¿Cuál es el sitio web?

Segredos de Pantón

Inicio
España
Pantón, Galicia
Segredos de Pantón

Cómo llegar Página web Contactar con la empresa

Esta páxina pretende ser un medio para a divulgación dos segredos que ten o concello lugués de Pantón, dende un punto de vista diferente e orixinal.

23/10/2026

Os contos de Santos

Este ano traémosvos unha novidade. Dende mañá, 24 de outubro, ata o vindeiro 21 de novembro mandaremos tódolos sábados, por correo electrónico unhas historias propias desta época do ano.

Se queredes recibir este tremendo agasallo só tendes que escribirnos por privado ás redes socias, ou ao corre-e ([email protected]) ou ao noso WhatsApp (662 669 223).

Así vola faremos chegar!

22/10/2026

XOVES AMBIENTAL ❗

Debaixo das carballeiras, entre as follas pardas caídas no chan, onde malvive a humidade deste ano seco, pasean estes coloridos exemplares de píntega (Salamandra salamandra).

Corpo negro chiscado de manchas amarelas, percorrido por glándulas mucosas que segregan toxinas para se defenderen dos depredadores.

Ai, coitadiñas delas, de hábitos nocturnos, nos desprazamentos baixo a choiva cando infraestruturas viarias atravesan o seu camiño

16/10/2026

A Casa so Casebio

Aló arriba no alto onda a estrada por entre a vexetación podemos ver esta ben fermosa edificación. Segundo a inscrición da porta data de 1767.

Por riba da portada de entrada vemos en cada lado podemos ver unhas pedras armeiras. Destaca especialmente o escudo dos Pardo-Osorio.

Un ben fermoso lugar cheo de historia e coma ben dicían daquelas con "fidalgos notorios de sangue".

11/10/2026

Nestes días que comeza o outono non podemos máis que recomendarvos achegarvos aos carreiros e congostras e desfrutar da natureza.

Que ben seguro que levaredes algunha sorpresa e pasarédelo xenial, así que a botarse ao monte, cavacepas!

09/10/2026

Esta semana fixemos 10 anos.

Toca agradecer a tódalas persoas que fixeron, fan e farán posible esta nosa asociación cultural. Estamos ledas de compartir tempo, historias, tradicións e loita polo noso concello. É un luxo, así que mil grazas por todo!

E agora unhas cousiñas especiais polo noso 10º aniversario:

- Sabemos que en 1943 saiu unha comparsa de Xigantes e Cabezudos pola vila dos Peares. E que en 1978 polo Castro de Ferreira tamén sairía outra.

- Pola festa do Regueiro (Pombeiro) era costume facer o baile das cintas.

- En Pantón houbo 5 teleclubs: O Barrio, Mañente, Serode, Tribás e Vilamelle.

- No Torrón naceu un antigo Ministro de Facenda e Economía do estado español, Francisco Méndez Jaspe.

- Na Idade Media en Pantón, houbo a denominada Revolta dos Bodos, ao querer subir de valor unha renda que tiñan que pagar.

E de agasallo final unha imaxe da cova-templo do Cotillón.

08/10/2026

XOVES AMBIENTAL ❗

Alí onde o festival Xurés Son (Lobios) se funde co eco da propia natureza, atopamos varios exemplares de pereiras bravas "Pyrus cordata" entre outras árbores autóctonas. Hei de decir, tamén, entre especies invasoras como o Eucalipto.

Alguén ten algunha fichada preto da súa casa ou camiño habitual do noso concello?

07/10/2026

Un bo estudante e un apelido

En Galicia existe un apelido, Sancosmed, que tan só levan 182 persoas. Nós temos o nome de lugar San Cosmede dos que só existen 5 no país, e un no noso concello, en Pantón. É por tanto, un patronímico.

Sabemos que en 1936, un estudante, Javier Prado Sancosmed, estaba a cursar o bacharelato en Monforte, para ledicia de todos sacou boas notas tan boas que saiu no xornal por iso sabemos del. E este pequeno, daquelas, era de Pantón.

Agora soñemos que parte dos Sancosmed, quedaría mellor Sancosmede, veñan da cativa aldea encol do río Sil.

Así que xa saben este lugar de entre Pombeiro e Frontón aínda non dixo a súa última palabra nin apelido...

Imaxe de San Cosmede dende Os Penedos da Moura.

04/10/2026

Hoxe rematamos a semana cunhas imaxes das antigas pinturas murais de Santo Estevo do Mato.

Outra xoia que ben merece ser recuperada e restaurada, vós que opinades?

O que si son ben fermosas!

02/10/2026

Ao mellor nunca vos preguntastes a onde levaba o viaduto que pasa por riba da 120, á altura de Freán (Parroquia de Santo Estevo de Atán)

Hai uns días por vez primeira, achegámonos ata alí e ver que agochaba.

Leva ata a aldea de Vilamirón, xa tedes a dúbida resolta. Que sabemos ben que máis dunha persoa andaba sen durmir por tal incógnita ;)😅

29/09/2026

O Castro de Vilamirón

Moitas veces non apreciamos ben os castros. Mais se imos polos sendeiros adecuados pódense ver en todo o seu esplendor.

Desta volta achegámonos aos pés do castro de Vilamirón, na parroquia de Pombeiro. Subimos dende Freán ata a parte baixa dende este antigo asentamento.

Ollade ben este outeiro, segundo a descrición de Ramón Castro López, este castro tivo un foso, un muro circundante de 1 metro de ancho de terra e pedra. No recinto central tiña un diámetro de 90 metros.

Dirección

Pantón
27430

Página web

https://segredosdepanton.wixsite.com/panton

Notificaciones

Sea el primero en enterarse: le enviaremos un correo electrónico cuando Segredos de Pantón publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Contactar Con La Empresa

Enviar un mensaje a Segredos de Pantón:

¿Quieres que tu empresa aparezca en primer lugar en la categoría servicio de equipos en Pantón?