مكين - Makeen

06/10/2025

٦ أكتوبر… يوم النصر والعزة 🇪🇬
كل سنة ومصر بخير وقوة ✨

05/07/2025

اشتغلنا سنين على كرسيّك، واتصوَّر الإعلان في دقايق—وسـعادتنا كانت أكبر لأننا مؤمنين إن ‎Makeen Clay هيساعدك تحافظ على صحتك ونشاطك. 💙اكتبولنا رأيكم في الإعلان تحت! | |

02/07/2025

الكرسي الجاهز ممكن "ينقلك"...
لكن الكرسي اللي متصمم ليك فعلاً، بيحافظ عليك.

حابين نقدم مكين كلاي - Makeen Clay اللي هيغير مفهومك عن الكراسي المتحركة...
✅ مصنوع من الألومنيوم خفيف الوزن وقوي التحمل؛
لسهولة الحمل، وسلاسة الحركة، ومتانة تدوم سنين.
✅ مصمّم مخصوص ليك، عرض وعمق القاعدة:
بيتحدد حسب مقاساتك لتوزيع الوزن بشكل متوازن وتقليل الضغط على الوركين.
✅ ارتفاع مسند الظهر:
بيتحدد حسب طول ظهرك لتوفير دعم حقيقي للعمود الفقري، ومن غير ما يعيق حركة إيدك أثناء الدفع.
🔁 قابل للتعديل حسب احتياجك في أي وقت:
⏺️زاوية مسند الظهر قابلة للتعديل: تتظبط بضغطة زر لراحة الظهر وتوزيع الضغط.
⏺️زاوية الميل الخلفي (Seat Dump) قابلة للتعديل: تحافظ على ثبات الجسم وتمنع التزحلق للأمام.
⏺️محور العجلات الخلفية قابل للتعديل: يتظبط لتقليل إجهاد الكتفين وتسهيل الدفع.
⏺️العجلات الخلفية قابلة للفك: بضغطة زر، لتسهيل التخزين وتخفيف الوزن أثناء الحمل.
⏺️العجل الخلفي قابل للنفخ (Air-Filled Rear Tires): بيمتص الصدمات أثناء الحركة وبيخلي الكرسي أخف وأسهل في الدفع.
⏺️زاوية ميل العجل الخلفي (Wheel Camber): بتزود من اتزان الكرسي أثناء الحركة، وبتقلل من إجهاد الكتف.
⏺️الفرامل قابلة للتعديل: بتتظبط حسب ميل العجلة وموقعها، وتقدر تتحكم في قوة الفرملة علشان تكون آمنة ومريحة حسب استخدامك.
⏺️مسند قدم بيتفك وبيتظبط على مقاسك، وفيه حزام يمسك رجلك مكانها مهما تحركت.
⏺️أحزمة قاعدة المقعد قابلة للتعديل (Base Tension Straps): تقدر تتحكم فيها لعمل شكل S مريح يدعم الجسم.
⏺️أحزمة مسند الظهر قابلة للتعديل (Backrest Straps): لضبط دعم العمود الفقري حسب احتياج كل شخص.
⏺️مسند اليد قابل للتعديل: لضمان راحة الذراع أثناء الجلوس أو الحركة.
⏺️مانع الانقلاب قابل للتعديل: لتوفير ثبات أكبر حسب نمط الاستخدام.
⏺️ارتفاع الكرسي بالكامل قابل للتعديل: يتغير حسب الطول أو نوع النشاط اليومي.

🎨 تصميم يعبر عنك:
- ستايل عصري أنيق يغيّر الصورة التقليدية للكراسي المتحركة.
- اختيارات ألوان حرة تعبّر عن شخصيتك واستايلك.
- فرش جلد فاخر، سهل التنظيف، مريح، ومضاد للبكتيريا.

🛡️ دعم كامل بعد الشراء:
- ضمان شامل لمدة 3 سنوات
- صيانة واستبدال لأي قطعة خلال فترة الضمان
- قطع غيار متوفرة دائمًا
- متابعة دورية لضبط الكرسي مع تطور استخدامك

مكين كلاي - Makeen Clay. مش بس وسيلة تنقل، ده استثمار في راحتك، وصحتك.

📩 لو حابب تعرف أكتر عن مكين كلاي - Makeen Clay
ابعتلنا رقم تليفونك أو كلمة "مهتم"،
وفريقنا هيتواصل معاك ويوضحلك كل التفاصيل، خطوة بخطوة.

27/06/2025

هل أي كرسي متحرك ممكن يناسب أي مستخدم؟

الحقيقة إن الكرسي من غير الـ Adjustments -تعديل المقاس حسب الطلب- المصممة على مقاس كل مستخدم هيتحول لمصدر ألم بدل ما يكون بيساعدك تتحرك بأمان كل يوم.

وبعد سنين من البحث والتطوير، قدرنا نوصل لـ «مكين كلاي - Makeen Clay»؛ كرسي متحرك قابل للتعديل بالكامل بيقدم لك كل الـ Adjustments المطلوبة عشان تعيش براحة واستقلالية مع كل حركة.

| | |

26/06/2025

ساعات قليلة بتفصلنا عن الإعلان عن منتج جديد اشتغلنا على تطويره لفترة طويلة، وجه وقت خروجه للنور.

كونوا على استعداد...

| |

28/12/2024

ما وراء كواليس رحلة 9 سنوات لتطوير نظارة للصم -SensEar- وتأسيس مكين…

19/12/2024

في البوست الخامس من سلسلة معايير اختيار الكرسي المتحرك الأنسب، هنتكلم عن تعديل محور الكرسي (Wheelchair Axle Adjustment) وتأثيره على الأداء، الثبات، وسهولة الحركة.
⚙️ إيه هو محور الكرسي؟
محور الكرسي هو النقطة اللي بتتصل فيها العجلات الخلفية بالهيكل الأساسي للكرسي. تعديل مكان المحور للأمام أو للخلف بيأثر على زاوية الحركة، الجهد المطلوب، وثبات الكرسي.
🔄 أهمية تعديل محور الكرسي:
- وضعية المحور للأمام (العجلات أقرب للمستخدم):
⏺ زاوية لف أكبر:
- المسافة بين ايدك والعجلة الخلفية بتكون أقل.
- تقدر توصل لمساحة أكبر من إطار العجلة (مثلاً نص لفة أو أكتر)، وده بيزود كفاءة الدفع وسرعة الحركة.
⏺ جهد أقل:
- مركز العجلة بيقترب من مركز الجاذبية، وبالتالي الكرسي بيحتاج قوة دفع أقل للحركة.
- الكرسي بيكون أسرع استجابة وأكتر حساسية للتحكم.
- وضعية المحور للخلف (العجلات أبعد عن المستخدم):
⏺ زاوية لف أصغر:
- المسافة بين ايدك والعجلة الخلفية بتزيد، وده بيخليك تقدر تلف جزء أصغر من العجلة (مثلاً ربع لفة فقط).
- الحركة بتكون أبطأ لأنك بتحتاج عدد لفات أكبر للوصول لنفس المسافة.
⏺ جهد أكبر:
- مركز العجلة بيبعد عن مركز الجاذبية، وده بيخليك تحتاج قوة دفع أكبر لتحريك الكرسي.
- الكرسي بيكون أقل استجابة، لكنه أكتر ثباتًا، وده مناسب للاستخدام في الأماكن المفتوحة أو عند تحميل أوزان إضافية.
⚖️ إزاي تختار الوضعية المثالية؟
الوضع المثالي بيجمع بين:
🎯 زاوية لف مريحة: سنتر العجلة يكون قريب بحيث تقدر توصل لثلث أو نصف لفة بكل سهولة.
🎯 جهد متوازن: مركز الجاذبية يكون مضبوط بحيث الكرسي يتحرك بسهولة بدون مجهود كبير.
🦽 الطريقة البسيطة للتأكد:
- اجلس على الكرسي ومد إيدك جنبك بشكل طبيعي.
- تأكد إن مركز العجلة الخلفية في مستوى الإصبع الأوسط لإيدك الممدودة.
⚠️ملحوظة مهمة:
اختيار تعديل المحور المناسب بيحقق توازن مثالي بين الثبات وكفاءة الحركة، وده بيأثر بشكل مباشر على راحتك اليومية وأدائك على الكرسي.
راحتك تبدأ من التفاصيل الصغيرة. لو عندك أي سؤال أو محتاج مساعدة، اسألنا في الكومنتات أو ابعتلنا رسالة! 🙏

| | |

19/12/2024

🤩🤩

الواقع الطبيعي للأشخاص ذوي الإعاقة السمعية هو الصمت. ورغم التطورات السريعة في لغة الإشارة، لا يزالون يواجهون حواجز في حياتهم اليومية. يقول عمر عبد السلام، مؤسس SensEar وأحد المشاركين في برنامج تمكين الدمج في التوظيف (EIIE): "سواء مع القراءة أو مشاهدة التلفزيون أو المشاركة في نقاشات، إذا لم يتم تضمين لغة الإشارة، يتم استبعاد الشخص الذي يعاني من فقدان السمع بشكل غير مقصود. نحن كبشر مبرمجون على التواصل، لكن ليس الجميع يمكنه التواصل بلغة الإشارة. العالم يحتاج إلى فهم العزلة التي يسببها هذا الحاجز".

أدرك عمر هذه المشكلة في سن صغيرة. كان عمره 14 عامًا عندما تعطلت سيارة والده أثناء رحلة، يقول عمر متذكرًا: "فبحثنا عن ميكانيكي، حتى وجدناه، شخصًا يعاني من صعوبات في السمع والكلام. كانت هذه أول مرة ألتقي فيها بشخص من ذوي الإعاقة. حاول التواصل معنا باستخدام لغة الإشارة، لكن لم يتمكن أي منا من فهم الآخر".

في تلك اللحظة، انغمس عمر الصغير في التفكير بينما كان ينظر إلى وجه الميكانيكي. لاحظ نظارته وتساءل: "ماذا لو استطاعت هذه العدسات ترجمة كلماتنا إلى لغة الإشارة؟" ومن هنا ولدت فكرة SensEar.

نظارات تعمل بتقنية الواقع المعزز ومتكاملة مع تطبيق على الهاتف المحمول—اليوم يقدم عمر SensEar كحل مبتكر للأشخاص ذوي الإعاقة السمعية: "منحهم الاستقلالية اللازمة لتطوير الذات، والتعلم، واستكشاف الموارد هو الهدف". من خلال عرض يشبه الهولوجرام على العدسات، يمكن للمستخدمين القراءة، والكتابة، والتعامل مع المحتوى الرقمي مع ترجمة فورية للكلام والنصوص إلى لغة الإشارة.

رغم صغر سنه، قرر عمر تحويل شغفه إلى مهمة. فأسس شركته الناشئة "Makeen - مكين" بدعم من والده وبدأ في تجربة النموذج الأولي لـ SensEar وأدوات مساعدة أخرى تلبي احتياجات الإعاقات المتنوعة. كما أطلق حملات لجمع التبرعات وتواصل مع الخبراء والمتطوعين لدعمه في عملية تطوير النظارة.

بعد 13 نموذجًا أوليًا تم تطويرهم على مدار 9 سنوات، يقدم عمر الآن، وهو يبلغ من العمر 23 عامًا، نسخة من SensEar تترجم أكثر من 50,000 كلمة باللغة العربية الفصحى والعامية. ويضيف: "أنها تزن حوالي 45 جم، ما يجعلها مريحة للارتداء لمدة تصل إلى 10 ساعات دون إجهاد".

من خلال حاضنة أعمال EIIE، يعمل عمر مع فريقه—محمد سامي وأحمد سعيد—على تحسين برمجيات SensEar لإطلاق أول نسخة متاحة خلال الربع الأول من عام 2025. فإن كنتم ترغبون في الاطلاع على نظارة SensEar والمساهمة في مهمة الفريق بخبراتكم لدعم استقلالية الأشخاص ذوي الإعاقة السمعية نحو التعلم والتطوير، اتركوا تعليقًا أو راسلونا وسنتواصل معكم.

تنفذ مؤسسة enpact غير الهادفة للربح برنامج تمكين الدمج في التوظيف ضمن إطار التعاون بين وزارة التضامن الاجتماعي والوكالة الألمانية للتعاون الدولي (جي اي زد) في مصر GIZ Egypt، والذي ينفذ بالنيابة عن الحكومة الألمانية. ويتم تنفيذ البرنامج كجزء من مشروع تكافؤ الفرص والتنمية الاجتماعية (EOSD).

19/12/2024

شكرًا لدعمكم المستمر ❤️
enpact

The normal reality for persons with auditory disabilities is silence. Even with rapid developments in Sign Language, they still face barriers in everyday life. “From reading to watching TV to chatting with people, if sign language is not included, a person with hearing loss is unintentionally left behind,” says Omar Abdelsalam, Founder of SensEar, part of the Empowering Inclusion In Employment (EIIE) program. “We are wired to connect as humans, but not everyone can connect with Sign Language. The world needs to understand the isolation caused by such a barrier.”

Omar realized this problem at a very young age. He was 14 when his father’s car broke down during a road trip: “While searching for a mechanic, we reached one with hearing and speech difficulties. It was my first time to meet a person with disabilities. He tried to communicate with us using sign language, but none of us could understand the other,” Omar recalls.

Young Omar zoned out at that moment while staring at the mechanic’s face. He then noticed the man’s glasses and wondered: ‘What if these lenses could translate our words into Sign language?” Here, the idea of SensEar sparked in his head.

Augmented Reality-powered glasses integrated with a mobile app—Omar today introduces SensEar as an innovative solution for persons with auditory disabilities: “Giving them the independence needed to self-develop, learn and explore resources.” With a hologram-like display on the lenses, users can navigate digital content with real-time translation into sign language.

Despite his young age, Omar decided to harness his passion into a mission. He established his startup "Makeen" with the support of his father and started experimenting with the model of SensEar and other assistive tools that cater to diverse disabilities. He also launched fundraising campaigns and connected with experts and volunteers to support the development process.

After 13 prototypes developed over 9 years, 23-year-old Omar now introduces SensEar in a version that translates over 50,000 words in formal and colloquial Arabic. “It weighs around 45 gm so users can wear it for up to 10 hours without strain.”

Through the EIIE Incubator, Omar with his team—Muhammad Samy and Ahmed Saeed—are refining SensEar’s software to launch an early access version over the first quarter of 2025. If you want to check it out and contribute to SensEar’s mission to foster further independence for persons with auditory disabilities toward learning and development, leave a comment or drop a message and we will connect you.

The Empowering Inclusion in Employment programme is implemented by the nonprofit organisation enpact within the cooperation framework between the Ministry of Social Solidarity and the Deutsche Gesellschaft für Internationale Zusammenarbeit (GIZ) in Egypt, which implements on behalf of the German Government. The programme is implemented as part of the Equal Opportunities and Social Development (EOSD) Project.

17/12/2024

النصيحة الرابعة Adv. 04
في سلسلة معايير اختيار الكرسي المتحرك الأنسب، كلامنا النهاردة هيكون عن طول مسند القدم (Footrest Length)، واللي تعتبر عنصر أساسي لراحة الجسم وتوزيع الوزن بشكل صحي. 🦽

📏 إيه هو طول مسند القدم؟
طول مسند القدم هو المسافة بين سطح المقعد وأعلى نقطة في المسند اللي بتستقر عليها القدمين، الطول ده لازم يكون مضبوط علشان يضمن لك راحة وثبات.

⚠️ لو الطول مش مناسب، هيظهر عليك علامات واضحة:
❌ لو طول مسند القدم كبير جدًا:
العلامة الواضحة: القدمين مش بتوصل للمسند بشكل طبيعي وبتكون "معلقة".
النتيجة:
1️⃣ الضغط بيزيد على الجزء الأمامي من الفخذ (خلف الركبة).
2️⃣ الشعور بعدم راحة وصعوبة في الثبات على الكرسي.
3️⃣ اضطراب في الدورة الدموية مع الوقت.

❌ لو طول مسند القدم قصير جدًا:
العلامة الواضحة: الركبتين بتكون مرفوعة لأعلى بشكل غير طبيعي.
النتيجة:
1️⃣ الضغط بيرتكز على الجزء الخلفي من الفخذ ومنطقة الحوض.
2️⃣ عدم استقرار الفخذ بالكامل على المقعد، وده بيضغط على الحوض والظهر.
3️⃣ إجهاد وعدم راحة مستمرة أثناء الجلوس.

✅ الطول المناسب لمسند القدم:
1️⃣ الركبتين بتكون في زاوية 90 درجة تقريبًا.
2️⃣ الفخذين بتستقر بالكامل على المقعد.
3️⃣ القدمين بتستقر على المسند براحة بدون أي رفع أو إجهاد.
4️⃣ الوزن بيتوزع بشكل متوازن بين الفخذين والقدمين، وده بيوفر راحة وثبات أثناء الجلوس.

🔧 إزاي تتأكد من الطول المثالي؟
1️⃣ قيس المسافة من أسفل الركبة (عظمة الساق) لحد أسفل الكعب.
2️⃣ عدّل مسند القدم بحيث تضمن:
- زاوية 90 درجة عند الركبتين.
- راحة القدمين على المسند بدون أي ضغط أو تعليق.

📌 اختيار طول مسند القدم المناسب هو خطوة بسيطة لكن تأثيرها كبير جدًا على راحتك وثباتك اليومي.

لو عندك أي استفسار أو محتاج مساعدة في اختيار الكرسي المناسب ليك؛ ابعتلنا رسالة أو اسألنا في الكومنتات. احنا هنا لدعمك دائمًا! 🙏

| | |

16/12/2024

تعرف إن زاوية ميل الكرسي المتحرك (Seat Dump) ممكن تغيّر تجربتك اليومية بالكامل؟ 🤔

النصيحة التالتة Adv. 03 في سلسلة هتكون مستمرة الفترة الجاية واللي هنتكلم فيها عن معايير اختيار الكرسي المتحرك الأنسب لحالة المستخدم...

وفي النصيحة التالتة كلامنا هيبقى عن ميل الكرسي (Seat Dump)

زاوية الميل (0° إلى 15° غالبًا) بتحدد مستوى الراحة وسهولة الاستخدام أثناء التنقل.

❌ تأثير الزوايا المختلفة:
1️⃣ ميل منخفض جدًا (0° - 3°):
- ممكن يسبب قلة ثبات الجسم، خاصة أثناء الحركة.
- سهولة الانزلاق للأمام مع نقص الدعم للفخذين والظهر.
- يُسهل التنقل من وإلى الكرسي (مثل الانتقال للسيارة أو السرير).
2️⃣ ميل متوسط (4° - 8°):
- بيوفر توازن كويس بين الثبات والراحة.
- بيدعم وضعية جلوس صحية مع توزيع وزن متساوي.
- مناسب للاستخدام اليومي مع سهولة في التنقل.
3️⃣ ميل مرتفع (9° - 15°):
- بيوفر ثبات عالي للجسم أثناء الحركة.
- ممكن يزود من الضغط على منطقة الحوض مع الاستخدام الطويل.
- يُصعّب التنقل من وإلى الكرسي، زي الانتقال للسيارة أو السرير.

✅ الميل المثالي يضمن:
- استقرار الجسم أثناء الحركة والجلوس.
- توزيع وزن صحي على الحوض والفخذين.
- سهولة التحكم أثناء الدفع اليدوي وتقليل الإجهاد العضلي.

🦽 كيف تختار زاوية الميل المناسبة؟
- استشير متخصص في الكراسي المتحركة لتحديد الأنسب.
- فكّر في احتياجاتك اليومية: هل التنقل أهم ولا الثبات؟
- جرّب كذا زاوية للوصول للتوازن بين الراحة وسهولة الاستخدام.

لو مهتم تعرف أكتر عن تفاصيل اختيار كرسي متحرك مناسب؛
اسألنا في الكومنتات أو ابعتلنا رسالة، واحنا هنساعدك في اختيار الكرسي الأنسب 🙏

| | |

10/12/2024

النصيحة التانية Adv. 02 في سلسلة هتكون مستمرة الفترة الجاية هنتكلم فيها عن معايير اختيار الكرسي المتحرك الأنسب لحالة المستخدم...

وفي النصيحة التانية كلامنا هيبقى عن اختيار العمق المناسب للكرسي المتحرك (Seat Depth)

اختيار عمق المقعد المناسب في الكرسي المتحرك مش مجرد اختيار عشوائي، ده عامل رئيسي لتحقيق الراحة، دعم الظهر، وتوزيع الوزن بشكل صحيح.

❌ لو العمق أقل من اللازم:
- مش هيغطي الفخذين بشكل كافي، وده يسبب ضغط زائد على عظام الحوض.
- هيؤدي إلى آلام مزمنة في الظهر بسبب ضعف الدعم.
- ممكن يتسبب في زحزحة مستمرة للأمام، وده خطر على الثبات.

❌ لو العمق أكبر من اللازم:
- هيضغط على مؤخرة الركبة، وده بيؤثر على الدورة الدموية.
- هيصعب الجلوس بزاوية صحيحة ويؤدي لوضعيات غير صحية.
- ممكن يسبب مشاكل في الحركة والدفع اليدوي.

✅ العمق المثالي يضمن:
- توزيع الوزن بشكل متوازن على الفخذين والمقعد.
د- عم أفضل للفخذين والظهر.
حركة أكثر سهولة واستقرار أثناء الاستخدام.

🦽 ازاي تختار العمق المثالي؟
قيس المسافة من ظهر الحوض إلى خلف الركبة، ثم اطرح 2 إلى 3 سم لضمان تجنب الضغط على الركبة وتحقيق راحة أكبر.

اختيار العمق المناسب للكرسي هو استثمار في صحتك وراحتك اليومية.
مهتم تعرف أكتر؟ اسألنا في الكومنتات أو ابعتلنا رسالة، واحنا هنا لمساعدتك دائمًا 🙏

| | |