08/05/2026
#الكهرباء والعدادات #الكودية
#العدادت نوعين ___
١ __ #شرايح ومتقدم عليه نظامى وبيكون العداد باسم المشترك
٢ __عداد #كودى أو #عشوائى كل فايديته تقنين توصيل المشترك على شبكة الكهرباء عشان ميكونش سارق كهرباء
*******
مين يحق له التوصيل على عداد نظامى أو شرايح اللى هو عداد طبيعى مفيهوش مشاكل
١ ::: فى القرى هو الشخص اللى بانى قبل ٢٠٠٨ ومفيش أى جديد فى بيته من بعد #القانون .
٢ :: أو الشخص اللى قنن وضعه وعمل تصالح ومستلم نموذج ١٠ النهائى أو نموذج ٨
*******
طب أى حد بانى بعد ٢٠٠٨ حاجة من الإتنين
يا إما #مخالف سواءً له محضر مخالفات أو لأ
يا إما بانى بـــ #رخصة وكدة كدة هيكون مخالف شروط الترخيص
___ والحالتين لازم يقدموا #تصالح عشان يقنن وضعه وبعدها يحول العداد من كودى لشرايح
=======
طب لما أخلص وأقنن وضعى أو لو أنا بانى قبل ٢٠٠٨ فى القرى . أعمل إيه ؟
#سواء عاوز تقدم على عداد جديد أو عاوز تحول العداد اللى عندك فعلاً من كودى لنظامى
#لازم تقدم خلال ٦ شهور من مطابقة الهيئة الهندسية أو هتضطر قم عليها تانى
هتاخد نموذج ٨
وسند الملكية
وإثبات الشخصية
إفادة بأنه لا مانع من التوصيل
وتروح شركة الكهرباء وتمشى فى الخطوات مع الشركة
"""""""""""""""
طب إيه مطلوب منى عشان أقدم تصالح ؟
١ _ إثبات #تاريخ إنشاء العقار وإنه ميكنش فيه جديد بعد ١٠ / ٢٠٢٣ ( )
٢ _ #صورة بطافة
٣_ صورة عقد البيع
٤ _ نسختين من الرسم الهندسى الموجود على الطبيعة
٥ _ صورة طبق أصل من #الرخصة لو فيه رخصة للبيت
٦_ صورة واجهة العقار #ألوان تظهر كامل العقار
٧ _ #إفادة من جهة #الولاية لو موجودة ( الزراعة . الطرق . الرى . .......)
٨ _ #شهادة #مؤمنة و #نموذج ٢ أ وإقرار بصحة #البيانات والإحداثيات
&&&&&&&&&&&&
طب مين عنده المشكلة وملهوش حل خالص
هو الشخص اللى بانى بعد ١٢ / ٢٠٢٣ سواء برخصة أو بغيره
ده حالياً ملهوش أى حل ولا ينطبق عليه التصالح الحالى
هينتظر #تعديل #قانون التصالح واللى أكيد إن شاء الله هيكون فيه #تعديل للتاريخ ده ومتوقع يكون ١٢ / ٢٠٢٥
اضغطوا على السوشيال ميديا وعلى #النواب وفى كل الجهات عشان مجلس الشعب يخلص تعديل القانون الحالى المعيب واللى فيه مشاكل ملهاش حل أصلاً والتعديل ده مستنيينه من أكتر من سنة
