12/08/2026
الموضوع كمان زاد جدا بس علي ليفيل عالي اوي بعد موضوع مجهول الهوية ده ... ربنا يرحمنا
لا تتصنع او تظهر عكس ما تخفي ...
بستغرب جدا لما الاقي بعض المهندسين ما شاء الله مش عاجبهم العجب علي السوشيال و بيتهكموا و بيسخروا و بيعلوا علي زملاء المهنة لمجرد خطأ او معلومة مغلوطة عند زميل ليه او حتي بوست عمله شير و 90% من البوست صح وفيه معلومة واحدة غلط فتلاقيه ما شاءا الله صياد ... يقعد نص ساعة يسلخه في الكومنتات علي المعلومة الخطأ و التي تمثل 10% من البوست و كأنه اسد في المجال و الحقيقة
............ انه ارنب بس لابس وش اسد .........
هتقولي طيب ما هو بيدافع عشان محدش ينشر علم غلط ... هقولك مظبوط بس فيه اكتر من طريقة تصلح بيها الخطأ ده بدون سخرية او تهكم لأن ديننا نهانا عن ذلك
"" يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ ۖ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ ۖ بِئْسَ الِاسْمُ الْفُسُوقُ بَعْدَ الْإِيمَانِ ۚ وَمَن لَّمْ يَتُبْ فَأُولَٰئِكَ هُمُ الظَّالِمُونَ (11) ""
** منها انك تنبهه بلطف و حسن نيه في رساله علي الخاص
** او تكتب كومنت لطيف تشكره علي البوست و تنوه بلطف علي الخطأ اللي هو وقع فيه
** او تنزل بوست علي صفحتك بدون تجريح او تشويه لزميلك و متجيبش حتي سيرته من قريب ولا من بعيد في البوست و تصحح المعلومة
***************************************************************
كمان تلاقي بعض الزملاء الأفاضل يغلط في اللي هو عايزه بأسلوب ينأي له الجبين ما هو (مجهول الهوية)
انتقد بس بأسلوب لطيف ... انتقد بس بدون تجرح ... انتقد وخلي نيتك الإصلاح ✨✨
الخلاصة كلنا نيتنا خير ان شاء الله و كلنا هدفنا ننفع الناس بس لازم نستقيم مع بعض في كومنتاتنا و في اراءنا و نختلف بحب وود و حتي لو انت اختلفت مع حد متخليش اختلافك يخليك تطيح في الكل و نبص نلاقي الناس عامله لبعضها بلوك وبتتهم بعض اتهامات مش لطيفة
استقيموا يرحمكم الله
