Ладно цедените масла од производната програма на Агрофила се произведени на традиционален начин на пресување на различни маслодајни семиња, како што се сончоглед, семе од маслодајна репка, тиква, сусам, орев, бадем и други кои што во себе содржат голем процент на масло. На тој начин во маслото се зачувани сите природни високо квалитетни состојки.
Ладно цедените масла се еден вид на природно
исцеден сок од семки на различни видови растенија, што во себе ги содржат само своите природни хранливи состојки и се одликуваат со мирисот и вкусот на самото семе од кое се произведени. Тоа се нерафинирани, хемиски и термички нетретирани масла, кои обликуваат со незаситени есенцијални масни киселини, витамин Е, провитамини, лецитини, фитостероли, минерали и други состојки исклучително корисни за здравјето на луѓето.
Маслото не содржи било какви конзерванси или адитиви и ќе им помогне на граѓаните да се вратат кон традиционалниот, природниот и здрав начин на исхрана и живот.
Фирмата Агрофила - Штип располага со сопствен производствен капацитет за производство на автентично ладно цедено масло за јадење. Производствениот капацитет е лоциран во исклучително еколошки чиста средина, опкружен со повеќедецениска шума и прекрасен парк, во чии состав се наоѓаат и објектите за производство.
