15/10/2022
للعبرة 😂
عندي اكتر من خمس شهور عارف ومتأكد ان الرويضة ...اللي المفروض جديدة...فيها مسمار ...
كل ما يقل الهوا فيها...كندخل station نزيد الريح ونمشي....
ولما الموضوع حسيته ولا كيطرا كتير ...درت فيها قافز...ممشيتش نصلح creusement ..لا...اشريت منفاخ.. inflator عقبال عندكم ..😊😊✊
الموضوع اتطور... وليت ضروري نخرج الصباح بكري عشر دقايق باش انفخ الرويضة....و من بعد الخدمة انفخها في عشر دقايق تاني 😀...
ولما لقيت ان النفيخ كياخد وقت طويل...اخيرا وصلت للحل ...نمشي نصلحو?.. لا لا ...
شريت المنفاخ gonfleur اللي كينفخ اسرع ...هكا ...وليت كنفخو في خمس دقايق بدل عشرة ...وهكا طبعا لان الوقت كالسيف...😊
بعد خمس شهور من المشكله ....وصلت لمرحلة وليت كنفخو اربع مرات في اليوم... بالمنفاخ السريع 😀...فحسيت ب لقضية مسلكة .
بعد خمس شهور...
تكلفة نفخ الرويضة ما بين نفخه في station وتمن gonfleurs لي شريت ...لا تقل عن 1000 dh
الوقت اللي ضيعته في نفخ الرويضة على مدى خمس شهور كانت 3759 دقيقة تقريبا ...يعنى شي يومين ونص....
و مع كنسوق بزاف ...خدمت فهاد المدة حوالي 35 الف كيلومتر..وهى بهاد الحالة !!!!!!
المهم....منين قررت نصلح الرويضة....تقامت ب 15 dh ..وتصاوبات فربع ساعة 😔😔
الموضوع طبعا عبارة على كوميديا سوداء...لان من غير خسارة الوقت والفلوس...كان ممكن يكون فيها خسارة ارواح !!!
📝الخلاصة اننا بنفس المنطق...
في وسط دوامة حياتنا...
كنتعاملو وكنحاول نتكيفو مع اوضاع وظروف فحياتنا لشهور واحيانا لسنوات....
و بدل ما نصلحو الامور بشكل جذرى ...او نبعدو بشكل قطعى على المشاكل...
كنحاولو نتعايشو رغم الخسارة ورغم معرفتنا ان اللي حنا فيه غلط..
📝قد نُخدع بأن الخسارة بسيطة وقد تكون منعدمة...لكن الواقع بيقول غير هادشي...ان الخسارات لي على بالنا نتعايشو معاها حيت صغيرة.. هي فالواقع خسارات كبيرة وتقد تولي كوارث..!!!!
