16/06/2026
မင်္ဂလာပါခင်ဗျ။
အခုပြပေးထားတဲ့ပုံ(၃)ခုကတော့
လက်ရှိပြည်တွင်းက INVERTER TYPE ဂဟေဆော်စက်များရဲ့
ဆားကစ်ဖွဲ့စည်းပုံတွေဖြစ်ပါတယ်။
A@ normal circuit(DIP)
B@ water & dust proof circuit
C@ smd circuit
ယခု post နဲ့ပတ်သက်ပြီး
ကုန်အမှတ်တံဆိပ်တစ်ခုကိုသော်လည်းကောင်း၊
တင်သွင်းဖြန့်ဖြူးတဲ့ကုမ္ပဏီတစ်ခုကိုသော်လည်းကောင်း၊
အခြားလူပုဂ္ဂိုလ်တစ်ဦး
တစ်ယောက်ကိုသော်လည်းကောင်း
ရည်ရွယ်ခြင်းမရှိကြောင်းကြိုတင်ပြောပါရစေ။
ဖတ်ဖူးမှတ်ဖူးတဲ့ ဆရာနေဝင်းမြင့်ပြောစကား INTRO လေးနဲ့စရရင်...
ငယ်ငယ်က အဖေဝတ်တဲ့ စွပ်ကျယ်ကလေး
စုတ်သွားတော့ အမေက သောက်ရေအိုး ရေစစ်လုပ်တယ်။
အဲ့ဒီရေစစ်ကလေး စုတ်သွားတဲ့အခါ
လက်သုတ်ပုဝါဖြစ်သွားတယ်.....
လက်သုတ်ပုဝါဘဝနဲ့ စုတ်သွားပြန်တော့
လက်နှီးစုတ်ဘဝနဲ့ လူသုံးကုန်အဖြစ်
မီးဖိုထဲမှာကျင်လည်ရင်း.......
နောက်ဆုံး ခွေးချီသွားတော့မှပဲ
နိဂုံးသံပတ် အဆုံးသတ်ပါတယ်။
ဒါကျွန်တော်တို့ ငယ်ငယ်က အဖေ့ စွပ်ကျယ်တစ်ထည်ရဲ့
ဖြစ်စဉ်လေးတစ်ခုပါ။
ပစ္စည်းတစ်ခုကို ရသလောက်အထိ အစွဲတလမ်း
မြတ်မြတ်နိုးနိုး တန်ဖိုးထားပြီး
အသုံးချကြတာဖြစ်ပါတယ်။
တဖက်ကကြည့်ရင် ကုန်ကျစရိတ်ထွက်ငွေလည်း
သက်သာစေပါတယ်။
ပြောချင်တာက ကျွန်တော်တို့တတွေ
ပစ္စည်းတစ်ခုအပေါ်မှာ ထားတဲ့
သဘောထားမှတ်ချက်ဖြစ်ပါတယ်။
ဘယ်လိုဖန်တီးထားတဲ့ ပစ္စည်းမျိုးပဲဖြစ်ဖြစ်၊
ဖြစ်တည်မှုရဲ့ နိဂုံးအဆုံးဟာ ပျက်စီးခြင်းသာဖြစ်ပါတယ်။
ဒါကိုရှောင်လွှဲလို့မရနိုင်ပါဘူး။
အခြေအနေအမျိုးမျိုးကြောင့်
အနှေးနဲ့အမြန်သာကွာပါတယ်။
ဖြစ်ခဲ့ရင် ဘယ်နေရာမှာ ဘယ်လို
အလွယ်တကူလုပ်လို့ရသလဲဆိုတာ
သိထားဖို့သာလိုပါတယ်။
ဆားကစ်ဝရိန်စက်နဲ့ပတ်သက်လို့ ရွေးတော့မယ်ဆိုရင်
အောက်ပါအချက်တချို့ကို ကြိုတွက်ဆထားဖို့ လိုပါမယ်။
၁။ စင်ကယ်ဖေးလား၊ သရီးဖေးလား၊ မာလတီစပလိုင်းလား???
၂။ အဝင်ဗို့အား ဘယ်လောက်အနည်းဆုံးမှာ ဘယ်လောက်ဝရိန်ချောင်းဆော်လို့ရသလဲ။
၃။ ရေနဲ့ သံအမှုန့်တွေစက်ထဲကိုဝင်ရောက်ပြီး ပျက်စီးတာမျိုးကို ကာကွယ်ထားတဲ့ချိတ်လောင်း
တည်ဆောက်ပုံမျိုးလား???
၄။ CNC ကွန်ပြူတာစနစ်နဲ့ထုတ်ထားတဲ့ SMD(Surface Mounted Device) လား???
၅။ ကဒ်ထဲကို လိုသလိုနှိုက်ပြီး အသေးစိပ်ပြုပြင်လို့
လွယ်ကူတဲ့ အနေအထားမျိုးလား???
၆။ အစားထိုးအပိုပစ္စည်းရှိသလား???
၇။ ဈေးတန်းနဲ့ အာမခံအတိုင်းအတာ မျှခြေဖြစ်ရဲ့လား???
၈။ မိမိစဉ်းစားတဲ့ အမှတ်တံဆိပ်ကို ပြည်တွင်းမှာ
ဘယ်ကုမ္ပဏီက တင်သွင်းဖြန့်ဖြူးထားတာလဲ???
၉။ ပျက်ခဲ့ရင် ကုမ္ပဏီက ဝန်ဆောင်မှုကို
ဘယ်လိုလမ်းကြောင်းနဲ့ ဘယ်အတိုင်းအတာအထိပေးနေသလဲ???
အကြမ်းအားဖြင့် ဒီအချက်တွေဖြစ်ပါတယ်။ ဒါကကိုယ်ဝယ်မယ့် ပစ္စည်းဘက်ကိုချိန်ဆတာဖြစ်ပါတယ်။
မိမိဘက်ကိုလည်းပြန်သုံးသပ်ဖို့လိုပြန်ပါသေးတယ်။
၁။ ဂဟေနဲ့ပတ်သက်လို့ သံ၊ သတ္ထု၊ စတီး၊ ဓာတ်ငွေ့တွေရဲ့ ဂုဏ်သတ္တိတွေ ဘယ်လောက်သိထားသလဲ???
၂။ ဂဟေချောင်း၊ ဂဟေကြိုး အမျိုးအစားနဲ့ သဘောသဘာဝ ဘယ်လောက်သိထားသလဲ???
၃။ ဂဟေဆော်ခြင်းဆိုတာကို ဘယ်လိုသဘောပေါက်နားလည်ထားသလဲ???
၄။ ဆော်ပုံဆော်နည်းဘယ်နှစ်မျိုးလောက် ကျွမ်းကျင်ပိုင်နိုင်နေပြီလဲ???
၅။ လူနဲ့ပတ်ဝန်ကျင်ကို အန္တရာယ်မဖြစ်စေဖို့ လုပ်ငန်းခွင် safety လုံခြုံရေးအစီအမံတွေကိစ္စ ဘယ်လောက်သိရှိလိုက်နာနိုင်သလဲ???
၆။ လျှပ်စစ်ဝါယာ အရွယ်အစားနဲ့ခံနိုင်အားတွေကိုရော သိထားသလား???
၇။ ကိုယ်သုံးနေတဲ့၊ ကိုယ်သုံးမယ့် ဂဟေစက်ရဲ့ ဆောင်ရန်ရှောင်ရန်တွေကိုရော မှန်ကန်စွာသိထားသလား???
၈။ ကိုယ်နဲ့တွဲလုပ်တဲ့ လုပ်ဖော်ကိုင်ဖက်တွေရဲ့ ကျွမ်းကျင်မှုအဆင့်ကရော ကိုယ်တိုင်သင်ပေးထားပြီးပြီလား???
စတဲ့ အချက်တွေကိုလည်းမေ့ထားလို့မရပြန်ပါဘူး။
အထက်ပါအချက်တွေဟာ
အသုံးချပစ္စည်းသက်တမ်းပြည့်မှီဖို့
လုပ်ငန်းသူများထက်မြန်ဆန်စေဖို့
ထုတ်ကုန်လက်ရာကောင်းစေဖို့
လုပ်ငန်းခွင် အန္တရာယ်ကင်းစေဖို့
ရေရှည်တွက်ချေကိုက်စေဖို့ မဖြစ်မနေစဉ်းစားရမယ့်ကိစ္စတွေဖြစ်ပါတယ်။
ဘယ်လိုပဲစဉ်းစားသည်ဖြစ်ပါစေ
နောက်ဆုံး တွက်ချေကိုက်ပါ့မလားဆိုတဲ့နေရာမှာ အဆုံးသတ်ရပါတယ်။
ဒီလိုဂဟေစက်တစ်ခုရွေးတဲ့နေရာမှာ အလုပ်လုပ်ပုံ၊ တည်ဆောက်ပုံပိုင်းနဲ ပတ်သက်လို့
အထွေထွေရောဂါအထူးကုဆိုသလိုမျိုး
ဘာလာလာဒေါင်း၊ function အကုန်ရချင်လို့တော့မရပါဘူး။
တစ်ခုကောင်းချင်ရင် တစ်ခုလွှတ်လိုက်ရတာမျိုးတော့
ရှိမှာဖြစ်ပါတယ်။
android စမတ်ဖုန်းမှာ iTUNE ထည့်လို့မရသလိုမျိုး၊ iPHONE မှာ Play Store ထည့်မရသလိုမျိုးပါပဲ။
မိမိယုံကြည်အားသန်ရာကို ရွေးဖို့သာရှိပါတယ်။
"လူဆိုတာ အမြဲ.... ယုံကြည်ရာတစ်ခုအတွက်.....
အသက်ကိုတောင်စတေးကြတာပဲ....
မင်းရဲ့ဘဝမှာ.... ဘာကိုယုံကြည်သလဲ...."
( ---လေးဖြူ)😃😃😃
ရေလုံစဉ်းစားခန်း(၁)
ဒီအုပ်စုမှာ POWER ပိုင်းကိုကြည့်ရင် IGBT အမျိုးအစားတွေဖြစ်ပါတယ်။
တချို့စက်တွေဟာ ရေ၊ ရေခိုးရေငွေ့နဲ့ လုပ်ငန်းခွင်မှထွက်သော သံအမှုန့်များ၊
ဖုန်အမှုန့်များကိုကာကွယ်နိုင်ဖို့အတွက် ဆားကစ်အပေါ်ကို ချိတ်လောင်းထားပါတယ်။
ချိတ်လောင်းတဲ့ရည်ရွယ်ချက်ဟာ သာမန်အားဖြင့်နှစ်ချက်ရှိပါတယ်။။
ပထမတစ်ခုက ပစ္စည်းသက်တမ်းရှည်ဖို့နဲ့ လုံခြုံဘေးကင်းမှုပိုကောင်းစေဖို့ဖြစ်ပါတယ်။
ဒုတိယတစ်ချက်က သက်ဆိုင်ရာစက်ရုံရဲ့ နည်းပညာကာကွယ်ဖို့ဖြစ်ပါတယ်။
ချိတ်ဟာအကြည်ဖြစ်နိုင်သလို၊ အမဲရောင်အနောက်လည်းဖြစ်နိုင်ပါတယ်။
ဒီတော့ စက်ရဲ့ ဆားကစ်လျှပ်စီးပတ်လမ်းထဲကို
ပြင်ပက မလိုလားအပ်တာတွေ မဝင်နိုင်တော့ပါဘူး။
မီးအားဂရုစိုက်နိုင်မယ်ဆိုရင်
ဒါဟာအားသာချက်တစ်ခုဖြစ်ပါတယ်။
နောက်တစ်ခုက သည်စက်အမျိုးအစားတွေမှာ
များသောအားဖြင့် (၁၅၀ဗို့ မှ ၂၄၀ဗို့)
ဝန်းကျင်အတွင်းကောင်းကောင်း
အလုပ်လုပ်နိုင်ကြပါတယ်။
ဒါဟာ ပြည်တွင်းဝရိန်သမားများရဲ့
အကြိုက်တစ်ခုဆိုလည်းမမှားပါဘူး။
နေရာအတော်များများ မီးအဝင်ဗို့အားမှ မပြည့်ပဲကိုဗျ။
တကယ်လို့ပျက်ခဲ့ရင် ဖြစ်တဲ့ကဒ်ကို အချပ်လိုက်လဲပြီး
အချိန်တိုအတွင်း မြန်မြန်ဆန်ဆန် လုပ်ငန်းပြန်စနိုင်ပါတယ်။
ဘယ်ကဒ်ပျက်လို့ ဘယ်ကဒ်လဲရမယ်ဆိုတာကတော့
သဘာရင့်တဲ့ စက်ဆရာများကသာ တိတိကျကျ
သုံးသပ်ဆုံးဖြတ်နိုင်စွမ်းရှိမှာဖြစ်ပါတယ်။
မကျွမ်းကျင်ပဲ ကိုယ့်သဘောနဲ့ကိုယ်ပြုပြင်မယ်ဆိုရင်
မုံ့လုံးစက္ကူကပ်ပြီး ဂျာအေးသူ့အမေရိုက်သလို
အဖြစ်မျိုး ဖြစ်တတ်တယ်ဆိုတာတော့
ကြိုသတိချပ်ဖို့လိုပါလိမ့်မယ်။
ပြုပြင်ပြီဆိုတာနဲ့ ဘယ်သူ့ဆီမှာပြင်မှာလဲ၊ ဘယ်သူ့ဆီမှာ ဘာတွေရှိသလဲ။
ဘယ်လောက်ကျမှာလဲ။ ဘယ်လောက်ကြာမှာလဲ။
ကိုယ့်ရဲ့လုပ်ငန်းလိုအပ်ချက်ကရော အချိန်ပေးနိုင်ရဲ့လား။
စသည်ဖြင့် ချိန်ဆစရာတွေများလာပါပြီ။
ဒီတော့ မိမိအသုံးပြုထားတဲ့ စက်ရဲ့ အပိုပစ္စည်း ဘယ်နေရာမှာ ဘယ်ဈေးနဲ့ဘယ်လိုရနိုင်တယ်ဆိုတာတော့
သိထားဖို့အရေးကြီးပါတယ်။
ဒီလိုချိတ်လောင်းတည်ဆောက်ပုံဖြစ်တာနဲ့ facebook ခေတ်သုံးစကား #ဂျင်း လို့တော့ပြောလို့မရပါဘူး။
SMD(Surface Mounted Device) ဖြစ်နေလို့လည်း ဂျင်းလို့ပြောလို့မရပါဘူး။
အပိုပစ္စည်းမလာလို့လည်း ဂျင်းလို့ပြောလို့မရပြန်ပါဘူး။
ချိတ်လောင်းလို့ဂျင်းဖြစ်တယ်ဆိုရင် CV-500 LINCOLN (USA brand) မော်ဒယ်သာကြည့်လိုက်ပါ။
ဒိုင်နမို AVR Card တွေကိုကြည့်ပါ။
Generator Controller တွေကိုလည်းကြည့်ပါ။
တခါတလေ နည်းပညာကာကွယ်ဖို့လည်း သုံးလေ့ရှိကြပါတယ်။
အကျိုးတရားနဲ့ အကြောင်းတရားဆိုတာ ဆက်စပ်နေရတာမျိုးပါ။
ရေမလုံစဉ်းစားခန်း(၂)
ဒီအပိုင်းမှာ အုပ်စုနှစ်ခုကွဲပါတယ်။
ပထမအုပ်စုက သုံးကဒ်တွဲအမျိုးအစားပါ။ 3-PCB လို့လည်းခေါ်ပါတယ်။
POWER ပိုင်းမှာ MOSFET အမျိုးအစားရှိသလို၊ IGBT အမျိုးအစားလည်းရှိပါတယ်။
ဒုတိယအုပ်စုက တစ်ကဒ်အမျိုးအစားပါ။ 1-PCB လို့ခေါ်ပါတယ်။
ဒီအုပ်စုကတော့ POWER ပိုင်းမှာ IGBT အမျိုးအစားတွေပါ။
1-PCB စနစ်နဲ့သွားလို့ကိုမရတဲ့ စက်အုပ်စုတွေလည်းရှိပါတယ်။
လိုအပ်ချက်နဲ့ဖွဲ့စည်းပုံအရ တစိပ်တပိုင်းသာပါတာမျိုးလည်းရှိနိုင်ပါတယ်။
1-PCB အမျိုးအစားတွေကို ထုတ်လုပ်သူစက်ရုံသမားတွေအထူးနှစ်သက်ကြပါတယ်။
CNC machine တွေနဲ့ထုတ်လုပ်ကြတာဖြစ်တဲ့အတွက်အရေအတွက်အများနဲ့ထုတ်လုပ်ကြတဲ့အခါ
၁။ လူစွမ်းအားလျော့ချနိုင်ခြင်း၊
၂။ မြန်ဆန်ခြင်း၊
၃။ တိကျသေချာခြင်း(ရာခိုင်နှုန်းနဲ့သာစဉ်းစားပါတယ်)၊
၄။ အလေအလွင့်နည်းပါးခြင်း၊
၅။ ထုတ်လုပ်မှုလုပ်ငန်းစဉ် တစ်ခုမှတစ်ခုပြောင်းရာတွင် လုပ်သားများအား သီးသန့်သင်တန်းပေးစရာမလိုခြင်း၊
၆။ ကွန်ပြူတာဖန်သားပြင်ပေါ်မှနေ၍ လုပ်ငန်းစဉ်ကို လိုသလိုထိန်းချုပ် မှတ်တမ်းတင် သတင်းပို့နိုင်ခြင်း၊
ဒီအချက်တွေကြောင့် ထုတ်လုပ်သူစက်ရုံအများစုဟာ ဒီလမ်းကြောင်းကိုပဲဦးတည်နေကြတာ အရှိတရားတစ်ခုပဲဖြစ်ပါတယ်။
တချို့စက်တွေကတော့ အတွင်းပိုင်း ဆားကစ်တွေမှာ ချိတ်လောင်းထားတာမျိုးမရှိပါဘူး။
ရေ၊ ရေခိုးရေငွေ့နဲ့ လုပ်ငန်းခွင်မှထွက်သော
သံအမှုန့်များ၊ ဖုန်အမှုန့်များစသည်ဖြင့်
ပြင်ပကမလိုလားအပ်တာတွေ စက်အတွင်းဝင်ရောက်ပြီး
ဆားကစ်လျှပ်စီးလမ်းကြောင်းမှာ SHORT ဖြစ်ဖို့ရာခိုင်နှုန်းပိုများတာတွေ့ရပါတယ်။
ဒါပေမယ့်ပျက်လို့ပြင်ကြတဲ့အခါ ကဒ်ထဲကို
လိုသလိုနှိုက်ပြီး အသေးစိပ်ပြုပြင်လို့လွယ်ကူတဲ့
အနေအထားမျိုးဖြစ်ပါတယ်။
ဒီအမျိုးအစားတွေမှာတော့ အပိုပစ္စည်းနဲ့ပတ်သက်လို့ ရာခိုင်နှုန်း အတော်များများ လွယ်ကူသွားပြီဖြစ်ပါတယ်။
တခါလေမှာ အစားထိုးလဲလှယ်ရမယ့် ပစ္စည်းတန်ဖိုးနဲ့
ပြုပြင်လက်ခပေါင်းရင် ကဒ်အချပ်လိုက်
လဲရသလိုမျိုးလောက်
ကုန်ကျနေတာတွေလည်းရှိနိုင်ပါတယ်။
တချို့အမျိုးအစားတွေမှာ SMD(Surface Mounted Device) တွေပါလာရင်တော့
သူလည်း ချိတ်လောင်းအမျိုးအစားလို
အချပ်လိုက်ဘက်သွားရဖို့များပါတယ်။
ဒီအနေအထားမှာ ပြုပြင်ကုန်ကျစရိတ်အနေနဲ့
ရေလုံခြင်း၊ မလုံခြင်းပစ္စည်းနှစ်မျိုးစလုံးအတွက် သိပ်တော့ထူးမှာမဟုတ်ပါဘူး။
2017 နှစ်ကုန်ပိုင်းလောက်ကစပြီး ဈေးကွက်ထဲမှာ SMD ဆားကစ်သုံးတာတွေ သိပ်ကိုတွင်ကျယ်လာပါတယ်။
ထုတ်လုပ်မှုပိုင်းမှာ လူစွမ်းအားလျော့ချနိုင်တယ်။ တိကျသေချာမြန်ဆန်မှုလည်းပိုတာတွေကြောင့်ဖြစ်ပါတယ်။
ဆားကစ်ရိုက်တဲ့ CNC စက်တွေရဲ့ စွမ်းရည်ကလည်းအတော်ကောင်းပါတယ်။
ဒီဘက်က ဆားကစ်အကြမ်းတစ်ခုထည့်လိုက်တာနဲ့ တခြားဘက်မှာ
အင်္ဂါစုံတပ်ဆင်ပြီး ဆားကစ်တစ်ချပ် အချိန်တိုမိနစ်ပိုင်း အတွင်းအော်တိုထွက်လာပါတယ်။
လူစွမ်းအားထက်အများကြီး အလုပ်ပိုပြီးပါတယ်။
တိကျသေချာမှုလည်းပိုပါတယ်။
ဒီတော့ပစ္စည်းဈေးတန်းသက်သာလာပါတယ်။
အမြတ်အစွန်းပိုထွက်လာပါတယ်။ ဒါဟာအရှိတရားပါပဲ။
ထုတ်လုပ်သူစက်ရုံသမားတိုင်း ဒီလမ်းပဲလိုက်ကြပါတယ်။
ပြုပြင်တဲ့အပိုင်းဘက်ကြည့်လိုက်ပြန်တော့ သာမန်ဆားကစ်တစ်ချပ်နဲ့ SMD ဆားကစ်တစ်ချပ်ကို
ယှဉ်ပြီးပြင်ကြတဲ့အခါ အချိန်ပေးရတာတွေ၊ အနုစိပ်ရတာတွေပိုလာပါပြီ။
အသုံးချ စက်ကိရိယာတွေ အဆင့်မှီဖို့လည်းလိုလာပါပြီ။
ပြုပြင်သူရဲ့ ကျွမ်းကျင်ပါးနပ်မှုတွေလိုလာပါပြီ။
အချိန်ပေး၊ ပစ္စည်းရှာရတာကြာလို့ ပြုပြင်စရိတ်ကို #မိုက်ယူလိုက်မဟဲ့ လို့လည်း လုပ်လို့မရပြန်ပါဘူး။
ပြုပြင်ခသသတ်မှတ်ဖို့ စဉ်းစားတဲ့အခါ စက်အသစ်တန်ဖိုးဆိုတာနဲ့လည်း ချိန်ဆကြရပြန်ပါသေးတယ်။
သူမစဉ်းစာလည်း စက်ပိုင်ရှင်ကစဉ်းစားမှာ အသေအချာပါပဲ။
ဒီတော့ တွက်ချေကိုက်တယ်၊ မကိုက်ဘူး၊ ပြင်လို့ရတယ်၊ မရဘူးစသည်ဖြင့်.....
ကွဲပြားမှုတွေ ဖြစ်တော့တာပါပဲ။
အရင်ကလို့ပြုလွယ်ပြင်လွယ် ဒီဇိုင်းမျိုးတွေက ယနေ့အချိန်မှာ ထုတ်လုပ်မှုစရိတ်ပိုလာပါပြီ။ ပုံ(A)ကိုကြည့်ပါ။
စွမ်းဆောင်ရည်ချင်းတူရင်တောင် SMD တွေကဈေးပိုသက်သာပါတယ်။ ပုံ(C)ကိုကြည့်ပါ။
ဒီတော့ဈေးကွက်မှာ အသုံးပြုသူတွေက
စွမ်းဆောင်ရည်တူ ပစ္စည်းနှစ်ခုကို ယှဉ်ရွေးကြတဲ့အခါ အဖြေကရှင်းပါတယ်။
ဒီနေရာမှာ ရာခိုင်နှုန်းသဘောနဲ့သာစဉ်းစားကြည့်ပါ။
အထက်ပါအချက်တွေက ပစ္စည်း (၃)မျိုးအပေါ်မှာ အခြေပြုပြီး သုံးသပ်စဉ်းစားထားတာဖြစ်ပါတယ်။
အသုံးပြုသူဘက်ကလည်း စနစ်တကျသုံးစွဲတတ်ဖို့
လည်းလိုပါသေးတယ်။
၁။ မီးအဝင်ဝါယာအရွယ်အစား၊
၂။ မီးအဝင်ဗို့အားနဲ့ကြိမ်နှုန်းအခြေအနေ၊
၃။ အသုံးပြုမယ့် ဝရိန်ချောင်းအရွယ်အစားနဲ့ အမ်ပီယာချိန်ညှိမှုအနေအထား၊
၄။ အဝင်အထွက်ဝါယာဆက်ကြောင်းများ
သေချာထိမိခြင်းရှိ/မရှိ၊
၅။ အဆော်ခံမယ့် သတ္ထုအမျိုးအစားနဲ့
မိမိကိုင်ထားတဲ့ ဝရိန်ချောင်းအမျိုးအစားသင့်တော်မှုရှိ/မရှိ၊
၆။ အသုံးပြုသူရဲ့ဝရိန်လုပ်ငန်းအပေါ်မှာ အထှာနပ်ကျွမ်းကျင်မှု၊
၇။ လုပ်ငန်းခွင်မှာ သက်ရှိသက်မဲ့အရာအားလုံးအတွက်
တတ်နိုင်သမျှရာခိုင်နှုန်းအများဆုံး
ဘေးကင်းလုံခြုံအောင် စီမံထားရှိမှု၊
စတာတွေကိုလည်း ထည့်စဉ်စားရမှာဖြစ်ပါတယ်။
ကိုယ်တိုင်ကတော့ ကျွမ်းကျင်လို့
သတိမူကာကွယ်နိုင်ပေမယ့် အလုပ်သင်စ
မကျွမ်းကျင်တဲ့လုပ်သားတွေအတွက်ကတော့
သေချာညွှန်ကြားပြသထားဖို့လိုမှာဖြစ်ပါတယ်။
သူ့တို့ထိလည်း ကိုယ့်ထိတာနဲ့ အတူတူပဲဖြစ်ပါတယ်။
ဒါမှသာ ရေရှည်တွက်ချေကိုက်ပြီး အကျိုးအမြတ်ရှိတဲ့
အောင်မြင်သောလုပ်ငန်းတစ်ခုကို
ထူထောင်ဖန်တီးနိုင်မှာဖြစ်ပါတယ်။
တင်သွင်းဖြန့်ဖြူးသူတွေဘက်ကို
ကြည့်လိုက်ပြန်တော့....
၁။ #ကြုံဒိုး
တချို့က ကြုံရာကျရာတံဆိပ်တွေသွင်းတယ်။
တည်ဆောက်ပုံနဲ့ တံဆိပ်တွေကလည်းတစ်သုတ်နဲ့တစ်သုတ်မတူဘူး။
သာမန်အားဖြင့် ဒီလိုပစ္စည်းတွေဟာ ဈေးတန်းပေါလေ့ရှိပါတယ်။
ကိုယ့်ဆီကပရိတ်သတ်ကလည်း purchasing power မရှိလေတော့
စမ်းလိုက်မဟဲ့ဆိုတဲ့သူတွေနဲ့ လူစည်တာများပါတယ်။
ဒီလိုကုန်စည်မျိုးကို ဈေးတန်းတစ်ခုနဲ့သာကြည့်ရွေးစရာရှိပါတယ်။
ကျန်တာများများမျှော်လင့်ထားစရာမရှိပါ။
တင်သွင်းသူရဲ့ နောက်ခံအင်အားအပေါ် မူတည်ပြီး အပြောင်းအလဲရှိနိုင်ပါတယ်။
တချို့ဆို ဂဟေပုံးဘော်ဒီကို ပေကြိုးဆွဲပြပြီး ဘယ်လောက်အရွယ်ကြီးတယ်
ဘာညာနဲ့ရောင်းနေတာတောင်တွေ့ဖူးတယ်။
ဒီလိုပစ္စည်းမျိုးက ဒီလိုပြောရောင်းလို့ရကြေးလား...
အံ့ဩလို့မဆုံး...
ရှိစေတော့ သူ့ဝမ်းစာနဲ့သူပဲ။
၂။ #မွေးစား
တချို့ကကျတော့
OEM (Original Equipment Manufacturer)
လို့ခေါ်တဲ့ တံဆိပ်ကို တင်သွင်းသူကသတ်မှတ် ပစ္စည်းကိုစက်ရုံကသတ်မှတ်ဈေးနဲ့
မှီအောင်ထုတ် ဒီလိုသွားကြပါတယ်။
ပစ္စည်းရဲ့ quality ကို တင်သွင်းသူကပဲ သတ်မှတ်ဈေးတန်းနဲ့အညီ ရွေးချယ်ခြင်းမျိုးဖြစ်ပါတယ်။
ဒီ level ရောက်လာရင် တင်သွင်းသူဟာ အချာထဲကတော့ မဟုတ်တော့ဘူး။
ဒီလိုတံဆိပ်မျိုးကိုရွေးရင် တင်သွင်းဖြန့်ဖြူးတဲ့သူရဲ့
အခြေအနေဘယ်လို flow နဲ့ ဘယ်လို go နေသလဲကြည့်ဖို့လိုပါတယ်။
သူ့ဆီက ဈေးတန်း၊ အရည်အသွေး၊ အပိုပစ္စည်း၊ ဝန်ဆောင်မှု၊ အာမခံမှုစတာတွေဘာပြန်ရမလဲ။
ပေးနိုင်ရဲ့လားဆိုတာသုံးသပ်ကြည့်ဖို့လိုပါတယ်။ ယုံမှတ်ရင် ပုံအပ်လို့ရနိုင်ပါတယ်။
၃။ #မူရင်း
တချို့ကျပြန်တော့
မူရင်းကုမ္ပဏီရဲ့ ထုတ်ကုန်အမှတ်တံဆိပ်ကိုသာရွေးချယ်ကြပါတယ်။
Quality နဲ့ဈေးတန်းမှာ မျှချေဖြစ်တာများပါတယ်။
သာမန်အားဖြင့် မူရင်းစက်ရုံကလည်းသူ့ရဲ့ brand နစ်နာမယ့် quality နဲ့ဈေးတန်းမျိုးကို
တင်သွင်းသူကတောင်းဆိုလာရင်လည်း မထုတ်ပေးတော့ပါဘူး။
တချို့စက်ရုံတွေမှာ brand အတူကို quality level အမျိုးမျိုးလည်း
Check and balance သဘောအရ ထိန်းကွပ်မှုမျှခြေဖြစ်သွားတဲ့သဘောပါပဲ။
ဒီအခြေအနေမှာ ထုတ်လုပ်သူ နဲ့ တင်သွင်းသူဟာ
ဈေးကွက်ထဲမှာ အခိုင်အမာနေရာရထားသူတွေ ဖြစ်ကြတာများပါတယ်။
တနှစ်ကို ဘယ်လောက်အရေအတွက်သွားရမယ်။
Quality ကိုဘယ်လိုထားမယ်။
အပိုပစ္စည်းကို ဘယ်နှစ်ရာခိုင်နှုန်းဆောင်ထားမယ်။
ဝန်ဆောင်မှုကိုဘယ်လိုပေးမယ်။
ကြေငြာကိစ္စငွေဘယ်လောက်သုံးမယ်။
အသုံးပြုသူတွေရဲ့ ကွန်ပလိန်းကိုဘယ်လိုကိုင်တွယ်မယ်။
စသည်ဖြင့် တစ်ဘက်နဲ့တစ်ဘက် ကတိကဝတ်တွေနဲ့ ချည်တုတ်ပြီးသွားကြတာမို့ ကုန်ပစ္စည်းရဲ့ အပေါ်မှာ
ငွေတွေ၊ ဂုဏ်သိက္ခာတွေနဲ့ ထပ်ထားကြရတာများပါတယ်။
အကြမ်းအားဖြင့်တင်သွင်းသူတွေကို ဒီလိုအရေခွာလို့ရပါတယ်။
ဘော်ဒါတွေအားလုံး ဂဟေဆော်စက်နဲ့ပတ်သက်လို့ ဘယ်နေရာက
#ဘာတံဆိပ်ပဲရွေးရွေး.....
#ဘယ်လိုအမျိုးအစားပဲရွေးရွေး....
#ဘယ်လိုနေရာမှာပဲပြုပြင်သည်ဖြစ်စေ.....
အဆင်အပြေဆုံးဖြစ်ကြပါစေလို့ ဆန္ဒပြုလိုက်ပါတယ်ခင်ဗျ။
ကျွန်တော်တို့ကျင်းလုံမြန်မာတင်သွင်းဖြန့်ဖြူးထားတာက , , & အမှတ်တံဆိပ်
စိနတိုင်းထုတ်ပစ္စည်းများဖြစ်ပါတယ်။😃😃😃
ဒီအမှတ်တံဆိပ် တွေအတွက် အပိုပစ္စည်း၊
ဝန်ဆောင်မှုနဲ့ပတ်သက်လို့အခက်အခဲရှိတယ်ဆိုရင်
မြန်မာတစ်ပြည်လုံးအတိုင်းအတာနဲ့ ဘယ်ဆိုင်ကပဲဝယ်ဝယ်
အောက်ပါလိပ်စာနဲ့ဖုန်းတွေမှာ
ဆက်သွယ်ရယူနိုင်ကြောင်း
သတင်းကောင်းပါးရင်း......
KENDE , KEPU , JASIC FOR YOUR BUSINESS!!!
လေးစားစွာဖြင့်...
#ကျင်းလုံမြန်မာ
Thanks For Your Time!!!
#စက်ပစ္စည်းနဲ့ပတ်သက်ရင်
#မဝယ်ခင်တခေါက်အရောက်သွားသင့်တဲ့နေရာ_ကျင်းလုံမြန်မာ
