16/12/2025
ليه ما ينفعش نبني قبل ما نصب السقف نهائيا ؟؟ 🤔
- لان ببساطه تسلسل انتقال الاحمال فى المبنى بيكون كالاتى الحمل بينتقل من البلاطه الى الكمرات ثم الى الاعمدة ثم الى القواعد ثم الى التربة يبقي ليه يبنى الحوائط قبل صب السقف ونحمل اوزان خرسانات علي الحوائط 🤷♂️ وكمان المقاول لو لقي حوائط مبنية اصلا هيشتغلك معظم الكمرات بعرض الطوبه اللى هى اصلا ٨ سم او ٩ سم ودى مصييبه للاسف لان اقل عرض عملى للكمر الخرسانى هو ١٢ سم 🤷♂️
وكمان لو عملها وصب السقف على الحوائط لو حصل تعشيش فى قاع الكمر هتشوفه ازاى وتعالجه ازاى لان لو متعالجش هيفضل الحديد معرض للصدأ ❌️
دايما المقاول بيفضل بناء الحوائط اولا توفيرا لكمية الخشب
و المصنعيه 👌👍
انتبة .... الحوائط تستخدم فى المبانى الهيكلية لسد الفراغات وتقسيم الغرف فقط لا غير ... لذلك صب السقف اولا وقفل الحوائط بعد كده وليس العكس 👌
- لو قلقان ان يحصل فاصل افقى بين الحوائط والكمرات يبقي لازم وانت بتبنى الحوائط تنبه على الصنايعى يشحط اخر مدماك فى الحائط باسفين خشب مع الكمرة و الفاصل بين اخر مدماك والكمره تملاه كويس بالمونه ويفضل لا يزيد عن نص سم نهائيا
ولازم وانت بتمحر الحوائط تركب سلك شبك على الفواصل وانسي الشروخ ... يعنى من الاخر لا تبنى الحوائط قبل صب السقف نهائيا.
