工程師裝修學堂

23/10/2026

https://whatsapp.com/channel/0029VbDzlcWGehEFmZzuAR02

工程師裝修學堂，嚟到 WhatsApp channel 啦！

我哋會先喺呢度分享一啲裝修影片、唔同嘅小知識，有啲優惠資訊亦會同大家分享 🎬💡🎁

希望透過呢個頻道，同大家多啲交流同分享，之後有咩新嘢，再慢慢介紹畀大家！

📲 見到有用嘅內容，歡迎隨手轉發畀屋企人同朋友，亦可以邀請對裝修有興趣嘅朋友追蹤呢個頻道。

一齊識多啲，裝修安心啲！🙌

Follow 工程師裝修學堂's WhatsApp Channel. 🏗️ 工程師裝修學堂｜🔧註冊工程師主理
管理超過2000項裝修項目的經驗累積
初衷：普及香港人裝修知識
最終目標：個個住得開心又安心~
🤔諗緊裝修？搵我工程師帶領既團隊傾傾最穩陣!
📲 WhatsApp 9821 6971. Join 29 followers for the latest updates.

23/10/2026

廁所洗到好乾淨，點解仲有陣臭味？🤔

客人同Andrew講：
「明明已經清潔得好乾淨，但間中都會聞到陣怪味。」

上門一睇，廁所開住抽濕機，仲晾緊衫……
呢部抽濕機，竟然成為今次破案嘅重要線索🔍

原來地台去水嘅隔氣需要有足夠嘅水，先可以阻隔渠內氣味。當水分慢慢蒸發，隔氣失效，臭味就可能走返入屋。

唔止舊樓，新裝修、未入伙嘅單位，如果部分去水位置一直未用，都可能遇到類似情況。

所以聞到渠味，先搵原因、逐步排查，未必一開始就要拆！

準備收樓、裝修或者浴室翻新？
收藏呢條片，亦轉發畀就快入伙嘅朋友🏠

想了解室內設計及裝修服務，歡迎私訊我哋。

#室內設計 #裝修 #香港裝修 #廁所臭味 #工程師裝修學堂

20/10/2026

「你做開咁大嘅工程，裝修一間屋應該好容易啦？」🤔

我由基建轉做室內設計同裝修嗰陣，其實好多嘢都要由頭學過。

間屋得咁大，但水電、冷氣、傢俬、電器，全部都要夾得啱。差幾mm，部洗衣機可能已經放唔落；櫃門同收口唔齊，你每日經過都會見到。

一個位置改咗，可能又影響下一個位置。室內裝修考驗嘅，就係點樣將咁多細節放埋一齊，仲要配合到日常使用。

識做大工程，唔代表自然識做裝修；識做裝修，亦唔代表自然識做大工程。

兩邊都係專業，冇高低之分，亦唔可以直接將自己嗰套搬過去用。

你裝修最在意邊啲細節？尺寸、收口，定係用落順唔順手？留言傾吓👇

#室內設計 #香港裝修 #裝修 #訂造傢俬 #工程師裝修學堂

16/10/2026

你揀磚會睇款式、顏色，但有冇問過師傅用咩膠沙？👀

膠沙原來都有分 C1、C2 級，仲有加入無塵技術嘅款式。

「無塵咪即係少啲塵，關我業主咩事？」

其實，開料時嘅微細粉塵，有機會落喺施工基面，或者啱啱批好嘅膠沙表面。如果中間積咗一層粉塵，就可能影響瓷磚同膠沙嘅接觸同黏結效果。

所以，裝修除咗睇完成後靚唔靚，藏喺瓷磚下面嘅細節，一樣值得留意。

我哋今次實測咗德高 TTB V 無塵膠沙，完整影片仲會講解 C1、C2 級有咩分別。

💬 留言「膠沙」，我哋將完整影片連結發畀你！
📌 收藏呢條片，鋪磚前同設計師或者師傅傾材料時用得着。

#香港裝修 #室內設計 #無塵膠沙 #鋪磚 #工程師裝修學堂

13/10/2026

櫃都仲裝緊，門鉸都未調，你就已經話師傅唔執？👀

你緊張自己間屋裝修，冇問題。

但而家個櫃仲未裝完、門鉸未調、收口未執，根本就係工程進行中。之後本身就會再調、再執，你已經走嚟話：「點解隻門歪嘅？點解你哋都唔執？」

工序都未去到嗰一步，你就當人哋唔處理，大家咪要不停解釋同一件事。

要求可以高，但要知道每個階段應該睇啲乜。

防水有冇做好？養水測試過唔過？水喉有冇谷磅？呢啲需要當時確認嘅工序，你又有冇睇實？

一單裝修，要業主、設計師同師傅三方合作。要求講清楚、工序分清楚，大家有商有量，先容易一齊做好間屋。

今集工程師Andrew講啲業界真心話，教你點樣睇工程、捉重點，同裝修團隊合作得順啲。

#香港裝修 #室內設計 #裝修驗收 #裝修注意事項 #工程師裝修學堂

09/10/2026

抽氣扇買大啲，就一定抽得好啲？🚿

裝修浴室，好多人會問：
「四吋夠唔夠？六吋會唔會好啲？」
「裝咗浴室寶，仲使唔使抽氣扇？」
「天花抽係咪一定冇咁好力？」

其實，揀抽氣扇或者浴室寶，除咗睇尺寸，更要知道佢每小時可以抽走幾多空氣，再配合浴室體積，計出換氣率ACH。

而天花抽氣扇一般需要接駁風喉。條喉太長、彎位太多，都可能增加阻力，影響實際排氣效果。

所以浴室設計，除咗諗磁磚、潔具同收納，抽風量、假天花同風喉路線亦要一齊考慮。

📌 準備收樓裝修或者翻新浴室，先收藏呢條片，揀機之前睇一睇。

想規劃浴室翻新或全屋室內設計，歡迎私訊我哋，傾吓你個單位嘅需要。

#抽氣扇 #浴室寶 #浴室裝修 #香港室內設計 #工程師裝修學堂

06/10/2026

One Stanley一間過億元獨立屋，據《胡說樓市》報道，部分位置主鋼筋數量比批准圖則少約41%至75%；但屋宇署視察後表示，整體樓宇結構冇明顯危險。究竟點解兩者可以同時成立？

已經有入伙紙，點解去到業主收樓裝修、拆開地板，先發現配筋問題？如果你正準備新樓收樓、二手樓裝修，或者規劃全屋室內設計，今次事件值得你了解。

今集《工程師裝修學堂》，由工程師角度拆解One Stanley結構爭議，用間尺示範樓板受力，講清楚鋼筋、混凝土保護層同結構檢測各自嘅作用，再追問施工、監工同檢查環節有咩需要查清楚。

影片內容包括：
▪️「冇明顯危險」同「完全冇問題」有咩分別
▪️ 樓板點樣受力？鋼筋數量同位置點解重要
▪️ 局部樓板問題，同主要承重構件問題有咩不同
▪️ 混凝土保護層 concrete cover 有咩作用
▪️ 回彈錘、cover meter、GPR、鑽芯抗壓及開鑿檢驗分別查啲乜
▪️ 點解有入伙紙後仍然發現問題？工程監管有咩值得追問

💬 如果你係業主，收樓後先發現配筋同圖則不符，你最想先知道：
安全程度、補救方法，定係邊個環節出咗問題？
留言分享你嘅睇法。

訂閱《工程師裝修學堂》，由工程師角度了解香港裝修、施工質素同家居工程，為你嘅新居計劃建立更清晰嘅判斷。

📐 GALAXY Interior Design｜室內設計及裝修
準備收樓或者全屋裝修？歡迎透過官網聯絡我哋，分享你嘅屋苑、單位面積同設計需要。

本片按拍攝時公開資料作工程原理解說，涉事單位嘅實際情況及責任歸屬，需按完整檢測及調查結果判斷。

#收樓裝修 #工程師裝修學堂 #鋼筋不足 #樓宇結構 #香港裝修 #室內設計

02/10/2026

【廚房靚之餘，仲要日日都好用 🍳】

檯面好靚，但日日煮飯，清潔方唔方便？
電器買齊晒，先發現插座唔夠、位置唔就手？

廚房裝修，呢兩個細節值得一齊諗。

今集由 Technistone® 檯面選材，講到電力路軌嘅靈活插座配置。由清潔打理到電器擺位，都應該配合你真正嘅生活習慣，令廚房既美觀，又用得順手。

💬 你最怕檯面難打理，定係插座唔夠用？
📌 收藏呢條片，規劃廚房時拎返出嚟睇。
準備裝修？歡迎私訊 GALAXY，傾吓你屋企嘅廚房設計。

#香港室內設計 #廚房裝修 #廚房設計 #廚房檯面 #電力路軌

29/09/2026

龍頭、座廁、洗手盆都買齊
師傅到場，竟然仲未裝得？😳

裝修報價上面一句「潔具不包配件」，你有冇問清楚包到邊？

網喉、曲尺掣、去水、隔氣……
呢啲配件睇落細件，但少咗其中一樣，就可能令安裝做唔成，臨時要周圍搵嚟買！

🚿 買潔具前，記得問清楚：
「原裝有跟咩配件？仲有邊啲要另外配？」

部分配件可能有附送，亦要同師傅確認尺寸同接駁是否合適。

📌 收藏呢條片，買潔具前對一對；亦可以分享畀準備裝修嘅朋友。

想規劃廚廁設計或全屋裝修，歡迎私訊 GALAXY Interior Design，一齊傾吓你屋企嘅需要。

#潔具配件 #廁所裝修 #香港裝修 #香港室內設計 #工程師裝修學堂

25/09/2026

畀錢裝修，個廁所竟然仲細咗？😳
第一個反應：師傅係咪偷咗我啲位？

先了解幅牆原本係點👇

舊牆可能唔直、牆角未必係90度
拆磚之後，要重新校正同批平
再加上新舊瓷磚嘅厚度差異
呢邊多一點、嗰邊多一點
浴室嘅實際空間就可能縮細咗

裝修有時要喺空間尺寸同牆身平整度之間作出取捨，遇到呢個情況，可以先問師傅了解原因。

💬 你裝修時有冇遇過「明明冇改間隔，但感覺細咗」？
📌 收藏呢條片，裝修前同屋企人一齊睇！

Follow 工程師裝修學堂，睇懂室內設計背後嘅施工細節。

#浴室裝修 #廁所裝修 #香港室內設計 #香港裝修 #居屋裝修 #公屋裝修 #舊樓翻新 #泥水工程 #工程師裝修學堂