28/09/2026
*الانفلوفاك* مصل الانفلونزا الرباعي
ليه لازم تاخد مصل الانفلونزا الموسميه :
1- بيقلل حدة الاعراض 80%
2- بيقصر مدة الاعراض
3- الاهم انه بيقلل اي مضاعفات للانفلونزا زي الالتهاب الرئوي الحاد
*طبعا كل افراد العائله لازم تطعم بس مين الاكثر عرضة للمضاعفات :
1- الاطفال وخاصة من عمر 6 شهور
2- كبار السن الاكبر من 50 سنه لان مناعتهم بتكون اضعف
3- اصحاب الامراض المزمنة زي الضغط والسكر و امراض القلب وامراض الجهاز التنفسي زي الازمه واصحاب المناعة الضعيفة
4- الحوامل لابد انها تطعم في اي وقت اثناء الحمل لان دا حماية ليها من اعراض الانفلونزا ومضاعفاتها وحماية للجنين انه ينزل بدري او ينزل وزنة قليل
*التطعيم اثناء الحمل بينقل الاجسام المضادة للجنين فبيتولد متطعم لحد عمر 6 شهور*
5-الاطباء والصيادلة والتمريض لابد من تطعيمهم لانهم في احتكاك مباشر مع المريض
*جرعة الانفلوفاك*
- للكبار: سرنجه واحدة بتتحقن في الكتف سواء اتطعم قبل كدا او لا ، وكل ما كان بدري كان افضل لان الاجسام المضاده والمناعة بتتشكل في خلال اسبوعين ل تلاتة.
-الأطفال: لو متطعمش قبل كدا بيحتاج سرنجه كامله وبعد شهر بيتحقن بسرنجة كمان
*التطعيم مهم لكل فرد في البيت*
