MRICS for Cost Control and Commercial engineer

03/01/2026

بعض المصطلحات اللي سمعتها من الجماعة الانجليز في مشاريع البحر الاحمر في المملكه
Back Charge
ده مش خصم عشوائي ده إجراء تعاقدي رسمي يعني مقاول تسبب في خطأ او تأخير فانت صرفت فلوس عشان تصلحه فتقوم محمل التكلفة دي عليه بوثائق زي تقارير موقع وصور ومحاضر عشان ما تتحولش لمشكلة قانونية
Outstanding Items
دي بنود لسه ما خلصتش تنفيذ او خلصت بس لسه ما اتقفلتش ماليا زي شغل اتعمل ولسه ما اتحسبش او فلوس لسه ما اتدفعتش وبتفضل معلقة في التقارير
Suspense Account
ده حساب مؤقت نحط فيه تكلفة مش معروف تتشال على انهي بند لحد ما الموضوع يتوضح المشكلة انه لو اتساب فترة طويلة بيخبي مشاكل وبيطلع المشروع شكله احسن من الحقيقة
Committed Cost
دي فلوس انت ملتزم بيها بعقود و PO حتى لو لسه ما دفعتهاش ولو ما حسبتهاش المشروع يبان رخيص لكن في الحقيقة جاي له صرف مؤكد
Accrual
تكلفة حصلت فعلا زي شغل اتنفذ او خدمة اتقدمت بس الفاتورة لسه ما وصلتش فلازم تتحسب عشان التقرير يعكس الواقع مش الورق
Cost Reclassification
تصحيح تحميل تكلفة اتحطت على بند غلط يعني فلوس اتحملت على بند مش مكانها فبتنقلها للبند الصح مع توثيق عشان ما يتفهمش انها تلاعب
Clearing Cost
دي تسوية تكاليف قديمة ومعلقة زي ساسبنس او فروقات بتتقفل غالبا في اخر المشروع وبتطلع مفاجأة لو ما اتتابعتش بدري
Cost Trend
ده مش رقم ثابت ده قراءة اتجاه الصرف لو ماشي طبيعي ولا بيزيد عن الخطة ولو الاتجاه طالع وانت ساكت المشكلة هتظهر متأخر
Scope Gap
ده اخطر وضع لما يبقى في شغل اتنفذ بس مش واضح في العقد مين مسؤول عنه فلو ما اتقفلتش بدري غالبا الشركة هي اللي بتدفع
Delta Cost
فرق تكلفة صغير نتيجة تغيير بسيط شكله مش مهم لكن لما يتكرر بيتراكم ويقلب خسارة كبيرة
Cost Recovery
استرجاع فلوس اتصرفت فعلا بسبب خطأ طرف تاني وده محتاج مطالبات مدعمة بوثائق واثبات سبب مش مجرد طلب شفهي

01/01/2026

What MRICS Actually Changes on a Project

Following the response to my last post, a number of people asked a fair question:

“But what difference does MRICS really make day to day?”

In practice, I see it show up in very tangible ways:
• Better commercial judgement when things go wrong, not just when things go to plan
• Stronger contractual discipline under pressure
• Earlier identification of risk and the confidence to call it out
• A clearer understanding of the duty of care to the client, the project, and the profession

These are not things you pick up from templates, shortcuts, or online courses. They come from structured assessment, peer review, and real accountability.

That is why, when clients ask, “Why should I care if your team is chartered?”,

My answer is simple:

Because the cost of poor judgement is always higher than the cost of competence.

Interested to hear from others where you have seen professional standards make the biggest difference on a live project?

28/12/2025

12/09/2025

12/09/2025

فيه مجالات في الهندسة المدنية بتدي دخل أعلى من غيرها، وده بيرجع لندرة التخصص + حجم الطلب في السوق + فرص السفر.
ممكن أقلك أشهر وأقوى الحاجات اللي ممكن تتعلمها وتجيب فلوس وده من خلال البوستات بتوع فرص العمل وبتوع المهندسين الكبار في المهنة.
هرتبهم من وجهة النظر اللي شايفها سائدة:-

1️⃣ إدارة المشروعات (Project Management & Planning)
برامج: Primavera – MS Project.
الطلب عالي جدًا في الخليج وأوروبا.
بتتحول من مجرد “مهندس موقع” لـ “مدير مشروع”.
الشهادات القوية: PMP – PRINCE2.

2️⃣ التصميم الإنشائي & BIM
برامج: Revit – ETABS – SAFE – Tekla.
الـ BIM مطلوب جدًا وبيفتح فرص مع مكاتب استشارية وشركات كبرى.
لو دخلت في BIM Management مرتبك بيتضاعف.

3️⃣ الهندسة القيمية و الـ Claims
التخصص ده بيركز على حساب المطالبات والتعويضات في العقود.
مطلوب في المشاريع الكبرى (طرق – مطارات – أنفاق).
أي كورس FIDIC + Claims Management بيرفع مرتبك جدًا.

4️⃣ شبكات البنية التحتية (مياه – صرف – طرق – صرف مطري)
شغل دايم في الخليج والسعودية.
أهم البرامج:
Civil 3D – SewerCAD – WaterCAD – StormCAD.
مطلوب في المكاتب الاستشارية والمقاولين الكبار.

5️⃣ الـ QS (حصر الكميات والتسعير)
شغل مكتبي + طلب عالي جدًا خاصة في الإمارات وقطر.
برامج:
Excel Advanced – CostX – Candy.
لو ضفت معاها معرفة بالكود المصري أو البريطاني أو السعودي تبقى ورقة رابحة.

6️⃣ السلامة والصحة المهنية (HSE)
شهادات زي NEBOSH – OSHA.
مهمة جدًا وبتجيب فلوس كويسة خاصة في البترول والغاز.

7️⃣ الخرسانة الخاصة ومواد البناء
اتقان اختبارات الخرسانة (QC/QA) + مواد متقدمة (Self Compacting Concrete – High Strength).
الشركات الكبرى بتدور على خبرة في ده.

04/09/2025

مؤشر الأداء المالي (CPI) (Cost Performance Index)

هو مقياس يستخدم لتقييم كفاءة استخدام التكاليف يتم حسابه كالتالي:

CPI = (EV) / (AC)

EV (Earned Value): القيمة المكتسبة من الأعمال المنجزة.
AC (Actual Cost): التكلفة الفعلية المصروفة على المشروع.

مناطق مؤشر الأداء المالي (CPI):

🟢 1. المنطقة الخضراء (Green Zone - CPI > 1):

🔅 High Efficiency (Under Budget)

🟢 التفسير: المشروع يُدار بكفاءة عالية، حيث يتم إنجاز الأعمال بتكلفة أقل من المخطط لها.
🟢 المزايا: تحقيق قيمة أكبر مقابل الإنفاق، مما يعكس كفاءة استخدام الموارد.
🟢 الإجراء: الاستمرار في مراقبة الأداء مع ضمان الحفاظ على الجودة.

🟡 2. المنطقة الصفراء (Yellow Zone - CPI ≈ 1):

🔅 Cost on Track (Optimal Balance)

🟡 التفسير: المشروع يسير وفق الميزانية المخططة، مما يعني توازنًا بين التكاليف والقيمة المكتسبة.
🟡 المزايا: المشروع ما زال ضمن نطاق الميزانية، مما يدل على تحكم جيد في التكاليف.
🟡 الإجراء: مراقبة الأداء بانتظام لضمان عدم حدوث أي تجاوزات مستقبلية.

🔴 3. المنطقة الحمراء (Red Zone - CPI < 1):

🔅 Over Buddget need (Corrective Actions)

🔴 التفسير: التكلفة الفعلية تتجاوز القيمة المكتسبة، مما يشير إلى أن المشروع يعاني من تجاوز في الميزانية.
🔴 المزايا: يشير إلى ضرورة اتخاذ إجراءات تصحيحية فورية لتجنب المزيد من الخسائر.
🔴 الإجراء: تنفيذ تعديلات فورية لخفض التكاليف أو تحسين كفاءة الإنجاز، مع مراجعة خطط العمل الحالية.

⚫️ 4. المنطقة الرمادية (Gray Zone - CPI ≈ 0):

🔅No Progress need (Comprehensive Review)

⚫ التفسير: تعني أن المشروع لم يحقق أي تقدم ذو قيمة مقارنة بالتكاليف المنفقة، مما قد يكون نتيجة لتوقف أو تأخير شديد.
⚫ المزايا: يكشف عن مشكلة رئيسية تحتاج إلى تدخل سريع.
⚫ الإجراء: مراجعة شاملة لاستراتيجية التنفيذ وتحديد العوائق الأساسية التي تمنع التقدم.

الاستنتاج:
🟢CPI > 1 → المشروع تحت الميزانية، كفاءة عالية.
🟡CPI ≈ 1 → المشروع ضمن الميزانية، أداء متزن.
🔴CPI < 1 → المشروع فوق الميزانية، يحتاج تصحيح.
⚫️CPI ≈ 0 → المشروع متعثر، يحتاج مراجعة شاملة.

ملحوظة: لا يمكن أن يكون CPI سالبًا، لأن كل من EV و AC قيم موجبة دائمًا. إذا كانت الخسائر كبيرة جدًا، فإن CPI سيكون قريبًا من الصفر وليس بالسالب.

-----
🔴 متنساش تعمل share علشان غيرك يستفيد
-----

04/09/2025

إزاي تمسك خيوط المشروع كله من شيت واحد بس؟

في عالم إدارة المشاريع، واحد من أهم التولز اللي ممكن تفرق معاك فعلًا هو "Tracking Sheet" أو شيت التتبع. كتير من المهندسين بيتجاهلوه، لكنه في الحقيقة يعتبر الصندوق الأسود للمشروع، واللي بيحكي كل اللي حصل من أول حفرك لحد آخر تشطيب في كل فيلا أو عنصر إنشائي.

✅ يعني إيه Tracking Sheet؟

هو ملف متابعة مركزي بتصممه بنفسك، ومش تابع لأي قسم تاني، الهدف منه هو إنك تتابع المشروع بالكامل وحدة بوحدة،لكل مبني و كمان بيسهل عليك صرف اي مواد او كميات للتنفيذ و بيسعدك كمان في معرفه التكليف المتوقعة عند الانتهاء للمشروع.
الشيت ده بيخليك تعرف كل حاجة حصلت في الموقع، وكأنك بتكتب قصة حياة كل منشأ عندك في المشروع.

🔍 استخدامات Tracking Sheet:

1. 💼 حصر كميات دقيق لكل وحدة:
من خلال تنظيم الشيت حسب مراحل العمل (حفر – قواعد – أعمدة – سقف...إلخ)، تقدر تطلع كميات التنفيذ الحقيقية لكل فيلا أو وحدة بشكل واضح ودقيق يخدمك في:

إعداد مستخلصات العميل.
تسهيل مراجعة الاستشاري.
في حاله وجود اكتر من من تصميم لنفس نموذج الفيلا .

2. 🧾 تفادي أخطاء مستخلصات المقاولين:
بتسجل الكميات ونسب التنفيذ لكل مقاول، وده يمنع تكرار الكميات أو زيادتها، خاصة لما يكون أكتر من مقاول شغالين في نفس البند.

3. 📊 استخراج الكميات بسهولة عند الحاجة:
لو فيلا حصل فيها خطأ أو محتاج تعمل مراجعة سريعة،
تقدر بكل سهولة تطلع كميات الحصر الخاصة بيها مباشرة من التراكنج شيت،
من غير ما تضيع وقت في تجميع أو حسابات من أول وجديد.

4. 🏗️ دعم قوي لقسم الجودة:
تقدر من خلاله تعرف حالة كل فيلا:

إيه اللي اتسلّم؟
إمتى؟
هل في ملاحظات؟
يعني عندك ملف تسليمات كامل جاهز لأي مراجعة فجائية من الاستشاري أو العميل.

🎻 من الآخر:
الشيت ده بيخليك المايسترو بتاع قسمك في المشروع،
شايف الصورة كاملة، ومتابع التنفيذ والكميات والتسليمات لحظة بلحظة،
وتقدر ترد على أي استفسار بثقة ومن غير ما تعتمد على أي مصدر خارجي.

📌 نصيحة هندسية:
لو لسه ما بدأتش تعمل Tracking Sheet للمشروع بتاعك، إبدأ من دلوقتي.
مش لازم يكون معقد، خليه بسيط ومنظم، ومع الوقت هتلاقيه بقى أقوى أداة بتساعدك تاخد قرارات سريعة ودقيقة.

04/09/2025

🔹 ليه مهندس الـ Commercial يعتبر جوكر أي مشروع؟

👷‍♂️ بيتعامل مع HR في سراكي العمالة.

🚜 بيتعامل مع قسم المعدات في سراكي المعدات ومتابعة إنتاجيتها.

📑 مع المقاولين في المستخلصات.

🏗️ مع المخازن في صرف الخامات ومتابعة استهلاكها.

📊 مع Planning & Cost Control في:

متابعة الـ Earned Value

متابعة الـ Actual Progress (لأنه ماسك مستخلص العميل + مستخلصات المقاولين).

📋 مسؤول عن الحصر، المطالبات، والـ Claims.

🧾 مع الجودة في اعتمادات الخامات وإدراجها كتوريدات.

🤝 مع Procurement في عقود الباطن.

🛒 مع Purchasing في توريدات المشروع.

📃 مع قسم العقود لمراجعة بنود التعاقد (أحيانًا).

📐 مع المساحة في كميات الحفر والردم للأعمال الترابية.

🦺 مع قسم السيفتي في صرف مهمات المقاولين ومتابعة خصومات السيفتي.