Edu-Hub Academy

Edu-Hub Academy Contact information, map and directions, contact form, opening hours, services, ratings, photos, videos and announcements from Edu-Hub Academy, Engineering service, Cairo.

خصومات "BLACK FRIDAY" عندنا بشكل مختلف.....خصومات تصل ل 50% على اى كورس حابب تسجل فيه 💥💥استفيد بالخصومات دلوقتى و سجل فى...
01/11/2024

خصومات "BLACK FRIDAY" عندنا بشكل مختلف.....
خصومات تصل ل 50% على اى كورس حابب تسجل فيه 💥💥

استفيد بالخصومات دلوقتى و سجل فى اى كورس من EDU-HUB و ابدء الكورس وقت ما تحب.
الخصومات مش هتكون يوم واحد، لا الخصومات لحد يوم 22/11

مستنى ايه!! سجل معانا و استغل "BLACK FRIDAY"

في عالم التصميم، Simulation& Render زي فريق كرة القدم! كل واحد له دوره! تعال شوف كل واحد بيعمل إيه!🤔1. المحاكاة (Simulat...
16/10/2024

في عالم التصميم، Simulation& Render زي فريق كرة القدم! كل واحد له دوره! تعال شوف كل واحد بيعمل إيه!🤔

1. المحاكاة (Simulation):

* المعنى: المحاكاة هي عملية أساسية لأي منتج أو تصميم. بتساعدنا نختبر النموذج افتراضياً قبل ما نطبقه في الواقع.
* الاستخدام: بنستخدم المحاكاة عشان نحسب الإجهادات الواقعة على التصميم ونتأكد هل هو آمن وقادر يتحمل ولا لأ.
* أمثلة: محاكاة هياكل المباني، محاكاة الأجزاء الميكانيكية في السيارات، أو محاكاة تدفق السوائل في الأنابيب.
* الهدف: لو المحاكاة أظهرت إن التصميم آمن، بنقدر نقول إن التصميم ناجح. ولو لا، لازم نعمل إعادة تصميم (Redesign) لتجنب حدوث كسر أو فشل.

2. الرندر (Render):

• المعنى: الرندر هو عملية تحويل التصميم
لصورة أو فيديو بجودة عالية. بنضيف الإضاءة والألوان عشان نخلّي المشهد يبقى واقعي.
• الاستخدام: نستخدمه عشان نحول النماذج ثلاثية الأبعاد لصورة أو فيديو جذاب.
• أمثلة: الرندر موجود في الأفلام، الإعلانات، الألعاب، وعرض المنتجات أو المباني.
• الهدف: نطلع صورة نهائية تظهر التصميم كأنه حقيقي.

* الفرق الأساسي: ⚡⚡
‏Simulation:بتختبر الأداء والآمان الوظيفي للتصميم, تركز على الحسابات الهندسية (زي الإجهادات والضغوط)
‏ Render: بيستخدم لتوضيح الشكل البصري النهائي. ايركز على المظهر فقط بدون اختبار قدرة التصميم على التحمل أو الأداء

عايز تعرف إزاي تصنع حاجة قوية من قطع معدن صغيرة؟ الـ Weldment هو الحل! إيه هو الـ Weldment⁉ببساطة، الـ Weldment هو لما ن...
13/10/2024

عايز تعرف إزاي تصنع حاجة قوية من قطع معدن صغيرة؟ الـ Weldment هو الحل!
إيه هو الـ Weldment⁉

ببساطة، الـ Weldment هو لما نجيب كذا قطعة معدن، سواء ألواح أو مواسير، ونلحمهم مع بعض عشان نكون جزء واحد متكامل وقوي. بدلاً من إننا نجيب قطعة معدن كبيرة نشتغل عليها، بنقسم العمل على أجزاء أصغر وبعدين نجمعهم مع بعض باللحام.

إزاي بنستخدم الـ Weldment؟🤔

فكر في أي حاجة مصنوعة من الحديد زي كراسي او حتى هياكل السيارات. كتير من الحاجات ديه مكونة من أجزاء منفصلة، بنجيبها ونلحمها مع بعض عشان نطلع الشكل النهائي. الفكرة ديه بتساعدنا نعمل تصميمات أقوى بمواد أقل وتكلفة أقل، بدل ما نستخدم كتلة واحدة ضخمة من المعدن.

مميزات الـ Weldment:💪😚

• توفير في المواد: لأننا بنستخدم أجزاء صغيرة، بدل من قطع ضخمة، ده بيوفر في التكلفة.
• تصميمات معقدة: نقدر نعمل أشكال وتصميمات مش ممكنة لو استخدمنا قطعة واحدة.
• سهولة التصليح: لو جزء اتلف، ممكن نفكه ونصلحه من غير ما نغير كل الشغل.

خلاصة الموضوع:🏆

الـ Weldment هو الحل السحري عشان نعمل حاجات قوية ومتينة من قطع صغيرة، نلحمهم مع بعض ونطلع تصميمات معقدة وبأقل تكلفة، وفي نفس الوقت بنسهل الصيانة والتصليح

النهارده هنتكلم عن حاجة مهمة في عالم التصنيع والتصميم وهي Sheet Metal. إيه هو الـSheet Metal وبيتعمل إزاي؟ خلينا نفهم ال...
10/10/2024

النهارده هنتكلم عن حاجة مهمة في عالم التصنيع والتصميم وهي Sheet Metal. إيه هو الـSheet Metal وبيتعمل إزاي؟ خلينا نفهم الموضوع ببساطة.

-يعني إيه Sheet Metal؟🤔

تخيل إنك معاك ورقة معدن كبيرة، زي لوح حديد أو ألومنيوم. الورقة دي بتبقى مسطحة، ومن هنا بيجي اسمها "Sheet Metal". اللي بيحصل بعد كده إنك بتبدأ تقطعها، تنيها، وتشكّلها عشان تطلع منها أجزاء معينة.

-إزاي بنتعامل مع الـSheet Metal؟🤔

1. القص:أول خطوة بتكون إنك تقص الورقة على حسب الشكل اللي محتاجه. بتستخدم أدوات مخصوصة عشان تقطعها بدقة.

2. التني :بعد ما تقصها، بتبدأ تني الورقة المعدنية عشان تاخد الشكل اللي محتاجه. مثلا، لو بتعمل صندوق أو غطاء لجهاز، هتحتاج تتني الأطراف.

3.اللحام هو اللي بيربط أجزاء الـSheet Metalمع بعض بشكل دائم، بيستخدم حرارة عالية عشان يدمج المعدن ويقويه. بيساعد في تجميع القطع بعد التقطيع والتني، وبيخليها جاهزة للاستخدام في المنتج النهائي.

4.التشكيل:بعد القص والتني، بتقدر تضيف تفاصيل زي فتحات أو زوايا عشان تجهز الجزء للاستخدام.

-ليه Sheet Metalمهم؟⚡⚡

- خفيف وعملي :المواد اللي بنستخدمها في الـSheet Metal بتكون خفيفة لكن قوية، عشان كده بنلاقيها في حاجات كتير حوالينا.
- سهل التشكيل:تقدر تعمل منه أشكال كتير مختلفة بفضل القص والتني.
- اقتصادي:لو معاك ورقة معدن، تقدر تطلع منها أجزاء كتير بتكلفة أقل مقارنة بتصنيع كل جزء لوحده.

-فين بنستخدم Sheet Metal؟⁉⁉

- في تصنيع العربيات والأجهزة الإلكترونية.
- في أجزاء التكييفات والأنابيب.
- حتى في حاجات بسيطة زي المكاتب والخزانات.

-الخلاصة: Sheet Metalهو ورقة معدن بتتقسم وتتني وتتشكّل عشان تطلع منها أجزاء معينة. العملية دي بتسهّل تصنيع أجزاء كتير مختلفة في منتجات حوالينا كل يوم.

تابعونا عشان نكمل معاكم شروحات أكتر في عالم التصميم والتصنيع الهندسي .

في البوستات اللي فات، اتكلمنا عن
‏2D و 3D و Assemblies تقدروا ترجعوا ليهم تشوفوا التسليل ماشي ازاي😎

هنكمل سلسله لو لسا بتتعلم التصميم الهندسي ايه الي مفروض تعرفه… 🤝هنتكلم عن حاجة مهمة جدًا في التصميم الهندسي، وهي Assembl...
07/10/2024

هنكمل سلسله لو لسا بتتعلم التصميم الهندسي ايه الي مفروض تعرفه… 🤝
هنتكلم عن حاجة مهمة جدًا في التصميم الهندسي، وهي Assemblies وبيشتغل إزاي؟
هنعرف كل ده بطريقة سهلة وبسيطه💯

-يعني إيه Assemblies؟🤔

تخيل معايا إنك شغال على تصميم عربية. العربية دي مش قطعة واحدة، صح؟ هي مجموعة أجزاء زي الموتور، العجلات، الأبواب، وكل جزء بيكمل التاني. هنا بقى بيجي دور الـAssemblies.

الـAssembly هو ببساطة إنك بتجمع الأجزاء دي كلها مع بعض عشان تعمل المنتج النهائي. كل جزء بيبقى ليه دور لوحده، لكن مع بعضهم بيدوا المنتج شكل ووظيفة كاملة.

-ليه الـAssemblies مهم؟

لأنه بيسهّل عليك التعامل مع أجزاء معقدة. بدل ما تصمم كل حاجة مرة واحدة، بتصمم كل جزء لوحده، وبعد كده تجمعهم مع بعض. ده بيوفر وقت ومجهود، وكمان بيديك مرونة إنك تغير أو تعدّل في الأجزاء بسهولة.

-فين بنستخدم الـAssemblies؟

- لو بتصمم أجهزة زي التليفونات أو اللابتوبات.
- لو بتشتغل على مشاريع زي العربيات أو الطيارات.
- أو حتى لو بتصمم حاجة صغيرة زي لعبة أو ساعة.

-الخلاصة:💯
الـAssembliesهو إنك بتجمع أجزاء مختلفة مع بعض عشان تطلع بمنتج نهائي كامل. كل جزء بيبقى ليه دور، لكن المنتج بيكمل لما الأجزاء دي تشتغل سوا.

كل بوست جديد هنوضحلك حاجة تانية في عالم التصميم، خليكم متابعين!

في البوست اللي فات، اتكلمنا عن
‏2D و 3D تقدروا ترجعوا للبوست https://www.facebook.com/share/p/fDYWNvdCuvB9D2C7/
عشان تشوفوا التسليل ماشي ازاي 😎

كل عام وأنتم بخير بمناسبة 6 أكتوبر💥في Edu Hub Academy، نحتفل بالفخر والعزيمة التي تجمعنا في هذا اليوم المميز.💪
06/10/2024

كل عام وأنتم بخير بمناسبة 6 أكتوبر💥
في Edu Hub Academy، نحتفل بالفخر والعزيمة التي تجمعنا في هذا اليوم المميز.💪

لو لسا بتتعلم التصميم الهندسي، ممكن تكون محتار بين الفرق بين (2D Sketch) و (3D Modeling) . بكل بساطه ، كل حاجة بتبدأ بف...
01/10/2024

لو لسا بتتعلم التصميم الهندسي، ممكن تكون محتار بين الفرق بين (2D Sketch) و (3D Modeling) .
بكل بساطه ، كل حاجة بتبدأ بفكره بعد كدا رسمه .وده بيخلينا نبدأ برسم بسيط ثنائي الأبعاد (2D) قبل ما نحوله للتصميم ثلاثي الأبعاد (3D).

‼️طيب يعني إيه 2D Sketch؟🤔
‏2D Sketch هو أساس الفكره الي بنشتغل عليها اللي بتبدأ منه كل حاجة. بتقدر ترسم شكل مسطح باستخدام خطوط وأقواس وأشكال هندسية بسيطة. تخيلها زي إنك بترسم على ورقة، بتحدد فيه المقاسات الأساسية والتفاصيل الي هتبني عليها التصميم كله

- ليه مهم نعمله في الاول : عشان ده اللي بيخليك تظبط المقاسات والتفاصيل الدقيقة من البداية قبل ما تبدأ في تحويلها لشيء أكبر.

‼️يعني إيه 3D Modeling؟🤔
هو اللي بيخلي التصميم بتاعك يظهر بشكل ثلاثي الأبعاد، تقدر تشوفه من جميع الزوايا وتحاكي الأبعاد الحقيقية من الطول، العرض، والارتفاع.

- اللي بتشوفه: نموذج واقعي، شبه المنتج النهائي اللي ممكن تمسكه وتلفه وتشوفه من كل الزوايا.
- ليه مهم؟: ده اللي بيساعدك تتخيل الشكل النهائي للمنتج وتقدر تعمل عليه التعديلات الضرورية قبل ما تبدأ مرحلة التصنيع.

الخلاصة:💯
‏- 2D Sketchهو الأساس، اللي بتبدأ فيه بأبسط الأشكال والمقاسات.
‏- 3D Modeling*هو المرحلة اللي بتحول فيها الرسمة لتصميم مجسم وثلاثي الأبعاد، جاهز للتصنيع والتطبيق العملي.

كل تصميم بيبدأ بخطوط بسيطة على ورقة عشان في النهاية يتحول لمنتج جاهز للتنفيذ.
‏SolidWorks بيوفرلك كل الأدوات دي في مكان واحد، عشان تخلي أفكارك تبدأ صغيرة وتكبر لتبقى حقيقية!🤝

ليه SolidWorks هو مفتاح نجاحك لسوق العمل؟💯لو انت مهندس ميكانيكي، باور ، صناعي، أو حتى مهندس إنتاج، SolidWorks هو الأداة ...
28/09/2024

ليه SolidWorks هو مفتاح نجاحك لسوق العمل؟💯
لو انت مهندس ميكانيكي، باور ، صناعي، أو حتى مهندس إنتاج، SolidWorks هو الأداة اللي هتخليك تشتغل بشكل أسرع وأدق.

تخيل كدا انت كمهندس عندك فكرة عبقرية، بس لسه على ورق. عايز تشوف فكرتك ديه بتتحول لواقع قدام عنيك؟ هنا بييجي دور SolidWorks.

- ابدأ بفكرة... واطلع بتصميم الصح :🧑🏻‍💻
من أول رسمة بسيطة لحد ما تشوف النموذج بتاعك قدام عنيك بجودة ثلاثية الأبعاد، SolidWorks هيساعدك تحول كل تفاصيل فكرتك لحقيقة. ده غير السرعة والدقة الي هتقدر تصمم وتعدل في نفس اللحظة.

- مش مجرد برنامج، ده مفتاح لكل الصناعات: 💥
السيارات، الطيران، الأجهزة، وحتى التصميم الصناعي.كل مجال هندسي دلوقتي معتمد على قوة SolidWorks
بقى شرط أساسي للشغل. كل ما تكون متمكن من البرنامج، فرصك في الوظائف بتزيد بشكل كبير.

اتعلم مرة، واكسب كتير🤝
فا محتاج تتعلمه ليه بقه‼️‼️‼️‼️
- عشان تواكب السوق :الشركات النهارده مش بتدور على اللي يعرف الأساسيات بس، بتدور على اللي متمكن من الأدوات المتقدمة زي SolidWorks.
- عشان تبقى مهندس الجوكر: المهندس اللي بيتقن أدوات التصميم المتطورة هو اللي بيفرق في شغله وبيحقق نجاحات أسرع.

ليه تضيع الوقت؟🤔
في كورس واحد هتتعلم كل حاجة من البداية لحد ما توصل للاحتراف من 2D Sketch /3D modeling/Assemblies /sheet metal /weld في drawing لحد Simulation & Render مفيش حاجة هتكون صعبة أو مستحيلة بعد ما تتعلم الأدوات دي

لو فاكر نفسك فاهم كورة⚽؟ ورينا شطارتك 😉خمن مين هيكسب ماتش كأس السوبر اللى جاى و لو صح EDU-HUB Academy هتفرحك بكورس ببلاش...
24/09/2024

لو فاكر نفسك فاهم كورة⚽؟ ورينا شطارتك 😉
خمن مين هيكسب ماتش كأس السوبر اللى جاى و لو صح EDU-HUB Academy هتفرحك بكورس ببلاش

فرصة تأخد كورس ببلاش من كورسات EDU-HUB Academy فى اى وقت زى ما تحب,

- صاحب أول توقع صح هيكسب كورس ببلاش.
- صاحب تانى توقع صح هيكسب خصم (70%).
- صاحب تالت توقع صح هيكسب خصم (50%).

يلا اعمل كومنت بسرعة علشان تكون كسبان معانا

عايز فرصة لتطوير مهاراتك؟دلوقتي عندك فرصة تحضر محاضرة مجــانية تعرفك يعني ايه سوليد وركس اللي هيغير حياتك المهنية. لو إن...
11/08/2024

عايز فرصة لتطوير مهاراتك؟

دلوقتي عندك فرصة تحضر محاضرة مجــانية تعرفك يعني ايه سوليد وركس اللي هيغير حياتك المهنية. لو إنت مهندس أو طالب المحاضرة دي هتوضح لك إزاي تقدر تحول أفكارك لتصميمات ثلاثية الأبعاد متكاملة.

ليه تحضر المحاضرة؟
- هتتعرف على اساسيات البرنامج و يعنى ايه Mechanical Design اللي هتخليك تتعامل مع أي مشروع تصميم بثقة.
- هتفهم إزاي سوليد وركس بيقدر يساعدك على تحويل افكارك لتصميم واقعى.
- هتكتشف إزاي المهارات دي ممكن تزود فرصك في السوق وترفع الsalary بتاعك.
- هنشتغل مع بعض فى المحاضرة على بروجكيت و هنشرح ال2D Sketching و ال3D part

دي مش مجرد محاضرة دي فرصة تشوف بنفسك الفرق اللي ممكن تعمله المهارات دي في حياتك.
المحاضرة هتكون اونلاين يوم الجمعة 16/8, هتسجل معانا فى الفورم ديه علشان يتبعتلك تفاصيل المحاضرة و طريقة الحضور.
لينك الفورم: https://forms.gle/vzJCSWbwT2HkNeaJ9
و ده لينك البوست علشان تعرف تفاصيل اكتر عن دورة SOLIDWORKS.
لينك البوست: https://www.facebook.com/share/p/2wjfbc9rQfgBqACU/?mibextid=oFDknk

مهتم؟ يلا بينا

عايز تبقي المهندس الي يتقال عليه الجوكر في شغلهالشخص اللي الكل بيحتاجه؟وتقدر تحل أصعب المشاكل وتخلي الكل يعتمد عليك، يب...
10/08/2024

عايز تبقي المهندس الي يتقال عليه الجوكر في شغله
الشخص اللي الكل بيحتاجه؟
وتقدر تحل أصعب المشاكل وتخلي الكل يعتمد عليك، يبقى لازم تبقي مختلف دايما و تتعلم المهارات الجديده اللي تميزك عن الباقيين.

يبقى كورس الSOLIDWORKS ده ليك, الي بيقدمه EDU-HUB Academy مش بس هيديك مهارات جديدة الي محتاجها لا وكمان بنتابع معاك لحظه ب لحظه. الكورس هدفه يعلمك Mechanical Design (إزاى تطلع بفكرة تصميم و تنفذها و تحسبلها إجهادات و تصنعها) بإستخدام برنامج SOLIDWORKS. هدف EDU-HUB إنها تأهلك ل سوق العمل و لفرص أكبر وازاي تزود دخلك اكتر.

إزاي الكورس ده هيساعدك و يضيف ليك فى الCV؟
• هتحل مشاكل التصميم المعقدة بسهولة واحترافية، وتخلص شغلك أسرع من أي وقت وده لانك هتطبق على مشاريع حقيقية موجودة (من خلال التاسكات فى الكورس)
• زيادة دخلك، لان الكورس هيزود مهاراتك الجديدة و هيفتح فرص عمل افضل و فرص عمل حر(Freelance).
• لو انت حابب تشتغل فى مجال ال Sheet metal فالكورس هيخليك مؤهل للشغل و مميز فيه كمان.
• لو لسه في الكليه فهتقدر تخلص مشاريعك فى الكلية بكل سهوله (التصميم الميكانيكى- التصميم الصناعى) و طبعا مش هننسي مشروع التخرج.

الاكيد ان كورس EDU-HUB بيأهلك للحصول على شهادات CSWA& CSWP المعتمدة من ال SOLIDWORKS بعد إجتياز الامتحانات الخاصه بيهم. الكورس مكثف خلال شهر( 8 محاضرات) و بعد الكورس هتكون قادر تشتغل على:

• 2D Sketch
• 3D Modelling
• Assemblies
• Sheet metal
• Weldment
• Working drawing
• Simulation & Render

يعنى هتبدأ فى المشروع من اول الفكرة لحد تنفيذ المشروع و تصنيعه و هتكون مؤهل للشغل فى الشركات ال Multi-National.

متخليش الفرصة دي تفوتك أماكن محدودة جدًا
احجز مكانك النهاردة واستثمر في مستقبلك.
ابعتلنا واتساب من خلال اللينك ده:
https://wa.me/message/CAP2ZCFLPHOFD1

هندسة الكهرباء (Electrical Engineering) ⚡⚡ .........و ده يعتبر من اكبر الاقسام لان فيه تخصصات كتيرة و مهمة و كبيرة, و هو...
02/07/2024

هندسة الكهرباء (Electrical Engineering) ⚡⚡ .........

و ده يعتبر من اكبر الاقسام لان فيه تخصصات كتيرة و مهمة و كبيرة, و هو تخصص من التخصصات اللى بتطور بسرعة، بسبب التكنولوجيا الحديثة اللى بتظهر, و هو قسم بيربط بين الفيزياء والرياضيات مع الكهربائية والإلكترونيات والطاقة الكهرومغناطيسية، علشان صناعة الاجهزة و المعدات الكهربائية، اللى شغالة بالطاقة الكهربائية. و هو بيهتم بتصميم وتطوير واختبار وإدارة عملية تصنيع الاجهزة و المعدات الكهربائية، و كمان الإلكترونيات و الكمبيوتر وأنظمة التحكم وأجهزة الترددات اللاسلكية ومعالجة الإشارات.

تخصصات الهندسة الكهربائية:
• هندسة الاتصالات (communication Engineering): عن طريق هندسة الاتصالات بيتم نقل المعلومات عن طريق النبضات الكهربية أو الموجات الكهرومغناطيسية من المرسل إلى مستقبل واحد أو عدد من المستقبلين. ومن اهتمامات هندسة الاتصالات توصيل المعلومة مع اقل الخساير في البيانات، و كمان نظم معالجة الإشارات زى التشفير، فك التشفير والتنقية وتعتبر من اهم الدراسات المتوقع تأثيرها على مستقبل الطاقة في العالم.
• هندسة الإلكترونيات (Electronics): وهو تخصص بيتعامل مع المكونات أو الدوائر الإلكترونيّة، و بتكون وظيفته تصميم وتحسين أجزاء الدوائر الإلكترونيّة، وصيانتها؛ و هذه الدوائر تسخدم بعض المكونات زى المقاومات، والمكثفات، والمحثات، وثنائيات المسار، والترانزستورات، علشان نوصل لهدف او غرض معين بعد تجميعها معاً، و فيه أمثلة على الدوائر ديه: زى المستخدمة في الراديو، و اللى بتسمح للمستخدم تصفية جميع القنوات باستثناء واحدة.
• هندسة الحاسوب (Computer Engineer): وهو أكثر التخصصات الهندسية شيوعاً بسبب الطلب الكبير على أجهزة الكمبيوتر وباقى الاجهزة اللى ليها علاقة بيه ، المجال ده مش مقتصرعلى أجهزة الكمبيوتر بس، لا ده كمان بيشمل الأجهزة تانية كمشغلات الألعاب.
• هندسة الطاقة: تهتم هندسة الطاقة بإنتاج ونقل وتحويل الطاقة الكهربائية عن طريق تصميم أجهزة كالمحولات والمولدات والمحركات الكهربائية. معظم حكومات العالم بتوزع الكهرباء عن طريق بناء محطات كهرباء فيها مولدات، المولدات تولد الطاقة الكهربائية بعدين بتوزعها على المستهلكين. شغل مهندسين الكهرباء بيكون تصميم وصيانة محطات الكهرباء.

اخر قسم فى الكومنتات

لو عندك أى سؤال علشان الكلام كتير و التفاصيل اكتر, اكتبلنا فى الكومنتات او ابعتلنا على الخاص و هنرد عليك على طول.

Address

Cairo

Website

Alerts

Be the first to know and let us send you an email when Edu-Hub Academy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category