សហគមន៍កសិកម្ម តាសីសាមគ្គី

14/06/2026

🌱ការដាំដំណាំទីវាលតែងតែជួបនៅឧបសគ្គ ប៉ុន្តែការខិតប្រឹងប្រែងដោយវ៉ៃឆ្លាត ការតស៊ូមិនបោះបង់ និងការប្រើប្រាស់បច្ចេកទេសត្រឹមត្រូវ គឺជាអ្នកកំណត់នៅភាពជោគជ័យយ៉ាងពិតប្រាកដ អាចផ្លាស់ប្តូរពី កសិកម្មតាមវាសនា មកជាកសិកម្មបែបអាជីវកម្មប្រកបដោយនិរន្តរភាព និងភាពមានបាន💚💪🏻🌱

11/06/2026

06/06/2026

នារសៀលថ្ងៃទី ០៤ខែមិថុនា ឆ្នាំ២០២៦ សហគមន៍កសិកម្ម តាសីសាមគ្គី មានកិត្តិយសយ៉ាងខ្ពង់ខ្ពស់ក្នុងការទទួលស្វាគមន៍ការអញ្ជើញមកដល់របស់ ឯកឧត្តម ប៉ែន ធីរុង្គ រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ បានដឹកនាំគណ:ប្រតិភូអញ្ជើញចុះមកទស្សន:កិច្ចនៅសហគមន៍កសិកម្មតាសីសាមគ្គី
ក្នុងឱកាសដ៏វិសេសវិសាលនេះ ឯកឧត្តមបានអញ្ជើញ៖
✅ ចុះពិនិត្យសំណេះសំណាលផ្ទាល់ អំពីវឌ្ឍនភាពនៃការងារដាំដុះរបស់ប្រជាកសិករនៅតាមផ្ទះដែរជាសមាជិកសហគមន៍
✅ ចុះពិនិត្យមើលទីតាំងផ្ទាល់នៅស្ថានីយទឹក និងប្រព័ន្ធធារាសាស្រ្តក្នុងការផ្គត់ផ្គង់ទឹកសម្រាប់ស្រោចស្រព និងធានាបាននូវនិរន្តរភាពប្រភពទឹកដំណើរការរបស់សហគមន៍ ទាំងក្នុងរដូវប្រាំង និងរដូវវស្សា
ក្នុងឪកាសនេះផងដែរ ឯកឧត្តមបានកោតសរសើរចំពោះការខិតខំប្រឹងប្រែងរបស់ថ្នាក់ដឹកនាំសហគមន៍ និងប្រជាកសិករក្នុងការផ្គត់ផ្គង់បន្លែសុវត្តិភាព និងជួយលើកកម្ពស់ជីវភាពប្រជាជនក្នុងមូលដ្ឋានឲ្យកាន់តែប្រសើរឡើង

#កសិកម្ម #សហគមន៍កសិកម្ម តាសីសាមគ្គី #សមាគមបណ្តាញកសិករតេជោ #កសិ ខេមរៈ #ផ្សារអាបណ

02/06/2026

30/05/2026

មោទនភាពកសិកម្មខ្មែរលើឆាកអន្តរជាតិ៖ គណៈប្រតិភូសហគមន៍កសិកម្មតាសីសាមគ្គី ចូលរួមកម្មវិធីពិព័រណ៍បរិស្ថានកម្រិតពិភពលោក ENVEX 2026 នៅប្រទេសកូរ៉េ 🇰🇷🌱

ចាប់ពីថ្ងៃទី២០ ដល់ថ្ងៃទី២២ ខែឧសភា ឆ្នាំ២០២៦ គណៈប្រតិភូជាន់ខ្ពស់សហគមន៍កសិកម្ម តាសីសាមគ្គី និងបណ្តាញកសិករតេជោ កម្ពុជា ដឹកនាំដោយ ឯកឧត្តម យុក ចំរើនឫទ្ធិ ប្រធានក្រុមប្រឹក្សាភិបាលកិត្តិយស និងលោក ណុប នុន ប្រធានក្រុមប្រឹក្សាភិបាល ទទួលបានកិត្តិយសដ៏ខ្ពង់ខ្ពស់តាមរយៈការអញ្ជើញជាផ្លូវការពីអង្គការ UNIDO ITPO KOREA ដើម្បីចូលរួមក្នុងព្រឹត្តិការណ៍ពិព័រណ៍ពាណិជ្ជកម្មបរិស្ថានអន្តរជាតិ ENVEX 2026 ដែលប្រារព្ធឡើងនៅមជ្ឈមណ្ឌលពិព័រណ៍ COEX ទីក្រុងសេអ៊ូល។

នៅក្នុងព្រឹត្តិការណ៍រយៈពេល ៣ ថ្ងៃនេះ គណៈប្រតិភូសម្រេចបាននូវសកម្មភាព និងលទ្ធផលការងារជាយុទ្ធសាស្ត្រយ៉ាងលេចធ្លោ៖

🎤 ការឡើងធ្វើបទបង្ហាញពីទីផ្សារកម្ពុជា (Market Presentation): តំណាងគណៈប្រតិភូត្រូវបានអញ្ជើញឱ្យឡើងធ្វើបទបង្ហាញយ៉ាងផ្លូវការ ដើម្បីចែករំលែក និងបង្ហាញពីស្ថានភាព ឱកាស និងសក្តានុពលនៃ «ទីផ្សារទំនិញបរិស្ថាន និងបច្ចេកវិទ្យាបៃតងនៅក្នុងប្រទេសកម្ពុជា» ជូនដល់បណ្តាវិនិយោគិន និងក្រុមហ៊ុនអន្តរជាតិ។

💧 ការជួបពិភាក្សាជាមួយក្រុមហ៊ុនបច្ចេកវិទ្យាបរិស្ថានឈានមុខ៖ បានជួបប្រជុំពិភាក្សាផ្ទាល់ជាមួយបណ្តាក្រុមហ៊ុនជំនាញខាងប្រព័ន្ធចម្រោះ និងថែទាំព្យាបាលទឹក (Water Treatment) រួមទាំងបច្ចេកវិទ្យាសម្អាតបរិស្ថាន និងកម្ចាត់ក្លិននៅក្នុងកសិដ្ឋានចិញ្ចឹមសត្វ។

🤝 ការស្វែងយល់ពីតម្រូវការ និងចំណាប់អារម្មណ៍ទ្វេភាគី៖ ខាងភាគីអ្នករៀបចំកម្មវិធី និងបណ្តាក្រុមហ៊ុនកូរ៉េ បានសិក្សាស្វែងយល់យ៉ាងយកចិត្តទុកដាក់ពីចំណាប់អារម្មណ៍របស់គណៈប្រតិភូយើង ចំពោះទំនិញ និងបច្ចេកវិទ្យាការពារបរិស្ថាន ដើម្បីត្រៀមខ្លួនពង្រីកកិច្ចសហប្រតិបត្តិការមកកាន់កម្ពុជា។

ដំណើរទស្សនកិច្ច និងការចូលរួមក្នុងពិព័រណ៍ ENVEX 2026 នេះ មិនត្រឹមតែជាការបើកទំព័រថ្មីក្នុងការនាំយកបច្ចេកវិទ្យាបរិស្ថានទំនើបៗមកជួយដល់វិស័យកសិកម្ម និងកសិដ្ឋាននៅកម្ពុជានោះទេ ប៉ុន្តែថែមទាំងជាឱកាសមាសក្នុងការបង្ហាញពីការត្រៀមខ្លួនរបស់កម្ពុជា ឆ្ពោះទៅរកការធ្វើកសិកម្មបៃតងប្រកបដោយចិរភាព និងការទទួលខុសត្រូវលើបរិស្ថាន។

សហគមន៍កសិកម្មតាសីសាមគ្គី សូមថ្លែងអំណរគុណយ៉ាងជ្រាលជ្រៅចំពោះអង្គការ UNIDO ITPO KOREA ដែលបានផ្តល់ឱកាស គាំទ្រ និងស្វាគមន៍យ៉ាងកក់ក្តៅបំផុតដល់គណៈប្រតិភូយើងខ្ញុំនៅក្នុងព្រឹត្តិការណ៍អន្តរជាតិដ៏មានតម្លៃមួយនេះ! 🙏🌾✨

#សហគមន៍កសិកម្មតាសីសាមគ្គី #បណ្តាញកសិករតេជោកម្ពុជា #បច្ចេកវិទ្យាបរិស្ថាន #កសិកម្មបៃតង #មហាសន្និបាតបរិស្ថានកូរ៉េ

27/05/2026

សមិទ្ធផលផ្លែផ្កាថ្មី៖ គណៈប្រតិភូសហគមន៍កសិកម្មតាសីសាមគ្គី ស្វែងយល់ពីបច្ចេកវិទ្យាថ្នាំលាបកាត់បន្ថយកម្ដៅ និងភាពជាដៃគូសន្សំសំចៃថាមពលនៅកម្ពុជា 🇰🇷ដំបូលបៃតង

នៅថ្ងៃទី១៩ ខែឧសភា ឆ្នាំ២០២៦ ដំណើរទស្សនកិច្ចការងារនៅប្រទេសកូរ៉េខាងត្បូងរបស់គណៈប្រតិភូសហគមន៍កសិកម្ម តាសីសាមគ្គី និងបណ្តាញកសិករតេជោ កម្ពុជា ដែលដឹកនាំដោយ ឯកឧត្តម យុក ចំរើនឫទ្ធិ ប្រធានក្រុមប្រឹក្សាភិបាលកិត្តិយស និងលោក ណុប នុន ប្រធានក្រុមប្រឹក្សាភិបាល បានឈានដល់ដំណាក់កាលថ្មីមួយទៀត ប្រកបដោយផ្លែផ្កាជាច្រើន។

ក្រោមការសម្របសម្រួល និងដឹកនាំដោយផ្ទាល់ពីក្រុមហ៊ុន SINA ENERGY SAVE គណៈប្រតិភូបានអញ្ជើញទៅទស្សនកិច្ចនៅមន្ទីរពិសោធន៍ថ្នាំលាបកាត់បន្ថយកម្ដៅ និងពិនិត្យមើលខ្សែច្រវាក់ផលិតកម្មនៅក្នុងរោងចក្រផ្ទាល់ លើការផលិតថ្នាំលាបកាត់បន្ថយកម្ដៅ (Heat Insulation Paint) និង Film ការពារកាំរស្មី UV លំដាប់ស្តង់ដារខ្ពស់។

ឆ្លងកាត់ការពិភាក្សា និងពិនិត្យបច្ចេកទេសផ្ទាល់ ដំណើរទស្សនកិច្ចនេះបានសម្រេចនូវលទ្ធផលគួរឱ្យមោទនៈ រួមមាន៖
🤝 ឱកាសគាំទ្រពីមូលនិធិរដ្ឋាភិបាលកូរ៉េ៖ តាមរយៈការបញ្ជាទិញថ្នាំលាបកាត់បន្ថយកម្ដៅនេះ យើងអាចមានឱកាសស្នើសុំមូលនិធិគាំទ្រពីរដ្ឋាភិបាលកូរ៉េ ដែលជាយន្តការជួយសម្រួលដល់ការនាំចូល និងការប្រើប្រាស់។
🏢 ការឆ្លើយតបគ្រប់វិស័យនៅកម្ពុជា៖ ថ្នាំលាបកាត់បន្ថយកម្ដៅ និង Film UV នេះ នឹងត្រូវនាំយកមកប្រើប្រាស់ក្នុងគ្រប់វិស័យនៅប្រទេសកម្ពុជា មិនត្រឹមតែក្នុងវិស័យសំណង់ និងលំនៅឋាននោះទេ ប៉ុន្តែវាជាឧបករណ៍គន្លឹះក្នុងវិស័យកសិកម្មទំនើប (ដូចជាការកាត់បន្ថយកម្ដៅក្នុងផ្ទះសំណាញ់/Net-house និងឃ្លាំងស្តុក)។
⚡ សន្សំសំចៃថាមពលប្រកបដោយចិរភាព៖ ជួយកាត់បន្ថយសីតុណ្ហភាពពីខាងក្រៅ ជួយសន្សំសំចៃការប្រើប្រាស់អគ្គិសនី និងថាមពលបានយ៉ាងច្រើន ដែលជាតម្រូវការចាំបាច់សម្រាប់កម្ពុជា ក្នុងការដើរទៅរកការអភិវឌ្ឍបៃតង។

សហគមន៍កសិកម្មតាសីសាមគ្គី សូមថ្លែងអំណរគុណយ៉ាងជ្រាលជ្រៅចំពោះក្រុមហ៊ុន SINA ENERGY SAVE ដែលបានបើកទ្វាររោងចក្រ និងមន្ទីរពិសោធន៍ ផ្តល់នូវចំណេះដឹងបច្ចេកវិទ្យា និងបង្កើតឱកាសកិច្ចសហប្រតិបត្តិការដ៏មានតម្លៃអនេកនេះ ដើម្បីរួមចំណែកជួយដល់សហគមន៍កសិករ និងការសន្សំថាមពលនៅកម្ពុជា! 🇰🇭🤝🇰🇷

#សហគមន៍កសិកម្មតាសីសាមគ្គី #បណ្តាញកសិករតេជោកម្ពុជា #បច្ចេកវិទ្យាកាត់បន្ថយកម្ដៅ #សន្សំសំចៃថាមពល #ទស្សនកិច្ចកូរ៉េខែឧសភា

26/05/2026

បច្ចេកវិទ្យាខ្សែច្រវាក់ត្រជាក់វៃឆ្លាត និងថាមពលបៃតង៖ សហគមន៍កសិកម្មតាសីសាមគ្គី និងបណ្តាញកសិករតេជោ សិក្សាស្វែងយល់ពីប្រព័ន្ធ Cool Storage និង ESS នៅប្រទេសកូរ៉េខាងត្បូង 🇰🇷

នៅថ្ងៃទី១៨ ខែឧសភា ឆ្នាំ២០២៦ គណៈប្រតិភូជាន់ខ្ពស់សហគមន៍កសិកម្ម តាសីសាមគ្គី និងបណ្តាញកសិករតេជោ កម្ពុជា ដឹកនាំដោយ ឯកឧត្តម យុក ចំរើនឫទ្ធិ ប្រធានក្រុមប្រឹក្សាភិបាលកិត្តិយស និងលោក ណុប នុន ប្រធានក្រុមប្រឹក្សាភិបាល ទទួលបានការអញ្ជើញ និងការស្វាគមន៍យ៉ាងកក់ក្តៅបំផុតពីក្រុមហ៊ុន FreshUs ដើម្បីចូលរួមពិនិត្យ និងសិក្សាស្វែងយល់ពីបច្ចេកវិទ្យាកសិកម្មទំនើបចុងក្រោយបង្អស់។

នៅក្នុងដំណើរទស្សនកិច្ចការងារបច្ចេកទេសដ៏មានសារៈសំខាន់នេះ គណៈប្រតិភូបានសិក្សាស្វែងយល់យ៉ាងស៊ីជម្រៅលើចំណុចគន្លឹះចំនួន ២ រួមមាន៖

🌡️ បច្ចេកវិទ្យាគ្រប់គ្រងប្រព័ន្ធរក្សាទុកត្រជាក់ (Cool Storage) របស់ FreshUs៖ ពិនិត្យមើលប្រព័ន្ធឧបករណ៍យន្តត្រួតពិនិត្យផ្លែឈើរក្សាទុកសាកល្បង ដែលបំពាក់ដោយបច្ចេកវិទ្យាវៃឆ្លាត (IoT) អាចថត និងផ្តល់ព័ត៌មានលម្អិតអំពីការវិវត្តន៍របស់ផ្លែឈើ/កសិផលក្នុងទូត្រជាក់។ បច្ចេកវិទ្យានេះជួយឱ្យយើងដឹងពីស្ថានភាពស្រស់ និងគុណភាពកសិផលបានយ៉ាងច្បាស់លាស់។
☀️ ប្រព័ន្ធថាមពល និងសូឡា (ESS - Energy Storage System)៖ បន្ទាប់មក ក្រុមហ៊ុន FreshUs បានដឹកនាំគណៈប្រតិភូទៅពិនិត្យក្រុមហ៊ុន ESS ដែលជាដៃគូកសាងបច្ចេកវិទ្យាថាមពល ដើម្បីសិក្សាពីការផលិតឧបករណ៍រក្សាទុកត្រជាក់ និងដឹកជញ្ជូនវៃឆ្លាត ដែលដើរដោយថាមពលព្រះអាទិត្យ ធានាបានទាំងប្រសិទ្ធភាពខ្ពស់ និងការសន្សំសំចៃថ្លៃដើម។

🎯 គោលបំណងធំនៃកិច្ចសហប្រតិបត្តិការ៖ ការសិក្សាស្វែងយល់ និងការត្រៀមនាំយកឧបករណ៍បច្ចេកវិទ្យា Cool Storage សហការគ្នាជាមួយក្រុមហ៊ុន FreshUs មកកាន់ប្រទេសកម្ពុជានាពេលខាងមុខនេះ គឺក្នុងគោលបំណងជំរុញការរក្សាទុកកសិផលខ្មែរ (បន្លែ ផ្លែឈើ) ឱ្យបានយូរ រក្សាបាននូវរសជាតិ គុណភាព សុវត្ថិភាពខ្ពស់ កាត់បន្ថយការខូចខាតក្រោយប្រមូលផល និងឆ្លើយតបទៅនឹងស្តង់ដារនាំចេញទៅកាន់ទីផ្សារអន្តរជាតិ។

សូមថ្លែងអំណរគុណយ៉ាងជ្រាលជ្រៅដល់ក្រុមហ៊ុន FreshUs និងក្រុមហ៊ុន ESS សម្រាប់កិច្ចសហប្រតិបត្តិការ និងការស្វាគមន៍យ៉ាងកក់ក្តៅ (A Warm Welcome to Our Distinguished Guests from Cambodia)! 🙏✨

#សហគមន៍កសិកម្មតាសីសាមគ្គី #បណ្តាញកសិករតេជោកម្ពុជា #កសិកម្មវៃឆ្លាត #កសិកម្មខ្មែរឆ្ពោះទៅមុខ

24/05/2026

ចំណងជើង៖​ ដំណើរទស្សនកិច្ចសិក្សាស្វែងយល់ពីទីផ្សារកសិផល នៅប្រទេសកូរ៉េខាងត្បូង 🇰🇷🌾

នៅថ្ងៃទី១៧ ខែឧសភា ឆ្នាំ២០២៦ នេះ តំណាងសហគមន៍កសិកម្ម តាសីសាមគ្គី ដឹកនាំដោយ ឯកឧត្តម យុក ចំរើនឫទ្ធិ ប្រធានក្រុមប្រឹក្សាភិបាលកិត្តិយស និងលោក ណុប នុន ប្រធានក្រុមប្រឹក្សាភិបាល បានធ្វើដំណើរទស្សនកិច្ចនៅទីក្រុងសេអ៊ូល ប្រទេសកូរ៉េខាងត្បូង ក្រោមកិច្ចសម្របសម្រួល និងការស្វាគមន៍យ៉ាងកក់ក្តៅពីក្រុមហ៊ុន SBL BIO CO., LTD.។

នៅក្នុងឱកាសដ៏មានសារៈសំខាន់នេះ គណៈប្រតិភូសហគមន៍បានអញ្ជើញចុះពិនិត្យ និងសិក្សាស្វែងយល់ដោយផ្ទាល់នៅផ្សារលក់ដុំ (ដូចជាផ្សារក្នុងបណ្តាញកសិកម្មជាតិ Hanaro Mart/NongHyup) ក្នុងប្រទេសកូរ៉េ ដើម្បី៖
- សិក្សាពីខ្សែច្រវាក់តម្លៃ៖ ស្វែងយល់ពីរបៀបរៀបចំប្រព័ន្ធលក់ដុំ ទម្រង់វេចខ្ចប់ និងការដាក់តាំងលក់កសិផល (បន្លែ ផ្លែឈើ និងសាច់) ឱ្យមានស្តង់ដារ និងទាក់ទាញ។
- ស្វែងរកឱកាសទីផ្សារ៖ ពិនិត្យមើលពីតម្រូវការទីផ្សារ និងលទ្ធភាពក្នុងការផ្សារភ្ជាប់កសិផលខ្មែរ ទៅកាន់ទីផ្សារអន្តរជាតិ ពិសេសទីផ្សារប្រទេសកូរ៉េ។
- ពង្រឹងកិច្ចសហប្រតិបត្តិការ៖ ផ្លាស់ប្តូរបទពិសោធន៍ បង្កើតទំនាក់ទំនងជាមួយដៃគូពាណិជ្ជកម្ម ដើម្បីនាំយកចំណេះដឹងថ្មីៗមកអភិវឌ្ឍសហគមន៍កសិកម្មតាសីសាមគ្គី ឱ្យកាន់តែរីកចម្រើនប្រកបដោយចិរភាព។
សូមអរគុណដល់ក្រុមហ៊ុន SBL BIO CO., LTD. ដែលបានរៀបចំ និងគាំទ្រដល់ដំណើរទស្សនកិច្ចដ៏មានតម្លៃមួយនេះ ដើម្បីឧត្តមប្រយោជន៍របស់កសិករ និងវិស័យកសិកម្មជាតិទាំងមូល! 🙏✨

#សហគមន៍កសិកម្មតាសីសាមគ្គី #ក្រុមហ៊ុនSBL #ទស្សនកិច្ចសិក្សា #ទីផ្សារកសិផល #ប្រទេសកូរ៉េ #កសិកម្មខ្មែរឆ្ពោះទៅទីផ្សារអន្តរជាតិ

21/05/2026

នាថ្ងៃទី២០ ខែឧសភា ឆ្នាំ២០២៦
អង្គការ​ អូខិនដិន​ កម្ពុជា Ockenden Cambodia ដឹកនាំដោយ លោក ទ្រឿង សារ៉ាត ជាCF នៃអង្គការខិនដឹន បានដឹកបាននាំកសិករចំនួន២៥នាក់ មកទស្សនៈកិច្ចសិក្សា នៅសហគមន៍កសិកម្មតាសីសាមគ្គី។

🎯 គោលបំណងនៃទស្សនៈកិច្ចនេះ ដើម្បីសិក្សាស្វែងយល់ជាក់ស្តែងអំពី៖
១. បច្ចេកទេសឆ្លាតវៃក្នុងការដុះបន្លែនៅក្នុងផ្ទះសំណាញ់
២ .ការចងក្រងជាសហគមន៍

🌱 ក្នុងឱកាសនេះ សហគមន៍កសិកម្មតាសីសាមគ្គី បានបង្ហាញសកម្មភាពលេចធ្លោជាច្រើន ដូចជា ការអនុវត្តកសិកម្មរួមផ្សំ ការផលិតបន្លែសុវត្ថិភាព ការចិញ្ចឹមសត្វ និងត្រី ការផលិតជីធម្មជាតិ និងការច្នៃប្រឌិតផលិតផលកសិកម្ម ដើម្បីបង្កើនចំណូល និងលើកកម្ពស់ជីវភាពរស់នៅក្នុងសហគមន៍។