12/09/2026
ግሬስ ኮንስትራክሽን ኬሚካልስ 🏢
እንኳን ለ2019 ዓ.ም. በሰላም አደረሳችሁ! 🎉
የዋና ሥራ አስፈጻሚ የአዲስ ዓመት መልዕክት
“የአገር ኩራት፤ ትውልድ ተሻጋሪ ካምፓኒ መገንባት”
ውድ የድርጅታችን ቤተሰብ፣ ደንበኞቻችን፣ አጋሮቻችንና ወዳጆቻችን፣
እንኳን ለ2019 ዓ.ም. አዲስ ዓመት በሰላም አደረሳችሁ፤ አደረሰን! አዲስ ዓመት የቀን መቀየር ብቻ አይደለም። ያለፈውን በጥበብ የምንመለከትበት፣ ዛሬን በኃላፊነት የምንይዝበት፣ ነገን ደግሞ በተስፋና በሥራ የምንገነባበት አዲስ እድል ነው።
ባለፈው ዓመት በድርጅታችን ውስጥ ጊዜያችሁን፣ እውቀታችሁንና ጉልበታችሁን ለሰጣችሁ ሠራተኞችና አመራሮች፣ እምነታችሁን ለሰጣችሁ ደንበኞች፣ እንዲሁም ከእኛ ጋር በአጋርነት ለሠራችሁ ሁሉ ልባዊ ምስናዬን አቀርባለሁ። የተሳካውን በትሕትና እንቀበላለን፤ ያልተሳካውን በትምህርት እንወስዳለን፤ ያልተጠናቀቀውን በአዲስ ኃላፊነት እንቀጥላለን።
የእኛ ራዕይ “የአገር ኩራት፤ ትውልድ ተሻጋሪ ካምፓኒ መገንባት” ይላል። የአገር ኩራት መሆን ማለት በኢትዮጵያ የሚመረት ምርት በጥራት፣ በታማኝነትና በአገልግሎት እንዲከበር መሥራት ነው፤ ትውልድ ተሻጋሪ መሆን ማለት ደግሞ ዛሬን ብቻ ሳይሆን ነገን የሚያስችል ሥርዓት፣ ሰው፣ እውቀት፣ ጥራት፣ ባህልና እምነት መገንባት ነው።
2019 ዓ.ም. ለእኛ ብዙ የምንናገርበት ሳይሆን የምንፈጽምበት፤ የጀመርነውን በዲሲፕሊን የምናጠናቅቅበት ዓመት መሆን አለበት። ጥራት በአጋጣሚ አይገነባም፤ የደንበኛ እምነት በቃል ብቻ አይጠበቅም!
አዲስ ዓመት፤ አዲስ ቀን ብቻ ሳይሆን፣ ከፍ ያለ የሥራ መስፈርት ይሁን!
ያሬድ ደበበ
መስራችና ዋና ሥራ አስፈጻሚ
መስከረም 1 ቀን 2019 ዓ.ም.
Vision Leadership Ethiopia
