23/09/2026
თბილისში I მულტიდისციპლინური სამეცნიერო კონფერენცია — „თეორიიდან კლინიკურ წარმატებამდე“ გაიმართა, რომლის გენერალური სპონსორი Mtech იყო.
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსა და „საქართველოს სამედიცინო ჰოლდინგის“ ორგანიზებით ჩატარებულ ორდღიან ღონისძიებას სახელმწიფო კლინიკების ექიმები და სამედიცინო სფეროს სხვადასხვა მიმართულების პროფესიონალები ესწრებოდნენ.
კონფერენციის ფარგლებში მონაწილეებმა ერთმანეთს გაუზიარეს კლინიკური გამოცდილება, თანამედროვე დიაგნოსტიკური და სამკურნალო მიდგომები და იმსჯელეს მედიცინის სხვადასხვა მიმართულებაში არსებულ აქტუალურ საკითხებსა და გამოწვევებზე.
პროგრამა მოიცავდა ისეთ მიმართულებებს, როგორიცაა:
🔹 ანესთეზიოლოგია და რეანიმატოლოგია
🔹 კრიტიკული მედიცინა
🔹 ზოგადი ქირურგია
🔹 კარდიოლოგია და კარდიოქირურგია
🔹 შინაგანი მედიცინა
🔹 რადიოლოგია
🔹 ფთიზიატრია-პულმონოლოგია
🔹 გადაუდებელი მედიცინა
ღონისძიებაზე Mtech-ის მიერ იმპორტირებული თანამედროვე სამედიცინო ტექნოლოგიებიც იყო წარმოდგენილი, რაც მონაწილეებს შესაძლებლობას აძლევდა, გაცნობოდნენ თანამედროვე კლინიკურ პრაქტიკაში გამოყენებულ ტექნიკურ გადაწყვეტილებებს.
როგორც სამედიცინო ტექნიკის იმპორტიორი და ჯანდაცვის სფეროს ტექნოლოგიური პარტნიორი, Mtech-ისთვის განსაკუთრებით მნიშვნელოვანია ისეთი პროფესიული პლატფორმების მხარდაჭერა, რომლებიც ხელს უწყობს ცოდნის გაზიარებას, თანამედროვე ტექნოლოგიების გაცნობას და სამედიცინო პერსონალის უწყვეტ პროფესიულ განვითარებას.
კონფერენციის დასასრულს მონაწილე ექიმებს სერტიფიკატები გადაეცათ და მათ 12 უწყვეტი პროფესიული განვითარების (უპგ) ქულა მიენიჭათ.
Mtech მადლობას უხდის ღონისძიების ორგანიზატორებს, მონაწილეებსა და სამედიცინო სფეროს პროფესიონალებს მნიშვნელოვანი პროფესიული პლატფორმის შექმნისა და მხარდაჭერისთვის.
Mtech — თანამედროვე სამედიცინო ტექნოლოგიები ჯანდაცვის განვითარებისთვის.
