Oscar Rial. PSdG Rianxo

Oscar Rial. PSdG Rianxo Páxina destinada á información dos veciños e veciñas de Rianxo. Voceiro do PSdG de Rianxo
(1)

Neste espazo aportaremos toda a información referida as novas do noso proxecto e traballo, así como a nosa forma de percibir as politica, sobre todo no ámbito Municipal.

A veciñanza de moitos dos nosos núcleos levou anos asumindo do seu propio peto obras de auga potable, a do Ulla, que son...
08/09/2026

A veciñanza de moitos dos nosos núcleos levou anos asumindo do seu propio peto obras de auga potable, a do Ulla, que son de competencia municipal. Vivírono en moitos lugares do noso Concello.. Cartomil, na Cruz, na Marquesa, e en breve volverá ocorrer na Mámoa e en Somoza, seguramente.

No próximo Pleno presentamos por 2 vez unha proposta para bonificar o IBI de xeito total ou parcial ata a recuperación do importe acordado que cada veciño e veciña tivo que adiantar para facer realidade estas infraestruturas públicas.

Quen está facendo un esforzo é a veciñanza!

Confiamos en que esta vez a proposta se acepte e se execute: non facelo sería negarlle á veciñanza o dereito a recuperar o invertido e perpetuar unha xestión inxusta.
Esta medida permitirá solventar unha débeda histórica con esta forma de facer as cousas.

04/09/2026

Dende decembro de 2024 sen información sobre a ORDENANZA FISCAL Nº 12: AO LADO DA VECIÑANZA

A Ordenanza Fiscal nº 12 regula os vados e as reservas de espazo para vehículos. Pero detrás dunha taxa hai persoas, familias e realidades concretas.

Son centos de veciños e veciñas que teñen dúbidas, que non entenden determinados cobros ou que perciben que non se está aplicando o mesmo criterio para todos.

Non se trata de non pagar. Trátase de saber por que se paga, canto corresponde pagar e que as regras sexan iguais para todos e todas.

Por iso pedimos explicacións, seguridade xurídica e unha revisión da aplicación da ordenanza.

O alcalde debería poñerse no lugar da veciñanza e buscar solucións, non mirar para outro lado.

Esa é a nosa forma de entender a política municipal: escoitar, comprender e defender á xente.

21 anos foron moi longos. 🤔Por iso, o regreso da Virxe de Guadalupe a Rianxo é un momento para vivir con emoción e compa...
03/09/2026

21 anos foron moi longos. 🤔

Por iso, o regreso da Virxe de Guadalupe a Rianxo é un momento para vivir con emoción e compartir como pobo.

Un agradecemento especial á familia Cortizo, pola súa implicación, xenerosidade e bo facer, e a todas as persoas que fixeron posible este regreso.

Unha mágoa que non se avisase á veciñanza da súa chegada a Rianxo tras 21 anos, xa hai uns meses, nin tampouco da súa colocación este martes, aínda que moitos xa tivemos a oportunidade de vela de novo entre nós.

A Corporación Municipal tampouco recibiu invitación oficial, pero iso non impedirá que este sábado esteamos coa veciñanza, compartindo e disfrutando xuntos deste momento tan esperado.

Agardamos que sexa un día bonito, emotivo e á altura do que significa para Rianxo. Que o vivamos xuntos, con orgullo e coa alegría de recuperar unha parte da nosa historia. ✊

Hoxe, martes, volvemos concentrarnos en Rianxo pola Sanidade Pública.É importante seguir estando, porque defendemos serv...
01/09/2026

Hoxe, martes, volvemos concentrarnos en Rianxo pola Sanidade Pública.
É importante seguir estando, porque defendemos servizos que son de todos e todas.
Hoxe tamén acompañamos ao persoal de limpeza, que acumula meses de retrasos nos pagos.
A Xunta debe actuar ante unha situación inxusta que afecta a traballadoras imprescindibles nos centros de saúde.
O seu traballo é fundamental para garantir espazos seguros, dignos e axeitados para pacientes e profesionais.
E seguimos reclamando unha ambulancia 24 horas en Rianxo.
Hai tres semanas, no Campo de Vilas, tardou máis dunha hora en chegar desde Santiago.
Por unha sanidade pública, próxima e con medios: cada martes, seguimos estando.

Xa queda menosXa teño a camiseta oficial da Guadalupe 2026. 😎Molona!! Encantoume!!Só faltan 2 semanas… ⏳Unha das festas ...
31/08/2026

Xa queda menos

Xa teño a camiseta oficial da Guadalupe 2026. 😎
Molona!! Encantoume!!

Só faltan 2 semanas… ⏳

Unha das festas que máis se viven, se senten e se disfrutan en Rianxo. E este ano, unha vez máis, toca vivila a pé de rúa, coa xente e compartindo momentos.

Porque tamén disto vai Rianxo. 💙

30/08/2026

Noraboa ó Club de Remo de Rianxo

Agora toca esperar, e ter a sorte de poder subir á Liga A.

Bo traballo.💪

29/08/2026

Pleno de Outubro de 2024.

Agradecemos ao Goberno que aplicase a modificación no calendario fiscal que propuxemos desde o PSOE.

Agardamos agora que tamén se avance na bonificación do IBI ás familias de Rianxo que propuxemos, e que non contou co apoio dos restantes grupos.

Porque ás veces o que se amosa como iniciativa propia ten detrás propostas e traballo que veñen doutros ou de antes. Xa o temos visto noutras actuacións.

Non nos preocupa quen se atribúa os méritos. Preocúpanos que as boas propostas saian adiante e melloren a vida dos rianxeiros e rianxeiras.

2 fontes, como outras moitas, coa súa historia, pero co mesmo fin para a veciñanza. Rianxo tamén se mide por como coidam...
27/08/2026

2 fontes, como outras moitas, coa súa historia, pero co mesmo fin para a veciñanza.

Rianxo tamén se mide por como coidamos o que temos, e cada vez temos a sensación que vivimos nun pobo pouco coidado. E que se deixa para mañan moitas cousas de hoxe.

As fontes municipais son un recurso importante para moitas familias, especialmente no verán e en momentos de escaseza de auga.

En 2024, tras o episodio de Rianxiño, xa propuxemos controlar, analizar e manter as fontes e informar á veciñanza.

Agora volvemos pedilo.

✅ Inventario actualizado
✅ Analíticas conforme á normativa
✅ Limpeza e mantemento
✅ Sinalización das fontes Aptas e non aptas en base a lexislacion vixente.
✅ Información á veciñanza
✅ Resposta ás demandas veciñais

E hai algo máis que tamén debemos cambiar: hai veciñanza esperando desde hai 8 meses por unha reunión que non chega. É para falar da ausencia de auga na súa vivenda.😔

Non pedimos nada extraordinario.

A normativa permite actuar. Dí como facelo. Non é difícil. É vontade.

Porque Rianxo precisa un Concello máis presente, máis coidado e máis próximo.

Iso é o que debemos cambiar.

Dirección

Rúa De Abaixo
Rianjo
15920

Página web

,

Notificaciones

Sé el primero en enterarse y déjanos enviarle un correo electrónico cuando Oscar Rial. PSdG Rianxo publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Empresa

Enviar un mensaje a Oscar Rial. PSdG Rianxo:

Atajos

Compartir