20/10/2025
Постојат неколку типови на громобрански заштити кои се применуваат кај фотоволтаични централи, а нивната улога е клучна за заштита од директни и индиректни удари на гром. Како што објаснува Борјан Поповски, директор на компанијата БЛИЦ ГАРД Системи За Громобранска Заштита за време на обуката за соларни монтажери во РЕК Битола. При избор на вакви системи важно е да се обрне внимание на повеќе аспекти – од квалитетот и гаранцијата, до можноста за инсталација без бушење на покривот, со што се избегнува ризикот од оштетување и прокапување.
Современите громобрански инсталации се изработуваат од високо квалитетни материјали како нерѓосувачки челик, топло поцинкован челик и алуминиум, што им овозможува долготрајна заштита, отпорност на временски услови и усогласеност со европските стандарди. Дополнително, ваквите системи се лесни за монтажа, не го оптоваруваат објектот механички и се естетски прилагодливи, што ги прави идеални за примена кај соларни електрани.
Оваа обука е дел од клучната иницијатива во рамки на АД ЕСМ за унапредување на вештините на вработените, реализирана со поддршка од European Bank for Reconstruction and Development (EBRD) и Bloomberg Philanthropies
