20/07/2026
თურქეთის ელჩი და სავაჭრო მრჩეველი შპს „ბარს მეკატრონიკს" ეწვივნენ
სამუშაო ვიზიტის ფარგლებში შპს „ბარს მეკატრონიკს“ ეწვივნენ თურქეთის რესპუბლიკის საგანგებო და სრულუფლებიანი ელჩი საქართველოში, მუსტაფა თურქერ არი, და თურქეთის საელჩოს სავაჭრო მრჩეველი, იაღმურ დემირელი.
ვიზიტის ფარგლებში სტუმრებმა დაათვალიერეს კომპანიის საწარმოო და სამუშაო სივრცეები, გაეცნენ მიმდინარე საქმიანობას, წარმოების პროცესსა და განხორციელებულ პროექტებს. შეხვედრისას განხილულ იქნა საქართველოს ბიზნესგარემო, საინვესტიციო შესაძლებლობები, ასევე ორ ქვეყანას შორის ეკონომიკური თანამშრომლობის განვითარების პერსპექტივები.
შეხვედრა საქმიან და კონსტრუქციულ გარემოში წარიმართა. მხარეებმა ხაზი გაუსვეს კერძო სექტორსა და საერთაშორისო პარტნიორებს შორის თანამშრომლობის მნიშვნელობას, რაც ხელს უწყობს გამოცდილების გაზიარებას, ბიზნესკავშირების გაღრმავებასა და ახალი შესაძლებლობების შექმნას.
შპს „ბარს მეკატრონიკი“ მადლობას უხდის თურქეთის რესპუბლიკის საელჩოს წარმომადგენლებს ვიზიტისა და კომპანიის საქმიანობისადმი გამოჩენილი ინტერესისთვის და იმედს გამოთქვამს, რომ მსგავსი შეხვედრები მომავალშიც ხელს შეუწყობს საქმიანი ურთიერთობების კიდევ უფრო განვითარებას.
