06/06/2026
🌿 სოფლის მეურნეობის რეგენერაციული ტრანსფორმაცია - ქართველი ფერმერები ესტონური გამოცდილების კვალდაკვალ
24-30 მაისს, კავკასიის გენეტიკამ პროექტის „რეგენერაციული სოფლის მეურნეობა და საკვებწარმოება საქართველოში“ ფარგლებში, ესტონელ პარტნიორებთან - Estonian Chamber of Agriculture and Commerce - ECA, ერთად გამართა მაღალპროფესიული სასწავლო ვიზიტი ფერმერებისთვის
📌 ტურის ფარგლებში ფერმერებმა და აგროსექტორის პროფესიონალებმა მოინახულეს ესტონეთის უმსხვილესი და ინოვაციური მეურნეობები, რომელთა საქმიანობა ემყარება თანამედროვე აგრარულ მიდგომებს, ეკოსისტემურ ხედვას და მაღალტექნოლოგიურ გადაწყვეტილებებს
🔍 მთავარი თემატური ფოკუსები მოიცავდა:
• რეგენერაციულ სოფლის მეურნეობის პრაქტიკას და BEAM მოდელს
• ნიადაგის სიჯანსაღისა და მინერალური ბალანსის აღდგენის სტრატეგიებს
• მოსავლის ბრუნვას, პირდაპირ თესვასა და საფარი კულტურების ინტეგრაციას
• თხევადი ნაკელის, ბიოლოგიურ მავნებელთა კონტროლისა და მაღალი ხარისხის სილოსის წარმოებას
• აგრარული ტექნოლოგიების დანერგვას: GPS მართვა, ხელოვნური ინტელექტი, დისტანციური მონიტორინგი
• ცხოველების კვებისა და ძოვების ორგანიზებას ბიომრავალფეროვნებაზე ორიენტირებული მიდგომებით
• აგროტურიზმისა და ფერმერული საქმიანობის ბრენდინგის წარმატებულ მაგალითებს
📍 ტური მოიცავდა 10-ზე მეტ ფერმასა და აგრობიზნესს, მათ შორის ისეთ სტრატეგიულ ცენტრებს, როგორებიცაა Baltic Agro, Agriland, და ფერმებს, რომლებიც შედიან ევროპის 50 საუკეთესო მეურნეობის სიაში
🎯 ესტონეთის გამოცდილება ცხადყოფს, რომ სოფლის მეურნეობა შეიძლება იყოს ერთდროულად პროდუქტიული, მდგრადი და ეკოლოგიურად პასუხისმგებლიანი. მონაწილეებისთვის ეს ვიზიტი გახდა ახალი პერსპექტივების, პროფესიული კავშირებისა და ინოვაციური პრაქტიკის გაცნობის პლატფორმა.
📸იხილეთ ფოტო მასალა - როგორ ქმნიან ესტონელი ფერმერები სურსათის მომავლის სისტემებს და როგორ შეიძლება ეს ცოდნა და მიდგომა გახდეს ინსპირაცია ქართული აგრარული ტრანსფორმაციისთვის.
——-
🔹 პროექტი ხორციელდება ესტონეთის სოფლის მეურნეობის სავაჭრო პალატასთან (Estonian Chamber of Agriculture and Commerce – ECA) თანამშრომლობით.
🔹 პროექტის მხარდამჭერია ესტონეთის რესპუბლიკის მთავრობა – კლიმატის სამინისტროს (Ministry of Climate) და გარემოსდაცვითი ინვესტიციების ცენტრის (Environmental Investment Centre) მეშვეობით.
