„ჯი არ სი“ – 2003 წლიდან სამშენებლო მასალების მწარმოებელი, იმპორტიორი და ერთ-ერთი ყველაზე მსხვილი მიმწოდებელი კომპანიაა საქართველოს სამშენებლო სექტორში. დაარსებიდან დღემდე კომპანიის #1 პრიორიტეტი ბაზარზე მაღალი სტანდარტების დაწესება, ჯანსაღი კონკურენციის ჩამოყალიბება და ერთგული მომხმარებლების ჯგუფის შექმნა, რაც განაპირობებს კომპანიის წარმატებას.
„ჯი არ სი“ მუდმივად ზრუნავს ადგილობრივი წარმოების
განვითარებაზე და ამ დროისთვის აერთიანებს მეტალოკრამიტის, პროფნასტილის სასახურავე მასალის, წყალსაწრეტი სისტემების, სტრუქტურული რკინის, სენდვიჩპანელების და დამათბუნებელი მასალების საწარმოო ხაზებს.
სასახურავე მასალების წარმოება კომპანიამ 2009 წლიდან დაიწყო და სწრაფად გააფართოვა წარმოების ხაზი. დღეისთვის "ჯი არ სი" მომხმარებელს პროფილირებული სახურავის ფართო ასორტიმენტს და უნიკალური გადადებისა და ორმაგი საკეტის მქონე მეტალოკრამიტის სასახურავე მასალას სთავაზობს.
თბოსაიზოლაციო მასალებისა და სენდვიჩპანელების საწარმო განთავსებულია ქალაქ რუსთავში, სადაც 2015 წლიდან „თერმოპანელის“ ბრენდის ქვეშ იწარმოება საერთაშორისო სტანდარტის სენდვიჩპანელი, ხოლო „თერმობორდის“ ბრენდის ქვეშ იწარმოება მაღალი ხარისხის არ აალებადი EPS-ი (პენოპლასტი). კომპანია აწარმოებს როგორც ფართო მოხმარების ფილებს, ასევე დიდი ზომის კუბებსა და სხვადასხვა სიმკვრივის ბურბუშელას.
კომპანია “ჯი არ სი” არის ისეთი საერთაშორისო კომპანიების ოფიციალური წარმომადგენელი საქართველოში როგორიცა BASF, Firestone, Ursa, Technonicol, Arcelormittal, SSAB, DONGBU და სხვა.
