Abo Salem Auto parts - أبو سالم لقطع غيار السيارات

08/09/2021

زيت_الباكم
زيت الباكم فى أى عربية وظيفته إنه بيغذى ماستر الفرامل والماستر العلوى ولكن الخطر وكل الخطر فى إن بعض الناس تستعمل زيت باكم أي نوع وخلاص وده بيعمل مشكلة كبيرة 👌.
ولو حضرتك بصيت على القربة اللى بيكون فيها زيت الباكم فى العربية هتلاقى مكتوب عليها DOT 4 أو DOT 3 ودى درجات زيت الباكم المطلوبة للعربية دى تحديداّ واللى الشركة المصنعة للعربية هى اللى أوصت بكدة .
وعشان كدا جبنالك انهاردة زيت باكم مميز وهو TRW
وده من انضف واجود الزيوت في العالم 👌
ابو سالم لتجاره وتوزيع قطع غيار السيارات
01009855507

08/09/2021

مركز كار سيرفيس لظبط زوايا وترصريص العجل وأعمال العفشه
المحموديه بحيره خلف مساكن الشباب أمام المستشفى العام

08/06/2021

العمر الافتراضي لاجزاء السيارة.🔩🔧🔧

فلتر هواء 25 الف او 12 شهر
فلتر بنزين 40 الف
زيت وفلتر محرك 5الف الي 10الف او 12 شهر
سيور خارجيه من 30 الي 40 الف
سير كاتينه من 40الف الي 60 الف
زيت فتيس اتوماتك 40الف الي 60الف
زيت فتيس مانوال 40 الف الي 80الف
زيت فرامل 40 الي 60الف
مياه ردياتير40 الف
ردياتير160 الف كيلو
طقم بوجيهات 20الف الي 25 الف
رشاشات الوقود 160الف كيلو
طنابير الفرامل من 50الف الي 80الف
المرش مشغل السيارة من 120الف الي 160الف
الاطارات من 40الف الي 60الف
تيل الفرامل من 25الف الي 30الف
البطاريه من 3 الي 5 سنوات
مساحات كل 6 شهور
طلمبة زيت علبة القيادة من 120 الف الي 160 الف
موتور رفع الزجاج من 120الف 140الف
طلمبة البنزين وطلمبة المياه من 100 الف الي 140الف
ابوسالم لتجاره قطع غيار السيارات
01009855507

08/06/2021

أهم مميزات جهاز تنظيف الرشاشات
✅ بيعمل على 4 و6 رشاشات.
✅ التنظيف بالموجات فوق الصوتية (Ultrasonic).
✅ إجراء التنظيف في وقت واحد على سته رشاشات.
✅ إزالة رواسب الكربون من الرشاشات.
✅ اختبار التماثل/اختبار القدرة على الرش: لاختبار ضخ الكمية داخل انابيب المعايرة لاختبار حالة الرش لكل رشاش على حدة.
✅ اختبار التسريب: يتم الاختبار بغلق الرشاشات مع رفع الضغط داخل دائرة الجهاز لمعرفة وجود تسريب من عدمه.
✅ اختبار تدفق الرش: للتحقق من كمية الرش من الرشاشات خلال الضخ المستمر لمدة 15 ثانية.
✅ الاختبارالأوتوماتيكي: لعمل جميع الاختبارات السابقة أوتوماتيكيا في ظروف مشابهه لظروف عمل محرك السيارة.
لحجز والاستعلام مركز ابوسالم لتنظيف الرشاشات وغسيل دورة التبريد وغيار الزيت باحدث الاجهزه
خلف مساكن الشباب امام المستشفى العام
01009855507

07/06/2021

مادام مافيش مشاكل في الحرارة ودورة التبريد والمياه لسه نضيفة
ومافيش صدأ يبقى ليه أغير (مياه التبريد ) ؟!!
ده غير أني باستعمل مياه خضرا ومن نوع ممتاز ✋

طبعا دا كلام غلط!

كتير بيهملوا تغيير مياه التبريد بصفة دورية ، مادام مافيش اي مشاكل في الحرارة ظاهرة .
واكيد المياه سواء كانت الخضرا او الحمرا بتفقد خواصها حتى بمرور الزمن بدون استخدام السيارة.... فما بالك مع الاستهلاك !!
علشان كده تغيير مياه التبريد في معادها بيحافظ على حراره الموتور باستمرار ، وبيحميك من الأعطال المفاجئه.

👈أما الوقت المناسب لتغيير مياه ( دورة التبريد )
متوسط كل 30 الف كم .

حافظ على موتور عربيتك من الحرارة وغير مياه التبريد بانتظام 👌
لحجز والاستعلام مركز ابوسالم لغسيل دوره التبريد وتنظيف الرشاشات وغيار الزيت باحدث الاجهزه
خلف مساكن الشباب امام المستشفى العام
01009855507
01208980843

01/06/2021

علامات تخليك تعرف ان البوجيهات عمرها الافتراضى انتهى .
#تاخير فى الدوارة الصبح.
#انخفاض فى سحب السيارة على الطريق.
#الافراط فى استهلاك البنزين

28/12/2020

تعالو نتعلم حاجه مهمه صاحبك فاكر نفسه فيها حريف، لكن الناس في الشارع ساعتها ببعتبروه واطي 👇

1- اما اللي قدامك يدي إشارة يمين أو شمال علشان يحاول يروح في الاتجاه ده، تقوم انت شادد وجاري علشان تقفل عليه سكته. تبقى واطي.

2- لما تيجي تفرمل عند مطب، وفجأة تزنق الحارة اللي على يمينك أو شمالك وفيها حد كان بيفرمل هو كمان، ممكن تخليه يخيش في الرصيف. تبقى واطي.

3- لما تلاقي قدامك فجأة عربية راكنة أو عائق في الطريق، تقوم خالع منه من غير ماتحذر اللي وراك وتخليه هو يلبس. تبقى واطي.

4- لما تبقى متابع الطريق، وتلاقي الحارة اللي على يمينك أو شمالك فيها عربية ماشية كويس ولقى قدامه عربية عطلانة، أو مقطورة، أو أوتوبيس وبيحاول يخرج منها في حارتك، تقوم انت زانق عليه وماتخليهوش يعرف يخرج. تبقى واطي.

5- لما تمشي بطئ في الحارة الشمال في طريق سريع أو محور أو دائري، وتخلي الناس يضطروا يتشقلبوا ويزنقوا ف بعض علشان يعدوا منك. تبقى واطي.

6- لما تنور العالي بالليل علشان تعمي اللي قدامك أو اللي جاي ف وشك، بزعم انك مستعجل وانت أساساً بتستهبل، وتفيم إزاز ورا عندك علشان عارف ان الناس هاتتضايق وتردهالك. تبقى واطي.

7- لما تشوف واحدة سواقتها على قدها وماشية بالعافية، وبدل ماتسيبها ف حالها تروح تزنق عليها أو تربكها بالكلاكسات. تبقى واطي.

8- لما تشوف ناس بيعدوا الشارع من بعيد، وبدل ماتهدي وتدي انتظار تروح حارق وتجري علشان مايعرفوش يعدوا، وممكن يموتوا بسببك. تبقى واطي.

9- لما تسيب كل الناس اللي داخلين يمين أو شمال أو عند يوترن ومطلع كوبري، وتطلع قدامهم من خامس حارة وتقفل عليهم علشان تعدي انت الأول. تبقى واطي.

10- لما تفضل رايح يمين وشمال وتتطوح وتزنق وتفرمل وتزود بنزين وانت أساساً مش شايف انت بتعمل ايه في الناس علشان بتلعب على موبايلك وانت سايق. تبقى واطي.

11.لما تبقى معاك مرايات و قافلها. تبقى واطى😃

12.لما تدى إشارة يمين و تدخل شمال .تبقى واطى😁

13. لما تبقى بتضرب كلاكس عمال على بطال .تبقى واطى😉

ياتري تعرف كام واطي من اصحابك بيعمل كل ده 😂😂😂

12/12/2020

احنا عارفين و مقدرين إن الزحمة في البلد بقت صعبة 😤
علشان كده في معلومة لازم تعرفها لو انت بتقف في زحمة 🧐
تعال نحسب حسبة صغيرة لو انت ماشي على سرعة 100 هتمشي كيلو في الدقيقة طب لو انت واقف 10 دقائق و العربية شغالة سلانسيه الموتور هيبقى بيلف 900 لفة في الثانية
يعنى 10 دقايق60Xثانية 900Xلفة = 540 ألف لفة وده نفس معدل استهلاكك لو مشيت 10 كيلو
يبقى كأنها عملت قد ايه؟
اضربهم بقى في كام يوم في الشهر و كام دقيقة في الزحمة هيطلع لك ان في حوالي 2000 كيلو اتحرقوا و انت واقف و العداد مش هيقراهم علشان كده بننصحك علشان تحافظ على صحة عربيتك انك تغير زيت ال 10ألاف كيلو بعد 8ألاف كيلو

09/12/2020

ثواني بسيطه و هتحدد مشكله عربيتك 💫
بخبرتنا في ميزان شجره الدر و مع احدث اجهزه كشف الاعطال 🧑‍🚒
هتطمن علي عربيتك و هتعرف مشكلتها و هتحلها 👌🏻. خليك مطمن علي الطريق مع ميزان شجره الدر 🥳❤️
🗺 دمنهور شبرا شارع شجرة الدر
للتواصل والاستفسار
01004862935 الاستاذ احمد عامر
01000726838 الباشمهندس عامر محمد
01010608101 الأستاذ محمد صلاح

04/12/2020

اختيار الزيت المناسب للموتور بيعتمد على:
- أولاً، الرجوع لدليل العربية لاختيارالمواصفة ودرجة اللزوجة المناسبة لنوع موتورك.
- اتأكد إن الزيت اللي بتستخدمه عالي الجودة وأنه بيتوافق مع المعايير الدولية سواء كانت API (معهد البترول الأمريكي)/ACEA (معايير الاتحاد الأوروبي)/ JASO (المعايير اليابانية)/ SAE (جمعية مهندسي السيارات) من خلال الأختام الموجود على عبوة الزيت.
- اتحقق من الالتزام بموافقات OEM (الشركات المصنعة الأصلية)، فعلى سبيل المثال أحد معايير OEM في فولكس فاجن هي VW 505 00 أو VW 502، لكن في حالة مرسيدس بنز المعيار هو MB 229.1، وهكذا.
- تصميم مضخة الزيت فيما يتعلق باللزوجة المناسبة للموتور.
- حالة الموتور وعمر السيارة (لو كانت عربيتك جديدة من فضلك ارجع لتوصيات دليل المستخدم)

اختار الزيت المناسب لعربيتك وحافظ على تغييره بانتظام علشان يفضل موتورك دايما جديد..

20/11/2020

Mix brand

20/11/2020