17/10/2022
Steering
*********
ရိတ်ခြွေစက်တွေမှာ ဘယ်ကွေ့ညာကွေ့မရတဲ့ပြဿနာဟာ အဖြစ်များတဲ့ပြဿနာ တစ်ခုဖြစ်ပါတယ်...
Dc 70 g ရဲ့ steering စနစ်ဟာ ကလပ်ဖြင့်ဘရိတ်ဖမ်းပေးတဲ့စနစ်ဖြစ်ပါတယ်...
အော်ပရေတာက ကိုယ်ကွေ့ချင်တဲ့ဘက်သို့ လီဗာမောင်းတံကို ယိမ်းပေးလိုက်ရုံနဲ့ ကလပ်ဆလင်ဒါသို့ ဟိုက်ဒရောလစ်ဖိအား သက်ရောက်သဖြင့် ကလပ် bolt(နတ်တိုင်) မှ ကလပ်မောင်းများကိုတွန်းဖိလိုက်သောကြောင့် ဆိုက်ကလပ်ဂီယာများကို ဖရီးဖြစ်ခြင်းနှင့် ဘရိတ်ဖြစ်ခြင်းတို့ ဖြစ်ပေါ် ပြီး စက်ကို ကွေ့စေမှာဖြစ်ပါတယ်..
အဲ့ဒီလို လွယ်ကူစွာအလုပ် လုပ်နိုင်ဖို့အတွက် hydraulic စနစ်နဲ့ electrical စနစ်တို့ကိုပေါင်းစပ်လုပ်ဆောင်စေတာ ဖြစ်ပါတယ်...
မောင်းတံကို ဘယ်/ညာ သို့ယိမ်းလိုက်သောအခါ မောင်းတံအောက်ဘက်ရှိ switch မှ အပ်( - ) ဆစ်ဂနယ်ကို ဆိုက်ကလပ်ရီလေး(ဘယ်/ညာ) သို့ ရောက်ရှိစေမှာဖြစ်ပါတယ်...
ရီလေးအလုပ်လုပ်ရင် hydraulic control unit ရှိ solenoid valve သို့ ( - ) ဆစ်ဂနယ်ထပ်ရောက်ပြီး ကလပ်စလင်ဒါ(ဘယ်/ညာ) သို့သွားသော ဆီလမ်းကြောင်းများကို solenoid valve က ဖွင့်/ပိတ် လုပ်ဆောင်ပေးမှာဖြစ်ပါတယ်...
အဲ့ဒီမှာ သိထားရမှာက စက်ကို ဘယ်ဘက် (သို့)ညာဘက်သို့ လမ်းကြောင်းပြောင်းရုံဆိုရင် လီဗာမောင်းတံကို အဆုံးထိဆွဲကပ်စရာမလိုဘဲ အနည်းငယ်တိမ်းပေးရုံနဲ့ လမ်းကြောင်းပြောင်းလဲ နိုင်မှာဖြစ်ပြီး ကွေ့ချင်သောအခါကျမှသာ ကိုယ်ကွေ့ချင်သောဘက်သို့ လီဗာမောင်းတံကို အဆုံးထိဆွဲကပ်ပေးရမှာဖြစ်ပါတယ်...
အဲ့ဒီလို လီဗာမောင်းတံကို တစ်ဖက်ဖက်သို့ ဆွဲကပ်လိုက်ခြင်းဟာ ဆိုက်ကလပ်ဂီယာကို ဟိုက်ဒရောလစ်ဖြင့် ဘရိတ်ဖမ်းပေးတာဖြစ်လို့ ကိုယ်ကွေ့ချင်တဲ့ဘက်သို့ လျှင်မြန်စွာကွေ့စေမှာဖြစ်ပါတယ်...
အကယ်၍ လီဗာတံကိုအဆုံးထိဆွဲကပ်ထားပါလျက် စက်ကို ချာခနဲမလှည့်နိုင်ဘူးဆိုရင် ကလပ်ပြားတွေချော်နေတာ၊ ဘရိတ်ကြိုးလျော့နေတာ စသည်ဖြင့် အစိတ်အပိုင်းတစ်ခုခုမှာ ပြစ်ချက်၊ချွတ်ယွင်းချက် ရှိနေလို့ဖြစ်ပါတယ်...
လီဗာတံကို ဘယ်/ညာ ကစားပေမယ့်လည်း ဆိုက်ကလပ်မောင်းများ လှုပ်ရှားမှုမရှိဘူးဆိုရင် လျှပ်စစ်ပိုင်းမှာပြဿနာရှိနေတာဖြစ်ပြီး switch, relay, fuse တို့ကိုစစ်ဆေးပေးရမှာဖြစ်ပါတယ်...
ပိုင်းနဲ့
#ဝါယာရိန်း ပိုင်းတွေမှာ အခက်အခဲတစ်စုံတစ်ရာရှိတယ်ဆိုရင်
#09799837132ကို ဆက်သွယ်နိုင်ပါတယ်ခင်ဗျ...
ဝါယာရိန်း