံခါးမကြီးနှင့်နောက်ဖေးခြေ
ကျော်တံခါးပျဉ်းကတိုးကျည်းဘောင်
ကျွန်းတံခါးများ တပ်ဆင်ပေးခြင်း
အိပ်ခန်းတံခါးများ (ကျွန်းတံခါး)
တပ်ဆင်ပေးခြင်း။🚪🚪🚪

2️⃣အိမ်ပြတင်းပေါက်များကို /upvc
တံခါးများတပ်ဆင်ပေးခြင်း

3️⃣ဧည့်ခန်းနှင့်အိပ်ခန်းများကို ကိုရီးယားပါကေး/ကြွေပြား2` ပေပတ်လည်များခင်းကျင်းပေးခြင်း

4️⃣မီးဖိုခန်းအခင်းများကို 𝟏 ပေပတ်လည်
ကြွေပြားများခင်းကျင်းပေးခြင်း

5️⃣အိမ်သာရေချိုးခန်းအခင်း 𝟏 ပေပတ်လည်၊
နံရံ𝟖" 𝟏' ကြွေပြားများကပ်ပေးပြီး ဘိုထိုင်၊
ဘေစင်၊ရှာဝါတပ်ဆင်ပေးခြင်း

6️⃣𝟭𝟬𝟬𝟬𝗹𝗶𝘁𝗲𝗿 ရေတိုင်ကီထည့်ပေးခြင်း၊

7️⃣မီးဖိုခုံပြုလုပ်ပေးခြင်း

8️⃣မီးဖိုခန်းနှင့်အိမ်သာရေချိုးခန်းတွင်
𝐞𝐱𝐡𝐚𝐮𝐬𝐭 𝐟𝐚𝐧များတပ်ဆင်ပေးခြင်း

9️⃣ဂျက်ဆင်ဘုတ်ဖြင့်မျက်နှာကျက်ဒီဇိုင်းအလှဆင်ပေးခြင်း

1️⃣0️⃣ရေလိုင်းများကိုနံရံအမြုပ်
ပြုလုပ်ပေးခြင်း

1️⃣1️⃣လျှပ်စစ်မီး ဆော့ကပ်များ တပ်ဆင်ထားပေးခြင်း

1️⃣2️⃣နံရံများကိုပတ်တီး 𝟐 ကုပ်၊ရှီလာ 𝟏 ကုပ်၊
ကာလာ 𝟮 ကုပ်ပြုလုပ်ပေးပါသည်။

အထက်ပါဝင်ပစ္စည်းများကို အိမ်ရှင်စိတ်ကြိုက်
ညှို့နှိုင်းပြောင်းလဲပေရလို့လည်း ရပါတယ်🤩☺️

ငွေပေးချေမှုကိုလည်း အိမ်ပြီးတဲ့အချိန်
ထိ(6)ရစ်ခွဲပေးလို့ရတဲ့အပြင် အိမ်အပ်နှံသူ
အဆင်ပြေအောင်ညှို့နှိုင်းပေးပါတယ်🤩🤩💁🏻‍♂️

🏠🏠🏠 မြန်မာပြည်အနှံ့ ... လူကြီးမင်းတို့၏ စိတ်ကူးထဲကအိမ်လေးကို ပိုမိုပြည့်စုံကောင်းမွန်အောင် အကောင်အထည်ဖော်ဆောင်ဖို့အတွက်
ဆက်သွယ်လိုက်တာနဲ့ လူကြီးမင်းတို့၏လက်တစ်ကမ်းသို့ အရောက်လှမ်းလာခဲ့မှာပါ..💁🏻‍♂️

🏠အိမ်ဆောက်ဖို့စုံစမ်းချင်တယ်ဆိုလျှင်

📱 09781731476/ ( Phone & Viber)
☎️ 09675788449
တို့ကို ဆက်သွယ်မေးမြန်နိုင်ပါသည်

‘’အာမခံချက်အပြည့်နှင့် တိကျမြန်ဆန်သက်သာသည့် Khant Construction🏗️’’









Crd

08/05/2026

လှိုင်သာယာဆိုဒ်လုပ်ငန်းပီးစီးမူလေ

08/05/2026

မင်္ဂလာရှိသော နံနက်ခင်း ဖြစ်ပါစေ🙏🙏🙏

04/05/2026

တောင်ဒဂုံ၂၂ဆုိဒ်လုပ်ငန်းပီးစီးမူလေး

04/05/2026

ရွှေပေါက်ကံဆိုဒ်လုပ်ငန်းပီးစီးမှုလေး

04/05/2026

၁ထပ်အိမ်လေး🥰🥰🥰

Land Area (မြေအကျယ်) : 17`×40`
Price Range(စျေးနှုန်း) : RCနှင့်ဆိုရင် သိန်း750

Steel Structure နဲ့ဆိုရင် သိန်း680
Single Room ၂ခန်း

🤩အိမ်အတွင်းထဲမှာပါဝင်မယ့် Facilities တွေကတော့
🔹🔹🔹🔹🔹🔹🔹🔹🔹🔹🔹🔹🔹🔹🔹
1️⃣ အိမ်အဝင်တံခါးမကြီးနှင့်နောက်ဖေးခြေ
ကျော်တံခါးပျဉ်းကတိုးကျည်းဘောင်
ကျွန်းတံခါးများ တပ်ဆင်ပေးခြင်း
အိပ်ခန်းတံခါးများ (ကျွန်းတံခါး)
တပ်ဆင်ပေးခြင်း။🚪🚪🚪

2️⃣အိမ်ပြတင်းပေါက်များကို /upvc
တံခါးများတပ်ဆင်ပေးခြင်း

3️⃣ဧည့်ခန်းနှင့်အိပ်ခန်းများကို ကိုရီးယားပါကေး/ကြွေပြား2` ပေပတ်လည်များခင်းကျင်းပေးခြင်း

4️⃣မီးဖိုခန်းအခင်းများကို 𝟏 ပေပတ်လည်
ကြွေပြားများခင်းကျင်းပေးခြင်း

5️⃣အိမ်သာရေချိုးခန်းအခင်း 𝟏 ပေပတ်လည်၊
နံရံ𝟖" 𝟏' ကြွေပြားများကပ်ပေးပြီး ဘိုထိုင်၊
ဘေစင်၊ရှာဝါတပ်ဆင်ပေးခြင်း

6️⃣𝟭𝟬𝟬𝟬𝗹𝗶𝘁𝗲𝗿 ရေတိုင်ကီထည့်ပေးခြင်း၊

7️⃣မီးဖိုခုံပြုလုပ်ပေးခြင်း

8️⃣မီးဖိုခန်းနှင့်အိမ်သာရေချိုးခန်းတွင်
𝐞𝐱𝐡𝐚𝐮𝐬𝐭 𝐟𝐚𝐧များတပ်ဆင်ပေးခြင်း

9️⃣ဂျက်ဆင်ဘုတ်ဖြင့်မျက်နှာကျက်ဒီဇိုင်းအလှဆင်ပေးခြင်း

1️⃣0️⃣ရေလိုင်းများကိုနံရံအမြုပ်
ပြုလုပ်ပေးခြင်း

1️⃣1️⃣လျှပ်စစ်မီး ဆော့ကပ်များ တပ်ဆင်ထားပေးခြင်း

1️⃣2️⃣နံရံများကိုပတ်တီး 𝟐 ကုပ်၊ရှီလာ 𝟏 ကုပ်၊
ကာလာ 𝟮 ကုပ်ပြုလုပ်ပေးပါသည်။

အထက်ပါဝင်ပစ္စည်းများကို အိမ်ရှင်စိတ်ကြိုက်
ညှို့နှိုင်းပြောင်းလဲပေရလို့လည်း ရပါတယ်🤩☺️

ငွေပေးချေမှုကိုလည်း အိမ်ပြီးတဲ့အချိန်
ထိ(6)ရစ်ခွဲပေးလို့ရတဲ့အပြင် အိမ်အပ်နှံသူ
အဆင်ပြေအောင်ညှို့နှိုင်းပေးပါတယ်🤩🤩💁🏻‍♂️

🏠🏠🏠 မြန်မာပြည်အနှံ့ ... လူကြီးမင်းတို့၏ စိတ်ကူးထဲကအိမ်လေးကို ပိုမိုပြည့်စုံကောင်းမွန်အောင် အကောင်အထည်ဖော်ဆောင်ဖို့အတွက်
ဆက်သွယ်လိုက်တာနဲ့ လူကြီးမင်းတို့၏လက်တစ်ကမ်းသို့ အရောက်လှမ်းလာခဲ့မှာပါ..💁🏻‍♂️

🏠အိမ်ဆောက်ဖို့စုံစမ်းချင်တယ်ဆိုလျှင်

📱 09781731476/ ( Phone & Viber)
☎️ 09675788449
တို့ကို ဆက်သွယ်မေးမြန်နိုင်ပါသည်

‘’အာမခံချက်အပြည့်နှင့် တိကျမြန်ဆန်သက်သာသည့် Khant Construction🏗️’’

02/05/2026

Lean Concrete (လင်း ကွန်ကရစ်) ဆိုတာကို အရပ်စကားနဲ့ အလွယ်ဆုံး ပြောရရင်တော့ဗျာ၊ ကျွန်တော်တို့ အဆောက်အအုံ ဆောက်တော့မယ်ဆိုရင် မြေကြီးပေါ်မှာ အရင်ဆုံး ခင်းလိုက်တဲ့ "ဖျာ" တစ်ချပ်လိုပါပဲ၊ သူက အဆောက်အအုံရဲ့ အလေးချိန်ကို ထမ်းထားဖို့ သုံးတာ မဟုတ်ပါဘူး၊ သံချောင်းတွေ၊ ဖောင်ဒေးရှင်းတွေ မချခင်မှာ မြေကြီးနဲ့ လွတ်အောင်၊ သန့်ရှင်းသပ်ရပ်အောင် ခင်းပေးလိုက်တဲ့ အောက်ခံ အလွှာပါးပါးလေး တစ်ခုပါ၊ နာမည်ကိုက Lean (အဆီအနှစ် နည်းသော) လို့ ခေါ်တာကိုး၊ ဆိုလိုတာက ဘိလပ်မြေ အသားနည်းနည်းပဲ ပါတဲ့ ကွန်ကရစ် အမျိုးအစားပေါ့၊ ပုံမှန် အိမ်ဆောက်ရင်သုံးတဲ့ ကွန်ကရစ်လောက် ဘိလပ်မြေ မများဘူး၊ သဲနဲ့ ကျောက် ပိုများတယ်၊ အချိုးအစားအားဖြင့်တော့ ၁:၃:၆ တို့၊ ၁:၄:၈ တို့လောက်ပဲ သုံးကြတာများပါတယ်ဗျ။
​သူ့ကို ဘာကြောင့် သုံးရလဲဆိုတော့ အဓိက အချက်ကတော့ သန့်ရှင်းရေးနဲ့ အတိအကျ အလုပ်လုပ်ချင်လို့ပါ၊ မြေကြီးပေါ်မှာ ဒီအတိုင်း သံချောင်းတွေ ဆင်မယ်၊ ပုံစံခွက်တွေ ရိုက်မယ်ဆိုရင် မြေကြီးက မညီမညာ ဖြစ်နေမှာလေ၊ အနိမ့်အမြင့်တွေ ရှိနေမယ်၊ ဖုန်တွေ ရွှံ့တွေ ရှိနေမယ်၊ အဲဒီလို နေရာမျိုးမှာ အလုပ်လုပ်ရတာ အဆင်မပြေဘူးဗျ၊ Lean Concrete လေး ၂ လက်မ၊ ၃ လက်မလောက် ခင်းလိုက်ပြီဆိုရင်တော့ ညီညာပြန့်ပြူးတဲ့ "စားပွဲခုံ" တစ်လုံး ရသွားသလို ဖြစ်သွားရော၊ အဲဒီအပေါ်မှာမှ ဖောင်ဒေးရှင်း နေရာချမလား၊ တိုင်နေရာ မှတ်မလား (Marking)၊ သံချောင်း ဆင်မလား၊ အကုန်လုံးက သေသေသပ်သပ်နဲ့ တိကျသွားပြီပေါ့။
​နောက်ပြီးတော့ ပိုအရေးကြီးတဲ့ အချက်တစ်ခု ရှိသေးတယ်ဗျ၊ အဲဒါက ကျွန်တော်တို့ရဲ့ အဓိက "အသား" ဖြစ်တဲ့ သံကူကွန်ကရစ် (RC) ကို ကာကွယ်ဖို့ပါ၊ တကယ်လို့ Lean မခံဘဲ မြေကြီးပေါ် တန်းလောင်းလိုက်မယ်ဆိုရင် ကွန်ကရစ်ထဲမှာ ပါတဲ့ ရေတွေကို မြေကြီးက စုပ်ယူသွားနိုင်တယ်၊ ကွန်ကရစ်ဆိုတာ ရေဓာတ် လုံလောက်မှ မာတာကိုး၊ ရေကို မြေကြီးက စုပ်လိုက်ရင် ကွန်ကရစ်က အားမရှိတော့ဘူး၊ နောက်ပြီး မြေကြီးထဲက အစိုဓာတ်နဲ့ ဓာတုဓာတ်တွေက သံချောင်းတွေကို တိုက်ရိုက် လာထိရင် သံချေးတက်တာ မြန်မယ်၊ ဒါကြောင့် Lean Concrete ဆိုတာ ဖောင်ဒေးရှင်း ဖိနပ်မစီးခင်မှာ ဝတ်ပေးလိုက်တဲ့ "ခြေအိတ်" လေးလိုမျိုး အကာအကွယ် ပေးထားတာပါ။
​ဆိုက်ထဲမှာတော့ တချို့က "ဒါကြီးက အလကား ပိုက်ဆံကုန်တာပဲ၊ မထည့်လည်း ဖြစ်ပါတယ်" လို့ ပြောတတ်ကြပေမဲ့ ကျွန်တော်တို့ အင်ဂျင်နီယာတွေကတော့ လက်မခံပါဘူး၊ ဒီ အလွှာပါးပါးလေး ရှိနေတာက အလုပ်သမားတွေ သံဆင်ရတာ သက်သာစေတယ်၊ ဖောင်ဒေးရှင်း ကွန်ကရစ်လောင်းတဲ့အခါ မြေကြီးတွေ ရောမပါလာအောင် ကာကွယ်ပေးတယ်၊ ကုန်ကျစရိတ် သိပ်မများပေမဲ့ အကျိုးကျေးဇူးကတော့ အဆောက်အအုံ သက်တမ်းတစ်လျှောက်လုံးအတွက် တကယ်ကို တန်လွန်းပါတယ်ဗျာ။

29/04/2026

29/04/2026

အိမ်ဆောက်တဲ့အခါ🏡🏡 သိထားသင့်တဲ့...

✅ဘိလပ်မြေ၊ အုတ်၊ သဲကျောက် တွက်ချက်နည်း
✅သံချောင်းတွက်နည်း
✅ ဘိလပ်မြေတွက်နည်း
✅ရေဝင်ဆန့်တွက်နည်း
✅အုတ်စီခြင်း ခန့်မှန်းကုန်ကျမည့် စာရင်းတွက်နည်းများကို
ဗဟုသုတအနေနဲ့ မျှဝေပေးလိုက်ပါတယ်။

🔴ဘိလပ်မြေ၊ အုတ်၊ သဲကျောက် ခန့်မှန်းကုန်ကျမည့်
စာရင်းအကြမ်းတွက်ချက်နည်း

မြန်မာပြည် ဆောက်လုပ်ရေးမှာ ကျင်းနဲ့ပြောကြပါတယ်။
⏺️ကုဗကျင်း
⏺️စကွဲယားကျင်း ဆိုပြီးရှိပါတယ်။

⏺️ကုဗကျင်း

ကုဗကျင်းက အလျား အနံ အမြင့် ၃ ခု မြှောက်တာပါ။
၃ ခုမြှောက်လို့ ၁၀၀ ရရင် ၁ ကျင်းပါ။
၅၀ ဆို ကျင်းဝက်၊ ၂၅ ဆို ကျင်းတစ်မတ် စသဖြင့်ပါ။

ကုဗကျင်းကို...
-၉ လက်မနဲ့အထက် အုတ်စီခြင်းတို့
-ကွန်ကရစ်လောင်းခြင်းတို့
-မြေကြီးတူးခြင်းတို့မှာ အများဆုံးသုံးပါတယ်။

ရှိသမျှအလျားအနံအမြင့်တွေ လိုက်မြှောက် ပေါင်းလိုက်ရင် ကုဗကျင်းထွက်လာပါပြီ။ မြေကြီး၁ ကျင်းဆို ၁၀ပေပတ်လည် ၁ ပေ အနက် ရှိရပါမယ်။

🔸1:3:6 အချိုး ကွန်ကရစ်
ဘိလပ်မြေ ၁၃ အိတ်ခန့်၊ သဲကျင်းဝက်၊ ကျောက် ၁ ကျင်း
🔸1:2:4 အချိုး ကွန်ကရစ်
ဘိလပ်မြေ ၁၈ အိတ်ကျော်ခန့်၊ သဲကျင်းဝက်၊ ကျောက် ၁ ကျင်း
🔸1: 1-1/2 အချိုး ကွန်ကရစ်
ဘိလပ်မြေ ၂၅ အိတ်ခန့်၊ သဲကျင်းဝက်၊ ကျောက် ၁ ကျင်း
🧱အုတ်ဖိနပ်တွေမှာ အသုံးများတဲ့ ၉ လက်မအထက် အုတ်စီခြင်း
ကုဗတစ်ကျင်းဆို ၁၃၅၀ လုံးဘိလပ်မြေကတော့ သုံးတဲ့အချိုးမှာမူတည်ပါတယ်။ အများသုံးတဲ့ 1:4 အချိုးဆို ဘိလပ်မြေ ၆ အိတ်နီးပါး။ သဲ ၂၈ ကျင်းတစ်မတ် သာသာလောက်။

⏺️စကွဲယားကျင်း

စကွဲယားကျင်းက အလျားနဲ့အနံ ပဲမြှောက်ပြီး ၁၀၀ ဆို ၁ ကျင်း။
စကွဲယားကျင်းကို...
-၄လက်မခွဲ အုတ်စီခြင်း
-ဆေးသုတ်ခြင်းတို့
-အမိုးမိုးခြင်းတို့
-ကြွေပြားကပ်ခြင်းတို့မှာ သုံးပါတယ်။

🧱နံရံတွေမှာ အသုံးများတဲ့ ၄.၅ လက်မ အုတ်စီခြင်း
အုတ် ၅၅၀ လုံး 1:4 အချိုး ဘိလပ်မြေ 2.7 အိတ်
သဲ .11 ကျင်း

🔴သံချောင်းတွက်နည်း

သံချောင်းတစ်ချောင်းဟာ ဆိုက်မှန်ပါက ပေ ၄၀ ၁၂ မီတာရှိရပါတယ်။ သို့ပေမယ့် ၃၉ပေ ၆ လက်မလောက်ဆို မှန်တယ်ပြောရပါမယ်။ ဘာမားဖြစ်ကတော့ အတိအကျပြောလို့ မရပါဘူး။

တစ်တန်မှာရှိရမယ့် အချောင်းရေက -
10 မီလီ ၃မူး ( 3/8) မှာ ပေ၄၀ အရှည် ၁၃၅ ချောင်း
12 မီလီ ၅မူး ( 1/2) မှာ ၈၈ ချောင်း
16 မီလီ ၆မူး ( 5/8) မှာ ၅၃ ချောင်း
20 မီလီ ၃မတ် (3/4) မှာ ၃၃ ချောင်း
25 မီလီ ကျပ်လုံးမှာ (1) မှာ ၂၁ ချောင်းရှိပါတယ်။

🔴ဘိလပ်မြေတွက်နည်း

ဘိလပ်မြေ (၁) အိတ်ဟာ ၅၀ ကီလိုလေးပြီး အိတ်(၂၀) ဟာ ၁ တန်ပါ။
သံချောင်းတွေဆက်ဖို့လိုရင် တိုင်တွေမှာ အနည်းဆုံး အဆ ၄၀ ထပ်မိနေစေ ရပါမယ်။ ထုပ်တွေ ယက်မတွေမှာတော့ အဆ ၆၂ လောက်ထိသုံးတတ်ပါတယ်။ ခိုချင်ရင်တော့ ၅၀ဆလောက် ဆို ရလောက်ပါတယ်။ အခုနောက်ပိုင်း မီတာနဲ့သုံးလာပါတယ်။ ဆက်သွယ်ချက်က ၁မီတာ 1M မှာ ၃ ပေ ၃ လက်မ ၃ မူးရှိပါတယ်။ လက်သမားနဲ့ ယှဉ်ပြောလို့ရတဲ့အခေါ်ပါ။

1 M မီတာ= 3.281 ပေ
1 လက်မ= 25.4 mm မီလီမီတာ
1 ( 1m X 1m) မီတာ စကွဲယား= 10.78 ပေစကွဲယား
ကွန်ကရစ် 1 (1mX 1mX 1m) မီတာကျု = 35.32 ကုဗပေ Cuft

🔴ရေဝင်ဆန့်တွက်နည်း

ရေကန်တစ်ခု ရေဂါလံ ဘယ်လောက်ရှိလဲတွက်ချင်ရင်၁ကုဗပေမှာ ၆.၂၄ ဂါလံရှိပါတယ်။
အလျား အနံ အမြင့် တစ်ပေစီရှိတဲ့ ပုံးတစ်လုံးဟာ ရေ ၆.၂၄ ဂါလံဆန့်ပါတယ်။ ဒါကြောင့် ၆ပေအလျား ၄ ပေအနံ ၃ ပေ အမြင့်ရှိတဲ့ရေကန်ဟာ 6 X 4 X 3 X 6.24= 449.28 ရေ ၄၅၀ ဂါလံဆန့်ပါတယ်။ ရေတစ်ဂါလံ ၁၀ ပေါင်လေးလို့ ၄၅၀၀ ပေါင်လေးပါတယ်။
၂၂၄၀ ပေါင်= ၁ တန်လေးလို့ ၂ တန်လောက် အလေးချိန်ရှိပါမယ်။ ရေကန်ကို အပေါ်မှာ ထားရင် Dead Load ဝန်သေ ၂ တန်ကို ခံနိုင်အောင် သံချောင်း ကော်လံတိုင် ဆိုဒ်ကို သုံးရပါမယ်။
1 ဂါလံမှာ ၄.၅၄၆ လီတာရှိပါတယ်။ အခုနောက်ပိုင်း စတီးရေတိုင်ကီတွေကလီတာနဲ့ ပြထားတတ်လို့ ပြန်တွက်ကြည့်လို့ရပါလိမ့်မယ်။

🔴အုတ်စီခြင်း ခန့်မှန်းကုန်ကျမည့်စာရင်းတွက်နည်း

🧱လေးလက်မခွဲ ဆယ်ပေပတ်လည် အုတ်စီခြင်းလုပ်ငန်း
၁၀၀ စတုရန်းပေနှုန်း

➢ အုတ် ၄၀၀ လုံး
➢ ဘိလပ်မြေ ၃ အိတ်
➢ မြစ်သဲ ၁၀ ကုဗပေ

🧱၉ လက်မအုတ်စီခြင်းလုပ်ငန်း ၁၀၀ စတုရန်းပေနှုန်း

➢ အုတ် ၇၅၀ လုံး
➢ ဘိလပ်မြေ ၅.၅ အိတ်
➢ မြစ်သဲ ၁၀ ကုဗပေ

🧱၁:၂:၄ ကွန်ကရစ် တစ်ကျင်နှုန်း

➢ ဘိလပ်မြေ ၁၉ အိတ်
➢ မြစ်သဲ ၄၉ ကုဗပေ
➢ မြစ်ကျောက်စရစ် ၉၂ ကုဗပေ

🧱၁:၃:၆ ကွန်ကရစ် တစ်ကျင်နှုန်း

➢ ဘိလပ်မြေ ၁၃ အိတ်
➢ မြစ်သဲ ၄၆ ကုဗပေ
➢ မြစ်သဲကျောက်စရစ် ၉၆ ကုဗပေ

မှတ်ချက်။ ။
၁ ကုဗပေ = အလျား ၁ ပေ x အနံ ၁ ပေ x အမြင့် ၁ ပေ ။
သဲတစ်ကျင်း = အလျား ၁၀ ပေ x အနံ ၁၀ ပေ x အမြင့် ၁ ပေ = ၁၀၀ စတုရန်းပေ
သဲတစ်ကျင်း = ၁၀၀ ကုဗပေ။

to original writer

26/04/2026

ပူအိုက်သော ရာသီဥတုရှိသည့် ဒေသများအတွက် အဓိကဦးစားပေးသင့်သည်မှာ လေဝင်လေထွက်ကောင်းမွန်ရေး (Ventilation)၊ နေရောင်ခြည် တိုက်ရိုက်ကျရောက်မှုမှ ကာကွယ်ရေး (Shading) နှင့် အပူစုပ်ယူမှု နည်းပါးသော ပစ္စည်းများ (Cool Materials) ကိုက်ညီပြီး ပူအိုက်သော ရာသီအတွက် အထူးသင့်တော်သော အိမ်ပုံစံ (၅) မျိုး

​☀️ ပူအိုက်သော ရာသီဥတုအတွက် သင့်တော်သော အိမ်ပုံစံ (၅) မျိုး

​၁။ တိုင်မြင့်အိမ် (Stilt House)
​ဘာကြောင့်လဲ: ဤပုံစံသည် မြန်မာနိုင်ငံ၏ ရိုးရာအိမ်ပုံစံများတွင် တွေ့ရလေ့ရှိပြီး အပူဒဏ်အတွက် အလွန်ထိရောက်ပါသည်။

​အားသာချက်:
​အိမ်ကို မြေပြင်မှ မြှင့်ထားသောကြောင့် မြေကြီးမှ တက်လာသော အပူငွေ့ (Ground Heat) ကို ရှောင်ရှားနိုင်ပါသည်။
​အိမ်အောက်လွတ်နေသော နေရာမှ လေများ လွတ်လပ်စွာ ဖြတ်သန်းနိုင်သဖြင့် အိမ်၏ ကြမ်းပြင်ကို အေးမြစေပါသည်။
​လေပြေလေညှင်းများ ပိုမိုရရှိနိုင်သော အမြင့်တွင် နေထိုင်ရသကဲ့သို့ ဖြစ်စေပါသည်။

​၂။ ဝရန်တာ သို့မဟုတ် ဆင်ဝင်ကျယ် ပါသော အိမ် (House with Wide Verandas/Porches)
​ဘာကြောင့်လဲ: ဤပုံစံသည် အိမ်၏ အတွင်းပိုင်းကို နေရောင်ခြည် တိုက်ရိုက်ကျရောက်ခြင်းမှ အဓိက ကာကွယ်ပေးပါသည်။

​အားသာချက်:
​ကျယ်ပြန့်သော ဝရန်တာ သို့မဟုတ် ဆင်ဝင်များက အိမ်၏ နံရံများနှင့် ပြတင်းပေါက်များကို အရိပ်ကျစေသဖြင့် အိမ်အတွင်းသို့ အပူဝင်ရောက်မှုကို သိသိသာသာ လျှော့ချပေးသည်။
​မိုးမပက်၊ နေမပူသော ပြင်ပနေရာ (Semi-outdoor) အဖြစ် အသုံးပြုနိုင်ပြီး လေကောင်းလေသန့်ကို ခံစားနိုင်သည်။

​၃။ အတွင်းဝင်း (Courtyard) ပါသော အိမ်
​ဘာကြောင့်လဲ: ဤပုံစံသည် အိမ်၏ အလယ်ဗဟိုတွင် လေဝင်လေထွက် လမ်းကြောင်းတစ်ခု ဖန်တီးပေးပါသည်။ (အထူးသဖြင့် မြို့ပြ ဧရိယာကျဉ်းများတွင် သင့်တော်သည်)

​အားသာချက်:
​Courtyard (အတွင်းဝင်း) နေရာမှ လေပူများ အပေါ်သို့ တက်သွားပြီး (Stack Effect)၊ အိမ်၏ ဘေးပတ်လည်ရှိ အခန်းများမှ လေအေးများ ဝင်ရောက်လာစေရန် ဆွဲဆောင်ပေးပါသည်။
​အတွင်းဝင်းတွင် သစ်ပင်များ သို့မဟုတ် ရေကန်ငယ်များ ထားရှိခြင်းဖြင့် အိမ်အတွင်းသို့ ဝင်လာသော လေကို ပိုမို အေးမြစေနိုင်ပါသည်။

​၄။ မျက်နှာကျက်မြင့်ပြီး အခန်းဖွဲ့ နည်းသော ဒီဇိုင်း (Open-Plan with High Ceilings)
​ဘာကြောင့်လဲ: ဤဒီဇိုင်းသည် လေကို အတားအဆီးမရှိ လွတ်လပ်စွာ စီးဆင်းစေပြီး အပူများကို အပေါ်သို့ ထွက်ခွာစေပါသည်။

​အားသာချက်:
​မျက်နှာကျက် မြင့်ခြင်း: လေပူများသည် သဘာဝအတိုင်း အပေါ်သို့ တက်သဖြင့် မျက်နှာကျက်မြင့်ပါက လူနေထိုင်ရာ ဧရိယာတွင် အေးမြနေစေသည်။ အမိုးအနီးတွင် လေထုတ်ပေါက်များ ထားရှိပါက ပိုမို ထိရောက်သည်။
​Open-Plan: အခန်းများကို အတားအဆီး နံရံများဖြင့် ကန့်သတ်ထားခြင်း မရှိသဖြင့် လေသည် အိမ်၏ တစ်ဖက်မှ တစ်ဖက်သို့ လွယ်ကူစွာ ဖြတ်သန်းနိုင်သည် (Cross-Ventilation)။

​၅။ သဘာဝပစ္စည်းများ အသုံးပြုထားသော အိမ် (Natural Material House)
​ဘာကြောင့်လဲ: ကွန်ကရစ်နှင့် သံကဲ့သို့ အပူစုပ်သော ပစ္စည်းများအစား သဘာဝပစ္စည်းများသည် အပူဒဏ်ကို ပိုမို ခံနိုင်ရည်ရှိသည်။

​အားသာချက်:
​မြေအိမ် (Earthen House): ထူထဲသော မြေသားနံရံများသည် နေ့ခင်းဘက် အပူများကို စုပ်ယူထားပြီး ညဘက်တွင်မှ ဖြည်းဖြည်းချင်း ပြန်လွှတ်သဖြင့် အိမ်အတွင်းပိုင်းကို နေ့ဘက်တွင် အေးမြစေပါသည်။

​ဝါးအိမ် သို့မဟုတ် ပျဉ်ထောင်အိမ်: ဤပစ္စည်းများသည် အပူကို သိုလှောင်မထားဘဲ လေဝင်လေထွက်ကို အားပေးသည်။

​မည်သည့်ပုံစံကို ရွေးချယ်သည်ဖြစ်စေ ပူအိုက်သော ရာသီဥတုအတွက် အိမ်ဆောက်မည်ဆိုပါက အောက်ပါ အချက်များကို အမြဲထည့်သွင်း စဉ်းစားသင့်ပါသည်။

​ဆောက်လုပ်မည့် လမ်းကြောင်း: အိမ်ကို နေဝင် နေထွက် (အရှေ့-အနောက်) တည့်တည့် မဆောက်ဘဲ (တောင်-မြောက်) အလျားလိုက် ဆောက်လုပ်ပါက နေရောင်ခြည် တိုက်ရိုက်ကျရောက်မှု အများဆုံး နံရံ ဧရိယာကို လျှော့ချနိုင်သည်။
​အမိုး: အမိုးကို အရောင်ဖျော့ (အဖြူရောင်) သုတ်ခြင်း၊ အမိုးအောက်တွင် အပူကာ (Insulation) တပ်ဆင်ခြင်း၊ လေဝင်လေထွက်ကောင်းသော အမိုးပုံစံ (Vented Roof) ကို ရွေးချယ်ခြင်းများ ပြုလုပ်သင့်သည်။
​သစ်ပင်များ: အိမ်၏ ပတ်ဝန်းကျင်၊ အထူးသဖြင့် နေပူသော အနောက်ဘက်ခြမ်းတွင် အရိပ်ရ သစ်ပင်ကြီးများ စိုက်ပျိုးခြင်းသည် အကောင်းဆုံး သဘာဝ အဲကွန်း (Air Con) ဖြစ်ပါသည်။