Kaudulla Division

04/05/2026

කවුඩුලු අවුරුදු මංගල්‍යය 2026

2026 වර්ෂයේ සිංහල හා හින්දු අලුත් අවුරුද්දට සමගාමීව කවුඩුල්ල ප්‍රාදේශීය වාරිමාර්ග ඉංජිනේරු කාර්යාලීය සුබ සාධක සංගමය මගින් පවත්වනු ලැබූ අලුත් අවුරුදු උත්සවය පසුගිය දා කාර්යාලීය භූමියේදී අති සාර්ථක අයුරින් පවත්වන ලදී.

කොට්ට පොර, කණා මුට්ටිය බිදීම, සිගිති අවුරුදු කුමරිය හා කුමරා ඇතුලු විවිධ තරග ඉසව් වලින් මෙය වර්ණවත් වී තිබුනි.

මෙය අප රාජකාරී ජීවිතයෙන් ඔබ්බට ගොස් කවුඩුලු වාරි පවුලේ සගයන්ගේ එකමුතුව වැඩි දියුනු කිරීම සදහා ඇප උපකාර වූ අතර සතුට හා සහජීවනය ගෙන ඒමට උපකාර වී තිබුණි.

මෙම කර්තව්‍යය සාර්ථක කර ගැනීමට නන් අයුරින් උපකාර වූ ඔබ සියලු දෙනාටම කාර්‍යාලය සුබ සාධක සංගමය වෙනුවෙන් විශේෂ කෘත වේදී ස්තුතිය ද මේ සමග පුද කරමි.

මේ එම විශේෂ දිනයේ දී අප කැමරා කාචයේ සටහන් වූ මතක සටහන් කිහිපයක්

20/04/2026

20/04/2026

~ 2026 යල කන්නය වෙනුවෙන් අඹගස්වැව ව්‍යාපාරයේ ජලය නිකුත් කිරීම ~

2026/04/20 වන දින උදෑසන 11.05ට යෙදුන සුබ මොහොතින් ප්‍රධාන සොරොව්ව අසලදී කිරි ඉතිරවීමෙන් අනතුරුව සිදු කරන ලදී.

20/04/2026

~ 2026 යල කන්නය වෙනුවෙන් ජලය නිකුත් කිරීම ~

2026/04/20 වන දින උදෑසන 11.05ට යෙදුන සුබ මොහොතින් 2026 වර්ශයේ යල කන්නය සඳහා ජලය නිකුත් කිරීම පුරාණ චාරිත්‍රයන්ට අනුකූලව කවුඩුල්ල උස්මට්ටම් ප්‍රධාන සොරොව්වේ දී සිදුකිරීමට යෙදුනි.
මැදිරිගිරිය යාය 2 ශ්‍රී අබේවර්ධනාරාමධිපති ස්වාමීන් වහන්සේ ප්‍රධානව වැඩමවා සිටි මහා සංඝරත්නය විසින් පිරිත් දේශනය සිදු කරන ලද අතර කවුඩුල්ල ප්‍රාදේශීය වාරිමාර්ග ඉංජිනේරු කාර්යාලීය හා කවුඩුල්ල ව්‍යාපාර කළමනාකරණය කාර්යාලීය පිරිස ප්‍රමුඛත්වයෙන් හා ගොවි නායකයින් සමග එක්ව මෙම කටයුත්ත සිදු කරන ලදී.
අදින් ඇරඹෙන 2026 යල කන්නය සාර්ථක අස්වැන්නක් ලබාගැනීමට අවශ්‍ය ශක්තිය ලබා දීමට අප දෙපාර්තමේන්තුවක් වශයෙන් සුදානම් වී සිටී.

22/02/2026

අද දින (2026.02.22) කවුඩුල්ල ජලාශයේ ජලධාරිතාවය 95% ඉක්මවා ගිය බැවින් වාන් දොරටු දෙකක් අඟල් 6 බැගින් විවෘත කොට එමගින් තත්පරයට ඝණ අඩි 250ක ජල පරිමාවක් කවුඩුලු ඔයට මුදා හරින ලදී.

කාළගුණ වාර්ථා අනුව පැවති වැසි තත්වයේ අඩුවීමක්ද දක්නට ලැබේ.

කවුඩුලු ඔය පහත් බිම් පරිහරණය කරන ජනතාව අවධානයෙන් පසුවන්න.

ප්‍රාදේශීය වාරිමාර්ග ඉංජිනේරු,
කවුඩුල්ල

22/02/2026

මේ වන විට කවුඩුල්ල ජලාශය එහි ධාරිතාවෙන් 95% කට ළඟා වී ඇති අතර, පසුගිය පැය කිහිපය තුළ කවුඩුල්ල ඉහළ ප්‍රදේශයට සැලකිය යුතු වර්ෂාපතනයක් ලැබී ඇති බැවින්, අද දින (22.02.2026) සවස් වන විට කවුඩුලු ඔයට තත්පරයට ඝණ අඩි 250ක ජල පරිමාවක් මුදා හැරීම සඳහා වාන් දොරටු විවෘත කිරීමට අපේක්ෂා කෙරේ. මෙමගින් පහත්බිම් යටවීමක් සිදුනොවේ.

වාරිමාර්ග ඉංජිනේරු,
කවුඩුල්ල

09/01/2026

නිවේදනයයි 📢
වායු ගෝලයේ පවතින අව පීඩන තත්වය හේතුවෙන් උතුරු මැද පළාතට තද වැසි ඇති වීමට ඉඩකඩ ඇති බව කාලගුණ විද්‍යා දෙපාර්තමේන්තුව අනාවැකි පළ කර තිබේ. තව ද ඊයේ රාත්‍රියේ සිට මින්නේරිය වැව මගින් කවුඩුල්ල වැව වෙත තත්පරයට ඝණ අඩි 1000 ක ජල ප්‍රවාහයක් නිකුත් කර ඇත.
පුරෝකථනය කර ඇති පරිදි වර්ෂාපතනය ලැබුණහොත් කවුඩුල්ල වැවේ වාන් දොරටු විවෘත කර 09.01.2026 දින (අද) දහවල් 12.00 වන විට කවුඩුලු ඔයට තත්පරයට ඝණ අඩි 1000 ක ජල ප්‍රවාහයක් මුදා හැරීමට බලාපොරොත්තු වේ.

ප්‍රාදේශීය වාරිමාර්ග ඉංජිනේරු,
කවුඩුල්ල

04/01/2026

2026 වර්ෂ උදානය

2026 වර්ෂය සඳහා නිල වශයෙන් වැඩ ආරම්භ කිරීම අප විසින් පසුගිය 1 දා උදෑසන කාර්යාලීය පරිශ්‍රයේදී සිදු කිරීමට යෙදුනි.

කිරි ඉතිරිවීමේ කටයුතු සිදු කිරීමෙන් අනතුරුව මැදිරිගිරිය යාය 2 ශ්‍රී අභයවර්ධනාරාම විහාරාධිපති ස්වාමීන් වහන්සේ ප්‍රධානත්වයෙන් ආගමික වතාවත් වල යෙදීම සිදු කරන ලදී.
දිට්වා සුලි කුණාටුව නිසා ජීවිතය අහිමි වූ, අතුරුදන් වූ හා අවතැන් වූ සියලු දෙනා සිහිකොට පුණ්‍යානුමෝදනාවක්ද ඒ සමග සිදු කිරීමට කටයුතු කරන ලදී.

අනතුරුව පොල්තෙල් පහන් දැල්වීමෙන් පසු ජාතික ධජය හා වාරිමාර්ග දෙපාර්තමේන්තුවේ ධජය ගුවනට මුසු කොට රට ජාති වෙනුවෙන් තම ජීවිතය පූජා කරන ලද රණවිරුවන් වෙනුවෙන් විනාඩි 2ක නිශ්ශබ්දතාවක් පළකරන ලදී. ඉන් පසුව රාජ්‍ය සේවයේ ප්‍රතිඥාව දීම සිදුකරන ලදී.

ජාතික වියසන කාරී තත්වයෙන් මිදී ජයග්‍රහණය කරා යන්නට නව මාවත් විවර වී ජයග්‍රහණය උදා කර ගැනීමට අප සියළු දෙනා දරන වෑයම සාර්ථක වේවා.

ඔබ සැමට බිසෝ බණ්ඩාර මෑණියන්ගේ පිහිට ආරක්ෂාව ලැබේවා.

16/12/2025

නිවේදන අංක 1

පවතින වැසි තත්වය හා ඉදිරි කාලගුණ තත්වය හේතුවෙන් අද දින (2025.12.16 ) සවස 5.00 ට කවුඩුල්ල වැවේ වාන් දොරටු විවෘත කරනු ලැබේ. එමගින් කවුඩුලු ඔය වෙත පිට කිරීමට අපේක්ෂා කරන ජල ප්‍රමාණය තත්පරයට ඝන අඩි 500කි.

කවුඩුලු ඔය පහත්බිම් ප්‍රදේශය වලට ගං වතුර අවදානමක් නොමැති අතර පහත්බිම් පරිහරණය කරන ජනතාව අවධානයෙන් පසුවන්න.

ප්‍රාදේශීය වාරිමාර්ග ඉංජිනේරු
කවුඩුල්ල

10/12/2025

නිවේදන අංක 1

පවතින වැසි තත්වය හා ඉදිරි කාලගුණ තත්වය හේතුවෙන් අද දින (2025.12.10 ) උදෑසන 10.00 ට කවුඩුල්ල වැවේ වාන් දොරටු විවෘත කරන ලදී. එමගින් පිට කරනු ලබන ජල ප්‍රමාණය තත්පරයට ඝන අඩි 500කි.

කවුඩුලු ඔය පහත්බිම් ප්‍රදේශය වලට ගං වතුර අවදානමක් නොමැති අතර පහත්බිම් පරිහරණය කරන ජනතාව අවධානයෙන් පසුවන්න.

ප්‍රාදේශීය වාරිමාර්ග ඉංජිනේරු
කවුඩුල්ල