Ardora Comunicación

Casa
España
Brion
Ardora Comunicación

Ardora Comunicación é unha axencia de comunicación, marketing i eventos que idea, desenvolve e xestiona proxectos para entidades públicas e privadas.

Ardora Comunicación SL es una empresa especializada en organización de eventos, márketing y comunicación. Fue creada en 2008 por un grupo de profesionales con más de 15 años de experiencia en comunicación y gestión. Esto supone un amplio conocimiento de las diversas problemáticas y enfoques, que enriquece y aumenta la eficacia de nuestras soluciones y propuestas. Contamos con un equipo de profesio

nales especializados en Organización, Márketing y Comunicación, entre otras disciplinas, con experiencia en una amplia variedad de sectores de actividad.

09/09/2026

✨ Hai eventos que comezan moito antes de abrir as portas.

En Ardora Comunicación levamos varios anos formando parte da organización da Semana Internacional Contract Galicia, unha iniciativa do Igape - Instituto Galego de Promoción Económica - que impulsa a internacionalización do tecido empresarial galego e a apertura a novos mercados. 🌍

🤝 A cita conecta empresas galegas vinculadas ao hábitat e ao canal contract con profesionais e prescritores internacionais, co obxectivo de favorecer relacións comerciais e novas vías de colaboración. Ao longo de varios días, o programa combina visitas, relatorios e reunións B2B.

📋 O noso labor comeza meses antes e abrangue todo o necesario para poñer en marcha cada edición: formularios e inscricións, elaboración e seguimento de axendas, contacto coas persoas participantes, coordinación con relatores e firmas galegas, xestión de viaxes, voos, traslados e aloxamento, catering, loxística e asistencia durante as xornadas, entre outras tarefas.

📸 Recuperamos algunhas imaxes da XV edición, celebrada en 2025, coa xornada central no Hotel Boutique NOA, en Santa Cruz (Oleiros), que reuniu representantes do tecido empresarial galego e participantes procedentes de distintos mercados.

💡 Detrás de cada visita, reunión ou xornada hai meses de planificación e moitas pezas que deben encaixar. En Ardora encargámonos de que todo funcione.

🔎 Podes coñecer máis sobre a Semana Internacional Contract Galicia e o sector contract na web do .

01/09/2026

💧 En 2025, TUREMBALSES foi un dos proxectos que nos permitiu achegarnos a diferentes puntos do Estado español.

Turismo de Embalses de España (TUREMBALSES) é unha iniciativa que busca poñer en valor os encoros e a súa contorna como destinos turísticos, dando visibilidade aos seus recursos naturais, patrimoniais e culturais.

Nela participaron Femembalses, as deputacións de Lugo, Cáceres e Badajoz, ADI Sierra Oeste de Madrid, a Mancomunidad de Servicios del Valle Norte del Lozoya e Tierras de Iranzu.

🔴 En Ardora Comunicación fomos a empresa adxudicataria da produción dos folletos dixitais de TUREMBALSES, nun proceso coordinado de principio a fin coa área de Turismo da Deputación Provincial de Lugo.

O traballo comezou con reunións coas entidades participantes para coñecer as súas prioridades e os recursos que querían destacar. A partir de aí, investigamos as posibilidades turísticas de cada destino, definimos os contidos e redactamos os textos. Despois chegaron o deseño e a maquetación, as revisións con cada equipo e as traducións.

🌍 Creamos publicacións específicas para Lugo, Cáceres, Badajoz, Sierra Norte de Madrid, Sierra Oeste de Madrid e Tierras de Iranzu, en castelán e inglés, ademais das correspondentes versións en galego e eúscaro. A colección completouse cun folleto xeral en castelán, inglés, portugués, alemán e francés.

Un traballo de investigación, redacción, coordinación, deseño, maquetación e tradución co reto de construír unha identidade compartida e, ao mesmo tempo, respectar as particularidades de cada destino.

🩶 Grazas a todas as persoas e entidades implicadas polo esforzo, a coordinación e o traballo compartido para facelo posible.

29/08/2026

🔴 Organización, produción e coordinación de eventos: outra das facetas do traballo que desenvolvemos en Ardora Comunicación.

Recuperamos un dos proxectos realizados para a Deputación de Pontevedra: os encontros de presentación e balance do Plan Provincia Extraordinaria, o .

Unha iniciativa provincial dirixida a apoiar os concellos de menos de 50.000 habitantes na realización de investimentos estratéxicos e transformadores, vinculados, entre outros ámbitos, á creación e mellora de infraestruturas e espazos públicos.

📍 Moraña, O Porriño, A Guarda, Cangas do Morrazo, Mondariz, Vilagarcía de Arousa, Ponte Caldelas e Lalín foron as oito paradas dun traballo que nos levou por diferentes puntos da provincia.

Desde Ardora ocupámonos da planificación e produción de cada cita, a preparación dos espazos, a montaxe das carpas, a impresión e instalación das traseiras, a loxística, a procura e coordinación da persoa encargada de conducir os actos e o seguimento das necesidades que foron xurdindo.

Nalgunha ocasión tamén nos tocou cambiar de papel, poñernos diante do público e conducir a presentación 🎤😉.

Unha parte do noso traballo que non sempre se ve, pero que implica estar pendentes de moitos detalles para poñer en marcha un evento destas características.

Seguimos amosando virtualmente outro dos proxectos e traballos que pasan polas mans de Ardora e o seu equipo.

19/08/2026

📰 Gabinete de prensa: comunicación institucional con mirada xornalística

En Ardora Comunicación desenvolvemos o servizo de gabinete de prensa e comunicación institucional do Concello da Pobra do Caramiñal. É unha das vertentes que máis nos gustan da nosa profesión porque nos leva directamente ao xornalismo e ao contacto diario coa actualidade.

Coñecer o que acontece nas diferentes áreas municipais é o punto de partida. A partir de aí toca detectar feitos noticiables, recompilar e contrastar datos, buscar o enfoque axeitado, contextualizar e converter todo ese material en contidos claros, rigorosos e de interese público.

O gabinete abrangue a redacción e o envío de notas de prensa e convocatorias, a cobertura de actos, roldas de prensa e actividade institucional, a coordinación de entrevistas e declaracións ou a atención ás peticións dos medios. A interlocución coas redaccións locais, comarcais e autonómicas forma parte dese día a día.

Tamén nos ocupamos das canles propias do Concello, coa actualización da web municipal e a xestión dos contidos en redes sociais. Cada soporte require a súa linguaxe, o seu formato e o seu ritmo, pero todos deben responder a unha mesma liña comunicativa.

Non falamos dun servizo estanco nin dunha relación pechada de funcións. Estamos pendentes do que o Concello e cada unha das súas áreas precisan en cada momento. Preparar unha convocatoria, dar saída con axilidade a unha información, cubrir un acto, organizar materiais, responder ás consultas dos medios ou afrontar necesidades que xorden sobre a marcha son tamén parte da realidade dun gabinete.

Para que esa dinámica funcione, a coordinación é fundamental. Queremos agradecer ao Concello da Pobra do Caramiñal a confianza depositada en Ardora e recoñecer especialmente a implicación das persoas das distintas áreas municipais. Achegar información, material gráfico e documentación, contrastar datos, resolver dúbidas ou atender as nosas peticións é imprescindible para que cada contido chegue á cidadanía e aos medios co rigor necesario.

Detrás dunha nota de prensa, dunha nova na web ou dunha publicación nas redes hai moito que non se ve. Precisamente aí reside boa parte do valor dun gabinete: saber que contar, como facelo, a través de que canle e en que momento.

En Ardora entendemos a comunicación institucional como un exercicio de información, transparencia e servizo á cidadanía. Apostamos por unha comunicación responsable, inclusiva e accesible, capaz de explicar a actividade pública e de achegar a Administración á veciñanza.

Seguimos facendo xornalismo tamén desde aquí: informando con rigor e comunicando con responsabilidade. 🗞️

16/08/2026

🟣 Igualdade, dinamización e coordinación nos Rías Baixas Fest

Este verán, en Ardora Comunicación traballamos coa Deputación de Pontevedra no desenvolvemento da súa campaña de igualdade nos Rías Baixas Fest 2026, encargándonos da asistencia técnica, da dinamización e da coordinación do proxecto.

Baixo os lemas «Compracer nunca. Con pracer sempre» e «Non a líes. Alíate!», a iniciativa busca sensibilizar e previr as violencias machistas nos espazos de lecer, promovendo o respecto, o consentimento e a identificación e prevención de calquera tipo de agresión.

A campaña percorre cinco festivais entre xullo e setembro. O noso labor abrangue a coordinación do equipo profesional, a loxística e a montaxe, a comunicación coas entidades organizadoras e a dinamización dos Puntos Violeta.

Estes espazos están atendidos por persoal especializado e con formación específica en igualdade e prevención das violencias machistas, encargado de informar, sensibilizar, resolver dúbidas e achegar recursos ás persoas asistentes.

💡 Para favorecer unha participación máis activa, ideamos o Semáforo «Onde está o límite?», unha dinámica que convida a valorar situacións que poden darse en contextos festivos e situalas en tres categorías: respecto, alerta ou violencia sexual. A partir das respostas ábrese unha pequena conversa sobre consentimento, límites persoais, condutas de risco e prevención.

A información e a sensibilización acompáñanse da distribución de guías e material da campaña, como sombreiros, pulseiras, lentes de sol, abanos ou estoxos. A súa entrega convértese tamén nunha oportunidade para explicar as mensaxes da iniciativa e achegar información ao público.

O traballo continúa despois de cada festival coa elaboración dunha memoria de seguimento e avaliación, na que recollemos o desenvolvemento da intervención, a participación e os resultados desde unha perspectiva de xénero, ademais de formular propostas de mellora para vindeiras edicións.

Xa queda pouco para completar o percorrido polos Rías Baixas Fest 2026. Un proxecto no que conflúen igualdade, sensibilización, coordinación, dinamización e produción para contribuír a crear espazos festivos máis seguros, respectuosos, igualitarios e libres de violencias machistas. ☂️

13/08/2026

🇪🇺 40 anos en Europa: unha historia contada a través dos proxectos galegos

A exposición itinerante promovida pola Xunta de Galicia, a través da Consellería de Facenda e Administración Pública, conmemora o 40º aniversario da entrada na Unión Europea cun percorrido por actuacións desenvolvidas en Galicia grazas aos fondos europeos.

Estes días, a mostra fai parada en Ribeira, con 20 paneis divulgativos que recollen diferentes proxectos e permiten coñecer, a través de exemplos concretos, a pegada destes fondos no territorio.

Desde Ardora Comunicación participamos no desenvolvemento da iniciativa ocupándonos do deseño, maquetación e impresión dos paneis, así como da loxística e coordinación da itinerancia por diferentes localidades galegas.

📍 A mostra continúa o seu percorrido por Galicia: estes días pode visitarse en Ribeira e, proximamente, chegará a Lugo.

Un proxecto que nos permite percorrer Galicia dando visibilidade a iniciativas que forman parte da súa evolución. 🧡

📰 Máis información en O Barbanza.

12/08/2026

🔴 🩶 🟠 Ardora estrea Instagram.

Despois de 18 anos de traxectoria, abrimos unha nova canle para dar a coñecer máis de preto o noso traballo, compartir os proxectos que desenvolvemos e recuperar algúns dos que forman parte do noso percorrido. Na primeira publicación contámosvos un pouco máis sobre Ardora.

Agardámosvos por alí! 👇

19/07/2026

Non adoitamos estar moi presentes por aquí… e iso ten unha boa explicación. 😉

Mentres as nosas redes estaban algo máis tranquilas, nós seguiamos traballando no que máis nos gusta.

🌊 Organizamos para COFANO unha xornada de convivencia e iniciación ao mergullo en Cangas, que rematou cun encontro na Taberna Aldán.

💜 Formamos parte do dispositivo do Punto Violeta no marco da campaña da Deputación de Pontevedra durante o Atlantic Fest, contribuíndo á creación de espazos de lecer máis seguros e igualitarios.

🇪🇺 Coordinamos para a Consellería de Facenda a exposición sobre os fondos europeos en Ferrol.

🏛️ E, como cada día, seguimos ao carón do Concello da Pobra do Caramiñal, achegando á cidadanía a actualidade municipal a través da comunicación institucional.

Cada iniciativa é diferente, pero todas teñen algo en común: planificación, organización, coordinación, creatividade e moitas horas de dedicación para que todo saia adiante.

📩 Se queres coñecer mellor o que facemos ou descubrir como podemos axudar á túa empresa, entidade ou institución, ponte en contacto con nós. Estaremos encantadas de falar contigo.

26/06/2026

📍 Hoxe botamos a andar en Arteixo!

Arranca a exposición itinerante “40 anos de Fondos Europeos en Galicia”, unha iniciativa da Xunta de Galicia que percorrerá diferentes concellos para dar a coñecer o papel que os fondos europeos tiveron na transformación e no progreso da nosa comunidade.

Desde Ardora Comunicación asumimos a coordinación e produción desta mostra, composta por 16 paneis divulgativos que achegan á cidadanía a historia dos fondos europeos, as súas diferentes liñas de financiamento e o impacto dos proxectos desenvolvidos en Galicia.

Moi felices de formar parte dun proxecto que achega Europa á sociedade galega. 💙

20/05/2026

🤝 En Ardora Comunicación estamos moi ilusionadas de asumir o servizo de publicidade e comunicación institucional (gabinete de prensa) do Concello da Pobra do Caramiñal.

Este novo proxecto supón para nós a oportunidade de continuar desenvolvendo unha comunicación pública próxima, rigorosa e conectada coa realidade social, cultural e institucional da vila, contribuíndo á difusión da actividade municipal e á posta en valor do territorio.

Afrontamos esta etapa con responsabilidade, compromiso e as ganas de seguir construíndo unha comunicación útil, accesible e ao servizo da veciñanza.

Visita as súas redes, novas e web 🙃😬

Dirección

Urbanización Hortensia, 4 Os Ánxeles
Brion
15.865

Página web

https://ardora.info/

Notificaciones

Sé el primero en enterarse y déjanos enviarle un correo electrónico cuando Ardora Comunicación publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Empresa

Enviar un mensaje a Ardora Comunicación:

¿Quieres que tu empresa sea el Servicio De Equipos mas cotizado en Brion?