Mae’n darparu amrywiaeth o weithgareddau ar draws Cymru gyfan. Mae swyddogion datblygu yn gweithio ym mhob ardal er mwyn sicrhau bod rhaglen lawn o weithgareddau yn cael ei chynnig i blant a phobl ifanc
* Sefydlwyd yr Urdd ym 1922 i roi cyfle i blant a phobl ifanc i ddysgu ac i gymdeithasu drwy gyfrwng y Gymraeg.
* Mae’n rhoi cyfle i ieuenctid Cymru i fyw bywydau byrlymus trwy gyfrwng y G
ymraeg gan ddysgu parchu ei gilydd a phobloedd y byd.
* Mae’n croesawu siaradwyr Cymraeg a dysgwyr. Pwy sy’n aelodau o’r Urdd?
* Mae 50,000 o blant a phobl ifanc Cymru yn aelodau o’r Urdd.
* Mae un rhan o dair o’r holl siaradwyr Cymraeg rhwng 8 ac 18 yn aelodau.
* Mae 30% o’r holl aelodau yn dweud eu bod yn ddysgwyr
* Mae dros 3,000 o’r aelodau rhwng 16 a 25 mlwydd oed.
* Enwau cyfarwydd a fu gynt yn aelodau o’r Urdd yw Huw Edwards, y darllenydd newyddion, Bryn Terfel, y canwr byd enwog, a Glyn Wise o’r gyfres Big Brother!
* Mae gan y mudiad 10,000 o wirfoddolwyr sy’n weithgar dros ben mewn 900 o ganghennau ledled y wlad. Beth sydd gan yr Urdd i’w gynnig i ti...
Yn dy ardal di...
* Mae tîm o staff yn bugeilio 300 o adrannau ac aelwydydd cymunedol.
* Cynhelir clybiau wythnosol, cystadlaethau, chwaraeon, teithiau tramor a theithiau i’r gwersylloedd. Yn y gwersylloedd....
* Pob math o weithgaredd o hwylio, canwio a dringo yng Nglan-llyn, i wibgartio, sgïo a merlota yn Llangrannog, neu ymweliad â Stadiwm y Mileniwm neu’r theatr yng Nghaerdydd
* Rhywbeth at ddant bawb! Ar y maes chwarae...
* Rygbi, nofio, pêl-droed, gymnasteg, athletau... mae’r dewis yn ddiddiwedd!
* Cyfle i gystadlu yn erbyn plant a phobl ifanc ar hyd ac ar led Cymru
* Clybiau wythnosol a chyrsiau chwaraeon
Ar lwyfan yr Eisteddfod..
* Gwyl gystadleuol fwyaf Ewrop i ieuenctid yw hon
* Cystadlaethau canu, dawnsio, actio, perfformio, celf a chrefft, barddoni
* Mae 15,000 yn cystadlu yn Eisteddfod Genedlaethol yr Urdd bob blwyddyn. Yn y cylchgronau...
* Beth am ddarllen y straeon diddorol neu roi cynnig ar y cystadlaethau sydd yn Cip, iaw! a Bore Da?
* Mae cylchgronau ar gyfer dysgwyr a Chymry Cymraeg
* Mae 10,000 o gylchgronau yn cyrraedd ysgolion a chartrefi plant Cymru bob mis. Trwy waith dyngarol...
* Yr Urdd sydd wedi bod yn cyhoeddi Neges Heddwch ac Ewyllys Da Plant Cymru i’r Byd ers 1925.
* Beth am fynd dramor gyda’r Urdd i wneud gwaith gwirfoddol?
* Darganfyddwch ddiwylliannau eraill a chyfarfod plant a phobl ifanc o wledydd ar draws y byd.
