https://www.facebook.com/111383754365413/

Architecture Knowledge - Mahmoud Hamdy, Misr el-Gedida (2026)

11/11/2025

😳 عايز تتعلّم تنفيذية… بس كاد ولا ريفيت؟
✅ عندنا هتتعلّم باستخدام البرنامجين وتطلع كل اللوحات التنفيذية والشوب دروينج بنفسك.
🔥 الحق احجز… العدد محدود جدًا!
________________________________________
🎓 4 كورسات تنفيذية بالكاد والريفيت وكورس رندر LUMION
💥 والأقوى دلوقتي إنه بقى فيه تلت دبلومات مختلفة تناسب مستواك!
📌 لو عايز كورس واحد → خصم من 25% لـ 40%
📌 لو عايز دبلومة كاملة → خصم لحد 52%
________________________________________
🖥️ المحاضرات مسجلة ومعاك مدى الحياة
💬 ومعاها جلسة لايف ميتينج كل أسبوع
تقدر تدخلها في أي وقت حتى بعد ما تخلص الكورس
________________________________________
📋 هتتعلّم إزاي تطلع لوحات تنفيذية وشوب دروينج بنفسك، خطوة بخطوة:
▪️ مساقط – واجهات – قطاعات – موقع عام
▪️ تفاصيل تنفيذية لأنظمة الصرف – التغذية – الكهرباء – التكييف – مكافحة الحريق
▪️ تفاصيل تشطيبات داخلية كاملة (أرضيات – أسقف – كسوات – سلالم – هاندريل – كرتن وول)
▪️ مشروع كامل معماري وداخلي على CAD و Revit مع لوحات تنفيذية وشوب دروينج
▪️ إخراج 3D احترافي وصور وفيديوهات للمشروع على Lumion
________________________________________
📦 الكورسات الخمسة المتاحة:
1️⃣ الرسومات التنفيذية – الأساسيات - (CAD)
2️⃣ الرسومات التنفيذية – أنظمة الـ MEP (CAD)
3️⃣ الرسومات التنفيذية – شوب دروينج (CAD)
4️⃣ الرسومات التنفيذية – شامل (Revit)
5️⃣ Lumion – Presentation & Rendering
________________________________________
💸 الأسعار بعد الخصم (للكورس الواحد):
▪️ تتراوح من 400 لـ 1000 جنيه حسب الكورس
💥 الخصم لأول 10 مشتركين فقط
________________________________________
الدبلومات:
🎓 الدبلومة الأولى: كورسات (1 + 2 + 3)
خصم 50% – 1250 بدل 2500
🎓 الدبلومة الثانية: كورسات (1 + 4)
خصم 48% – 1200 بدل 2300
🎓 الدبلومة الثالثة: الكورسات الخمسة (1 + 2 + 3 + 4 + 5)
2250 بدل 4700 – أكبر خصم 52%
________________________________________
📸 الصور دي من شغل حقيقي تم تنفيذه في محاضرات الكورسات – أثناء الشرح مباشرة
شوف بعينك شكل الشغل اللي هتنفّذه بنفسك بمتابعة المحاضر 👇
________________________________________
📝 لو حابب تسجّل بياناتك وتشوف كل التفاصيل، استخدم اللينك ده:
🔗 https://forms.gle/U2NPYvwJvcCB9ZFw9
📩 لو عايز تعرف أكتر:
▪️ ابعتلنا على ماسنجر من هنا: m.me/ArchitectureKnowledge
▪️ أو دوس على زر واتساب في البوست
▪️ أو ابعتلنا من اللينك ده: https://wa.me/201021607689
📄 ولو حابب تشوف محتوى كل كورس بالتفصيل، هتلاقيه منظم هنا على Notion:
🔗 https://www.notion.so/Click-on-any-course-to-See-Content-21f37e90d42b800abc87d0e0e9813053

22/07/2025

📏 مشكلة بتقابل ناس كتير جدًا: الاسكيل
ناس كتير بتتلخبط أول ما تسمع كلمة "اسكيل" أو "مقياس رسم"
إزاى أستخدمه؟ وإزاى أحدده؟ وإزاى أقدر أرسم بيه على اللوحة؟
خلينا نبسط الموضوع خطوة بخطوة:
________________________________________
🔹 أولًا: ايه هو الاسكيل؟
هو ببساطة طريقة بنصغّر بيها المشروع عشان نقدر نرسمه على ورقة.
يعني لو عندك مبنى مساحته كبيرة، مش هتقدر ترسمه بالحجم الحقيقي، فبتقلّل الأبعاد بنسبة ثابتة اسمها "مقياس الرسم".
________________________________________
🔹 ثانيًا: بيتكتب ازاي؟
الصيغة بتاعته بتكون 1:X
يعني كل 1 سم على الورقة = X سم في الحقيقة.
فـ 1:100 معناها إن كل 1 سم على اللوحة بيمثل 100 سم (يعني متر) في الواقع.
________________________________________
🔹 ثالثًا: نحدده بناءً على ايه؟
المساحة الفعلية للمشروع × حجم اللوحة اللي هترسم عليها
بتقسّم الطول والعرض وتقرّب لأقرب رقم مناسب زي 25، 50، 100، 200...
________________________________________
🔸 دلوقتي المشكلة اللي بتقابلنا أكتر إننا بنبقى عارفين الإسكيل، وعارفين أبعاد الأرض، وعارفين مقاس اللوحة... بس مش عارفين نرسم!
طيب حلها بسيط:
• أول خطوة هتسأل: أنا هرسم باسكيل كام؟
• تاني خطوة هتسأل: السنتي في اللوحة بيساوي كام في الحقيقة؟
• هتقسم رقم الإسكيل على 100، والناتج هو بالمتر.
📌 أمثلة:
1. أنا هرسم باسكيل 1 : 50، يبقى أقسم الـ50 على 100 يطلع 0.5. إذًا السنتى فى اللوحة = 0.5 متر
2. أنا هرسم باسكيل 1 : 100، يبقى أقسم الـ100 على 100 يطلع 1. إذًا السنتى فى اللوحة = 1 متر
3. أنا هرسم باسكيل 1 : 25، يبقى أقسم الـ25 على 100 يطلع 0.25. إذًا السنتى = 0.25 متر
4. أنا هرسم باسكيل 1 : 500، يبقى أقسم الـ500 على 100 يطلع 5. إذًا السنتى = 5 متر
✅ امشى بالطريقة دى وخلاص، متتعبش نفسك فى طرق معقدة وحفظ اسكيلات كتير. افهم القاعدة وطبقها.
________________________________________
📌 ملاحظة:
الرسم على الكاد والطباعة باسكيل؟
ده موضوع تانى كبير هنتكلم فيه في بوست قريب إن شاء الله.
لو البوست وضّحلك الفكرة، ممكن تعمله Save وارجعله وقت ما تحتاجه، أو تبعته لحد شايف إنه هيستفيد منه. ✨
________________________________________
لو حابب تبدأ تتعلم أكتر وتكون جزء من كورساتنا المميزة، سجل بياناتك دلوقتي من خلال الفورم هنا:
رابط التسجيل في الفورم
ولو حابب تسأل أو تتواصل معايا مباشر، تقدر تبعتلي على:
• ماسنجر الصفحة: رابط الماسنجر
• واتساب: رابط الواتساب
منتظر تواصلك عشان نساعدك تحقق أهدافك المعمارية! 🏆👷‍♂️
________________________________________
#اسكيل

11/07/2025

📌 عايز تنفّذ الشغل ده بنفسك؟ 🧱
🔥 باقي 3 أيام ونبدأ – والعدد قرب يكمّل!
📢 احجز مكانك دلوقتي قبل ما الأماكن تخلص! ⏳
________________________________________
🎓 3 كورسات تنفيذية + كورس رندر Lumion
💥 كل دول بسعر مفاجأة!
📌 لو عايز كورس واحد → هتاخد خصم من 25 لـ 40%
📌 لو عايز الدبلومة الكاملة → هتاخد الخصم الكامل 50%
________________________________________
🖥️ المحاضرات مسجلة ومعاك مدى الحياة
💬 ومعاها جلسة Zoom كل أسبوع
تقدر تدخلها في أي وقت حتى بعد ما تخلص الكورس
________________________________________
📋 هتتعلّم إزاي ترسم كل التفاصيل التنفيذية بنفسك، خطوة بخطوة:
▪️ مساقط معمارية – واجهات – قطاعات – موقع عام
▪️ تفاصيل تنفيذية لكل نظام: صرف – تغذية – كهربا – تكييف – حريق
▪️ بلوك وورك – فلورينج – سيلينج – عناصر إنشائية (استراكتشر)
▪️ فرش – غرف انتريور – حمامات – تصميم سلالم وهاندريلات
▪️ كرتن وول – تفاصيل تكسية – شغل خامات وتشطيبات
🎯 كل ده من خلال تطبيق عملي على مشروع كامل، بمتابعة المحاضر.
________________________________________
📦 الدبلومة التنفيذية عبارة عن 4 كورسات بتغطّي كل حاجة في الرسومات التنفيذية:
🔵 1. الرسومات التنفيذية – الأساسيات
🔵 2. الرسومات التنفيذية – أنظمة الـ MEP
🔵 3. الرسومات التنفيذية – شوب دروينج
🔵 4. كورس (Lumion) 🎁 كهدية مجانية
📽️ بإجمالي 30 محاضرة تطبيق عملي
________________________________________
💸 السعر بعد الخصم:
▪️ الكورس الواحد: من 400 لـ 700 جنيه
▪️ الدبلومة كلها: 1600 بدل 3200 جنيه
📸 الصور دي من شغل حقيقي تم تنفيذه في محاضرات الكورسات – أثناء الشرح مباشرة
شوف بعينك شكل الشغل اللي هتنفّذه بنفسك بمتابعة المحاضر 👇
________________________________________
📝 لو حابب تسجّل بياناتك وتشوف كل التفاصيل، استخدم اللينك ده:
🔗 ‏https://forms.gle/U2NPYvwJvcCB9ZFw9
📩 لو عايز تعرف أكتر:
▪️ ابعتلنا على ماسنجر من هنا: m.me/ArchitectureKnowledge
▪️ أو دوس على زر واتساب في البوست
▪️ أو ابعتلنا من اللينك ده: https://wa.me/201021607689
📄 ولو حابب تشوف محتوى كل كورس بالتفصيل، هتلاقيه منظم هنا على Notion:
🔗 https://www.notion.so/Click-on-any-course-to-See-Content-21f37e90d42b800abc87d0e0e9813053

08/07/2025

🎨 تفصيلة على شفافة – رقم 1
رسم حر، من غير مسطرة ولا اسكيل…
بس فيه تفاصيل دايمًا بتشدّنا، وخصوصًا في السلالم.
💡 على قد ما هي تفصيلة بديهية ومتكررة، بس دايمًا بنغلط فيها 😅
والمهم مش الغلط… المهم الإصرار، وحب اللي بتعمله.
التفصيلة دي مش مرجع، لكنها لفتة بصرية لكل اللي بيحب التفاصيل.
لو عجبتك، اعمل لايك،
وقولّي تحب تشوف تفصيلة إيه في الجاي؟ ✏️

05/07/2025

💼 دورة الرسومات التنفيذية – خصومات من 25% لـ 50%
🎥 الفيديو ده من قلب محاضرات الكورس، وبيشرح خطوة بخطوة:
🪜 تصميم السلالم
📐 إعداد الرسومات التنفيذية للمسقط الأفقي للسلم
الكورس متاح بالكامل أونلاين من خلال منصة إلكترونية 💻،
ومعاه جلسات متابعة لايف أسبوعية 📅 نراجع فيها الشغل ونرد على كل أسئلتك.
الكورس ده كمان جزء من مجموعة كورسات تنفيذية متكاملة،
تقدر تبدأ بيه أو تكمل الباقة الكاملة ضمن دبلومة شاملة 🎓.
=========================
للتفاصيل، طرق الدفع، والحجز:
💬 راسلنا على فيسبوك:
https://www.facebook.com/messages/t/111383754365413
📱 أو على واتساب:
https://wa.me/message/AVAOJ4BZDEWVC1
📝 أو لو حابب تسجل بياناتك مباشرة:
https://forms.gle/U2NPYvwJvcCB9ZFw9

09/11/2023

مراحل المشروع المعمارى من الفكرة الى التنفيذ......................................................................................
لو حابب تعرف مراحل اى مشروع عشان يتصمم و يتنفذ من الصفر فكمل البوست للاخر ممكن يفيدك....
مراحل المشروع كالآتى:
1. الكروكيات والاسكتشات Schematic Sketches
يقوم بها المهندس المعمارى باى وسيلة رسم واى نوع ورق وبدون مقياس رسم.
الغرض منه :- توضيح الافكار المعمارية سواء بالمساقط الافقية أو القطاعات أو الواجهات أو لقطات منظورية.
2. الرسومات الابتدائية الاولية Preliminary Design
يقوم بها المهندس المعمارى وتكون بمقياس رسم يوضح بها الفكرة الرئيسية للمشروع من حيث الكتل وخطوط الحركة الداخلية وتكون إما ملونة أو غير ملونة.
الغرض منه :- مراجعة المالك من حيث البرنامج التصميمى والخطة المتبعة وقيمة تقريبية للمشروع بنسبة خطأ بزيادة او نقصان 25%.
3. الرسومات الابتدائية النهائية Final Preliminary Design
رسومات اكثر دقة بمقياس رسم اكبر بعد اجراء التعديلات المتفق عليها مع المالك او الطقم الفنى المساعد.
الغرض منه :- اظهار كافة تفاصيل المشروع والمواد المستخدمة للتشطيب ويرفق القيمة التقديرية للمشروع بنسبة خطأ 15-20%.
4. رسومات لاغراض الترخيص License Drawings
رسومات كاملة للمشروع مشابهة لرسومات التنفيذ تشمل كافة البيانات الخاصة بالابعاد والمناسيب ومواد التشطيب ويتم توضيح توافق التصميمات مع قوانين البناء المعمول بها والاشتراطات البنائية.
الغرض منه :- التقديم لجهة الترخيص ويجيب الالتزام بما جاء فى هذه الرسومات طوال مراحل تنفيذ المشروع.
5. رسومات لاغراض العطاء Tender Drawings
رسومات كاملة للمشروع مشابهة لرسومات التنفيذ وقابلة للتنفيذ ويترك للمصمم والمقاول فرصة لتغيير بعض عناصر المشروع.
الغرض منه :- التقديم على العطاء فقط ويلزم اعتمادها بختم خاص قبل تنفيذها كما هى.
6. الرسومات التنفيذية Working Drawings
رسومات كاملة للمشروع قابلة للتنفيذ ومراجعة بدقة وتشمل كافة البيانات والمقاسات والمناسيب ويقوم المكتوب الفنى بمراجعتها.
الغرض منه :- بدء تنفيذ المشروع ويتوفر بها كافة المعلومات اللازمة ويرفق دفترى الشروط العامة والمواصفات الفنية وحصر الاعمال.
7. رسومات التشغيل Workshop Drawings
يقوم باعدادها المصمم او المقاول لتفاصيل البناء وتكون بمقياس رسم لا يقل عن 1:50 ويلزم اعتماد المصمم لها قبل التنفيذ.
الغرض منه :- لتوضيح وتنفيذ تفاصيل المبنى مثل تفاصيل الابواب والشبابيك والدرابزينات والحمامات والتغطيات الزجاجية....الخ.
8. رسومات ما تم تنفيذه فعليا As Built Drawings
يقوم باعدادها المكتب الفنى وتوضح كافة التفاصيل والمقاسات والشبكات ومواصفات ما تم تنفيذه فعليا.
الغرض منه :- الاستفادة منها لاجراء اعمال تشغيل الصيانة والتفتيش على البناء، ويرفق التصور لاعمال الصيانة الدورية وقطع الغيار اللازمة لها وكذلك العمر الافتراضى لعناصر البناء والتى يلزم تغييرها فى توقيتات محددة -الفلاتر،كابلات المصاعد،الزيوت.
والصورة المرفقة توضح مراحل المشروع باختصار.
شير البوست لو استفد عشان تفيد غيرك والناس تشوفها وان شاء الله هنزل شروحات باستمرار لمختلف المواضيع فى المجال المعمارى.

06/11/2023

مراحل التخطيط الفعال لاى فكرة تحتاج لتطبيقها سواء مشروع دراسى فى كلية او تعلم مهارة جديدة او فتح مشروع تجارى أوغيرهم.
وهنا سنذكر الخطوات كعناوين ثم نقوم بشرح كل خطوة على حدةٍ:
1. البحث (Searching)
• اهم خطوة حيث نجد كل البيانات المطلوبة للموضوع
• بحث عن طريق وسائل ايجاد المعلومات مثل جوجل او يوتيوب
• حفظ وتدوين اى معلومات او بيانات مفيدة (مش عمال تتفرج على صور وخلاص)
2. تحليل البيانات (Data Analysis)
• وهنا بنحلل البيانات اللى جبناها عشان نوصل للى احنا عايزينه
• بمعنى لما بنبحث عن مشروع مشابه للى احنا هنعمله بنستفيد منه اسس تصميمه ومقاسات وابعاد كل شئ
• وكمان تكلفة المشروع وجدواه وهنا بنتكلم عن اى مشروع فى الدنيا مش شرط الكلام لمهندسين بس
• ابدأ من حيث انتهى الاخرون وده هدف التحليل بنحلل النتايج ونشوف الاخرون وصلو لايه
• ونمسك اللى وصلناله ونستخدمه ونبدا نكمل عليه
3. العصف الذهنى (Brain Storming)
• وده بيبقى عن طريق التجربة وتفتيح الافكار كل ما بتقرأ البيانات اللى حللتها بتكتشف حاجات جديد
• وكل ما بتبحث اكتر وتشوف افكار اكتر ده بيفتح مدارك عقلك وبيخليك تبتكر افكار جديدة
• متعدش تبص فى السقف وتفكر لا امسك ورقة وقلم واكتب افكارك
• سواء الافكار كلمات او رسومات اكتب ارسم شخبط قطع ورق وكل ده وانت بتستخدم وبتبص على نتايج البحث وتحليلها
• وتفضل فى مرحلة العصف الذهنى لحد ما توصل لفكرة واتنين وتلاتة
• حتى لو مشروعك معروف بيتعمل ازاى بس انت بتفكر تعمله ازاى بطريقة احسن من اللى قبلك اقل تكلفة واعلى كفاءة واكثر جلبا للاموال واعجاب الجمهور
4. استخراج الفكرة (Extracting Idea)
• بعد مرحلة التفكير العميق اخيرا بنوصل لفكرة او اكتر والفكرة دى سجلها بسرعة
• اى فكرة بتجيلك ومش بتسجلها فى ورقة على الموبايل او ايا كان الفكرة دى هتضيع منك
• بالاضافة ان كتابة الفكرة او رسمها بتديك فرصة انك تطورها وتستخرج منها افكار اجمل واقوى
• لانك بتقدر تشوف الفكرة دى كل شوية وتبصلها من وجهات نظر مختلفة
• ولازم الفكرة دايما مختلفة وفريدة من نوعها ميكونش حد عملها قبل كدة ولو اتعملت لازم تتعمل بطريقة مختلفة
5. التخطيط (Planning)
• المرحلة دى لو عملتلها تخطى فكدة انت حكمت على المشروع بالفشل
• لازم يكون فيه خطة واضحة ومحددة بتكتب اهدافك وتحدد جدول زمنى
• فمهما كان الهدف كبير وطويل وهياخد وقت هيتقسم لاهداف صغير والصغيرة تتقسم لاصغر
• وبعدين تقسم الاهداف دى مراحل شهرية واسبوعية فيصبح عندك جدول زمنى
• واهم حاجة فى جدولك وخطتك انها لاااااازم تكون مرنة جدا
• يعنى لو اتاخرت فى الجدول الزمنى بتاعك اعمل اعادة جدولة وكمل بس ده قصير المدى يعنى مش كل يوم هنعد نعمل خطة لشهرين قدام
• مثال توضيحى انا هدفى قسمته ل 500 تاسك صغيرين وقررت اعمل كل 100 تاسك فى شهر وبالتالى كل 25 تاسك فى اسبوع ومن هنا بتبدا تخطط ال 25 تاسك دول على ايام الاسبوع فقط متخطتش الاسبوع اللى بعده عشان لو الاسبوع ده خلص وباقى 4 او 3 مثلا بتقوم بترحيلهم للاسبوع اللى بعده وهى دى المرونة اللى بنتكلم عنها
• قاعدة: اى جدول مستحيل تنفذه فى معاده بنسبة 100% بيبقى مابين 70 ل 90 ولو اقل من كدة يبقى انت بتدلع 😅 ولو طلبت اكتر من كدة هتيأس ومش هتكمل
6. التنفيذ (Ex*****on)
• يلا بقى ننفذ بنبدا فى اول مرحلة بناءا على الجدول الزمنى
• وفى التنفيذ حاول تبعد عن مرض الكمال او ال (Perfectionism) لان انت لو عملت التاسك صح بنسبة 95% فى ساعتين وحاولت تخليهم 100 فعايز اوضحلك ال 5 الباقيين دول هياخدو 4 ساعات لوحدهم تقريبا.
• اشتغل بقدر المستطاع ليس بالسئ وليس بالكمال
• الاهتمام بكل خطوة او كل تاسك كأنه هو التاسك الاول والاخير والوحيد يعنى وانت شغال فى مرحلة متفكرش فى المرحلة الجاية ولا فى اللى فاتت فكر بس انك تطلع اكبر جودة ممكن فى اقل وقت ممكن فى المرحلة اللى انت فيها فقط
7. تسجيل الخطوات (Recording Steps)
• كل يوم بالليل قبل ما تنام تدى نفسك من ربع لنص ساعة تسجل انت عملت ايه النهاردة وهتعمل ايه بكرة
• وتسجيل بنظام يبقى فى سجل شهرى وسجل يومى تبقى عارف انت اشتغلت كام ساعة كل يوم وكل شهر ولازم تعرف لنفسك وحدة عمل
• وحدة عمل يعنى ايه؟؟ يعنى انا مثلا وحدة العمل بتاعتى التاسك واللى مدته ساعتين يعنى لما بقول انا هقوم اعمل تاسك معناه انى هقوم اشتغل ساعتين
• وبالتالى لما بقسم الشغل بمسك المرحلة واقول دى مثلا هتاخد 10 ساعات يعنى 5 تاسكات
• اهمية المرحلة دى هى مراقبة نفسك وتعرف انت شغال اد ايه ومقصر ولا لا بالاضافة للتشجيع
• متعملش تاسك 10 ساعات لانك هتيجى بعد يومين تلاقى نفسك مثلا خلصت تاسك واحد فنفسيا مش هيبقى احسن حاجة انما لما تلاقى نفسك خلصت 5 تاسكات مش هتفرق عمليا فى المشروع لكن هتفرق جدا جدا فى نفسيتك وهتديك دفعة للتكملة
• ومن اهم اهداف التدوين انك تبقى عارف انت خلصت ايه وباقى ايه وانصح الناس باستخدام تطبيق (Notion) على الموبايل او الكمبيوتر وهو ساعدنى جدا على مدار سنتين فى تنظيم شغلى
• واخر حاجة هى لازم تعرف ان فى انظمة كتير وتطبيقات وطرق لتنظيم الوقت ووضع الخطط والتدوين ومتابعة التقدم دور على يوتيوب وهتلاقى حاجات كتير جدا وممكن تدمج بين الانظمة المختلفة عشان تحدد لنفسك نظام يناسبك ويريحك(وزى ما بيقولو تظبيط الشغل اهم من الشغل😅)
8. التكيف مع التقدم فى الخطة (Adapting Progress)
• ودى بتبقى نقطة فاصلة بين المشروع اللى بينجح وبيفشل لان مع كل تقدم الاحتياجات بتختلف والقواعد اللى شغال بيها ممكن تختلف
• ولذلك انت لازم تتكيف وتعيد ترتيب نفسك واولولياتك مثال لو انت متعود انك تقدم تقرير يومى عن مشروعك فى ورقة A4 ووصلت لمرحلة متقدمة فى المشروع وبياناتك وتقدمك وتقريرك بقى اكبر ومحتاج ورق اكتر فاكيد مش هتصغر خطك ولكن هتجيب ورقة اضافية او اكتر
• واللى اقصده هنا بالتحديد انك كل ما بتوصل لهدف بتحتاج هدف اكبر وخطة مختلفة فلازم تتكيف مع ده
• يعنى لو حطيت خطة انك تكسب مليون جنيه وانت معاك صفر وكسبت المليون فى سنة لازم تغير الخطة
• لانك لو عملت نفس الخطة فهى خطة من صفر لمليون فهتاخد سنة تانى عشان تعمل مليون تانى
• انما لو عملت خطة جديدة معطياتك فيها ان معاك مليون جنيه تستخدمها فهتلاقى المليون التانى جيه فى نص الوقت مثلا او اقل
• كل ما كان تكيفك مع التقدم مناسب لدرجة تقدمك كل ما زادت سرعة تقدمك بشكل كبير
9. استمرار العمل على المشروع (Keep Working)
• والمرحلة دى شبيهة باللى قبلها ومعناها انك لما توصل للهدف النهائى مش هتقف على كدة لا بالعكس لازم تحط اهداف مضاعفة للى اتحقق
• وعلى نفس المثال السابق لو حطيت هدف انك تكسب مليون جنيه فى سنة اول ما تحقق الهدف ده لازم تحط هدف انك تكسب 5 مليون مثلا فى السنة اللى بعدها وهكذا
• وبالتالى بالنسبة للطلاب ومشاريع الكليات انت بعد ما تخلص مشروعك وتاخد فيه درجة عالية مش هتنام على كدة انت ممكن تطور فى المشروع تانى وتحط فيه اهداف جديدة لتحسينه ويبقى بورتفوليو ليك بعد التخرج
• وحتى لو كان مشروع اتنفذ على ارض الواقع بتبدا من بعد نهاية كل مشروع تدور على حاجة جديدة تطور مهارة عندك او تتعلم مهارة جديدة
• باختصار مهما كان مشروعك اوعى تقف بعد ما ينتهى (يا تكبره يا تبدا مشروع جديد اكبر)

29/08/2021

ايه هى خطوات ال(Working Plan)🤔
📌ال(Plan) هو اول لوحة بتتعمل فى المشروع ولذلك مش بنسقطه من اى رسم تانى لا ده بنرسمه من الصفر.
📌بيتم عمل ال(Working Plan) على 🌟اربع مراحل اساسية🌟 وهنا مش هنتكلم على تفاصيل فنية بشكل كبير ولكن هنذكر الخطوات والترتيب الافضل للرسم.
📌اول مرحلة:- هى توقيع هيكل البلان وبتبدا برسم محاور اولية بتشوف شكل البلان بتاعك فى الرسم اللى بتنقل منه او ايا كان المصدر وتوقع محور فى منتصف كل حائط بالطول وبالعرض بدون ترقيم وبعد كدة بنرسم الحوائط كلها وبعدين الاعمدة اللى كنا حددنا مكانها على الشفافات زى ما قولنا فى بوست امبارح.
📌تانى مرحلة:- هى انتقاء المحاور بتعدى على كل محور تشوفه لو معدى فى عمود تسيبه لو مش لامس اى عمود يتمسح وبيبتبقى فى الاخر المحاور المارة بالاعمدة بس وللتاكيد لازم كل عمود يكون مار فيه محورين راسى وافقى وبعد كدة بترقم المحاور الاتجاه الطويل بالارقام والقصير بالحروف.
📌تالت مرحلة:- استكمال عناصر ال(Plan) يعنى الابواب والشبابيك والسلالم والمصاعد وان كان فى فتحات فى السقف وبتضيف كمان ال(Tags) زى نماذج الابواب والشبابيك والمناسيب ورموز التشطيبات واخر العناصر فى اللوحة بيبقى جدول اللوحة وبيحتوى على بيانات المشروع وجداول نماذج الفتحات وجداول التشطيبات.
📌رابع مرحلة والاخيرة:- ودى مهمة جدا لازم تبص على ال(Checklist) وهى ببساطة قايمة بكل العناصر الواجب توافرها فى لوحة ال(Working plan) ومنها بتراجع كل حاجة وتتاكد ان مفيش حاجة ناقصة.
📌بفكركم ان ده مش بوست تفصيل ده لمعرفة الخطوات اللى بتمشوا بيها فى الرسم وزى ما قولنا هنعمل بوست زى ده عن كل لوحة فى ال(Working) واللى عايز تفاصيل اكتر ينتظرنا ان شاء الله كل كام يوم بنعمل بوست تفصيلى عن موضوع مهم.

26/08/2021

ازاى ابدا مشروع (Working)🤔
📌اى مشروع (Working) بيبدا ب🌟 3 خطوات 🌟رئيسية لا غنى عنها.
📌ذكرنا قبل كدة ان لوحة ال(Working) هدفها الرئيسى وضع طريقة لتنفيذ المبنى👈🏼واول خطوة👉🏼 فى تنفيذ المبنى هي 🌟النظام الانشائى🌟 سواء كان خرسانة او (Steel) او الاتنين مع بعض.
📌وبالتالى اول خطوة بتتعمل لما نستلم المشروع بنطبع ال(Plan) على A4 ب(Scale) صغير مثلا 1:200 او 1:400 حسب حجم المشروع وبنحط شفافة عليها ونحط فكرة مبدائية للنظام الانشائى اللى هنستخدمه فى المشروع.
📌وده بيبقى عن طريق وضع اعمدة وكمرات لو موجودة طبعا ده بنحدده على حسب ال (Spans) اللى فى المشروع واحتياجات المشروع وظروفه وممكن تعمل اكتر من نظام يعنى المبنى كله يبقى (Flat Slab) وتيجى فى قاعة تعملها لوحدها (Paneled beam) عشان ال(Spans) فيها كبيرة 20*15م مثلا.
📌ومن هنا بتدخل فى 👈🏼تانى خطوة👉🏼 وهى انك بتفتح ال(Cad) وتطابق البلان بتاعك مع فايل template شغال عليه او انت عامله.
📌👈🏼وتالت خطوة👉🏼 تبدا ترسم اللوح بتاعتك وممكن مع الوقت تغير فى النظام الانشائى لو حسيته مش مناسب او فى عمود مكانه مش حلو مثلا بعد ما ترسم بدقة.
📌وهنعرفكوا افضل ترتيب للوح ال(Working) اللى هتعملوها.
1- المساقط الافقية التنفيذية:- دور ارضى ومتكرر وسطح وبدروم ان وُجِد.
2- الموقع العام التنفيذى:- لوحة ال(Softscape) ولوحة ال(Hardscape) ولوحة موقع عام مجمعة.
4- القطاعات التنفيذية.
5- الواجهات التنفيذية.
6- التفاصيل المعمارية:- وعدد لوحها مش محدد حسب المشروع برده كل ما كان فيه شغل تشطيبات معقد بيبقى فيه تفاصيل كتير وبالتالى لوح تفاصيل اكتر.
7- لوحة غلاف المشروع.
📌وطبعا كل لوحة من دول ليها تفاصيلها وطريقتها اللى بتترسم بيها.
📌ودى كلها عبارة عن اللوح المعمارية بيبقى فى لوح اعمال صحية واعمال كهربية ولوح ميكانيكية (MEP) هنتكلم عنها بعدين.
📌اهم شئ تبقى عارف ترتيب المشروع بتعمل ايه خطوة بخطوة عشان متتوهش فى النص وانتظرونا فى البوستات القادمة ان شاء الله هنتكلم عن كل لوحة من دول بتتعمل ازاى وايه تفاصيلها ومحتوياتها.

30/06/2021

ايه هى التفاصيل؟؟
• التفصيلة عبارة عن رسم عنصر معمارى او انشائى ب (Scale) كبير ميقلش عن 1:20 بيبقى فيه 4 معلومات ضروية بتقولنا ازاى هننفذ العنصر ده او ازاى هنركبه فى مكانه اللى احنا محددينه، بمعنى لو هنرسم تفصيلة باب فانا بوضح فيها ازاى حلق الباب هيركب فى الحيطة وازاى الباب هيركب فى الحلق وازاى الباب هيلف فى الحلق وازاى هركب فيها مقبض واخليه يتفتح ويتقفل وتفاصيل كتيرة جدا فى الباب من تركيبه لشكله لطريقة صناعته اصلا.
• الاربع معلومات دول هما :-
1. رسم الاسقاط الهندسى للعنصر.
2. توضيح طريقة تنفيذ العنصر بدقة.
3. وضع كل الابعاد اللازمة لتنفيذ العنصر.
4. كتابة توصيف دقيق لكل جزء فى التفصيلة (ماتريال وسمك واى صفة لازمة).
• لوح التفاصيل هدفها الرئيسى توضيح تفاصيل صغيرة جدا مينفعش تتوضع على اللوح العادية اللى بنرسمها ب(Scale) 1:50 والعناصر اللى بتحتاج لوحة تفاصيل كتير جدا ولكن عشان نبقى عارفين ايه هى التفاصيل اللى ممكن نحتاجها هنحصرلكو التفاصيل الاكتر شيوعا واستخداما فى اغلب المبانى:-
1. البروزات والمظلات وسائر التشكيلات المعمارية فى الواجهات.
2. تفاصيل الفتحات (ابواب وشبابيك) خصوصا لو كان لها شكل مميز.
3. تكسيات الحوائط داخلية او خارجية لاظهار كيفية تركيبها.
4. تكسيات الارضيات خاصة اذا كان فيها فكرة معمارية.
5. أحواض الزهور فى الواجهات الخارجية او داخل المبنى.
6. المظلات الخشبية (البرجولات).
7. القواطيع والحوائط الغير مبنية من الطوب.
8. الاسقف المعلقة شبك ممدد او وحدات جاهزة.
9. تفاصيل العناصر والتشكيلات الجبسية فى الواجهة او داخل المبنى.
10. تفاصيل المشربيات والكوابيل الحشبية فى الواجهة او داخل المبنى.
11. السلالم الداخلية والخارجية.
12. تفاصيل الدرابزين للسلالم والبلكونات.
13. تفاصيل الاسقف المائلة والارضيات المائلة.
14. العناصر الديكورية والمنفذة بالحديد المشغول او اى خامات معدنية.
15. أماكن فواصل الهبوط والتمدد سواء فى الادور او فى دور السطح.
16. أماكن الطبقات العازلة واظهار علاقتها بالحوائط او البلاطات.
17. أماكن اختلاف مناسيب الارضيات للدور الواحد.
• طبعا كل عنصر من دور ممكن يتنفذ ب 100 طريقة او اكتر يعنى لما تجيب تفصيلة شباك خلاص الموضوع منتهاش فى الف شكل شباك بطرق مختلفة فى التركيب ولكن على الاقل لازم كل واحدة من دول يكون معاك ليها تفصيلة او اتنين بتعرف تستخدمهم وبكدة هيبقى تقريبا انت عارف 90% من التفاصيل المعمارية اللى ممكن تتعمل فى اى مبنى.
• واحنا بدورنا بندور فى الحاجات لان برده اغلب التفاصيل اللى بتجيبها من النت بتبقى فيها اخطاء فاحنا بندور وبنعدل وكل فترة ان شاء الله هننزل تفصيلة جديدة.
• لو استفدت منشن اصحابك وفيدهم معاك وان شاء الله نقدملهم كل جديد.

11/04/2021

معضلة ال(Lineweight)
• قابلت طلبة كتير بيشتكوا من ال (Lineweight) واد ايه هى حاجة تافهة جدا وقارفانا والدكاترة بيدققوا جامد عليها فى التصحيح وبننقص درجات بسببها.
• طبعا هى مش حاجة تافهة خالص لان ال (Lineweight) ليه هدف مهم جدا لا يمكن الاستغناء عنه.
• تخيل لو جبت واحد أمى لا اتعلم قراءة ولا كتابة وقولتله اكتب اسمك طبعا كتابة اسمك ده حاجة تافهة جدا وسهلة بس مش هيعرف ليه لانه بساطة متعلمش اساسيات الكتابة والقراءة والحروف شكلها ازاى ولا بتتنطق ازاى.
• يعنى ببساطة ال (Lineweight) هو لغة قراءة لوحة ال(Working) لو رسمت كل الخطوط بنفس ال(Lineweight) محدش غير اللى راسمها هيعرف يقراها وهوضحلكوا السبب.
• لو بصينا لصورة البوست هنلاقى نفس الجزء مرسوم مرتين مرة الخطوط نفس ال (Lineweight) ومرة كل نوع خط ليه (Lineweight) مختلف.
• فى الصورة الاولانية خطوط الحيطة مع الشباك مع جلسة الشباك كلها فى بعضها مبهمة مش باين ان فيه حيطة وفيها فتحة شباك لا ده ممكن اقراها ان دى حيطة وجواها اسلاك مثلا او اى حاجة معدنية غاطسة جوا الحيطة مش فتحة وهاخد وقت كتير فى فهم باقى مكونات اللوحة وخطوط السلالم وهكذا فى القطاعات هتبقى اسوأ.
• عشان كدة بنعمل لكل نوع خط (Lineweight) معين مثلا فى ال(Plans) بيبقى اتقل الحاجة الحوائط 0.6 مم فاول ما بتبص بتشوف دى حيطة ولما بتلاقى خطوط رفيعة فى نصها بتعرف دى فتحة ودى جلسة شباك وطبعا لما بنرسم المحاور والابعاد بتبقى اقل بكتير 0.09 مم لانها كتير ولو تقلت هتخبى معالم اللوحة وهكذا.
• كمان كل (Scale) ليه (Lineweight) مختلف يعنى الحائط بيبقى 0.6 مم فى (Scale 1:50) وبيبقى 0.4 مم فى اسكيل (Scale 1:100) وهكذا كل حاجة بتتغير حسب ال (Scale).
• اهم حاجة فى ال (Lineweight) هو التدرج يعنى تبقى عارف مين اتقل من مين وممكن تغير فى الارقام عادى هى مش قرآن طالما اللى بيمسك اللوحة بيشوف الفروق ويعرف يقرا اللوحة يبقى تمام.
• متنساش تعمل لايك للبوست وتشيره وتفيد غيرك لو استفدت☺️☺️

Architecture Knowledge - Mahmoud Hamdy

11/11/2025

22/07/2025

11/07/2025

08/07/2025

05/07/2025

09/11/2023

06/11/2023

29/08/2021

26/08/2021

30/06/2021

11/04/2021

Address

Telephone

Website

Alerts

Shortcuts

Share

Category