https://www.facebook.com/105597720795810/

iRaQiGhOsT

Home
Iraq
Fallujah
iRaQiGhOsT

Call Directions Contact the business

تسوق من المواقع العالمية لبيتك بانسب سعر واسرع طريقة

تطبيقنا على الاندرويد
http://bit.ly/3LJGeJv

مراسلتنا واتس اب
https://wa.me/9647830474366

08/10/2026

تعالوا اضوجكم وياي دائما احب اضوجكم مو بس اني اضوج

الدولار ارتفع ... تمام
الضريبة ارتفعت ... تمام
الشحن اغلى ... تمام

الشغلة الجديدة صارت اليوم
24 طلب عندي دزيتها البارحة الى الان ماكو اي تحديث عنها اتصلت على الدعم واتفاجئ بشي جديد
الشحنات محجوزة بسيطرة الصقور ( سيطرة بين الفلوجة وبغداد ) للتدقيق الگمرگي
تدقيق گمرگي؟ يعني صارت شلون الاقليم تدقيق وتبقه يمهم مدري شكد يله تطلع
زين الطلبات شوكت تعبر وشوكت الناس تستلم طلباتها

يا طلابة هل البلد الما تخلص ادري شلون يعني الواحد شغله يتأخر بي ويتبهذل فوك ضيم زيادة الاسعار؟

عمي احد يعرف بالهجرات؟ اروح لموزنبيق موافق ميخالف

07/10/2026

مبارك علينا يالشعب العراقي
الدولار بشكل رسمي صار 1500 والسوق وصل 1720 واكيد يزيد اكثر

ما بيدنا شي وامرنا لله حاليا الطلبات الجديدة راح يتم حسابها على 1500 مضاف الها ضريبة البطاقة

اما الشحن فهو على سعر الصرف المحلي يعني الكيلو راح يصير 40 الف بدل ال 35 الف واذا زاد السعر المحلي ممكن يعبر ال 40 الف

الشحنة الجاية ما ادري شكد راح تصير خسارة علينا

ملخص لحال البلد ( من تحكمه عصابة باسم الدين هذا حالها )

05/10/2026

مرحبا اصدقائي
اكو شغلة صارت بهل الاسبوعين لازم نوضحها
شحنة ذاك الاسبوع لحد الان ما استلمناها والسبب موجودة بالكمارك لحد ما تم تلخيص الكمركي الها وما نعرف سبب التأخير بالكمارك، جاي اتواصل ويه شركة الشحن يوميا حتى نعرف شوكت نستلمها ونوزعلكم غراضكم

نعتذر لاي تأخير اصدقائي الامر مو عندنا وله نتمنى باسرع وقت توصل حتى نوزعها الكم
شحنة هذا الاسبوع ايضا ما معلوم شوكت نستلمها.

اي تحديث جديد راح اتواصل وياكم بمنشور جديد

03/10/2026

شلونكم حبايب
تم تفعيل حسابين كاسبر سكاي كل حساب ياخذ 20 جهاز لمدة 2 سنة
يعني نكدر نفعل الكم 40 جهاز حاليا ولمدة 2 سنة من افضل برنامج الحماية وهو الكاسبر واكيد وياه VPN بدون حدود

في الصورة موضح خواص البرنامج بالتفصيل

التفعيل لكل جهاز 15 الف فقط

الي يريد يارسلني واتس اب على الرابط
https:/wa.me/9647830474366

27/09/2026

مرحبا اصدقائي
من اليوم نرجع نستقبل طلباتكم وجان المفروض نزل هذا المنشور من قبل يومين بس الفلاونزة ما قصرت 😅

اصدقائي اكو امور جديدة لازم نتكلم بيها

اولا: ارتفاع نسبة الكمارك على الاجهزة الالكترونية مثل ما تعرفون وبعد ما تم الاتصال مع شركة الشحن بامريكا وقدر الامكان ردنه نقلل سعر الشحن علينا حتى يكون مناسب ويه الزيادة الصارت بالكمارك، اخر شي صفينه الكيلو على 35 الف بدل من 30 الف وان شاء الله تعتبر زيادة بسيطة

ثانياً: زيادة بضريبة الدفع بالبطاقات الالكترونية العراقية بشكل عام وهذا يعني الزيادة صارت من البنك المركزي العراقي لذلك كل الشركات رفعت النسبة من ضمنها الرافدين جانت 5.2% صارت حاليا 6% من قيمة المبلغ ( مثلا ال 1000$ ياخذون عليها ضريبة اضافية 60$ )

الامر الاهم والي هو وقتي ان شاء الله
مثل ما تعرفون اوضاع البلد ما مستقرة واكو امور سياسية ممكن تأثر على الرحلات الداخلة للعراق بمعنى اخر الطلبات نستقبلها بس لازم تحسبون حساب ممكن اي شي يصير يوقف او يأخر الرحلات وبالنتيجة تأخير الطلب عليكم

ايضا التطبيق جاهز لاستقبال طلباتكم وتم تسعير جميع الطلبات الحالية

نتمنى لكم تسوق ممتع معنا
وايضاً الخير الكم وللعراق اجمع

22/09/2026

شلونكم اصدقائي
بعد الزيادة الصارت بالاسعار من قبل الكمارك على الاجهزة الالكترونية

حبيت انوه حاليا ما نستقبل طلبات الى حين معرفة الزيادة الحاصلة بشكل دقيق

نستقبل طلبات على منتجات غير الكترونية
التطبيق توقفنه ايضا الحساب الى حين معرفة التفاصيل

ان شاء الله ايام قليلة بعد التدقيق راح ننشر منشور ثاني نعلمكم باستقبال الطلبات

وطبعاً شكرا لتفهمكم سابقا على موضوع الكمارك وان شاء الله ترجع مثل السابق لان الموضوع متعب الصراحة اسعار الاجهزة الاكترونية وخصوصا قطع ال PC بارتفاع مستمر

19/09/2026

مرحبا اصدقائي شلونكم
كالمعتاد لازم تصير سوالف تأذي المواطن

الشحنات وصلت العراق ودخلت للكمارك بس هل المرة الشغلة تختلف
بعد ما تواصلت شركة الشحن ويانا خبرونا زيادة عالية بسعر الشحن على اي منتج الكتروني
بما ان اغلب منتجاتنا الكترونية فصارت الضريبة اعلى
شحنة ذاك الاسبوع وهذا الاسبوع انضاف عليها سعر اضافي وصل الى 1 مليون

اصدقائي اسميحكم عذرا راح يزيد السعر بالنسبة للمنتجات الشحنتوها و توصلكم راح اتواصل وياكم ويه كل شخص حتى اكلك طلبك وصل وزاد السعر كذا مبلغ يتم دفع المبلغ عند الاستلام

اني ما بودي اسويها وازيد السعر عليكم بس الشي صار اجباري وفجأة حتى ما اجانه اشعار راح تزيد الاسعار على الشحن للمنتجات الالكترونية

مراح ازيد مبلغ عالي قدر الامكان اخليه مبلغ بسيط حتى لا يكون بي اذية الكم حتى ولو كان بي خسارة بسيط علينا

ايضا من اليوم راح يكون شحن القطع الاكترونية اغلى من 30 الف للكيلو راح اعلمكم بي بس اتأكد بشكل دقيق شكد راح يزيد المبلغ

شكرا لتفهمكم 🌹

16/09/2026

مرحبا اصدقائي
احد اصدقائنا شحن ويانا هاي القطع وصار عنده ضرف معين ومحتاج يبيعها
القطع بعد ما وصلت بالشحن للعراق
الي يريدها يراسلني
القطع تنباع كاملة

الصور للقطع واضحة واخر شي الوصل مكتوب بي كل التفاصيل

12/09/2026

اصدقائي الاعزاء
قبل شهر صارت عندنا حالة وفاة وسبحان الله البارحة اخ الشخص الي توفه طالع من صلاة الجمعة وبدون سابق انذار توفه
الله يرحمهم ويتقبلهم
راح انشغل كم يوم لان راح اسافر خارج المدينة
الشحنة الراح توصل راح تتأخر كم يوم يله اوزعها وايضا الي طلبوا منا طلبات الوصولات هم راح اتأخر يله اكملها الما ارجع

استميحكم عذرا على التأخير وان شاء الله باقرب وقت ارجع واكمل الوصولات وارسللكم طلباتكم التوصل بشحنة هذا الاسبوع

11/09/2026

عرض جديد لكارت Gigabyte RTX 5070Ti Gaming OC

السعر 1 مليون و 700 الف
السعر شامل شحن وتوصيل لبيتك
ضمان 3 سنة من Gigabyte
الشحن 2 الى 3 اسبوع

يمكنكم استخدام تطبيقنا على الاندرويد الرابط اول تعليق

Address

Aljughaify
Fallujah
31002

Telephone

+9647830474366

Website

facebook.com

Alerts

Be the first to know and let us send you an email when iRaQiGhOsT posts news and promotions. Your email address will not be used for any other purpose, and you can unsubscribe at any time.

Contact The Business

Send a message to iRaQiGhOsT: