مدحت تمام-شركة المدينة المنورة

12/12/2023

23/08/2022

09/08/2022

06/03/2022

العمرة هتكون زيرو كام ؟

المتعارف عليه ان العمرة بتكون حسب مقاس الخراطة
STD
010
020
030
040

فى اكتر من من مقاس للعمرة سواء للبساتم وبناء عليه طقم الشنبر
او السبيكة للكرنك
وفى اجزاء مش هتختلف مقاسها مع العمرة
لكن السؤال هل معني 010 ولا 020 و لا 030
الخراطة الاولى او الثانية او الثالثة للمحرك 🤔؟!

العمرة مرتبطة بحالة المحرك بناء على القياسات اللى هتم بعد الفك
بمعني ان لو القياسات هي اللى تحدد هتشتغل زيرو كام
ومعني 010 او 020 او 030 هو مقدار الخراطة ارقام ( مم / بوصة)
وعادي ممكن تشتغل عمرة من STD ل 020 او حتي 030

وبالارقام
010 = 0.25 مم زيادة عن مقاس البستم او السبيكة
020 = 0.5 مم زيادة عن مقاس البستم او السبيكة
0.30 = 0.75 مم زيادة عن مقاس البستم او السبيكة
0.40 = 1 مم زيادة عن مقاس البستم او السبيكة

وعموما معظم المحركات ملاكي ونقل خفيف بتبدء مقاسات الاسطوانات من 64 مم لحد 107 مم قطر الاسطوانة

06/03/2022

اللمبة دي عاملة زي الستات بالظبط

مالك : معرفش
طب الزيت ناقص : معرفش
طب انفخ الكوتش : معرفش
طب اوديكي للميكانيكي : معرفش
طب تروحي التوكيل : معرفش
طب اعمل ايه : معرفش

و شوية و تلاقيها قفلت لواحدها 😂😂😂

06/01/2022

معلومة أسبوعية
زيت المحرك :هو زيت يستخدم لتزييت محركات الاحتراق الداخلي في السيارات.
الغرض هو تزييت الأجزاء المتحركة
كما يقوم ايضا:
1- تنظيف المحرك
2-منع التآكل
3-تبريد المحرك بإبعاد الحرارة عن الأجزاء المتحركة
4-تحسين الأداء

06/01/2022

بعض أسباب ضعف عزم المحرك :
✅1- عدم نقاء البنزين المستخدم، وأيضا تلف فلتر البنزين وعدم تغييره في موعده.
✅2 - وجود خلل في أحد أجزاء المحرك، الأمر الذي ينتج عنه إنخفاض قدرة السيارة على التسارع.
✅3 - ناقل الحركة في السيارة من أهم أسباب ضعف السحب، وذلك في حالة تلف الديسك والأسطوانة.
✅4 - انسداد فلتر الهواء، فيجب تنظيفه باستمرار، وتغييره عند قطع مسافة من 20 إلى 25 ألف كم.
✅5 - مشكلة في حساس العادم أو وجود انسداد في العادم، يسبب صعوبة في خروج الغازات والأبخرة من المحرك، مما يؤدي إلى ضعف عزم المحرك.
✅6 - امتلاء زيت المحرك بالشوائب، وانخفاض لزوجته، مما يؤثر على أداء المحرك وعزم السيارة.
✅7 - تلف البوجيهات، مما يؤدي إلى تكوين طبقة كربونية عليها، وهو ما يسبب ضعف الشرارة الناتجة منها.
🔛ومن الأسباب الاضافيه التي قد تؤدي فعليا لخلل في عمل المحرك وضعف عام في في عمله :
☑️زيت المحرك :
يجب أن يكون الزيت المستعمل في محرك سيارتك بكفاءة عالية وانسيابي ويقلل من التأكل داخل المحرك , التأكل الذي قد يسبب فقدان بعض قوة المحرك , عند وجود زيت بكفاءة ضعيفة
☑️ فلتر الوقود :
عند انسداد فلتر الوقود نتيجة الأوساخ أو الشوائب التي تأتي من خزان الوقود , أو عند وجود مشاكل بالفلتر نفسه قد يتسبب في منع الوقود من المرور الى المحرك بالكمية المطلوبة مما يؤدي الى ابطاء محرك السيارة ، ويمكن أيضاً ان يكون هناك سدد في علبة العادم وذلك يعمل على صعوبة خروج العادم ويؤدي الي ضعف عزم المحرك.

23/12/2021

هقولك شوية نصايح تحافظ بيهم على موتور عربيتك 😉
............................
1 - زيت الموتور ..
لو بتحط زيت 5 الاف يبقى الأفضل تغيرة عند 4500 و 4 الاف كمان
لو بتحط 10 الاف يبقى الافضل كل 9 الاف تغيرة
لو مسافرة سفرية جامدة بالعربية فوق ال 450 كيلو رايح و 450 كيلو جى
و لسة فاضل على الزيت اللى معاك الف كيلو او الف نص ... سقطة و حط زيت جديد و سافر بالعربية

2 - زيت الفتيس اللى تقريبا 3/4 الشعب المصرى مش بيفكر فية ... و ماشيين ورا كلام الراجل صاحب الافتكاسة اللى بتقول
زيت الفتيس بيتزود مش بينقص ...
يا جماعة زيت الفتيس عادى بيفقد خواصة ذى اى سائل و بيتحرق و لزوجتة و اداء مهمتة بتقل
ياريت كل 45 - 50 الف كيلو تغير زيت الفتيس بالمصفى بتاعتة

3 - البوجيهات ... مش لازم البوجية يتاكل او يبوظ او سحب العربية يضعف عشان تروح تغيرة
كل 18 - 20 الف هات طقم بوجيهات جديد
4 - عارف لو مدورتش العربية علطول و طلعت بيها
و الله هتفرق فى اداء الموتور جامد
سخن العربية لمدة دقيقة و بعد كدة اطلع بيها

5 - فلتر البنزين ... وظيفتة انة ينقى البنزين من الشوايب اللى فية عشان البنزين يكون نضيف على قد ما يقدر و هو داخل على الموتور طبعا لو انت مش بتغيرة و مش مهتم بالفلتر دة ...
البنزين بيخش بقرفة على الموتور و السحب هيقل و يضعف و العربية هتشرب بنزين كتير

6 - فلتر الزيت نفس الكلام و نفس الوظيفة بتاعت فلتر البنزين بس دة بينقى الزيت مش البنزين
مفهاش حاجة لما تغيرة برضة كل 10 الاف كيلو
7 - فلتر الهوا .. غيرة كل 15 الف
8 - البوابة ... بوابة الهوا او الثروتل ..
فكها كل 10 الاف كيلو و نضفها كويس و ركبها تانى

9 - مش لازم تستنى لما تانك البنزين يقل و يفضى خالص عشان تروح تحط بنزين
مش لازم يوصل المنسوب بتاعة لحد الربع
لان اخر ربع فى التانك بيكون مليان شوايب ... بكدة انت هتخلى الشوايب دى تخش على الموتور
و الفتلر مش هيعمل حاجة ... ماهو انت مش بتهتم بتغييرة بقى

10 - اهتم بالطنابير و اتيال الفرامل و خليهم ديما ب احسن حالة .. عشان كل لما الفرامل يكون ادائها كويس كل لما هيكون الحمل على الموتور أخف

لو عملت كل دة هتطول فى عمر موتور عربيتك كتييير 👌👌.
مع تحيات مركز المدينه المنوره لصيامه السيارات.