08/06/2018
عدي 5 سنين واسمك لسه طالب معماري وخلاص دلوقتي اسمك بقي مهندس الا مشروع ^_^
وعشان المشروع ده يعدي علي خير لازم تعمل مشروع مميز وفيه فكرة مختلفة ولازم المناقشة نفسها كمان تبقي علي قد المستوي .. خاصة وانها مسك الختام واخر حلقة وصل بينك وبين الكلية واللي من بعديها بتبدأ حياة جديدة وتبدأ تحتك بسوق العمل ..
خلينا نقولك عل كام نقطة مهمين جدا يخلوك جاهز لمناقشة مشروع التخرج وتخليك قريب جدا من درجة امتياز ان شاء الله:
1) بلاش توتر نهائي، زيه زي اي مشروع عملته قبل كدة بس كل الحكاية انك هتحكي في ايه جواه والمناقشة مش هتبقي غير من جوه المشروع اكيد، يعني حاجات انت اللي عاملها بنفسك مش مفاجأة بالنسبالك وكلها حاجات انت جاهز ترد عليها لو فاهم مشروعك كويس، خليك فاكر ان المناقشة بالنسبة للمحكم هي من 5 لـ 10 دقايق بالكثير بيحاول يفهم انت عامل مشروع عن ايه وفاهم قد ايه من مشروعك اللي انت عملته مش اكثر.
2) في الغالب انت بتكون واخد تقدير مبدأئي في دماغ المحكم قبل ما تدخل المناقشة، والمناقشة بتكون تأكيد للتقييم ده لأنك بتوضحلة وتبينله انك فاهم اللي موجود في المشروع وانك انت اللي عاملة، فالمناقشة هي مش العامل الرئيسي للتقييم بس جزء مكمل عشان يقدر المحكم انه يفهم مشروعك اكثر ويأكد تقييمه.
3) ركز ركز ركز علي اسس تصميم الفراغات والنظام الانشائي للمشروع وطرق الحركة وعناصر الاتصال وافتكر دايما ان اهم حاجة في المشروع هي الوظيفة وطرق حل الفراغات، عمرها ما هتحصل ويجي المحكم يقولك حلو اوي الـ Render ده عملتوا ازاي، عشان كدة لازم تخلي فراغات المشروع محلولة بشكل سليم وتكون مذاكر اسس تصميم مشروعك واسس تصميم كل فراغ وكل قاعة وكل ممر وعناصر حركة كويس جدا جدا لان اجمالى المناقشة فى الغالب بيكون عنها والاسئلة بتكون زي ( عامل دى ازاى ؟! - طيب دول هيوصلو هنا ازاى ؟! - طيب دول هيهربو ازاى ؟! - طيب الخدمات هتوصل الفراغ دة ازاى ؟ )
فى لعبة بسيطة ممكن تعمل بيها تقييم لمشروعك، شوف واحد صحبك واثق فية حاسس انو ممكن يكون بيدقق شوية فى الحجات دى و اتفق معاة على نص ساعة من دلوقتى تتناقشوا فى كل حاجة فى مشروعك و اعمل شفافات ولون الممرات و بطريات الهروب و عناصر التخديم و النظام الانشائي هتظهر معاك اخطاء مكنتش واخد بالك منها.
4) خليك واثق و غير متردد و غير مجادل فى نفس الوقت ( الهدف من المناقشة من عند الدكتور هو فهم اجمالى فهمك للمشروع و مستواك فى العمل المعمارى عموما مش النقد الشخصى ليك علشان كدة حاول تشترى لما تتسأل او تنقد و عادى انك تقول " حضرتك معاك حق بس انا ما لحقتش او ما اخدتش بالى او قصدى اخدم حاجة تانية او... " ممكن جدا تكون انت عامل الى هو بيقولو و هو بس بيختبرك عارف ولا واخد حاجة من برة من غير فهم .. من الاخر هى مش منافسة مين يجيب فى التانى نقط اكتر.
5) التقييم بيكون بنسبة 90% معمارى و البرامج بتظهر شغلك المعمارى، مش معني انك انت جامد فى البرامج يبقي انت مهندس محترف ( اهتم بالوظيفة و الفكرة و بعد كدة الاظهار مش الاظهار الاول ) الكلام دة بيخلى فى الناقشة فى فرق بين المستوى فى الاثنين و المحكم ممكن يشك ان مش انت الى عامل المشروع اصلا
6) حاول تحرك انت المناقشة لو عرفت، ركز على نقط القوة الى فى المشروع و ما تقربش اوى من نقط الضعف و استخدم القطات و اسلوب العرض الى يبين فكرة مش الى يشتتها يعنى اللقطات المنظورية الى تخدم وتظهر الفكرة مش 20 لقطة من غير مبرر ( اظهر الحلو وما تحاولش تقرب و انت بتتكلم من اى حاجة حاسس ان فيها قصور )
7) اخيرا واهم حاجة جهز سيناريو للعرض لمشروعك و جرب اعمل مناقشة تجريبية مع زميلك هتتكلم فى اية الاول و اعرض مشروعك زي الشجرة ( الفكرة و الاسم الاول، العناصر الرئيسية كمجمل و اماكنها، العناصر الفرعيىة، لو فيه فكرة (استدامة - كتل - وظيفة - قطاع - فلسفية - نوعية فراغات جديدة - ...الخ ) و بعد كدة تبدأ تفصّل المشروع وتشرح الحاجات الصغيرة (اوعى تفّصل من الاول) الى هو بص حضرتك انا مشروعى متحف اعادة احياء الحرف القديمة دي جزيرة المدخل موجود فيها الاستقبال و الصالونات و الرسبشن و وراه الادارة و دى بطارية الادارة و دى الحمامات و هنا حضرتك سكرتاية المدير و الاجتماعات .. بس انت كدة الى بيسمع منك تاه خلاص في الحاجات اللي مش مهمة من غير ما يفهم المشروع ولا يفهم فكرته و طبيعي يبدأ هو يحرك المناقشة و الاسئلة ..
خليك منظم زى ( انا مشروعي مركز احياء الحرف التراثية و اخترت الفكرة دى علشان ..... و العناصر الاساسية اللي في المشروع منطقة ... و منطقة .... و منطقة .... و المداخل هى 1 .. و 2 .. و 3 .... و بالنسبة للمستخدمين اول منطقة منطقة ... و دى العناصر الرئيسية بتاعتها ... و ... و .... و المنطقة التانية .... و ... و.... و الفكرة الاساسية للمشروع .... و ... و متحققة وباينة فى اللقطات و المساقط دى و التخديم بتاع العناصر دى بيبدا من ... و .. طبقا للمداخل بتاعتهم و ... ) و بعد كدة ممكن تبدأ تفصّل بس لازم تجيب الموضوع من فوق علشان هو ويقدر يكّون صورة للمشروع زيك بسرعة و يفهم انت عامل اية بالظبط.
خليك دايما فاكر ان كل ما تعتب في مشروعك اكثر كل ما هتحبه اكثر كل ما هتلاقي نفسك واثق ومش قلقان من اي مناقشة لانك ببساطة هتبقي فاهم وحافظ كل تنتوفة في المشروع وعارف ودارس كل حاجة فيه وهو ده الهدف من المناقشة.
بالتوفيق ان شاء الله و ربنا يتممها ليكوا علي خير يا معماريين المستقبل
عدي 5 سنين واسمك لسه طالب معماري وخلاص دلوقتي اسمك بقي مهندس الا مشروع ^_^
وعشان المشروع ده يعدي علي خير لازم تعمل مشروع مميز وفيه فكرة مختلفة ولازم المناقشة نفسها كمان تبقي علي قد المستوي .. خاصة وانها مسك الختام واخر حلقة وصل بينك وبين الكلية واللي من بعديها بتبدأ حياة جديدة وتبدأ تحتك بسوق العمل ..
خلينا نقولك عل كام نقطة مهمين جدا يخلوك جاهز لمناقشة مشروع التخرج وتخليك قريب جدا من درجة امتياز ان شاء الله:
1) بلاش توتر نهائي، زيه زي اي مشروع عملته قبل كدة بس كل الحكاية انك هتحكي في ايه جواه والمناقشة مش هتبقي غير من جوه المشروع اكيد، يعني حاجات انت اللي عاملها بنفسك مش مفاجأة بالنسبالك وكلها حاجات انت جاهز ترد عليها لو فاهم مشروعك كويس، خليك فاكر ان المناقشة بالنسبة للمحكم هي من 5 لـ 10 دقايق بالكثير بيحاول يفهم انت عامل مشروع عن ايه وفاهم قد ايه من مشروعك اللي انت عملته مش اكثر.
2) في الغالب انت بتكون واخد تقدير مبدأئي في دماغ المحكم قبل ما تدخل المناقشة، والمناقشة بتكون تأكيد للتقييم ده لأنك بتوضحلة وتبينله انك فاهم اللي موجود في المشروع وانك انت اللي عاملة، فالمناقشة هي مش العامل الرئيسي للتقييم بس جزء مكمل عشان يقدر المحكم انه يفهم مشروعك اكثر ويأكد تقييمه.
3) ركز ركز ركز علي اسس تصميم الفراغات والنظام الانشائي للمشروع وطرق الحركة وعناصر الاتصال وافتكر دايما ان اهم حاجة في المشروع هي الوظيفة وطرق حل الفراغات، عمرها ما هتحصل ويجي المحكم يقولك حلو اوي الـ Render ده عملتوا ازاي، عشان كدة لازم تخلي فراغات المشروع محلولة بشكل سليم وتكون مذاكر اسس تصميم مشروعك واسس تصميم كل فراغ وكل قاعة وكل ممر وعناصر حركة كويس جدا جدا لان اجمالى المناقشة فى الغالب بيكون عنها والاسئلة بتكون زي ( عامل دى ازاى ؟! - طيب دول هيوصلو هنا ازاى ؟! - طيب دول هيهربو ازاى ؟! - طيب الخدمات هتوصل الفراغ دة ازاى ؟ )
فى لعبة بسيطة ممكن تعمل بيها تقييم لمشروعك، شوف واحد صحبك واثق فية حاسس انو ممكن يكون بيدقق شوية فى الحجات دى و اتفق معاة على نص ساعة من دلوقتى تتناقشوا فى كل حاجة فى مشروعك و اعمل شفافات ولون الممرات و بطريات الهروب و عناصر التخديم و النظام الانشائي هتظهر معاك اخطاء مكنتش واخد بالك منها.
4) خليك واثق و غير متردد و غير مجادل فى نفس الوقت ( الهدف من المناقشة من عند الدكتور هو فهم اجمالى فهمك للمشروع و مستواك فى العمل المعمارى عموما مش النقد الشخصى ليك علشان كدة حاول تشترى لما تتسأل او تنقد و عادى انك تقول " حضرتك معاك حق بس انا ما لحقتش او ما اخدتش بالى او قصدى اخدم حاجة تانية او... " ممكن جدا تكون انت عامل الى هو بيقولو و هو بس بيختبرك عارف ولا واخد حاجة من برة من غير فهم .. من الاخر هى مش منافسة مين يجيب فى التانى نقط اكتر.
5) التقييم بيكون بنسبة 90% معمارى و البرامج بتظهر شغلك المعمارى، مش معني انك انت جامد فى البرامج يبقي انت مهندس محترف ( اهتم بالوظيفة و الفكرة و بعد كدة الاظهار مش الاظهار الاول ) الكلام دة بيخلى فى الناقشة فى فرق بين المستوى فى الاثنين و المحكم ممكن يشك ان مش انت الى عامل المشروع اصلا
6) حاول تحرك انت المناقشة لو عرفت، ركز على نقط القوة الى فى المشروع و ما تقربش اوى من نقط الضعف و استخدم القطات و اسلوب العرض الى يبين فكرة مش الى يشتتها يعنى اللقطات المنظورية الى تخدم وتظهر الفكرة مش 20 لقطة من غير مبرر ( اظهر الحلو وما تحاولش تقرب و انت بتتكلم من اى حاجة حاسس ان فيها قصور )
7) اخيرا واهم حاجة جهز سيناريو للعرض لمشروعك و جرب اعمل مناقشة تجريبية مع زميلك هتتكلم فى اية الاول و اعرض مشروعك زي الشجرة ( الفكرة و الاسم الاول، العناصر الرئيسية كمجمل و اماكنها، العناصر الفرعيىة، لو فيه فكرة (استدامة - كتل - وظيفة - قطاع - فلسفية - نوعية فراغات جديدة - ...الخ ) و بعد كدة تبدأ تفصّل المشروع وتشرح الحاجات الصغيرة (اوعى تفّصل من الاول) الى هو بص حضرتك انا مشروعى متحف اعادة احياء الحرف القديمة دي جزيرة المدخل موجود فيها الاستقبال و الصالونات و الرسبشن و وراه الادارة و دى بطارية الادارة و دى الحمامات و هنا حضرتك سكرتاية المدير و الاجتماعات .. بس انت كدة الى بيسمع منك تاه خلاص في الحاجات اللي مش مهمة من غير ما يفهم المشروع ولا يفهم فكرته و طبيعي يبدأ هو يحرك المناقشة و الاسئلة ..
خليك منظم زى ( انا مشروعي مركز احياء الحرف التراثية و اخترت الفكرة دى علشان ..... و العناصر الاساسية اللي في المشروع منطقة ... و منطقة .... و منطقة .... و المداخل هى 1 .. و 2 .. و 3 .... و بالنسبة للمستخدمين اول منطقة منطقة ... و دى العناصر الرئيسية بتاعتها ... و ... و .... و المنطقة التانية .... و ... و.... و الفكرة الاساسية للمشروع .... و ... و متحققة وباينة فى اللقطات و المساقط دى و التخديم بتاع العناصر دى بيبدا من ... و .. طبقا للمداخل بتاعتهم و ... ) و بعد كدة ممكن تبدأ تفصّل بس لازم تجيب الموضوع من فوق علشان هو ويقدر يكّون صورة للمشروع زيك بسرعة و يفهم انت عامل اية بالظبط.
خليك دايما فاكر ان كل ما تعتب في مشروعك اكثر كل ما هتحبه اكثر كل ما هتلاقي نفسك واثق ومش قلقان من اي مناقشة لانك ببساطة هتبقي فاهم وحافظ كل تنتوفة في المشروع وعارف ودارس كل حاجة فيه وهو ده الهدف من المناقشة.
بالتوفيق ان شاء الله و ربنا يتممها ليكوا علي خير يا معماريين المستقبل ^_^
تقدر تتابع دروس وشروحات اكثر علي قناتنا علي اليوتيوب https://www.youtube.com/IwanLearningSolutions
وتشترك معانا في جروب ايوان المعماري:
Iwan Architecture Group
Iwan Learning Solutions | Learn Today .. Lead Tomorrow.
