01/06/2025
ကားတစ်စီးပြင်တော့မယ်ဆိုရင် ဘာတွေလုပ်မလဲ❓🤔
ရွှေသီဟစောကားဆားဗစ်စင်တာ - 1993 ခုနှစ်မှ လူကြီးမင်းတို့အား ယုံကြည်စိတ်ချရသော ဝန်ဆောင်မှုကို ပေးဆောင်နေပါသည်
🔴 ကားဝပ်ရှော့ကောင်းကောင်း ရွေးချယ်သင့်တယ် ။ (Reliable Service & Spare Parts)
🔴 ဘယ်အစိတ်အပိုင်းတွေကို စစ်ဆေးပြုပြင်သင့်သလဲဆိုတာကလည်း သိဖို့လိုအပ်လာပါတယ်။ Preventive Maintenance
🔴ပုံမှန်စစ်ဆေးနိုင်မှ ကားကျန်းမာပါမယ် ။ Maintenance Schedule
🔴 ပိုက်ဆံကုန်တိုင်း ကား မကောင်းလာပါဘူး၊ ကုန်ကျစရိတ်ကိုတောင်းရပါမယ်။ Estimate Cost
🔴 ကားတော့ပြင်လိုက်တယ် တာဝန်ယူမှူ တာဝန်ခံမှုရှိပါသလား။ အာမခံပေးမှုပေးနိုင်ပါသလား။ Guarantee
✅ ယုံကြည်စိတ်ချရတဲ့ ကားဝပ်ရှော့ရွေးချယ်ခြင်း
ကားဝပ်ရှော့ရွေးချယ်ရတာကလည်း ခက်ခဲတဲ့ အလုပ်တစ်ခုဖြစ်ပါတယ်။ ဒါကြောင့် ကားဝပ်ရှော့ကိုမသွားခင် ဝန်ဆောင်မှုကောင်းမကောင်း(Reliable Service) ၊ ကားပြုပြင်တဲ့ နည်းပညာပိုင်း အားသာချက်၊ အားနည်းချက်၊ အပိုပစ္စည်း (spare parts)ရရှိနိုင်မှု၊ Social Media ပေါ်ကမှတ်ချက်ကောင်းမှု စတဲ့အချက်တွေကိုလည်း ထည့်သွင်းစဉ်းစားဖို့ လိုအပ်သလို မိမိမိတ်ဆွေတစ်ယောက် သွားရောက်ပြုပြင်ဖူးတယ်ဆိုရင် သူ့ရဲ့ထောက်ခံမှု(Recommend)ကလည်း အရမ်းအရေးကြီးပါတယ်။
✅ ကားအတွက် ကြိုတင်ပြုပြင်ထိန်းသိမ်းခြင်း (Preventive Maintenance)
ဘယ်လောက်မော်ဒယ်မြင့်တဲ့ကားပဲဖြစ်ဖြစ် ကြိုတင်စစ်ဆေးပြုပြင်ထိန်းသိမ်းမှုကတော့ လိုအပ်ပါတယ်။ ဆီ၊ရေ၊လေ၊ဝိုင် ဆိုတဲ့ ဆီဖစ်တာလဲခြင်း၊ ကူးလန့်စစ်ဆေးလဲလှယ်ခြင်း၊တာယာနှင့်တာယာဖိအား စစ်ဆေးခြင်း၊အင်ဂျင်လေစစ်များ စစ်ဆေးခြင်း၊ အင်ဂျင်ဝိုင် ဂီယာဝိုင် စစ်ဆေးခြင်းတွေဖြစ်တဲ့ ကားရဲ့အခြေခံ အချက်တွေကိုတော့ မပျက်မကွက် စစ်းဆေးပြုပြင်သင့်ပါတယ်။
✅ ကားထုတ်လုပ်သူရဲ့ ပြုပြင်ထိန်းသိမ်းမှုအချိန်ဇယား အတိုင်း ပြုပြင်ထိန်းသိမ်းခြင်း
ကားထုတ်လုပ်သူမှ သတ်မှတ်ပေးထားတဲ့ ပြုပြင်ထိန်းသိမ်းမှု အချိန်ဇယားလို့ခေါ်တဲ့ (Maintenance Schedule) အတိုင်း ဘယ်အချိန်မှာ အင်ဂျင်ဝိုင်၊အော်တိုဆီ၊အင်ဂျင်လေစစ်၊ ဆီဖစ်တာ၊ပလပ်၊တိုင်မင်ဘတ် စသည်တို့ကို အချိန်ကာလတစ်ခု (သို့)ခရီးအကွာအဝေး ကီလိုမီတာ (သို့) မိုင် တစ်ခုမှာ စစ်ဆေးလဲလှယ်ရမယ်ဆိုတဲ့အချက်တွေကို ကားပိုင်ရှင်လက်စွဲ (Owner Manual)မှာ ရေးမှတ်ထားတာကြောင့် အဲ့ဒီထဲကအတိုင်း လိုက်နာဆောင်ရွက်သင့်ပါတယ်။
✅ ကုန်ကျစရိတ် တွက်ချက်ခြင်း
ကားပြုပြင်ဖို့ ကားဝပ်ရှော့ကိုသွားရောက်ပြသတဲ့အခါ စမ်းသပ်မောင်းနှင်စစ်ဆေးပြီး ပစ္စည်းဖိုး နှင့် ပြုပြင်လက်ခ ခန့်မှန်းကုန်ကျစရိတ်(Estimate Cost)ကို တောင်းဆိုသင့်ပါတယ်။ ဒါမှသာကုန်ကျစရိတ်ကို ချိန်ဆပြီး အရေးကြီးတဲ့အပိုင်းတွေကိုပြင်မလား၊
ကုန်ကျငွေအားလုံးအဆင်ပြေတယ်ဆိုရင်
ပြုပြင်ရမယ့်အချက်အားလုံးကိုပဲ ပြုပြင်မလားဆိုတာ
စဉ်းစားဆုံးဖြတ်နိုင်မှာဖြစ်ပါတယ်။
✅အာမခံချက်ပေးနိုင်ခြင်း
ကားတစ်စီးကိုပြုပြင်ပြီးသွားတဲ့အခါ ဘယ်လောက်အထိ အာမခံ (Guarantee) ပေးနိုင်မလဲဆိုတာကလည်းအရေးကြီးပါတယ်။
စက်ပစ္စည်းတွေရဲ့သဘောကတော့ အသုံးပြုတဲ့သူနဲ့အချိန်ကာလပေါ်မူတည်ပြီး ပျက်စီးတတ်ပါတယ်။ ဒါပေမဲ့ ပစ္စည်းအစိတ်အပိုင်းတစ်ခုလဲပြီးသွားတဲ့အခါ အချိန်ကာလတစ်ခုကတော့ အာမခံပေးသင့်ပါတယ်။
နောက်တစ်ချက်အနေနဲ့ ဒီအစိတ်အပိုင်းတွေပြုပြင်ပြီးသွားတဲ့အခါ ဘာတွေကိုဆောင်သင့်တယ်၊
ဘာတွေကိုတော့ရှောင်သင့်တယ်ဆိုတာမျိုးကိုလည်း သေချာမေးပြီး လိုက်နာသင့်ပါတယ်။ ဥပမာ-ရောဂါရှိလို့ ဆရာဝန်နဲ့ပြုပြင်ပြီးတဲ့အခါ ဘာအစားအစာတွေကို စားသင့်သလဲ၊ဘာတွေကိုရှောင်သင့်လဲ မေးသလိုမျိုးပေါ့။
အင်ဂျင်ကိုင်(အင်ဂျင်အိုဗာဟောလုပ်)ပြီး တစ်ရက် နှစ်ရက်ပဲရှိသေးတယ်၊ ဝန်တွေအဆမတန်တင်ပြီး ရုန်းခိုင်းတာမျိုးဆိုရင်လည်း အင်ဂျင်အကျမြန်သလို အသားမကျသေးတဲ့အတွက် အင်ဂျင်ပျက်စီးနိုင်ပါတယ်။
ကားတစ်စီးစစ်ဆေးပြုပြင်တော့မယ်ဆိုရင် လုပ်ဆောင်သင့်တဲ့အချက်များကို ကားပိုင်ရှင်များအတွက်ကျွန်တော်တို့ ရွှေသီဟစော ကားဆားဗစ် ပုသိမ် မှ လေးစားစွာ မျှဝေပေးလိုက်ရပါသည်။
SHWE THIHA SAW 1-STOP Car Service Center
Providing Reliable Service to our Customers Since 1993
အမှတ်(၂၂/က)၊ ပုသိမ်-မုံရွာလမ်း ၊ လွန်ကန်ရပ်ကွက်၊ ၊ ပုသိမ်မြို့၊ ဧရာဝတီတိုင်း။
Ph :09 – 740861076, 09 - 255554072, 09 – 740861072
>>
လူကြီးမင်းတို့ ၏ ငွေပေးချေမှုများကို
Mobile banking transfer ဖြင့် AYA, KBZ, A Bank- တို့အပြင်, KBZ pay, AYA pay, Wave Money များဖြင့်လည်း လက်ခံဆောင်ရွက်ပေးပါသည်။
