قطع غيار سيارات ميتسوبيشي ـ مع خدمة التوصيل للمنازل

13/08/2026

#شهداء لقمه العيش حادث طريق الاسماعيليه الدواويس
ماتوا عشان خاطر ١٠٠ جنيه يوميه 😥
١٠٠ جنيه يا عالم😥
١٨ بنى آدم ماتو منهم الاطفال والشباب والبنات و سته أخوات من أسره وحده كل همهم فى الحياه أنهم يسترو بيوتهم وال منهم يوفر مصاريف دخول مدرسته ليه عشان عندنا وزير تعليم قرر يخليها بزنس وان الفقير ميعرفش يتعلم فى وسط الغلاء المعيشي ، وال منهم بنت ١٢ سنه
نازله للشقى عشان وهى راجعه نفسها تأكل مانجه ولا الام ال ٦ من أولادها فى الحادثه كلهم ماتوا وهى فاكره أنه واحد بس لان خايفين يعرفوها ،
#انتم السبب حسبى الله ونعم الوكيل فى كل مسئول موفرش
لينا حياه كريمه نعرف منها نعيش ونتعلم ونمشى على
طرق محترمه ويوفرو مواصلات عليها القيمه بدل الربع
النقل ال كانت شايله اكتر من ٣٠ فرد
نعلم أن الموت علينا حق ونعلم أن لكل موته سبب
وانتم السبب
#عملتو ايه للغلابه غير رفع الأسعار والكهرباء وغير
فى ناس مش لاقيه العيش الحاف يأكله
الظلم والفوضى هما الواقع ال عايشين فيه
فين الامن والعداله فين الرحمه هما فين
يا وجع القلب ، حسبى الله ونعم الوكيل
بقلم / نهى حسنى

13/08/2026

الغدر يأتى من جلس معك وأكل من خبزك
قصه ( جريمه التجمع )
ال حصل مكنش جريمه دا كان موت الأمان
للأسف مش كل حد بيحبك هيتمنى لك الخير أو هيفرحلك فى ناس ممكن الطمع والحسد والغل ال جواهم يتغيرو
معاك
الداخلية أعلنت القبض على المتهم في واقعة مقتل أسرة التجمع الخامس، بعد ساعات من انتشار تفاصيل الجريمة على مواقع التواصل الاجتماعي.
الواقعة بدأت لما تم الإبلاغ عن اختفاء صاحب مطبعة وعدم القدرة على التواصل معاه، وبالفحص والتحريات، عثرت الأجهزة الأمنية على سيارته وبها آثار دماء وأعيرة نارية، كما تم العثور على جثمان زوجته وابنتيه داخل سيارة الزوجة بالقرب من محل إقامتهم.
وبحسب اعترافات المتهم، كان عارف إن المجني عليه بيحتفظ بمبالغ مالية وسبائك ذهبية داخل منزله، ومع مروره بضائقة مالية قرر التخلص منه وسرقته، فاستدرجه بسيارته وأطلق عليه عيارًا ناريًا، وبعد ما تأكد من وفاته استولى على مفاتيح المنزل وتخلص من جثمانه بإلقائه خلف حاجز خرساني بطريق العين السخنة.

لكن الجريمة ماوقفتش هنا..
المتهم رجع لمحل إقامة الأسرة، وتواصل مع الزوجة وأوهمها إن زوجها تعرض لحادث سير وإنه تم نقله للمستشفى، فاستقلت سيارتها برفقته هي وابنتيها، ليقوم بعدها بإطلاق أعيرة نارية تجاههم بالطريق، ما أسفر عن وفاتهم جميعًا.
وبعدها عاد بالسيارة إلى محيط منزل الأسرة، وتركها وبداخلها جثامين الضحايا، ووضع غطاء عليها، ثم حاول الدخول إلى منزل المجني عليه لسرقته، لكنه فوجئ بوجود حارس العقار، فلم يتمكن من الدخول.
واللي خلي الجريمة دي أصعب وأوجع إن أسامة ماكانش مجرد شخص يعرف المتهم.. ده كان بيساعده ماديًا ووقف جنبه أكتر من مرة، وكان بيمد له إيده وقت ما كان محتاج لكن المتهم، بحسب ما ذكرته أسرة أسامة، ماكانش شايف كل ده كفاية.. كان عاوز أكتر، وطمعه زاد لحد ما المساعدة اللي كان بياخدها دي مش كفاية وتحولت في دماغه لغاية شيطانية لازم يحصل عليها بأي طريقة
وفي النهاية،

احذر عدوك مرة وصديقك ألف مرة

22/07/2026