19/05/2026
سمعت قبل كدة عن Under Reinforced Concrete و Over Reinforced Section
طب الأول إيه هو ال Reinforced Concrete ؟
هي ببساطة عبارة عن خرسانة + حديد تسليح.
وهو ليه أصلا بنحط حديد تسليح للخرسانة ؟
لأن الخرسانة قوية جدًا في الضغط " Compression "
لكن ضعيفة جدًا في الـشد " Tension "
يعني لو شديتها بتتشرخ بسرعة ..
عشان كده بنضيف حديد التسليح لأن الحديد ممتاز في مقاومة الشد.
السؤال هنا بقى لما القطاع يوصل لأقصى حمل مين فيهم هيفشل الأول .. الخرسانة ولا الحديد ؟
هنا بيظهر الفرق بين:
🔹 Under Reinforced Section
🔹 Over Reinforced Section
----------------------------
✅ Under Reinforced Section
وده القطاع اللي:
الحديد فيه بيوصل لـ Yield الأول قبل ما الخرسانة تتكسر.
يعني إيه الكلام ده؟
يعني قبل الانهيار:
- الحديد بيبدأ يتمدد
- الشروخ بتزيد تدريجي
- الـ Deflection يكبر
- العنصر يدي Warning واضح
وده شيء ممتاز جدًا إنشائيًا لأن المبنى بيديك فرصة تلاحظ المشكلة قبل الانهيار.
📌 النوع ده اسمه:
Ductile Failure
يعني انهيار مرن وتدريجي مش مفاجئ.
وعشان كده الأكواد دايمًا بتفضل الـ Under Reinforced Sections خصوصًا في الزلازل 🌍
❌ Over Reinforced Section
هنا بقى المشكلة الخطيرة.
القطاع بيكون فيه حديد كتير جدًا لدرجة إن الخرسانة نفسها بتتكسر الأول
قبل ما الحديد يوصل Yield..
بمعنى إن الحديد لسه مستفدناش منه بالكامل لكن الخرسانة انهارت فجأة.
📌 وده أخطر نوع Failure.
لأن الخرسانة مادة Brittle أصلًا يعني لما تفشل بتفشل فجأة تقريبًا.
من غير Warning كافي
---------------------------------
⚠️ معلومة خطيرة جدا بقى في الموضوع:
ناس كتير فاكرة إن:
“كل ما الحديد يزيد يبقى أأمن”
وده غلط جدًا.
لأن زيادة الحديد بشكل مبالغ فيه ممكن تحوّل القطاع من:
Ductile Failure
إلى
Brittle Failure
وده أسوأ بكتير طبعا.
عشان كدة الهدف مش إننا نحط حديد أكتر
لكن الهدف الحقيقي هو إن القطاع ينهار بطريقة آمنة لو حصل Failure.
