19/05/2026
"البند اللي ملوش تفاصيل.. هو شيك على بياض للمشاكل!" 📉
كتير من المشاريع بتدخل في دوامة "أصل مقلتش" و "أصل مكنتش أعرف"، والسبب ببساطة هو توصيف البند، شفت إن التوصيف الدقيق مش مجرد رص كلام في المقايسة، ده "خط الدفاع الأول" عن المشروع لـ 3 أسباب:
1️⃣ قفل باب الـ Variations: المقاول بيسعّر على قد الكلام المكتوب. لو الوصف ناقص، أي تفصيلة زيادة في التنفيذ هتتحول لـ "مطالبة مالية" تعجز الميزانية.
2️⃣ عدالة المنافسة: لما أوصف (نوع المادة، طريقة الخلط، ماركة الإضافات)، بضمن إن كل المقاولين بيسعّروا نفس الجودة، مش واحد بيضرب سعر قليل لأنه ناوي يستخدم خامات تعبانة.
3️⃣ الاستلام بالملّي: التوصيف الدقيق بيخلي "محضر الاستلام" مجرد عملية مطابقة بين المكتوب واللي اتنفذ، مفيهاش مجال للتقدير الشخصي أو الجدال.
نصيحتي :
اتعب في كتابة "توصيف البند" دلوقتي.. عشان ترتاح في "متابعة الموقع" بعدين.
الجودة بتبدأ من الورقة والقلم قبل الحفر والخرسانة. 🏗️
