Oscar Rial. PSdG Rianxo

29/05/2026

Onte tomou posesión como concelleiro do Grupo Socialista Alberto Suárez Pimentel, Pimen.
Dámoslle a benvida a esta pequena gran familia política que é o socialismo de Rianxo, confiando en que a súa incorporación contribúa a seguir fortalecendo o noso traballo a prol da veciñanza.

28/05/2026

De cando en vez, unha xuntanza sempre é boa. Neste caso fomos a Cambados, a compartir mesa co Alcalde, Samuel, e dous compañeiros que temos en común.
Non todo é política. Ainda que sempre acabamos falando dela. 😅

Grazas polo convite.

27/05/2026

É época de que a herba medre, e todos entendemos que non se pode estar en todos os sitios ao mesmo tempo. Pero ningunha pista debería converterse nun carreiro.
Por desgraza, esta situación repítese en moitos puntos de Rianxo e das parroquias.
As limpezas deben priorizar ós veciños e veciñas. Que pase un tractor, non é a forma de limpeza que todos recordamos.
E é certo, todos pensamos nesa época dun Rianxo máis limpo e máis coidado. Porque cando se prioriza o privado e se descoida o público, o que é de todos acaba abandonado.
Eu sigo defendendo un Concello máis planificado, máis xusto e máis conectado coa realidade das parroquias, e eso é o que facemos cando as visitamos.

25/05/2026

Compartimos reflexións e conversacións.
Compartindo ideas e compromiso.

Creo nunha comarca forte e unida. Porque debemos compartir camiño. E o camiño hai que construilo.

25/05/2026

Unha boa noticia para a nosa comarca.

🛣️ Paso histórico para a titularidade da AP-9.

Os socialistas lideramos un acordo para transferir a autoestrada a Galicia fronte aos anos de bloqueo do PP.

O obxectivo final segue sendo o mesmo: a gratuidade. Que a AP-9 deixe de ser un negocio e non lle custe nin un euro máis ás e os galegos.

25/05/2026

A tormenta de onte deixou imaxes espectaculares, onde se puido apreciar con forza a carga eléctrica do ceo sobre Rianxo. Un fenómeno impresionante que, esperemos, non provocara danos relevantes á veciñanza.
Iso si, tamén serve para lembrar unha realidade preocupante: despois de ano e medio, aínda existen puntos do municipio sen servizo de luminarias, unha situación que segue sen resolverse e que require respostas. Sería interesante saber os datos da auditoría feita.

24/05/2026

Disfrutamos xunto coa veciñanza e integrantes da asociación Setefogas deste emotivo acto.

Por moitos anos máis vendo ás dornas navegar por Rianxo.🤗

22/05/2026

Un día moi triste.

Envío, enviamos este abrazo dende a proximidade e dende o corazón. Sabemos que estades a atravesar uns momentos moi duros e difíciles.

Por moi escuro que poida parecer agora o camiño, non perdades nunca ese sorriso nin esa forma de ser tan vosa, que sempre foi quen de transmitir forza a todas e todos nos momentos máis difíciles.

Unha aperta inmensa para toda a familia Seijas, e permitídeme unha mención especial e un agarimo dobre para María Jesús e Vanesa.

Síntoo moito. Sentímolo de corazón.

21/05/2026

Ás veces, para avanzar, hai que recoñecer erros, aprender e volver empezar: autocrítica, traballo e ilusión. Seguimos camiñando, con máis experiencia, máis escoita e as mesmas ganas de mellorar o noso pobo. 🌊❤️ 🎶 “A verdadeira felicidade está nas pequenas cousas… e en saber cara onde queres ir.”

19/05/2026

O último informe publicado evidencia que a suba dos alugueiros xa non é un fenómeno exclusivo das cidades galegas, senón que tamén afecta a unha vintena de vilas e concellos medianos.

Esta realidade confirma o que vimos advertindo: a crise da vivenda está chegando tamén ao rural e ás vilas, dificultando a emancipación da mocidade e a fixación de poboación.

Rianxo non é alleo a esta dinámica. Trátase dun problema que xa non é só urbanístico, senón tamén político e de modelo de concello, que require unha resposta conxunta e planificada.

Por iso, desde o PSdeG de Rianxo solicitaremos ao Concello a convocatoria dunha reunión de voceiros para abordar esta situación e definir, entre todos os grupos, unha estratexia municipal común que permita anticiparse ao problema e adoptar medidas eficaces.

Enlace á noticia de praza.gal

https://bit.ly/4wK4lLw

17/05/2026

Dende o Mar de Rianxo. Bo día das Letras Galegas.

Sempre en Galego.💪